Iimbuzo Yokufunda INcwadami YeeNdaba ZeBhayibhili
UZimu Uthoma Ukwenza Izinto
1. Zivela kuphi zoke iintwezihle, begodu ungakwazi ukunikela isibonelo?
2. Khuyini into yokuthoma uZimu ayidalako?
3. Kubayini ingilozi yokuthoma gade ikhethekile?
4. Hlathulula indlela iphasi egade lingayo ekuthomeni. (Qala isithombe.)
5. UZimu wathoma njani ukulungiselela abantu neenlwana iphasi?
Iimbuzo engezelelekileko:
1. Funda uJeremiya 10:12.
Ngiziphi iimfanelo zakaZimu eziveziweko endalwenakhe? (Isa. 40:26; Rom. 11:33)
2. Funda uKholose 1:15-17.
Ngiyiphi indima uJesu aba nayo ekudaleni, begodu lokhu kufuneka kuwuthinte bunjani umbono wethu ngaye? (Khol. 1:15-17)
3. Funda uGenesisi 1:1-10.
(a) Lavela kuphi iphasi? (Gen. 1:1)
(b) Kwenzekani ngelanga lokuthoma lokudala? (Gen. 1:3-5)
(c) Hlathulula bonyana kwenzekani ngelanga lesibili lokudala. (Gen. 1:7, 8)
Ingadi Ehle
1. UZimu walilungiselela njani iphasi bona libe yikhaya lethu?
2. Hlathulula iinlwana ezinengi ezihlukahlukeneko uZimu azenzako. (Qala isithombe.)
3. Kubayini ingadi ye-Edeni gade ikhethekile?
4. UZimu bekafuna loke iphasi libe njani?
Iimbuzo engezelelekileko:
1. Funda uGenesisi 1:11-25.
(a) Khuyini uZimu ayidalako ngelanga lesithathu lokudala? (Gen. 1:12)
(b) Kwenzekani ngelanga lesithathu lokudala? (Gen. 1:16)
(c) UZimu wenza iinlwana ezinjani ngelanga lesihlanu nelesithandathu lokudala? (Gen. 1:20, 21, 25)
2. Funda uGenesisi 2:8, 9.
Ngimiphi imithi eembili ekhethekileko uZimu ayibeka engadini, begodu beyitjengisa ini?
Indoda Nomfazi Bokuthoma
1. Isithombe esiseNdabeni-3 nesiseNdabeni-2 zihluke ngani?
2. Ngubani owadala indoda yokuthoma, begodu gade lingubani ibizo lendoda le?
3. Ngimuphi umberego uZimu awunikela u-Adamu bona awenze?
4. Kubayini uZimu enza u-Adamu afikelwe buthongo obukhulu?
5. Gade bazokuphila isikhathi eside kangangani u-Adamu no-Eva, begodu uJehova bekafuna benze muphi umberego?
Iimbuzo Engezelelekileko:
1. Funda AmaRhalani 83:18.
Ngubani ibizo lakaZimu, begodu unayiphi indima eqakathekileko phezu kwephasi? (Jer. 16:21; Dan. 4:17)
2. Funda uGenesisi 1:26-31.
(a) Khuyini uZimu akudalako ngelanga lesithandathu, begodu indalo le gade ihluke ngani eenlwaneni? (Gen. 1:26)
(b) Ngiliphi ilungiselelo uJehova alenzela abantu neenlwana? (Gen. 1:30)
3. Funda uGenesisi 2:7-25.
(a) U-Adamu bekazokwazi njani ukuthiya iinlwana amabizo? (Gen. 2:19)
(b) Umtlolo kaGenesisi 2:24 usirhelebha bunjani bonyana sizwisise umbono kaJehova ngomtjhado, ukuhlala ngokuhlukana begodu nesihlukaniso? (Mt. 19:4-6, 9)
Okwabenza Balahlekelwa Likhaya Labo
1. Kwenzekani ku-Adamu no-Efa esithombenesi?
2. Kubayini uJehova abanikela isibetho?
3. Khuyini inyoka eyakutjela u-Efa?
4. Ngubani owenza inyoka bona ikhulume no-Efa?
5. Kubayini u-Adamu no-Efa balahlakelwa likhaya labo iPharadeyisi?
Iimbuzo engezelelekileko:
1. Funda uGenesisi 2:16, 17 no-3:1-13, 24.
(a) Umbuzo inyoka eyawubuza u-Efa wamenza bunjani uJehova bona abonakale angakalungi? (Gen. 3:1-5; 1 Jwanisi 5:3)
(b) U-Efa usibekela njani isibonelo thina? (Fil. 4:8; Jak. 1:14, 15; 1 Jwanisi 2:16)
(c) Esikhundleni sokuvuma ubutjhapho babo khuyini u-Adamu no-Efa abayitjho ngezenzo zabo? (Gen. 3:12, 13)
(d) Amakherubi agade ajanyiswe epumalanga yesimini ye-Edeni abusekela bunjani ubukhosi bakaJehova? (Gen. 3:24)
