Ko e Levekiaga Fakaekekafo kua Mua Atu e Mitaki​—Ko e Heigoa a Ia?

“Ko e ha tagata ne moua e tau tuluiaga ne nakai fakaaoga e toto, ne kakano kua moua e ia e iihi kua mua atu e mitaki.” Pihia he talahau e Dr. Michael Rose, ko e takitaki fakaekekafo mo e tagata huki fakamohe. Ko e heigoa e tau fakaholoaga mo e tau puhala ne liga putoia ke he tau “tuluiaga fakaekekafo ne nakai fakaaoga e toto”? Kua lata ia koe ke iloa ke maeke ke taute e tau fifiliaga kua putoia ke he tuluiaga fakaekekafo mo e iihi. Kitekite e vitiō No Blood​—Medicine Meets the Challenge. Ka oti, ti kamatamata e maamaaga haau aki e tau hūhū nei.​—Mailoga: Ha kua putoia ke he vitiō e tau vala iihi, kua lata e tau matua ke fakalotomatala ka kitekite e vitiō mo e tau fanau ikiiki.

(1) Ko e heigoa e matapatu kakano ati nakai talia he Tau Fakamoli a Iehova e fagai toto? (2) Ka hoko ke he tau levekiaga fakaekekafo, ko e heigoa e manako he Tau Fakamoli a Iehova? (3) Ko e heigoa e tonuhia pauaki he tau tagata gagao? (4) Ko e ha kua fai kakano mo e fakalagoaga ke fifili falu puhala tului foki? (5) Ka lahi e toto ne galo, ko e heigoa e tau mena ua fakamua he tau ekekafo ka taute? (6) Ko e heigoa e tau matapatu fakaakoaga fā ke he falu puhala tului foki? (7) Liga maeke fēfē he tau ekekafo ke (a) fakatote hifo e toto ne galo, (e) puipui e tau tegatega toto kula, (i) fakalagalaga ke lahi e toto, mo e (o) liu moua ha vala toto ne galo? (8) Fakamaama e tau puhala ne fakahigoa ko e (a) hemodilution mo e (e) cell salvage. (9) Ko e heigoa haau ka manako ke iloa hagaao ke he falu puhala tului foki? (10) Maeke nakai e tau ihiihi hagahaga kelea mo e hala vihi ke taute ka e nakai fakaaoga e tau fagai toto? (11) Ko e heigoa e tau fakalaulahiaga mitaki hane taute he faahi fakaekekafo?

Ko e talia he falu tuluiaga ne fakakite he vitiō ko e fifiliaga fakatagata ni ke felauaki mo e loto manamanatu he tagata kua fakaako he Tohi Tapu. Kua fifili nakai e koe e tau puhala tului ne nakai fakaaoga e toto kua makai a koe ke talia ma haau mo e fanau haau? Ko e tau magafaoa ne nakai ko e Tau Fakamoli kua lata foki ke iloa katoatoa haau a tau fifiliaga mo e tau kakano ma e mena ia.​—Kikite e “Tau Hūhū he Tau Tagata Totou” he tau fufuta he The Watchtower ia Iuni 15, 2004 mo e Ko e Kolo Toko ia Novema 1, 2000.