Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Iuni

“Ko e papatisoaga ko e mena aga mau ke he tokologa he tau Kerisiano. Ko e heigoa e manatu haau? Aoga nakai e papatisoaga? [Fakaatā ma e tali.] Fai talahauaga mitaki e vala tala nei.” Age e Kolo Toko ia Aperila-Iuni ke he tagata he kaina ti fakatutala tokoua ke he vala tala i lalo he vala mataulu fakamua he lau 16 mo e taha e kupu tohi. Foaki e tau mekasini, ti fakatoka ke liu atu ke fakatutala ke he taha hūhū foki.

Ko e Kolo Toko Aperila-Iuni

“Loga e tau manatu ne talahau hagaao ki a Iesu, tokologa ne hūhū, ‘Aoga mooli kia e tau mena kua talitonu a tautolu ki a ia?’ Ko e heigoa e manatu haau ke he kupu tohi nei? [Totou Ioane 8:32.] Loga e hūhū kua fakatutala ki ai he mekasini nei.”

Awake! June

“He tau tau takitaha kua totou miliona he lalolagi katoa ne gagao he kai e tau mena kai nakai mitaki. He manatu haau, haohao mitaki fēfē e tau mena kai he matakavi ha tautolu? [Fakaatā ma e tali.] Fakamaama he mekasini nei fā e puhala kua maeke a tautolu ke puipui ha tautolu a magafaoa he tau mena kai ne tupu mai e tau gagao. Kua fakatutala ai foki ke he maveheaga he Tohi Tapu to nakai leva ti moua he tau tagata oti e tau mena kai loga ne huhua mitaki.” Totou Salamo 104:14, 15.