To Aoga Mai Nakai a Koe he Fufuta Fakamukamuka?

Ko e fufuta fakaako he The Watchtower kua moua mogonei ke he fufuta Peritania fakamukamuka. Ko e fufuta nei kua foaki ma e (1) tau tagata fakailoa ne vagahau Peritania ka aoga mai he fakamukamuka e tau kupu, liga ha ko e tote e fakaakoaga; (2) tau tagata fakailoa ne nakai ko e vagahau Peritania e vagahau mua ha lautolu; (3) tau tagata fuata, putoia a lautolu he aoga ikiiki mo e aoga tokoluga; mo e (4) tau tagata fakaako Tohi Tapu kua lata mo e vagahau fakamukamuka lahi ne lauia tonu ke maama e tau matakupu fakaagaaga.

Ko e tau numera he paratafa, tau hūhū, mo e tau mataulu kua tatai ke he fufuta moua tumau. Tatai tonu agaia e vala tala, ka kua fakamukamuka e tau kupu. Pete he fakaaoga he tagata ka taute mo e tagata totou e fufuta moua tumau he Fakaakoaga Kolo Toko pete kua laulahi he toloaga kua fakaaoga e fufuta fakamukamuka, ko lautolu kua fakaaoga e fufuta fakamukamuka to kitia e tau kupu tohi mo e tau fakatino taha ia ti to maeke ke muitua ke he totouaga he tau paratafa mo e fakalataha ke tali.

Ko e taha ka manako ke aoga mai kua lata ke tuku e ole tumau ke he fekafekau mekasini.