Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Fepuari

“Ko e heigoa e manatu haau, ‘Lata nakai a tautolu ke fakaaoga e higoa he Atua?’ [Fakaatā ma e tali.] Mailoga e talahauaga ka totou e taua he vala nei.” Fakakite e vala tala he kili i tua he Kolo Toko ia Ianuari-Fepuari, ti fakatutala tokoua ke he vala tala i lalo he vala mataulu ke uaaki ti totou taha po ke ua e kupu Tohi Tapu. Foaki e tau mekasini, ti fakatoka ke liu atu ke tali e tau hūhū he paratafa ua.

Ko e Kolo Toko Ianuari-Fepuari

“I loto he Tohi Tapu, ne fakakite he Atua e kupu mooli katoatoa hagaao ki a ia. Ka e nakai maeke ia lautolu oti kua totou e Tohi Tapu ke maama katoatoa e kupu mooli ia. Fai manatu nakai a koe ko e ha? [Fakaatā ma e tali.] Ne talahau e Iesu e manatu ia he Mataio 11:25. [Totou.] Ko e vala tala nei he lau 9 ka fakamaama e kakano ne fakakite he Atua e finagalo haana ke he falu tagata ka e nakai ke he falu tagata foki.”

Awake! Fepuari

“Kua fa mahani he vahā nei ma e tau tagata ke hiki atu ke he taha motu ke kumi e moui mitaki. Manatu nakai a koe kua moua tumau e lautolu e mena ha lautolu fa e kumi? [Fakaatā ma e tali.] Nakai ko e mena foou e hiki atu ke he taha motu. Mailoga e fakafifitakiaga nei i loto he tohi fakamua he Tohi Tapu. [Totou Kenese 46:5, 6.] Kumikumi he mekasini nei e tali ke he tau hūhū nei.” Fakakite ke he tagata he kaina e tau hūhū he matahiku he lau 6.