Kwenene abaholi banemwendisyalubuka?

EBIBLIA IKABUGHA YITHI

“Hasyabya erilubuka.”​—Emibiri 24:15, Kinandi Bible 1996.

ERIKIRIRYA NGOKO ABANDU BAKENDISYALUBUKA LIKANDIKUWATHIKYA LITHI?

Likandikusubya omuthima w’omonda wamaholerwa.​—2 Abanya Korinto 1:3, 4.

Likandikulusya omo bukobe bw’erisagha oluholo.​—Abaebrania 2:15.

Ukendibya n’eriyikethera ry’erisyahindana n’abandu abo wabya wanzire ababiri hola omughulu bakendisyalubuka.​—Yoane 5:28, 29.

EBY’EBIBLIA IKABUGHA NINA KWENENE?

Hali myatsi eyisathu eyikaleka ithwikirirya:

• OMungu yowahangika engebe. EBiblia ikamwahula mo ‘nzuko y’engebe yosi.’ (Esyonyimbo 36:9; Emibiri 17:24, 25) Iye yowaha ebindu byosi by’engebe, syangathaluka n’ahake erilubukya oyuholire.

• Kera oMungu mwalubukya abaholi. EBiblia ikakanaya oko bandu 8 abalubuka oko kihugho, abana n’abakulu, abalume n’abakali. Abangi babya imo banamahola, n’omughuma abya inyabiribugha ebiro bhini omw’isinda!​—Yoane 11:39-44.

• OMungu akakandira kutsibu erilubukya abaholi. Yehova aponire oluholo; embere siwe, oluholo ni nzighu. (1 Abanya Korinto 15:26) Ali ‘n’engumbu nene’ y’erikinda enzighu eyo, erilusyaho oluholo omwilubukya abaholi. Akakandira kutsibu erilubukya abali omo bulengekania bwiwe.​—Yobu 14:14, 15.