Fakaaoga e jw.org he Haau a Gahua he Fonua​—“Eke mo Kapitiga ha Iehova”

Ko e faahi “Tau Tohi > Vitiō” he jw.org ne ha ha ai e vala ma e tau fanau ne fakahigoa “Eke mo Kapitiga ha Iehova” ne putoia e tau lologo, tau vitiō. Kua fakaaoga nakai e koe e vala nei he gahua haau he fonua? Ka fakaako e koe e Tohi Tapu mo e matua ne fai tama ikiiki, he ha he fakakite age ki a ia? Liga fakalagalaga he mena nei a ia ke kumikumi atu foki falu faahi he ha tautolu a faahi Kupega Hila.

He tufatufa e Tala Mitaki he Kautu Nu. 38, taha e matakainaga taane ne feleveia mo e fifine ne kamata totou e tuleke he oti laia e fakaolo age ki ai. Tokologa e tama haana ne fia iloa ke he tuleke. Ne fakatutala fakakū he matakainaga taane e tau vala i loto ti fakakite e kaina he Kupega Hila ha tautolu i tua. Ha kua fiafia e fifine, ne tā he matakainaga taane e taha he tau vitiō Kalepa ki a ia mo e tau tama haana, he fakaaoga e matini utafano haana.

Ne tala age e matakainaga fifine ke he kapitiga gahua ne fai tama hagaao ke he ha tautolu a faahi Kupega Hila mo e tau vala tala i ai ma e tau magafaoa. Ne kumi he fifine e jw.org fakalataha mo e tau tama haana. Fakamui, ne tala age a ia ke he matakainaga fifine, ne o viko e tau tama haana he fale mo e uhu e lologo “Preach the Word,” taha he tau lologo mai he “Eke mo Kapitiga ha Iehova.”

Fakamahani ke he vala nei he jw.org, mo e moua mai taha he tau vitiō, tau lologo, po ke tau matagahua ke he matini utafano haau. Ti mautali a koe ke fakaaoga e faahi nei he jw.org he gahua ke he fonua. Ko e puhala aoga lahi ke lagomatai a tautolu ke fekafekau ke he Iki!​—Gahua 20:19.