2. Funda ISambulo 12:9.
USathana waphumelela njani ukwenza abantu baphikisane nokubusa kwakaZimu? (1 John 5:19)
Ukuthoma Kwepilo Ebudisi
1. Gade kunjani ukuphila ku-Adamu no-Efa nasele bangaphandle kwesimu ye-Edeni?
2. Kwenzekani ku-Adamu no-Efa, begodu kubayini lokho kwenzeka?
3. Kubayini u-Adamu no-Efa gade bazokuluphala bafe?
4. Nengabe u-Adamu no-Efa bamlalela uJehova, gade kuzokuba njani ukuphila kwabo nekwabantwana babo?
5. Ukungalaleli kwaka-Efa kwambangela njani ubuhlungu?
6. Gade abobani amabizo wamadodana wokuthoma ka-Adamu no-Efa?
7. Bobani godu abanye abantwana aba la esithombenesi?
Iimbuzo engezelelekileko:
1. Funda uGenesisi 3:16-23 no-4:1, 2.
(a) Ukuphila kwaka-Adamu gade sele kuzokuba njani njengombana iphasi besele lithuwelelisiwe? (Gen. 3:17-19; Rom. 8:20, 22)
(b) Kubayini ibizo elithi Efa, litjho bona “Ophilako” lifaneleka? (Gen. 3:20)
(c) UJehova wakutjengisa bunjani bona uyabacabangela u-Adamu no-Efa ngemva kokobana benze isono? (Gen. 3:7, 21)
2. Funda ISambulo 21:3, 4.
Ngiziphi “izinto ezigadungileko” onesifiso sokuzibona zisusiwe?
Indodana Elungileko Nengakalungi
1. UKayini no-Abela bebenza miphi iimberego?
2. Ngiziphi izipho uKayini no-Abela abaziletha kuJehova?
3. Kubayini uJehova athabiswa sisipho saka-Abela, begodu kubayini angathabi ngesipho sakaKayini?
4. UKayini bekamuntu onjani, begodu uJehova walinga njani ukumkhalima?
5. Khuyini uKayini akwenzako nasele babodwa nomnakwabo emangweni?
6. Hlathulula bona kwenzekani kuKayini ngemva kokobana sele abulele umnakwabo.
Iimbuzo engezelelekileko:
1. Funda uGenesisi 4:2-26.
(a) UJehova wabuhlathulula bunjani ubujamo obuyingozi uKayini agade akibo? (Gen. 4:7)
(b) UKayini wabuveza njani ubujamo behliziyo yakhe? (Gen. 4:9)
(c) UJehova ukuqala njani ukuphalaza iingazi ezinganamlando? (Gen. 4:10; Isa. 26:21)
2. Funda 1 uJwanisi 3:11, 12.
(a) Kubayini uKayini avutha ngokukwata, begodu lokhu kusiyelelisa njani thina? (Gen. 4:4, 5; Iziy. 14:30; 28:22)
(b) Ibhayibhili likutjengisa njani bona namtjhana woke amalunga womndenethu aphikisana noJehova, singakghona ukuhlala sithembekile thina? (AmaRha. 27:10; Mat. 10:21, 22)
3. Funda uJwanisi 11:25.
Ngisiphi isiqinisekiso uJehova asinikelako malungana nabo boke abafela ukulunga? (Jwanisi 5:24)
Indoda Enesibindi
1. U-Enoki gade ahluke njani?
2. Kubayini abantu egade baphila ngeenkhathi zaka-Enoki bebenza izinto ezinengi ezimbi kangaka?
3. Ngiziphi izinto ezimbi egade zenziwa babantu? (Qala isithombe)
4. Kubayini u-Enoki gade kutlhogeka bona abenesibindi?
5. Abantu bebaphila isikhathi eside kangangani ekadeni, u-Enoki yena waphila isikhathi eside kangangani?
6. Kwenzekani ngemva kokuhlongakala kwaka-Enoki?
Iimbuzo engezelelekileko:
1. Funda uGenesisi 5:21-24, 27.
(a) U-Enoki gade anobuhlobo obunjani noJehova? (Gen. 5:24)
(b) Ngokuvumelana neBhayibhili, ngubani umuntu okhe waphila ukubadlula boke, begodu wafa aneemnyaka emingaki? (Gen. 5:27)
2. Funda Genesisi 6:5.
Ubujamo baba njani ephasini ngemva kokuhlongakala kuka-Enoki, begodu bebunjani nesibumadanisa nobanamhlanje? (2 Thim. 3:13)
3. Funda amaHebheru 11:5.
Ngiyiphi ifanelo ka-Enoki “eyathabisa uZimu,” begodu kwaba namiphi iimphumela? (Gen. 5:22)
