Fakatolomaki ki Mua e Lotomatala ha Tautolu he Fekafekauaga—Kamata e Tutalaaga ka Takitaki Atu ke Fakamatala

Kua maeke a Iesu ke fakamatala he magaaho noa ke he fifine Samaria ha kua kamata e ia e tutalaaga mo e fifine. Fakatolomaki ki mua fēfē e tau lotomatala ha tautolu he kamata e tau tutalaaga mo e tau tagata nakai mahani?

• Kia fakakapitiga mo e tutala ke he tau tagata. Pete he lolelole a Iesu, kamata e ia e tutalaaga haana he ole ma e mena ke inu. Ti maeke a koe ke kamata he fakafeleveia mafanatia ti liga tala hagaao ke he matagi po ke mena ne tupu laia. Manatu, ko e foliaga fakamua ke kamata e tutalaaga, ti tutala ke he ha matakupu ne liga fiafia e tagata ki ai. Ka nakai tali a ia, ai fai kelea. Liu tutala foki ke he taha tagata. Ole ki a Iehova ma e loto malolō.​—Ne 2:4; Gah 4:29.

• Mataala ke he magaaho ke talahau e tala mitaki, ka e ua fakatepetepe. Fakaatā e fakatutalaaga ke holo mitaki. Ka peehi e koe e manatu, liga nakai mukamuka ke he tagata ti oti e tutala. Ua kelea e loto ka oti noa e tutala ka e nakaila fakamatala a koe. Ka hopoate a koe he lali ke talahau e tala mitaki, fakamahani ke kamata e tutala ka e ua foli ke fakamatala. [Tā ti fakatutala ke he vitiō 1.]

• Lali ke hafagi e magaaho ke fakamatala he tutala hagaao ke he tua haau ka liga fakalagalaga e tagata ne fanogonogo ke ole ma e fakamaamaaga. Talahau e Iesu e tau manatu ofogia ne omoomoi e fifine ke talahau e tau hūhū. He mogo ne tala age e Iesu e tala mitaki, ko e tali ni a ia he tau hūhū he fifine. [Tā ti fakatutala ke he vitiō 2, mo e tā ti fakatutala ke he vitiō 3.]