Talahauaga Hagaao ke he Tau Mekasini

Ko e Kolo Toko Oketopa-Tesemo

“Ke he tuaga fakatupe he vahā nei, talitonu nakai a koe kua lahi mahaki e paleko ke fakaholahola fakamitaki e tau totogi ha tautolu? [Fakaatā ma e tali ti totou Fakamatalaaga 7:12]. Pete he talahau kua lata ke moua e tupe, ka e tuku fakamua he Tohi Tapu e pulotu mo e iloilo. Ko e vala tala nei ne kamata he lau 10 kua fakamaama e puhala ke tumau e lagotatai mitaki he fakaholahola e totogi ha tautolu.”

Awake! October

“To talia nakai e koe kua fehagai e tau magafaoa mo e tau paleko loga he vahā nei? [Fakaatā ma e tali.] Tokologa ne nakai mailoga e fakatonuaga uho ne ha ha he Tohi Tapu. Hanai e fakataiaga. [Totou e kupu tohi he mekasini.] Kua fakakite he fufuta pauaki nei he Awake! e puhala ka lagomatai he tau matapatu fakaakoaga he Tohi Tapu e tau magafaoa ke kautū he fehagai mo e tau tuaga kehekehe.”

Ko e Kolo Toko Oketopa-Tesemo

“Falu ne pehē kaeke ke tua fakamooli a koe ke he Atua, to fakamonuina e ia a koe aki e mauokoloa ka ko e mativa ko e fakamailoga kua nakai talia he Atua. Ko e heigoa e manatu haau? [Fakaatā ma e tali.] Fuluola ai, nakai ko e tagata maukoloa a Iesu. [Totou Luka 9:58.] Kua fakatutala e mekasini nei ke he tau monuina ka amanaki ki ai e tau fekafekau he Atua.”

Awake! November

“Ko e tau koloa tuga e selafoni mo e komopiuta ne eke mo taha vala he moui. Manatu nakai a koe ko e fakaaoga he tau koloa ia kua lahi e magaaho atā ne moua po kua moumou magaaho? [Fakaatā ma e tali.] To talia he laulahi e fakamalolōaga nei ke fakaaoga fakailoilo e magaaho. [Totou Efeso 5:15, 16.] Kua fakatutala e mekasini nei ke he puhala ka fakaaoga lagotatai mo e lotomatala e tautolu e tau koloa nei.”