Fakafano Atu e “Tau Mena Mitaki” he Mahani Fakamokoi (Mata. 12:35a)

Kua manako mooli a tautolu ke fakafano atu e “tau mena mitaki” ke he falu he muitua e “fakaalofa ke he tau tagata kehe [mahani fakamokoi].” (Roma 12:13) Kua poaki ke he tau motua ke takitaki he taute e mena nei he totogi e fenoga mamao he tagata lauga mo e foaki e mena kai ma lautolu. Ka e liga fakauaua a tautolu ke fakakite e fakamokoi ha kua nakai muhumena a tautolu, po ke tupetupe he fai tagata ka hau ke he kaina ha tautolu. Ko e tokaloto he fakatonuaga ha Iesu ki a Mareta ka lagomatai a tautolu ke fahia mai he tau logonaaga pihia. (Luka 10:39-42) Ne fakamaama e ia e “mena uho” he mahani fakamokoi ko e fakafetuiaga mo e fakamafanaaga, nakai ko e kai lahi po ke kaina mitaki. He fakagahua e fakatonuaga nei, maeke ia tautolu oti ke foaki e “tau mena mitaki” ke he tau matakainaga ha tautolu he fakalagotatai mo e Kupu he Atua.​—3 Ioa. 5-8.