4. Funda uJuda 14, 15.
AmaKrestu angasilandela bunjani isibonelo saka-Enoki sokuba nesibindi lokha naka yelelisa abantu ngepi ezako i-Amagedoni? (2 Thim. 4:2; Heb. 13:6)
Abantu Abade Nabanamandla Amakhulu
1. Khuyini okwenzeka lokha ezinye iingilozi zakaZimu zilalela uSathana?
2. Kubayini ezinye iingilozi zalisa umberegwazo ezulwini zeza la ephasini?
3. Kubayini gade kuyinto engakalungi bona iingilozi zize ephasini zizenzele imzimba yabantu?
4. Abantwana beengilozi gade bahluke ngani?
5. Njengombana ubona esithombenesi, khuyini eyenziwa bantwana beengilozi nasele baziinkakaramba?
6. Ngemva kwaka Enoki, ngubani indoda elungileko eyaphila ephasini, begodu kubayini uZimu ayithanda?
Iimbuzo engezelelekileko:
1. Funda uGenesisi 6:1-8.
UGenesisi 6:6 uyiveza bunjani indlela ukuziphatha kwethu okuthinta ngayo amazizo kaJehova? (AmaRh. 78:40, 41; Iziy. 27:11)
2. Funda uJuda 6.
Iingilozi ezabhalelwa ‘ukubulunga ubujamo bazo bemvelo’ ngeenkhathi zakaNuwa zisikhumbuzo bunjani kithi namhlanjesi? (1 Kor. 3:5-9; 2 Pit. 2:4, 9, 10)
UNuwa Wakha Umkhumbi
1. Bebabangaki abantu bomndeni kaNuwa, begodu gade abobani amabizo wamadodanakhe amathathu?
2. Ngiyiphi into engakajayeleki uZimu abawa bona uNuwa ayenze?
3. Benzani abantu lokha uNuwa nakabatjela ngomkhumbi?
4. UZimu watjela uNuwa bona enzeni ngeenlwana?
5. Ngemva kokobana uZimu avale umnyango womkhumbi, khuyini uNuwa nomndakhe egade kufanele bayenze?
Iimbuzo engezelelekileko:
1. Funda uGenesisi 6:9-22.
(a) Khuyini eyenza uNuwa waba mkhulekeli kaZimu weqiniso oveleleko? (Gen. 6:9, 22)
(b) UJehova uzizwa bunjani ngenturhu, begodu lokhu mdele kusithinte bunjani isiqunto sethu kwezokuzithabisa? (Gen. 6:11, 12; AmaRh. 11:5)
(c) Singamlingisa njani uNuwa nasifumana ilayelo eliza ngehlangano kaJehova? (Gen. 6:22; 1 Jwanisi 5:3)
2. Funda uGenesisi 7:1-9.
Iqiniso lokobana uJehova uqale indoda enesono uNuwa njengolungileko isikhuthaza njani thina namhlanjesi? (Gen. 7:1; Iziy. 10:16; Isa. 26:7)
UKhukhulamungu
1. Kubayini gade ngekhe kwenzeke bona umuntu akwazi ukungena ngaphakathi komkhumbi nasele izulu lithomile ukuna?
2. UJehova wenza bona zulu line amalanga nobusuku obungaki, begodu amanzi aba manengi kangangani?
3. Khuyini eyenzeka ngomkhumbi njengombana amanzi gade sele athoma ukugubuzesa iphasi?
4. Iinkakaramba zakwazi na ukusinda kuKhukhulamungu, kwenzekani ngabo yise beenkakarambezo?
5. Kwenzekani ngomkhumbi ngeemva kweenyanga ezihlanu?
6. Kubayini uNuwa akhuphela igwababa ngaphandle komkhumbi?
7. UNuwa wazi njani bona amanzi sele abohlile?
8. UZimu wathini kuNuwa nomndenakhe ngemva kokobana sele babe ngaphakathi komkhumbi ngaphezu konyaka?
Iimbuzo engezelelekileko:
1. Funda uGenesisi 7:10-24.
(a) Zikhona na izinto eziphilako ezasala ephasini ezingakhenge zitjhatjalaliswe? (Gen. 7:23)
(b) Kwathatha isikhathi esingangani bona amanzi kaKhukhulamungu abohle? (Gen. 7:24)
2. Funda uGenesisi 8:1-17.
UGenesisi 8:17 utjengisa njani bona umnqopho kaJehova ngephasi awukatjhuguluki? (Gen. 1:22)
3. Funda u-1 Pitrosi 3:19, 20.
(a) Lokha iingilozi ezihlubukileko zibuyela ezulwini, zafumana siphi isahlulelo? (Juda 6)
(b) Indaba kaNuwa nomndenakhe iliqinisa njani ithemba lethu kuJehova lokobana uyabatjhaphulula abantu bakhe? (2 Pit. 2:9)
