Puhala ke Taute e Tau Tali Mitaki

Atihake he tau tali mitaki e fakapotopotoaga. (Rom 14:19) Aoga foki ki a lautolu ne talahau e tali. (Ftai 15:23, 28) Ko e mena ia, kua lata ke lali a tautolu ke taha e tali he tau feleveiaaga takitaha. Mooli, to nakai tali a tautolu he tau magaaho oti ka tuku hake e lima. Ti kua mitaki lahi ke tauteute fakaloga e tali.

Ko e tali mitaki . . .

• kua mukamuka, maama, mo e kū. Laulahi he tau mogo kua maeke ai ke tali ke 30 e sekone po ke nakai molea

• kua mitaki lahi ke tali ni he tau kupu haau

• kua nakai lata ke liu fatiaki e tali fakamua

Ka tali fakamua a koe, . . .

• tali mukamuka mo e fakahako ke he hūhū

Kaeke kua tali e hūhū, maeke a koe ke . . .

• fakakite e puhala ne matutaki e kupu tohi ne tū ai mo e manatu ne fakatutala ki ai

• talahau e puhala kua lauia e matakupu ke he tau momoui ha tautolu

• fakamaama e puhala ka fakaaoga e vala tala

• talahau fakakū e mena ne tupu ne fakamaama e matapatu manatu