Fakamaama e Tau Taofiaga ha Tautolu Hagaao ke he 1914

Ko e tau Tohiaga Tapu ne fakamafana a tautolu ke ‘mautali ke tali atu’ ke he tau taofiaga ha tautolu, he “mahani molu mo e matakutaku [po ke hokulo e fakalilifu].” (1 Pete. 3:15) Mooli, kua liga paleko ki a tautolu ke fakamaama e tau kupu mooli hokulo he Tohi Tapu, tuga ne iloa e tautolu na kamata e pule he Kautu he 1914. Ke lagomatai a tautolu, ko e vala tala ne mataulu “Ko e Tutala mo e Katofia​—Magaaho Fe ne Kamata e Kautu he Atua ke Pule?” ne kua tauteute ai. Ko e vala tala nei kua kitia ke he fufuta he Ko e Kolo Toko ka fakakite e tautolu he fonua ia Novema mo Tesemo. He kumikumi a koe ke he vala tala nei, manamanatu ke he tau hūhū nā hagaao ke he talahauaga ha Cameron, ko e tagata fakailoa he tala.

Maeke fēfē a ia ke . . .

• nava ke moua e femahaniaki?​—Gahua 17:22.

• fakakite e mahani fakatokolalo ka fakamaama e tau taofiaga haana?​—Gahua 14:15.

Ko e ha kua mitaki a ia . . .

• ke fakamaama fakakū tumau ato fakatutala oti e falu manatu ne toe?

• ke fakamanou he tau magaaho ke hūhū ko e maama nakai he tagata he kaina e mena ne fakamaama e ia?

• ke nakai lali ke lahi mahaki e vala tala ka taute he taha e fakatutalaaga?​—Ioane 16:12.

Ko e fakaaue ha ia ha tautolu ki a Iehova, ko e ha tautolu a Faiaoga Mua Ue Atu, he fakaako a tautolu ke fakamaama e tau kupu mooli he Tohi Tapu ki a lautolu kua manako lahi ki ai!​—Isaia 30:20.