Izungulekosi Lokuthoma
1. Njengombana kutjengisiwe la esithombeni, yini into yokuthoma uNuwa ayenzako nakaphuma emkhumbini?
2. Ngimuphi umlayo uZimu awunikela uNuwa nomndenakhe ngemva kwakaKhukhulamungu?
3. Ngisiphi isithembiso uZimu asenzako?
4. Lokha nasibona izungulekosi, mdele lisikhumbuze ngani?
Iimbuzo engezelelekileko:
1. Funda uGenesisi 8:18-22.
(a) Thina namhlanjesi singanikela bunjani ‘ngephunga elimnandi’ kuJehova? (Gen. 8:21; Heb. 13:15, 16)
(b) Yini Jehova ayibona ngobujamo behliziyo yomuntu, begodu ngebangelo khuyini okufuneka siyiyelele? (Gen. 8:21; Mt. 15:18, 19)
2. Funda uGenesisi 9:9-17.
(a) Ngisiphi isivumelwano uJehova asenza nazo zoke iindwala ezisephasini? (Gen. 9:10, 11)
(b) Siyokuba khona bekube kunini isivumelwano sezungulekosi? (Gen. 9:16)
Abantu Bakha Umbhotjhongo
1. Bekungubani uNimrode, begodu uZimu gade azizwa njani ngaye?
2. Esithombenesi, kubayini abantu gade benza iintina?
3. Kubayini uJehova angakhenge athabiswe mberego wokwakha lo?
4. UZimu wawujamisa ubunjani umberego wokwakha isiqongo?
5. Umuzi loyo gade ubizwa bona yini, begodu ibizwelo gade litjho ukuthini?
6. Kwenzekani ngabantu ngemva kokobana uZimu araranisa iinlimi zabo?
Iimbuzo engezelelekileko:
1. Funda uGenesisi 10:1, 8-10.
Gade amumuntu onjani uNimrode, begodu lokhu kusinikela siphi isiyeleliso? (Iziy. 3:31)
2. Funda uGenesisi 11:1-9.
Bewuyini umnqopho wokwakha isiqongo, begodu kubayini lokhu bengeze kwaphumelela? (Gen. 11:4; Iziy. 16:18; Jwanisi 5:44)
U-Abrahama—Umngani KaZimu
1. Gade banjani abantu egade bahlala emzini we-Uri?
2. Ngubani indoda le esesithombeni, yabelethwa nini, begodu beyihlala kuphi?
3. UZimu watjela u-Abrahama bona enzeni?
4. Kubayini u-Abrahama abizwa bona mngani kaZimu?
5. U-Abrahama wakhamba nobani lokha nakaya e-Uri?
6. UZimu wathini ku-Abrahama lokha nakafika enarheni yeKhanana?
7. Ngisiphi isithembiso uZimu asenza no-Abrahama lokha sele aneemnyaka eyi-99?
Iimbuzo engezelelekileko:
1. Funda uGenesisi 11:27-32.
(a) U-Abrahama noLoti gade bahlobana njani? (Gen. 11:27)
(b) Namtjhana kuthiwa nguThera owathatha umndenakhe baya eKhanana, kodwana sazi bunjani bona kwamambala ngu-Abrahama owathi abakhambe, begodu kubayini atjho njalo? (Gen. 11:31; IZenzo 7:2-4)
2. Funda uGenesisi 12:1-7.
Khuyini uJehova akuthembisa u-Abrahama ngemva kokobana sele afike enarheni yeKhanana? (Gen. 12:7)
3. Funda uGenesisi 17:1-8, 15-17.
(a) Ibizo laka-Abramu latjhuguluka laba ngubani lokha nasele aneemnyaka eyi-99, begodu kubayini latjhuguluka? (Gen. 17:5)
(b) Ngiziphi iimbusiso zangomuso uJehova azithembisa uSara? (Gen. 17:15, 16)
4. Funda uGenesisi 18:9-19.
(a) KuGenesisi 18:19, ngimiphi iimthwalo yefanelo ebekelwe abobaba? (Dut. 6:6, 7; Ef. 6:4)
(b) Okuhlangenwe nakho kwakaSara kutjengisa bunjani bona ngeze samfihlela litho uJehova? (Gen. 18:12, 15; AmaRh. 44:21)
