Ha Tautolu a Faahi Kupega Hila Pauaki—Talaga ke Aoga ki a Tautolu mo e Falu
Ne poaki a Iesu ki a tautolu ke fakamatala e tala mitaki he Kautu ke he “lalolagi oti, ke eke mo talahau ke he tau atu motu oti.” (Mata. 24:14) Ke maeke ke lagomatai a tautolu ke ‘taute katoatoa ha tautolu a fekafekauaga,’ ko e watchtower.org, jw-media.org, mo e jw.org kua lalafi auloa ke he faahi Kupega Hila jw.org ne kua liu talaga fakafoou.—2 Timo. 4:5.
“Lalolagi Oti”: Kavi ke he taha mai he mena ke toluaki e puke tagata he lalolagi katoa ne fakaaoga e Initanete. Kua eke ia mo matapatu puna maiaga he tau vala tala ma e tokologa, mua atu ke he tau fuata. Kua foaki he faahi ha tautolu ke he tau tagata fakaaoga he Initanete e tau tali mooli ke he tau hūhū faka-Tohi Tapu. Kua hafagi age ki a lautolu hagaao ke he fakatokatokaaga ha Iehova mo e fakamukamuka ma lautolu ke ole ma e fakaako Tohi Tapu nakai fai totogi he kaina. Kua maeke ai e tala mitaki ke hokotia ke he tau matakavi he lalolagi ne nonofo ai e tau tagata ne uka ke logona e fekau he Kautu.
“Tau Atu Motu Oti”: Ke maeke ke fakamatala ke he “tau atu motu oti,” kua lata ia tautolu ke fakamatala e kupu mooli he Tohi Tapu he tau vagahau kehekehe. Ko e tau tagata ne fakaaoga e jw.org to mukamuka ke moua e tau vala tala ke he kavi 400 e vagahau, kua mua atu e loga ka fakatatai ke he ha faahi foki.
Kia Fakaaoga Fakamitaki Ai: Ko e faahi Kupega Hila jw.org kua nakai liu talaga hokoia ni ke fakamatala ke he tau tagata nakai talitonu. Kua talaga ai ke fakaaoga foki he Tau Fakamoli a Iehova. Ka fai Initanete a koe, kua fakamafana e mautolu a koe ke fakamahani ke he jw.org. Hanei falu puhala ke fakaaoga ai.
[Fakatino he lau 3]
(Ma e puhala katoa ne tohi aki, kikite e tohi)
Fakaaoga Pehē
1 Tuku www.pr418.com he puha matahigoa ke kumi i loto he Initanete he komopiuta haau.
2 Kitekite viko ke he faahi ia he kiliki (click) ke he tau vala mataulu, tau vala tala i loto (menu options), mo e tau matutakiaga (links).
3 Lali ke fakaaoga e faahi jw.org he matini utafano haau ne matutaki ke he Initanete. To hiki e fakatino ka kitia e koe ke hao he matini haau, ka e tatai agaia ni e vala tala.