Talahauaga Hagaao ke he Tau Mekasini
Ko e Kolo Toko Oketopa-Tesemo
“Tokologa e tagata ne matakutaku to moumou he felakutaki niukilia po ke hikiaga he matagi e lalolagi. Manatu nakai a koe to tupu e mena ia? [Fakaatā ma e tali.] Mailoga e mena ne talahau he Tohi Tapu ke he matakupu nai. [Totou Fakakiteaga 11:18.] Tali he mekasini nei fā e hūhū mahani mau hagaao ke he fakaotiaga he lalolagi.”
Awake! October
“Falu ne onoono ke he Atua ko e malolō nakai fakaalofa. Fai ne manamanatu ki a ia ko e tagata ne fai logonaaga. Fēfē e manatu haau? [Fakaatā ma e tali.] Mailoga e talahauaga kehe lahi nei. [Totou 1 Peteru 5:6, 7.] Kamata he vala tala he lau 29 e tali he Tohi Tapu ke he hūhū, Ko e tagata mooli kia e Atua?”
Ko e Kolo Toko Oketopa-Tesemo
“Ko e heigoa e manatu haau kua lata ke moua he tau tagata ke fiafia? [Fakaatā ma e tali. Ti fuluhi ki a Mataio 5:3, NW.] Ko e taha ni anei he talahauaga a Iesu ke he matakupu he fiafia. Fakatutala e vala tala nei ke he mena ne fakaako e tautolu mai ia Iesu ke he puhala ke moua e fiafia mooli.” Fakakite e vala tala ne kamata he lau 16.
Awake! November
“Falu tagata ne nakai talitonu mena fai Atua ne hagaao ke he tau mena kelea ne taute ke he higoa he Atua mo e logona hifo kua lauka e lalolagi ane mai ai fai lotu. Ko e heigoa e manatu haau? [Fakaatā ma e tali.] Hanei taha kakano ne fakatupu he lotu e matematekelea. [Totou 2 Timoteo 4:3, 4.] Fakakite mai he mekasini nei falu hehē he tau manatu he tau tagata ne nakai talitonu mena fai Atua.”