UZimu Ulinga Ikholo Laka-Abrahama
1. Khuyini uZimu ayithembisa u-Abrahama, begodu uZimu wasibulunga bunjani isithembiso sakhe?
2. Njengombana kutjengisiwe esithombeni, uZimu walilinga bunjani ikholo laka-Abrahama?
3. Khuyini u-Abrahama akwenzako, ngitjho namtjhana angazwisisi ibanga lokobana uZimu akhiphe umlayo loyo?
4. Kwenzekani nasele u-Abrahama akhupha umukhwa wakhe bona abulale indodanakhe?
5. Gade liqine kangangani ikholo laka-Abrahama kuZimu?
6. Khuyini uZimu akunikela u-Abrahama bona enze ngakho isihlabelo, begodu wakwenza njani lokho?
Iimbuzo engezelelekileko:
1. Funda uGenesisi 21:1-7.
Kubayini u-Abrahama asoka indodanakhe ngelanga lobunane? (Gen. 17:10-12; 21:4)
2. Funda uGenesisi 22:1-18.
U-Isaka watjengisa njani bona uthobela uyise, u-Abrahama, lokhu kwakujamiselela njani lokho okuqakatheke khulu egade kuzokwenzeka esikhathini esizako? Gen. 22:7-9; 1 Kor. 5:7; Fil. 2:8, 9)
Umfazi KaLoti Uqala Emva
1. Kubayini u-Abrahama noLoti bahlukana?
2. Kubayini uLoti akhetha ukuhlala eSodoma?
3. Gade banjani abantu beSodoma?
4. Ngisiphi isiyeleliso iingilozi eembili ezasinikela uLoti?
5. Kubayini umfazi kaLoti aba sithubi setswayi?
6. Ngisiphi isifundo esingasifunda kumkaLoti?
Iimbuzo engezelelekileko:
1. Funda uGenesisi 13:5-13.
Malungana nokurarulula imiraro phakathi kwabantu ababili, ngisiphi isifundo esingasifunda ku-Abrahama? (Gen. 13:8, 9; Rom. 12:10; Fil. 2:3, 4)
2. Funda uGenesisi 18:20-33.
Ukuberegelana kwakaJehova no-Abrahama kusiqinisekisa bunjani bona uJehova noJesu bazokuhlulela ngokulunga? (Gen. 18:25, 26; Mt. 25:31-33)
3. Funda uGenesisi 19:1-29.
(a) Indaba yeBhayibhili le iwuveza njani umbono kaZimu ngamadoda alala namadoda? (Gen. 19:5, 13; Lef. 20:13)
(b) Ngimuphi umahluko esiwufumanako endleleni uLoti no-Abrahama abasabela ngayo elayelweni lakaZimu, begodu singafundani kulokhu? (Gen. 19:15, 16, 19, 20; 22:3)
4. Funda uLuka 17:28-32.
Gade injani ihliziyo yomfazi kaLoti nekuziwa ezintweni eziphathekako, lokhu kusiyeleliso njani kithi? (Luka 12:15; 17:31, 32; Mt. 6:19-21, 25)
5. Funda u-2 Pitrosi 2:6-8.
Silingisa uLoti, mdele siliqale bunjani iphasi elingahloniphi uZimu elisizungezilekweli? (Ezek. 9:4; 1 Jwanisi 2:15-17)
U-Isaka Uthola Umfazi Omuhle Olungileko
1. Bobani amadoda nabafazi abasesithombenesi?
2. Wenzani u-Abrahama bona afumanele indodanakhe umfazi, begodu kubayini?
3. Umthandazo wenceku ka-Abrahama waphendulwa bunjani?
4. URibheka waphendula wathini lokha nabambuza bona uyafuna na ukutjhada u-Isaka?
5. Khuyini eyenza u-Isaka wathaba godu?
Iimbuzo engezelelekileko:
1. Funda uGenesisi 24:1-67.
(a) Ngiziphi iimfanelo ezihle uRibheka azitjengisa lokha nahlangana nenceku ka-Abrahama emthonjeni? (Gen. 24:17-20; Iziy. 31:17, 31)
(b) Okwenziwa ngu-Abrahama akwenzela u-Isaka kuwabekela bunjani amaKrestu isibonelo namhlanjesi? (Gen. 24:37, 38; 1 Kor. 7:39; 2 Kor. 6:14)
(c) Kubayini kufuneka sibe nesikhathi sokuzindla, njongombana kwenza u-Isaka? (Gen. 24:63; AmaRh. 77:12; Fil. 4:8)
Amawele Angafaniko
1. Bekungubani u-Esewu noJakobho, begodu gade bahluke ngani?
2. Gade baneemnyaka eyingakhi u-Esewu noJakobho nasele ubamkhulu wabo u-Abrahama ahlangokala?
3. Khuyini okwenziwa ngu-Esewu okwadanisa ummakhe noyise khulu?
4. Kubayini u-Esewu akwatela umnakwabo uJakobho khulu?
5. Ngiziphi inlayezo u-Isaka azinikela indodanakhe uJakobho?
Iimbuzo engezelelekileko:
1. Funda uGenesisi 25:5-11, 20-34.
(a) UJehova waphorofida wathini malungana namadodana amabili kaRibheka? (Gen. 25:23)
(b) Ngikuphi ukungafani egade kukhona endleleni uJakobho no-Esewu egade bakuqala ngayo ukuba lizibulo? (Gen. 25:31-34)
2. Funda uGenesisi 26:34, 35; 27:1-46; no-28:1-5.
(a) Kwabonakala bunjani bona u-Esewu gade anganandaba nezinto ezingokomoya? (Gen. 26:34, 35; 27:46)
(b) UJakobho nekazakufumana isibusiso sakaZimu, u-Isaka wamtjela bona enzeni? (Gen. 28:1-4)
3. Funda amaHebheru 12:16, 17.
Isibonelo saka-Esewu sitjengisani ngemphumela yalabo abanganandaba nezinto ezicwengekileko?
