Ko e Fakafifitakiaga ma e Tau Tagata Oti
Ne olioli e ia e fakafetuiaga mafanatia mo e tata lahi mo e Atua. Ne tukulele e ia haana moui ke taute e finagalo ha Iehova. Ne ‘o fano a ia mo e Atua mooli’ ti fakamonuina he taute pihia. Ko ia ko Noa, ko e fakafifitakiaga kua aoga lahi ke muitua a lautolu ne ikiiki mo lautolu ne momotua. (Kene. 6:9) Ko e vitio Noah—He Walked With God ka lagomatai a koe ke fakatino ke he loto haau ko e fēfē e moui ma ha Noa, kakano ati moua e ia e fakamonuina ha Iehova, mo e puhala ke maeke ia koe ke fifitaki e tau aga mitaki haana.
Ha ha he fufuta DVD he vitio Noah e tau hūhū kamatamata ne mui mai. Kitekite e vitio, ti kamatamata a koe ni: (1) Ko e heigoa he falu agelu ne taute ne hepe, mo e ko hai e tau tagata makimaki, po ke tau Nefalimi? (Kene. 6:1, 2, 4) (2) Ko e ha e tau tagata ne mahani kelea lahi ai, ti fēfē e logonaaga he Atua ki ai? (Kene. 6:4-6) (3) Kehe fēfē a Noa? (Kene. 6:22) (4) Moumou fēfē e tau tagata mahani kelea? (Kene. 6:17) (5) Lahi fēfē e vaka? (Kene. 6:15) (6) Ko e heigoa foki ha Noa ne taute, mo e tali fēfē e tau tagata? (Mata. 24:38, 39; 2 Pete. 2:5) (7) Taki fiha e vahega he tau manu i loto he vaka? (Kene. 7:2, 3, 8, 9) (8) Fiha e leva he to e uha, ti fiha e leva he puke katoatoa ai e lalolagi? (Kene. 7:11, 12; 8:3, 4) (9) Ko e ha ne hao a Noa mo e magafaoa haana? (Kene. 6:18, 22; 7:5) (10) Hili i fe e vaka? (Kene. 8:4) (11) Iloa fēfē e Noa kua haohao mitaki ke o mai ki fafo he vaka? (Kene. 8:6-12) (12) Ko e heigoa ha Noa ne taute he magaaho ne hau a ia ki fafo he vaka? (Kene. 8:20-22) (13) Ko e heigoa e kakano he tagaloa? (Kene. 9:8-16) (14) Ko e heigoa e kakano ke ‘o fano ai mo e Atua’? (Kene. 6:9, 22; 7:5) (15) Ko e heigoa e mena kua lata ia tautolu ke taute ke kitia a Noa he Parataiso? (Mata. 28:19, 20; 1 Pete. 2:21)
Ko e heigoa he tala Tohi Tapu ke he tua fakamooli mo e omaoma ha Noa ne fakaako ki a koe hagaao ke he puhala haau ke ‘o fano mo e Atua’ mo e mauokafua ke he malolō ha Iehova ke laveaki e tau tagata haana he vahā nei?—Kene. 7:1; Fakatai 10:16; Hepe. 11:7; 2 Pete. 2:9.