Ko e Heigoa e Fakaakoaga Tohi Tapu ne Foaki he Tau Fakamoli a Iehova?
Foaki he Tau Fakamoli a Iehova ki a koe e puhala mitaki ke iloa e fakaakoaga he Tohi Tapu. Ko e fakaholoaga fakaako Tohi Tapu ha mautolu ka lagomatai a koe ke:
Moua e moui fiafia
Eke mo kapitiga he Atua
Iloa e tau maveheaga ma e vahā i mua
He lau nei
Ka talia e au e fakaako Tohi Tapu, to peehi kia a au ke eke mo taha he Tau Fakamoli a Iehova?
Maeke nakai au ke uiina e falu ke fakalataha ke he fakaakoaga?
Foaki nakai e mutolu e tau puhala fakaako Tohi Tapu ne nakai fai faiaoga?
Ko e heigoa ne tupu he fakaako Tohi Tapu?
To lagomatai he faiaoga a koe ke iloa e Tohi Tapu, ke he tau mataulu tala takitaha. He fakatutala ke he Tohi Tapu he fakaaoga e Fiafia e Moui Tukulagi! to holo ki mua e iloa e koe e tau fakaakoaga he Tohi Tapu mo e to lagomatai a koe. Ke iloa atu foki, kitekite e vitiō nei.
Lata kia a au ke totogi e fakaako Tohi Tapu?
Nakai. Muitua he Tau Fakamoli a Iehova e takitakiaga ha Iesu ke he tau tutaki haana: “Kua moua noa e mutolu, kia foaki noa atu e mutolu.” (Mataio 10:8) Lafi ki ai, nakai totogi e tau tohi fakaako, putoia e lagaki he Tohi Tapu mo e tohi ne mataulu Fiafia e Moui Tukulagi!
Fiha e leva he fakaakoaga?
Ko e 60 e fakaakoaga he katoa. Fifili e koe e mafiti, ka e tokologa e tagata fakaako ne manako ke taute taha po ke loga e fakaakoaga he faahi tapu.
Kamata fēfē e au?
1. Fakapuke e lautohi ole he initanete. To fakaaoga ni e mautolu e tau vala tala fakatagata haau ke lata ni mo e ole ke matutaki atu taha he Tau Fakamoli a Iehova ki a koe.
2. To matutaki atu e faiaoga ki a koe. To fakamaama he faiaoga haau e mena ka amanaki a koe ki ai he fakaakoaga he fakatutala ke he Tohi Tapu mo e to tali e tau hūhū haau.
3. To taute e koe mo e faiaoga haau e fakatokaaga. To taute fakaakoaga he hoko tino atu po ke he telefoni, matutaki he vitiō, meli, po ke meli hila. Taha e tulā he tau magaaho fakaako, ka e maeke ke kū po ke loa he felauaki ni mo e fakaholoaga haau.
Maeke nakai au ke taute e fakaakoaga fakamua?
Ē. Ke taute pihia, fakapuke e lautohi ole he initanete. Ka matutaki atu e faiaoga ki a koe, ti fakailoa ki a ia e manako haau ke taute e fakaakoaga ke kitia ko e loto nakai a koe ki ai. To fakaaoga he faiaoga e porosua Fiafia e Moui Tukulagi! ne tolu e fakaakoaga he kamataaga ke lagomatai a koe ke kitia ka manako a koe ke he fakaakoaga.
Ka talia e au e fakaako Tohi Tapu, to peehi kia a au ke eke mo taha he Tau Fakamoli a Iehova?
Nakai. Fiafia e Tau Fakamoli a Iehova he fakaako e tau tagata hagaao ke he Tohi Tapu, ka e nakai peehi e mautolu ha tagata ke matutaki ke he lotu ha mautolu. Kua fakakite fakalilifu e mautolu e talahauaga he Tohi Tapu, he mailoga kua igatia e tagata mo e tonuhia ke fifili e mena ke talitonu a ia ki ai.—1 Peteru 3:15.
Maeke nakai au ke fakaaoga ni haaku a Tohi Tapu?
Ē, maeke a koe ke fakaaoga e Tohi Tapu ne loto a koe ki ai. He fiafia a tautolu he fakaaoga e New World Translation of the Holy Scriptures ne maama mo e hakotika, mailoga e mautolu kua tokologa e tagata ne manako ke fakaaoga e Tohi Tapu ne mahani a lautolu.
Maeke nakai au ke uiina e falu ke fakalataha ke he fakaakoaga?
Ē. Maeke a koe ke uiina he fifili e magafaoa katoa haau po ke ha kapitiga haau.
Ka e kua ka fakaako Tohi Tapu au mo e Tau Fakamoli a Iehova he tau mogo kua mole? Maeke nakai au ke liu fakaako foki?
Ē. To liga fiafia atu a koe ke he fakaakoaga foou ha mautolu mogonei ke he fakaakoaga fakamua ha kua fakafoou ke felauaki mo e tau manako mogonei he tau tagata. Loga e tau fakatino mo e tau vitiō mo e fetutalaaki lahi mogonei nakai tuga e tau fakaholoaga fakaako Tohi Tapu fakamua.
Foaki nakai e mutolu e tau puhala fakaako Tohi Tapu ne nakai fai faiaoga?
Ē. Pete kua tokologa e tagata fakaako ne fiafia ke fakaako ha ko e lagomatai he faiaoga, falu ne manako ke fakaako mua ne lautolu. He ha mautolu a lau he Tau Puhala Fakaako Tohi Tapu ne toka ai e tau koloa fakaaoga ne nakai totogi ka lagomatai a koe ke he fakaako e Tohi Tapu. Hanei e tau koloa ne liga aoga ki a koe:
Fakaakoaga Fakaako Tohi Tapu he Initanete. Ko e tau fakaakoaga fakatutala nei kua tali e falu he tau hūhū aoga lahi he moui tuga e: Ko Hai e Atua? Ko e ha ne tupu ai e matematekelea mo e mahani kelea? To fakaoti nakai he Atua e matematekelea?
Tau Vitiō Tohi Tapu. Ko e tau fakaakoaga he tau vitiō kūkū nei kua fakamaama e tau fakaakoaga aoga he Tohi Tapu.
Tau Hūhū Tohi Tapu kua Tali. Ko e tau vala tala nei kua foaki e tau tali ke he loga e tau hūhū he Tohi Tapu.
Tau Kupu Tohi Tapu kua Fakamaama. Iloa e kakano he tau kupu tohi mo e tau fakamaamaaga talahaua he Tohi Tapu.