UJakobho Uya EHarana
1. Ngubani umfazi osesemutjha osesithombenesi, begodu khuyini uJakobho amenzela khona?
2. Khuyini uJakobho egade azimisele ukukwenza bona atjhade uRaheli?
3. ULabani wenzani nasele kufike isikhathi sokobana uJakobho atjhade noRaheli?
4. Khuyini uJakobho avuma ukukwenza bona atjhade uRaheli njengomkakhe?
Iimbuzo engezeleleko:
1. Funda uGenesisi 29:1-30.
(a) UJakobho watjengisa njani bona ulungile namtjhana uLabani amkhohlisa, begodu singafundani kilokhu? (Gen. 25:27; 29:26-28; Mt. 5:37)
(b) Isibonelo sakaJakobho sisitjengisa bunjani umahluko phakathi kwethando lamambala nelokuthatheka? (Gen. 29:18, 20, 30; Irhubo lamarhubo. 8:6)
(c) Bobani abafazi abane ababayingcenye yendlu kaJakobho begodu ngokukhamba kwesikhathi bambelethela amadodana? (Gen. 29:23, 24, 28, 29)
UJakobho Unomndeni Omkhulu
1. Gade babobani amabizo wamadodana kaJakobho asithathandu awafumana kumkakhe wokuthoma, uLeya?
2. Bobani amadodana amabili incekukazi kaLeya, uZilipha awabelethela uJakobho?
3. Gade babobani amabizo wamadodana amabili incekukazi kaRaheli, uBhiliha awabelethela uJakobho?
4. Bobani amadodana amabili uRaheli awabeletha, kodwana kwenzekani lokha nakabeletha indodana yesibili?
5. Ngokuya ngesithombesi, mangaki amadodana uJakobho anawo, begodu kwavelani kiwo?
Iimbuzo engezelelekileko:
1. Funda uGenesisi 29:32-35; 30:1-26; no-35:16-19.
Njengombana sibonile endabeni yamadodana kaJakobho ayi-12, eenkhathini zamandulo amadodana wamaHebheru gade bajwayele ukuwathiya njani?
2. Funda uGenesisi 37:35.
Namtjhana kunguDina kwaphela okukhulunywa ngaye eBhayibhilini, sazi njani bona uJakobho gade anamadodakazi angaphezu koyedwa?
UDina Ungena Emrarweni
1. Kubayini u-Abrahama no-Isaka bangafuni abantwana babo batjhade nabantu benarheni yeKanana?
2. UJakobho wakuvumela na bonyana indodakazakhe ibemngani nabantazana beKanana?
3. Ngubani indoda le eqale uDina esithombeni, begodu ngiyiphi into embi ayenzako?
4. Benzani abanakwabo bakaDina, uSimyoni noLevi lokha nabezwa ngalokha okwenzekileko?
5. UJakobho wakuvumelana na nalokho okwenziwa nguSimyoni noLevi?
6. Yathoma njani yoke imiraro yemndeni?
Iimbuzo engezelelekileko:
1. Funda uGenesisi 34:1-31.
(a) UDina wavakatjhela amadodakazi wenarheni yeKanana kanye kwaphela na? Hlathulula. (Gen. 34:1)
(b) Kubayini uDina naye waba nomlandu wokulahlekelwa buntombi bakhe? (Gal. 6:7)
(c) Ulutjha namhlanjesi lungatjengisa bunjani bona luyasitjheja isiyeleliso sesibonelo sakaDina? (Izey. 13:20; 1 Kor. 15:33; 1 Jwanisi 5:19)
UJosefa Uhloywa Banakwabo
1. Kubayini abanakwabo bakaJosefa babamhloye kangaka, begodu benzani?
2. Khuyini abanakwabo bakaJosefa gade bafuna ukuyenza kuye, kodwana uRubeni wathini?
3. Kwenzekani lokha nakuza abathengisi bakwa-Ishmayeli?
4. Khuyini eyenziwa banakwabo bakaJosefa yenza uyise akholelwe bona uJosefa ufile?
Iimbuzo engezelelekileko:
