Eryaghalwa linemwendisyahwa?

EBIBLIA IKABUGHA YITHI

‘OMungu asyasangula emisonia yosi oko meso wabo. Kandi oluholo silwendisyaswabya ho, kutse erisusumana, kutse erilira, kutse eryaghalwa. Kusangwa emyatsi y’erimbere yabirilenga.’​—Eribisulirwa 21:3, 4, Kinandi Bible 1996.

ERIKIRIRYA OMULAGHE OYO LIKANDIKUWATHIKYA LITHI?

Ukandiminya kwenene kw’eryaghalwa s’isonda ly’oMungu.​—Yakobo 1:13.

Ukandiminya ngoko oMungu syaliyowa ndeke omughulu thukaghalawa.​—Zekaria 2:8.

Ukandibya n’eriyikethera ngoko eryaghalwa lyosi likasyahwa.​—Esyonyimbo 37:9-11.

EBIBLIA IKABYA YABUGHA YITHI ERYAGHALWA LIKASYAHWA, NINA KWENENE?

Hali myatsi eyisathu eyikaleka itwikirirya:

• OMungu aponire eryaghalwa n’erighonerwa. Kera oMungu mw’ayowa athi omughulu abandu biwe bakolerwa ebithatholere? EBiblia yithi mw’aghalirwa ‘omughulu abandu banubayabo n’eryaghalyabo.’​—Abatsweri 2:18, Kinandi Bible 1996.

  OMungu akahithana kutsibu busana n’abakaghalaya abandi. EBiblia yithi oMungu aponire kutsibu ‘ebyala ebikutha omusasi owathe n’olubanza.’​—Emisyo 6:16, 17.

• OMungu atsomene obuli mundu. Obuli mundu anasi ‘erinuba n’eryaghalwa liwe.’ Yehova naye anasi erinuba n’eryaghalwa ly’obuli mundu!​—2 Emyatsi y’Emigulu 6:29, 30.

  Yehova akalagha athi hakisiya hake obwami bwiwe ibwabughaho eryaghalwa ly’obuli mundu. (Matayo 6:9, 10) Omo biro bino, akalembera abakamusonda n’eribasubya omuthima w’omonda.​—Emibiri 17:27; 2 Abanya Korinto 1:3, 4.