Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Iuni

“Ha ha i ai e tau manatu kehekehe hagaao ki a Iesu. Talitonu e falu ko ia ko e Atua, pehē falu ko ia ko e tama he Atua, ka e onoono falu ki a ia ko e tagata mitaki noa ni. Manako au ke fakakite atu ki a koe taha mena atihake ke he matakupu nei.” Totou tokoua e vala mataulu fakamua he lau 16 he fufuta he Ko e Kolo Toko ia Aperila-Iuni mo e taha he tau kupu Tohi Tapu ne tu ai. Foaki e tau mekasini, ti fakatoka ke liu atu ke fakatutala ke he tali he taha hūhū foki.

Ko e Kolo Toko Aperila-Iuni

Totou Kenese 2:16, 17. Ti pehē: “Ne talahau falu na iloa tuai he Atua to agahala a Atamu. Logona hifo e falu to fakavaia e hatakiaga he Atua kaeke kua fitā he iloa e ia e fakahikuaga. Ko e heigoa haau a manatu? [Fakaatā ma e tali.] Ko e vala tala nei ne kamata he lau 13 kua fakamaama e puhala ne fakaaoga he Atua e lotomatala haana ke iloa e vahā anoiha.”

Awake! June

“Kua eke e fakamatakutaku mo lekua he lalolagi katoa. Tupu mai fēfē he manatu e koe? [Fakaatā ma e tali.] Ko e tau kupu nei he Tohi Tapu kua foaki mai ki a tautolu e amaamanakiaga. [Totou Salamo 72:7, 14.] Fakamaama he mekasini nei e falu kakano ma e fakamatakutaku ti fakakite e talahauaga he Tohi Tapu hagaao ke he puhala mo e magaaho ka fakaoti e fakamatakutaku.”