Kua Tauteute Nakai a Koe ma e Fakamanatuaga?
Ko e Nisana 13 he 33 V.N. Iloa e Iesu toe taha ni e afiafi fakahiku haana mo e tau kapitiga tata lahi haana ato kelipopo a ia. To fakamanatu e ia e Paseka fakahiku haana mo lautolu mo e to fakatū e fakamanatuaga foou, ko e Kaiaga Afiafi he Iki. Ko e magaaho uho lahi anei ne lata pauaki ke tauteute. Ati fekau atu e ia a Peteru mo Ioane ke fakatokatoka ai. (Luka 22:7-13) Tali mai he tau tau takitaha, kua latatonu ma e tau Kerisiano kua manako ke fakamanatu e Fakamanatuaga ke tauteute ma e fakatokaaga nei. (Luka 22:19) Ko e heigoa e tau mena aoga kua lata ke taute e tautolu ke tauteute ma e Fakamanatuaga ia Aperila 3?
Tauteute he Tau Tagata Fakailoa:
Fakatoka ke fakalataha katoatoa ke he matagahua ke uiina ke he Fakamanatuaga.
Tohi hifo e tau tagata fakaako Tohi Tapu, tau magafaoa, tau kapitiga aoga, tau kapitiga gahua, mo e falu ne mahani, ti uiina a lautolu.
Totou mo e manamanatu fakahokulo ke he totouaga Tohi Tapu he Fakamanatuaga.
Hau ke he Fakamanatuaga mo e amanaki ke fakafeleveia e tau tagata ahiahi.