Ubye ukayihira omo mwanya w’abandi

Akanuni: “Mutseme haghuma n’abakatsema, mulire haghuma n’abakalira.”—Rom. 12:15.

Ngoko Yesu akola ekyo

Yesu n’abigha biwe banemulua omo bwato n’erilolera eyiri abandu ababalindire oko musike w’engetse.

EVIDEO: Yesu akakwira endeko y’obulighe

1. Ulebaye EVIDEO, kutse usome Mariko 6:30-34. Neryo ulengekanaye oko mabulyo awali ahikwa hano:

Busanaki Yesu n’abigha mubanza eribya “ibobene ahate bandu”?
Ni kyahi kyo kyakuna Yesu erikangirirya endeko eyo?

Ekyo Yesu akola kikatwighisayaki?

2. Oko kwenene litolere itwabwira abandu b’engulu mbuya, aliwe kandi litolere itwayihira omo mwanya wabo.

Ukole nga Yesu

3. Ubye ukahulikirira ndeke. Uleke omundu akubwire amalengekani wiwe. Isiwaliba-libanaya omundu akabugha. Isiwamuliba-libanaya kutse erilw’iwamughania akabugha ngoko akayowa, ebikamuhanga-hangaya, kutse amabibugha ebitasosene n’ebyaghu. Wamamuhulikirira ndeke ighukendikangania ngoko utsomene eriyowa liwe.

4. Ulengekanaye oko mundu oyo wamanzisibwa. Erikwamana n’ebyo mukakanaya yibulaye:

‘Busanaki litolere iniaminya ekwenene eyiri omo Biblia?’
‘Eryigha e Biblia lyanguwania liti engebe yiwe lino n’ey’omughulu owakasa?’

5. Umukaniraye emyatsi eyangamuwatikya. Mukanatsuka, umukanganaye eryigha e Biblia nga kyangamuwatikya kti eribana ebisubiryo oko mabulyo wiwe kandi nga kyangamuwatikya kiti omo ngebe yiwe y’obuli kiro.

LEBAYA N’OMO

Rom. 10:13, 14; Flp. 2:3, 4; 1 Pet. 3:8