Lagomatai a Lautolu ke “Fakatumau ke he Tua”

Kua fiafia mooli ke kitia e fakamonuinaaga ha Iehova ke he gahua fakapotopoto mai, kua molea kuata e miliona ne papatiso he tau tau takitaha. (Teu. 28:2) Ka hokotia e tagata fakaako he lagomatai he tagata fakailoa ke he papatisoaga, kua hihiga e tagata fakailoa ke oti e fakaako mo ia ka e hagaaki ke lagomatai e falu. Liga hihiga foki e tagata fakaako ke oti e fakaako ke maeke ke lahi e magaaho ma e gahua he fonua. Ka kua aoga ma e tau tagata fakaako Tohi Tapu ke mauokafua e fakavēaga ke he kupu mooli. Kua lata ia lautolu ke “fai vaka” ia Keriso mo e “fakatumau ke he tua.” (Kolo. 2:6, 7; 2 Timo. 3:12) Ko e mena ia, ka papatiso e tagata fakaako, kua lata a ia ke matutaki e fakaako Tohi Tapu haana ke oti ua e tohi, ko e Fakaako he Tohi Tapu mo e Tapuaki ke he Atua.​—Kikite e Aperila 2011 Ha Tautolu a Fekafekauaga he Kautu, lau 2.