MINYA NDEKE ERITULIRA | BANA OBUTSEME OMO MUBÍRÍ W’ERIYIRA ABIGHA
Watikaya omwigha waghu w’eBiblia erihika oko mihindano
Emihindano y’endeko ni mwatsi w’omughaso munene omw’iramya lyetu. (Esy 22:22) Abosi abakahindana eriramya Yehova bakabana obutseme n’emiyisa. (Esy 65:4) Kangyi-kangyi abigha b’eBiblia abakasa oko mihindano bakalola embere luba-luba.
Wangawatikya wuti abigha baghu b’eBiblia eritsuka erihika oko mihindano? Isiwaleka eribabirikira oko mihindano. Ukanganayebo evideo Oko Kisenge ky’Obwami kukakolawaki? Ubakanganaye busanaki ni ky’omughaso erihika oko mihindano. (lff esomo 10) Wanganababwira omwatsi mulebe owo wigha oko muhindano mulebe kutse iwabakanirya oko mwatsi mulebe ow’akendikanibwako oko mihindano eyikasa. Uhe abigha baghu ebitsapo ebikendikolesibwa oko mihindano. Kandi wanganahabo n’obundi buwatikya obo balaghireko. Banganabya ibalaghire eritwalwa oko mihindano. Wamakola ngoko wangatoka eribawatikya erihika oko mihindano iwukenditsema bakahindana ery’erimbere.—1Kor 14:24, 25.
MUKWAME EVIDEO WATIKAYA OMWIGHA WAGHU W’EBIBLIA ERIHIKA OKO MIHINDANO, NERYO MUSUBIRAYE OKO MABULYO ANO:
Neta mwakolesya akanya kahi eribirikira Jade y’oko mihindano y’endeko?
Busanaki tukabya n’obutseme omughulu omwigha w’eBiblia akahika oko mihindano?
“Kwenene oMungu ali omo katikati kenyu”
Jade mwayilangiriraki omughulu ahika oko mihindano ery’erimbere?