Ko e Puhala Mitaki ke Olioli e Tau Lologo he Kautu

Ko e tau fekafekau he Atua kua manamanatu ke he leo kofe ko e mena fakaalofa fulufuluola mai ia Iehova. (Iako. 1:17) Loga e fakapotopotoaga ne olioli he fakatagi fakaleo tote e tau lologo ato kamata mo e ka hili e tau feleveiaaga he fakapotopotoaga. Ko e fakatagi he tau leo kofe fakateokarasi ko e puhala fakatotoka ke fakafeleveia aki a tautolu ke he tau feleveiaaga. Kua lagomatai ai a tautolu ke mautauteute e tau manamanatuaga ma e tapuakiaga. Lafi ki ai, ko e fakatagi he tau leo kofe foou mai he tohi lologo faka-Peritania ha tautolu ka fakamahani a tautolu mo e tau leo kofe ti lagomatai a tautolu ke uhu fakamitaki e tau lologo. Ko e tau leo kofe pihia ne fakatagi ka hili e feleveiaaga kua fakatumau e takatakaiaga atihake ke olioli e lafiaga mafanatia. Ko e mena ia, ko e kau he tau motua kua lata ke taute e tau fakaholoaga nukua latatonu ke fakatagi e tau leo kofe mai he Sing to Jehovah​—Piano Accompaniment ato kamata mo e ka hili e feleveiaaga. Lata ia lautolu ke mailoga ko e lahi he leo kua latatonu mo e nakai maluia e tau fakatutalaaga.