Puha Hūhū

◼ Kua lata ke fiha e leva he fakaako a tautolu mo e tagata fakaako Tohi Tapu holo ki mua?

Kua mitaki ke matutaki ke fakaako mo e tagata fakaako Tohi Tapu kua holo ki mua ato oti ua e tohi​—Ko e Heigoa ne Fakaako Moli he Tohi Tapu? mo e Tapuaki ke he Atua Moli Tokotaha. Lata foki e mena nei ka papatiso e tagata fakaako ka e nakaila oti e tau tohi ne ua. Ka mole e papatiso haana kua maeke agaia ia tautolu ke tohi e tulā, tau liu aahi atu, mo e fakaakoaga. Ka fai tagata fakailoa kua fakatauō mo tautolu ti fakalataha ke he fakaakoaga, kua lata foki a ia ke totou e tulā.​—Kikite e Ha Tautolu a Fekafekauaga he Kautu ia Mati 2009, lau 2.

Kua aoga ma lautolu ne foou ke moua e fakavēaga mitaki ke he kupu mooli ato toka a lautolu hoko lautolu ni. Lata ia lautolu ke “fai vaka” ke he Keriso ti “fakatumau ke he tua” ke maeke ke totoko e tau kamatamata ka feleveia mooli mo lautolu. (Kolo. 2:6, 7; 2 Timo. 3:12; 1 Pete. 5:8, 9) Lafi ki ai, ke maeke ke fakaako fakamitaki e falu, kua lata ia lautolu ke moua e “maama ke he kupu moli.” (1 Timo. 2:4) Ka oti ua e tau tohi mo e tau tagata fakaako ha tautolu, kua lagomatai e tautolu a lautolu ke moua e fakavēaga mauokafua ke he “hala ke pu atu ke he moui.”​—Mata. 7:14.

Ato talia e tagata ke papatiso, kua lata he tau motua ke iloa mooli kua maama mitaki e ia e tau matapatu fakaakoaga he Tohi Tapu mo e kua moui fakatatau ki ai. Lata e tau motua ke mataala pauaki ka manamanatu hagaao ke he tagata fakaako ne nakaila oti ia e tohi fakamua he fakaako. Kaeke ke nakaila mautali e tagata ke papatiso, to eketaha e tau motua ke moua e ia e tau lagomatai fakatagata kua lata ke hokotia ke he papatisoaga i mua.​—Kikite e Organized to Do Jehovah’s Will, lau 217-218.

[Blurb he lau 2]

Kua aoga ma lautolu ne foou ke moua e fakavēaga mitaki ke he kupu mooli