Tau Fakamoli a Iehova—Gahuahua e Tua, Vala 1: Mai he Pouli
He Tohi Tapu, kua matutaki e maama ke he kupu mooli, ka ko e pouli kua matutaki ke he fakavai. (Sala. 43:3; Isaia 5:20) Kua fakahoko e Satani e pouli ke he lalolagi he mogo ne fakahehē e ia a Eva, ti fakahiku fakalauia e tau tagata ke he pouligia. (Fakakite. 12:9) Ko e vitiō Jehovah’s Witnesses—Faith in Action, Part 1: Out of Darkness kua fakamau e puhala ne kamata e maama fakaagaaga ke fofola mai he pouli. (Isaia 60:1, 2) Ka oti e kitekite e vitiō, maeke nakai ia koe ke tali e tau hūhū nei?
(1) Tupu fēfē e pouligia he mole e mamate he tau aposetolo? (2) Kamata he atu tau 1100, ko e heigoa e tau tupuaga ne lagomatai e tau tagata ke maama kua nakai tonu e puhala he lotu? (3) Ko hai a Henry Grew mo George Storrs? (4) Ko e heigoa e tau mena tutupu he moui ha Charles Russell ne lauia lahi mahaki ki a ia? (5) Maeke fēfē he Matakainaga ko Russell, haana matua taane, mo e tau kapitiga tata tokogahoa haana ke taute e vahega fakaako Tohi Tapu, ti ko e heigoa e tau fakahikuaga Tohi Tapu ne hokotia a lautolu ki ai? (6) Matutaki fēfē e matakau fakaako Tohi Tapu nei mo e matakau ha Nelson Barbour, ka ko e heigoa ne fakatupu e Matakainaga ko Russell ke vevehe kehe? (7) Ko e heigoa ne hoko ia Iulai 1879 ti kamata e maama fakaagaaga he vahā foou? (8) Mole ia, ko e heigoa e numera tupu lahi he Tau Tagata Fakaako Tohi Tapu ne taute ke fakaholofa e tala mitaki? (9) He tau tau fakamua atu, ko e heigoa ne amanaki e Tau Tagata Fakaako Tohi Tapu ke hoko he 1914? (10) Ko e heigoa e tau paleko ne fehagai mo e Tau Tagata Fakaako Tohi Tapu he mole e mate he Matakainaga ko Russell? (11) Ko e heigoa ne taute he Tau Tagata Fakaako Tohi Tapu he mole e fakatoka mai he Matakainaga ko Rutherford mo e tau kau gahua haana mai he fale puipui? (12) Fakahokulo fēfē he onoono ke he vitiō nei e loto fakaaue haau ma e fakatokatokaaga a Iehova? (13) Fakamalolō fēfē he vitiō nei e fifiliaga haau ke matutaki e fakamakutu ke fakamatala pete ne tau fakatauhele? (14) Maeke fēfē a tautolu ke fakaaoga e vitiō nei ke lagomatai ha tautolu a tau magafaoa, tau tagata fakaako Tohi Tapu, mo e falu?
Ko e tufaaga fakaagaaga uho mooli ne toka hifo he Tau Tagata Fakaako Tohi Tapu fakamua atu ia ma tautolu! He lalolagi pouli fakaagaaga, ko lautolu ko e tau tagata ne fua fakamakutu mo e fakamalolō he maama. Kia muitua e tautolu e fifitakiaga ha lautolu mo e “mahani . . . tuga e tau tagata he maama.”—Efeso 5:8.