1. Funda uGenesisi 37:1-35.
(a) AmaKrestu angasilingisa njani isibonelo sakaJosefa sokubika izinto ezingakalungi ebandleni? (Gen. 37:2; Lef. 5:1; 1 Kor. 1:11)
(b) Khuyini eyabangela abanakwabo bakaJosefa bona benze isenzo sokungathembeki kuye? (Gen. 37:11, 18; Iziy. 27:4; Josh. 3:14-16)
(c) UJakobho wenza siphi isenzo esijayele ukwenziwa babantu abahlongakelelweko? (Gen. 37:35)
UJosefa Ufakwa Ejele
1. Gade aneemnyaka eyingakhi uJosefa nekayiswa eGibhide, begodu kwenzekani nasele afika lapho?
2. Kwenzeka njani uJosefa agcine sekasejele?
3. Ngimuphi umberego uJosefa aphiwa wona?
4. Nekasejele, khuyini uJosefa ayenzela umphathi weenselo nombhagiburotho kaFaro?
5. Kwenzekeni ngemva kobanyana umphathinseelo atjhaphululwe ejele?
Iimbuzo engezelelekileko:
1. Funda uGenesisi 39:1-23.
Njengombana gade kunganamthetho otloliweko uZimu awubekileko wokuhlobonga eenkhathini zakaJosefa, yini into eyamenza bonyana abaleke umkaPotifaro? (Gen. 2:24; 20:3; 39:9)
2. Funda uGenesisi 40:1-23.
(a) Ngobufitjhani hlathulula ibhudango lakamphathinseelo nehlathululo yalo uJehova ayinikela uJosefa. (Gen. 40:9-13)
(b) Ngiliphi ibhudango umbhagiburotho egade analo, begodu gade litjho ukuthini? (Gen. 40:16-19)
(c) Isiqhema senceku ethembekileko nesihlakaniphileko simlingisa njani uJosefa namhlanjesi? (Gen. 40:8; AmaRh. 36:9; Jwanisi 17:17; IZenzo 17:2, 3)
(d) UGenesisi 40:20 uwanikela njani umkhanyo amaKrestu endabeni yokugidinga amalanga wokubelethwa? (Umtjh. 7:1; Markosi 6:21-28)
Amabhudango KaFaro
1. Kwenzekani kuFaro ngobunye ubusuku?
2. Kubayini umphathinseelo emaswapheleni akhumbula uJosefa?
3. Njengombana kutjengisiwe esithombeni, ngimaphi amabhudango amabili uFaro aba nawo?
4. UJosefa walihlathulula njani ibhudango lakaFaro?
5. Kwenzeka njani bona uJosefa abemumuntu oqakathekileko eGibhide alandela uFaro?
6. Kubayini abanakwabo bakaJosefa beza eGibhide, begodu kubayini bangasamkhumbuli uJosefa?
7. Ngiliphi ibhudango uJosefa alikhumbulako, begodu limrhelebha bona azwisise ini?
Iimbuzo engezelelekileko:
1. Funda uGenesisi 41:1-57.
(a) UJosefa wabenza njani abantu bona bathembele elayelweni lakaJehova, begodu amaKrestu namhlanjesi angasilingisa njani isibonelo sakhe? (Gen. 41:16, 25, 28; Mt. 5:16; 1 Pit. 2:12)
(b) Iimnyaka yenala yeGibhide eyalandelwa minyaka yendlala ihluka bunjani nobujamo obungokomoya babantu bakaJehova namhlanjesi kwelobukholwa? (Gen. 41:29, 30; Amosi 8:11, 12)
2. Funda uGenesisi 42:1-8 no-50:20.
Kumbi na ngabakhulekeli bakaJehova bona bakhothamele umuntu bahlonipha isikhundla sakhe nangabe kuyisiko lendawo leyo? (Gen. 42:6)
UJosefa Ulinga Abanakwabo
1. Kubayini uJosefa asola abanakwabo bona baziinhloli?
2. Kubayini uJakobho avumela indodanakhe encani, uBhenjamini bona iye eGibhide?
3. Langena njani ibhigiri lakaJosefa eemgodleni kaBhenjamini?
4. Ngisiphi isibawo uJuda asenza bonyana kutjhaphululwe uBhenjamini?
5. Batjhuguluke njani abanakwabo bakaJosefa?
Iimbuzo engezelelekileko:
1. Funda uGenesisi 42:9-38.
Amezwi kaJosefa akuGenesisi 42:18 asikhumbuzo esihle ngayiphi indlela kilabo abanomthwalo ehlanganweni kaJehova namhlanjesi? (Neh. 5:15; 2 Kor. 7:1, 2)
2. Funda uGenesisi 43:1-34.
(a) Namtjhana uRubeni gade ayindodana yokuthoma, ngibuphi ubufakazi bokobana uJuda waba mkhulumeli wabanakwabo? (Gen. 43:3, 8, 9; 44:14, 18; 1 Imila. 5:2)
(b) UJosefa wabalinga njani abanakwabo begodu kubayini akwenza lokho? (Gen. 43:33, 34)
