Fakaaoga e Faahi Kupega Hila ha Tautolu he Gahua he Fonua​—“Faahi Vitiō”

Ha ha i loto he Kupega Hila jw.org e faahi ke moua e tau vitiō kehekehe. Ka mahani a tautolu mo e tau vitiō nei, maeke a tautolu ke takitaki e tau hūhū he tau tagata he kaina ke he faahi Kupega Hila ha tautolu ma e tau tali. Maeke foki e tau vitiō nei ke fakaaoga ke kamata e tau fakatutalaaga he gahua ke he fonua. Maeke a tautolu ke fifili e vitiō kua fiafia e tau tagata he fonua ha tautolu ki ai, hūhū ke he tagata he kaina ka fiafia a ia ki ai, ti fakakite e vitiō mai he jw.org. Fakamui, maeke ia tautolu ke fakamaama po ke fakakite ki a ia e mena kua moua mai e tautolu e tau vala tala. Taha puhala foki ko e fakaatā a ia ke fifili e vitiō mai he faahi Kupega Hila. Liga moua e koe e tau fua mitaki he pehē: “Tokologa e tagata ne manamanatu kaeke kua fai aoga ke fakaako e Tohi Tapu. To manako kia a koe ke iloa e tali he kitekite e vitiō kū nei ne tolu e minuti?” Ti tā e vitiō ne tuku e koe he matini haau. Fakahiku he fakakite e porosua “Tala Mitaki Mai he Atua!” ti foaki e Fakaako Tohi Tapu nakai totogi.