Ha Tautolu a Faahi Kupega Hila Pauaki—Fakaaoga Ai he Fekafekauaga Haau
Takitaki e Tau Tagata ke he Faahi Kupega Hila: Falu tagata ne fakauaua ke tutala ki a tautolu po ke talia e tau tohi ka kua makai ke kumikumi hagaao ke he Tau Fakamoli a Iehova he kitekite ke he jw.org he tau kaina ni ha lautolu. Kia fakailoa ai e faahi Kupega Hila he tau magaaho oti kua latatonu.
Tali e Tau Hūhū: Falu magaaho ko e tagata he kaina, tagata ne fiafia, po ke kapitiga kua hūhū mai hagaao ke he Tau Fakamoli a Iehova po ke tau taofiaga ha tautolu. Fakakite age e tali ki a ia he mogoia ni he fakaaoga e matini utafano po ke komopiuta. Kua fa mitaki ke totou fakahako mai ni i loto he Tohi Tapu e tau kupu tohi ne fakakite i ai. Ka nakai maeke a koe ke matutaki ke he Initanete, fakamaama ke he tagata e puhala kua maeke ia ia ke fakaaoga e jw.org ke kumi ni e ia ke moua e tali.—Fano ke he “Bible Teachings/Bible Questions Answered” po ke “About Us/Frequently Asked Questions.”
Fakafano e Vala Tala po ke Tohi ke he Tagata ne Iloa e Koe: Lalafi ke he meli hila e PDF po ke EPUB ka moua mai e koe. Po ke moua mai e tapakiaga autiō he tohi ti tuku he CD. He tau magaaho takitaha ka age e koe ke he tagata ne nakaila papatiso ia e tohi, porosua, po ke mekasini katoa he komopiuta, maeke ia koe ke totou ai ko e tohi ne foaki. Nakai lata ke fakafano atu ha vala tala ka e nakai tū ai e higoa po ke loga lahi. Ti nakai lata ke tuku ke he ha faahi Kupega Hila foki he Initanete.—Fano ke he “Publications.”
Fakakite Age e Tau Tala Foou Hagaao ke he Tau Fakamoli a Iehova: To lagomatai he mena nei e tau tagata fakaako Tohi Tapu mo e falu kua aahi atu a koe ki ai ke feaki e loto fakaaue ma e lahi he gahua mo e kaufakalatahaaga faka-Kerisiano ha tautolu. (Sala. 133:1)—Fano ke he “News.”
[Fakatino he lau 5]
(Ma e puhala katoa ne tohi aki, kikite e tohi)
Fakaaoga Pehē
1 He “Publications,” kumi e mena kua manako a koe ke moua, ti kiliki e tohi po ke autiō kua manako a koe ki ai.
2 Kiliki e fakamailoga MP3 ke kitia e tau vala tala takitaha ha ha i ai. Kiliki e mataulu he vala tala ke moua po ke ▸ ke fanogonogo ki ai he initanete.
3 Fifili foki taha vagahau mai he tau vagahau nei ka manako a koe ke moua e tohi he vagahau ia.