Lata ke Fakakia Fakamafiti

Tali mai he fakatū e faahi Kupega Hila ha tautolu ne fakafoou, kua holo hake lahi e tau ole he Initanete ma e tau fakaako Tohi Tapu. Loga foki e tau ole ne kua lafi ki ai ha ko e tau puhala foou he fakamatala ke he toloaga. Kua taute fakamafiti he la ofisa e tau ole nei. Ma e fakatai, ka moua e ole mai he jw.org, to ta atu he la ofisa e fakailoaaga ke he tau motua he matakavi ne nofo ai e tagata ne fiafia, he ua ni e aho he mole. Pete ia ko e tau hokotaki mai he fonua kua fakakite ko e falu tagata ne ole ma e fakaako Tohi Tapu, kua loga e faahi tapu he mole ato fakakia atu ki a lautolu. Maeke fēfē ia tautolu ke foaki e lagomatai ato galo e fiafia he tagata?​—Mare. 4:14, 15.

Kaeke kua fakakite he tagata e fiafia ka e nakai nofo he fonua haau, fakamafiti ke fakapuke e lautohi Please Follow Up (S-43) ti age ke he tohikupu he feleveiaaga ka hau. Ke he taha po ke ua e aho, kua lata e tohikupu ke foaki e vala tala ke he fakapotopotoaga kua latatonu po ke ta atu ai ke he la ofisa he fakaaoga e vala ne fakamailoga Congregation he jw.org. Kua lata e tau motua ke fakakia tumau e faahi Kupega Hila. Ka moua e lautolu e fakailoaaga ke ahiahi ke he taha, lata a lautolu ke mafiti ke fakakia a ia. Ko e ha tagata fakailoa ne ole ke ahiahi ki ai ne kua lata ke tuku fakamua ai. Kaeke kua nakai nofo e tagata ia he kaina, liga maeke ia koe ke toka e fekau mo e fakailoaaga ke matutaki ki a koe.