Inywe Balwana​—Mukingulire ababuti benyu b’emitima yenyu

Busanaki litolere iwabya ukabwira ababuti baghu b’amalengekania waghu? (Emi 23:26) Ni kusangwa Yehova abirihabo olusunzo lw’erikuteya n’erikusondola. (Esy 127:3, 4) Wamatendibya ukababwira ngoko ukayowa n’ebyo ukalengekanaya, ikikendibakalako erikuwatikya. N’akandi, iwukendiherya akanya k’erigha oko myatsi mingyi eyo babirilolako eyo bangakukangirirya. Nina kibi erisighala n’omwatsi waghu iwuwene n’eritendibwiragho mundu? Si kibi mughulu mulebe, aliwe litolere iwalebya ndeke, isiwabisa ababuti baghu omwatsi ogho utolere eribwirabo.​—Emi 3:32.

Wangakania wuti n’ababuti baghu? Sondaya akanya akatolere okw’inywe bosi. Ekyo kyamabya ikikalire, wanganahandikira omughuma wa kubo y’ebaruha n’erimubwira amalengekania waghu. Wangayira wuti bamasonda eribugha oko mwatsi owo siwanzire erikaniako? W’ibuke ngoko banzire erikuwatikya. Ulangirebo mo bira baghu, butsira mo nzighu syaghu. Wamakola ngoko wangatoka erikanirania burora-rora n’ababuti baghu, ekyo kyasyakuletera endundi omo maisa waghu wosi kundi iwanganasyabana engebe y’erikota!​—Emi 4:10-12.

MUKWAME EVIDEO AMAISA WAGHE W’OBUSUKO​—NANGAKANIA NITI N’ABABUTI BAGHE? NERYO MUSUBIRAYE OKO MABULYO ANO:

• 

  Esther na Partik mubahikira eriminyaki okw’ibo?

• 

  Eky’erileberyako kya Yesu ky’amakwighisyaki?

• 

  Ababuti baghu babirikangania bati ngoko bakutsomene?

• 

  Ni kanuni syahi esy’eBiblia esyangakuwatikya erikania n’ababuti baghu?