Ebiro bikasa bikasyabya bithi?

EBIBLIA IKABUGHA YITHI

‘OMungu asyasangula emisonia yosi oko meso wabo. Kandi oluholo silwendisyaswabyaho, kutse erisusumana, kutse erilira, kutse eryaghalwa. Kusangwa emyatsi y’erimbere yabirilenga.’​—Eribisulirwa 21:3, 4, Kinandi Bible 1996.

UKANDISYABANA EMIYISA KI OMUGHULU OMWATSI OYU AKENDISYAHIKA?

Ukandisyabya n’omubiri mubuya.​—Isaya 65:21-23.

Siwendisyaswalwala kutse eryaghalwa.​—Isaya 25:8; 33:24.

Ukandisyabya n’obutseme kera na kera haghuma n’ekihanda kyaghu n’abira baghu.​—Esyonyimbo 37:11, 29.

EBY’EBIBLIA IKABUGHA OKO BIRO BIKASA NINA KWENENE?

Hali myatsi eyibiri eyikaleka ithwikirirya:

• OMungu awithe obuthoki obw’eriberererya ebyo akalagha. Iye musa y’eBiblia ikahula m’‘Omuthoki W’ebyosi,’ kundi akaghala kiwe sikalihwa. (Eribisulirwa 15:3) Kikaleka ithwikirirya ngoko akendisyaberererya emilaghe yiwe y’eryuwania ekihugho. Kandi eBiblia ikabugha yithi ‘ok’ [oMungu] emyatsi yosi ikathokekana.’​—Matayo 19:26.

• OMungu anzire kutsibu eriberererya eby’akalagha. EBiblia ikabugha yithi Yehova ‘[akakandira kutsibu]’ erilubukya abaholi.​—Yobu 14:14, 15.

  N’akandi eBiblia yithi Yesu, mughala w’oMungu, mw’alamya abakoni. Ekyaleka niki? Mwakola athya busana n’eryanza liwe. (Marko 1:40, 41) Akakwama emibere ya Thatha wiwe, Yesu abya n’omuhwa w’eriwathikya abakaghalawa.​—Yoane 14:9.

  Ebyo byobikaleka ithwikirirya ngoko Yehova na Yesu banzire erithuwathikya thubye n’obutseme omo biro bikasa!​—Esyonyimbo 72:12-14; 145:16; 2 Petero 3:9.