Tohi he La

Tau Tagata Fakailoa he Kautu Fakahele:

Kua fiafia a mautolu ke kitia e tolomaki ki mua he gahua he la matakavi i Niu Silani he tau he fekafekauaga he 2007! Ne hokotia a tautolu ke he tapunu he 789 e paionia tumau ia Tesemo. Ne leveki foki he la ofisa e gahua he tau aelani tata mai he Pasifika. Ko e tau tagata fakailoa mo e tau paionia ne toko 404 nukua hokotaki ia Mati ne taute 537 e fakaakoaga Tohi Tapu.

Kavi ke he 5,000 lagaki faka-Niue he Tau Tala he Kautu Nu. 37, “Kua Tata e Fakaotiaga he Lotu Fakavai!” ne tufatufa he la matakavi i Niu Silani katoa. He mole e moua mo e totou e lagaki, ko e matakainaga fifine ne lolelole fakaagaaga ne mohe alafia ai. He Aho Tapu hake, ne fina atu a ia ke he feleveiaaga mo e ole ke fakaako e Tohi Tapu. Kua fakatumau e la ofisa ke moua loga e tau kupono i tua he Tau Tala he Kautu he ole ke he tau lagaki he porosua Kia Mataala! mo e loga foki e fakaakoaga Tohi Tapu.

Ko e foliaga he tau matagahua pihia ke lagomatai a lautolu ne loto fakamooli ke ako e mena ne fakaako mooli he Tohi Tapu. (Mata. 28:19, 20) He fakamatala a mutolu, manatu ke matakite ke he ha fiafia ne moua, ti liu mo e foliaga ke kamata e fakaakoaga Tohi Tapu. Kua fiafia a mautolu ke gahua fakalataha mo mutolu ke he matagahua aoga nei, ti fakafano atu e mautolu ha mautolu a tau fakaalofa mafanatia faka-Kerisiano.

Ha mutolu a tau matakainaga,

La Ofisa i Niu Silani