Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Iuni

“Teitei e tau tagata oti ne tutala a maua ki ai ke iloa hagaao ki a Iesu mo e tau gahua haana he nofo he lalolagi. Pete ia, ne manamanatu e falu ko e magaaho fe ne tufuga a Iesu?” Fakaatā ma e tali. Ti fakakite e lau i tua he Kolo Toko ia Me-Iuni, mo e fakatutala tokoua ke he vala tala i lalo hifo he hūhū ke uaaki mo e taha he tau kupu tohi ne tutū i ai. Foaki e tau mekasini, ti fakatoka ke liu atu ke fakatutala ke he tau hūhū he paratafa tolu.

Mailoga: Lata e fakatātāaga nei ke taute he feleveiaaga ma e gahua he fonua ia Iuni 1.

Ko e Kolo Toko Me-Iuni

“Tokologa e tagata ne maama mai he Tohi Tapu to liliu tutū mai a lautolu ne mamate. Pete ia, tokologa ne manamanatu ke he tau hūhū he lau 6 he mekasini nei. Hūhū fe ne manako a koe ke iloa e tau tali ki ai? [Fakaatā ma e tali. Ti fakatutala fakakū ke he tali mo e kupu tohi.] Foaki mai he mekasini e falu vala tala hagaao ke he amaamanakiaga mitaki lahi nei ma e tau tagata.”

Awake! Iuni

“Fia iloa a maua he manatu haau ke he taha matakupu. Ko e manako pauaki ke mitaki e moui. Manatu nakai a koe kua maeke ia tautolu ke moua ai he fakatau ke loga e koloa he tino? [Fakaatā ma e tali.] Mailoga la e talahauaga hokulo nei ha Iesu. [Totou Luka 12:15.] Fakakite mai he mekasini nei e onoonoaga lagotatai ke he tau koloa he tino mo e foaki e tau puhala aoga ke fakailoilo e puhala fakatau koloa ha tautolu.”