Puhala ke Fakaaoga e Lautohi Please Follow Up (S-43)

Kua lata e lautohi nei ke fakapuke ka moua e koe e tagata ne fiafia ka e nakai nofo he matakavi haau po ke ne fakaaoga e vagahau kehe. He magaaho fakamua ne fakaaoga ai e tautolu ka feleveia mo e tau tagata vagahau kehe, pete he fakakite e lautolu e fiafia po ke nakai, ko e magaaho nei kua fakaaoga ai e tautolu kaeke ni kua fakakite he tagata e fiafia. Ko e kehe ni kaeke ko e tagata teliga tuli. Ka feleveia a tautolu mo e tagata teliga tuli, pete he fakakite e ia e fiafia, kua lata ia tautolu ke fakapuke e lautohi S-43.

Ko e heigoa ka taute aki e tautolu e lautohi ka oti he fakapuke? Kua lata ia tautolu ke age ke he tohikupu he fakapotopotoaga. Ka iloa e ia e fakapotopotoaga ke fakafano ki ai, ti liga fakahū atu ni e ia ke he tau motua he fakapotopotoaga ia ke maeke ia lautolu ke fakatokatoka ke leveki e fiafia ia. Ka nakai iloa e ia e fakapotopotoaga, to fakahū atu e ia e lautohi ke he la ofisa.

Ka vagahau e tagata ne fiafia he vagahau kehe ka e nofo he matakavi haau, liga matutaki a koe ke aahi atu ki a ia ke feaki e fiafia ato feleveia a ia mo e tagata fakailoa he fakapotopotoaga vagahau pihia.​—Kikite e Ha Tautolu a Fekafekauaga he Kautu ia Novema 2009, lau 4.