3. Funda uGenesisi 44:1-34.
(a) Njengombana gade kuliqhinga lakhe bonyana azifihle kubanakwabo, uJosefa waziveza njani kibo? (Gen. 44:5, 15; Lef. 19:26)
(b) Abanakwabo bakaJosefa bakutjengisa njani bonyana umoya loya wokubanomona egade banawo ngomnakwabo awusekho? (Gen. 44:13, 33, 34)
Umndeni KaJakobho Ufudukela EGibhide
1. Kwenzekeni lapho uJosefa nakatjela abanakwabo bona ngubani?
2. Khuyini uJosefa akuhlathululela abanakwabo?
3. Wathini uFaro nakezwa bonyana ngabanakwabo bakaJosefa?
4. Gade ungangani umndeni wakaJakobho nabafudukela eGibhide?
5. Wabizwa bona yini umndeni kaJakobho, begodu kubayini wabizwa njalo?
Iimbuzo engezelelekileko:
1. Funda uGenesisi 45:1-28.
Okutjhiwo yiBhayibhili ngoJosefa kutjengisa bunjani bona uJehova angatjhugulula lokho egade kwenzelwe bona kulimaze iinceku zakhe kubeneemphumela emihle? (Gen. 45:5-8; Isa. 8:10; Fil. 1:12-14)
2. Funda uGenesisi 46:1-27.
Ngisiphi isiqinisekiso uJehova asinikela uJakobho nakasendleleni eya eGibhide? (Gen. 46:1-4, umtlolo waphasi.)
UJobhi Uthembekile KuZimu
1. Ngubani uJobhi?
2. Khuyini uSathana alinga ukukwenza, kodwana waphumelela na?
3. UJehova wavumela uSathana bona enzeni, begodu kubayini amvumela?
4. Kubayini umkaJobhi atjela uJobhi bona ‘athuke uZimu afe’? (Qala isithombe.)
5. Njengombana ubona esithombeni sesibili, uJehova wambusisa njani uJobhi, begodu kubayini ambusisa?
6. Nengabe thina njengoJobhi, sithembekile kuJehova, ngiziphi iimbusiso esizozifumana?
Iimbuzo engezelelekileko:
1. Funda uJobhi 1:1-22.
AmaKrestu namhlanjesi angamlingisa njani uJobhi? (Job 1:1; Fil. 2:15; 2 Pit. 3:14)
2. Funda uJobhi 2:1-13.
Ngiziphi iindlela eembili ezingafaniko uJobhi nomkakhe abenza ngazo lokha nebatjhutjhiswa nguSathana? (Job 2:9, 10; Iziy. 19:3; Mik. 7:7; Mal. 3:14)
3. Funda uJobhi 42:10-17.
(a) Ngikuphi ukufana phakathi kweembusiso uJobhi azifumana nalezo uJesu azifumana ngophila ngendlela yokwethembeka? (Job 42:12; Fil. 2:9-11)
(b) Iimbusiso ezafunyanwa nguJobhi ngokuhlala athembekile kuZimu, zisikhuthaza njani thina? (Job 42:10, 12; Heb. 6:10; Jos. 1:2-4, 12; 5:11)
IKosi Engakalungi Ibusa IGibhide
1. Newuqala esithombenisi, ngubani indoda ephethe isibebhu, begodu ubetha ubani?
2. Ngemva kokuhlangakala kwakaJosefa, kwenzekani kuma-Israyeli?
3. Kubayini amaGibhide bekasaba ama-Israyeli?
4. Ngimuphi umlayo uFaro awunikela ababelethisi bama-Israyeli?
Iimbuzo engezelelekileko:
1. Funda u-Eksodosi 1:6-22.
(a) UJehova wathoma njani ukuzalisa isithembiso saka-Abrahama? (Eks. 1:7; Gen. 12:2; IZenzo 7:17)
(b) Ababelethisi bamaHebheru batjengisa njani bona bayakuhlonipha ukuphila ngombana kucwengekile? (Eks. 1:20, 21; Iziy. 19:17)
(c) Ababelethisi bawufuma njani umvuzo ngokuhlala bathembekile kuJehova? (Eks. 1:20, 21; Iziy. 19:17)
(d) USathana walinga njani ukwenza umnqopho kaJehova omalungana neNzalo ethenjisiweko ka-Abrahama bona ungaphumeleli? (Eks. 1:22; Mt. 2:16)
Indlela UMosisi Asinda Ngayo
1. Ngubani umntwana lo osesithombeni, begodu ubambe isandla sakabani?
2. Khuyini okwenziwa ngunina likaMosisi ukumsindisa bona angabulawa?
3. Ngubani umntazana osesithombeni, begodu khuyini akwenzako?
4. Lokha indodakazi kaFaro nayifumana umntwana lo, uMiriyamu wathini?
5. Ikosazana yathini kunina kaMosisi?
Iimbuzo engezelelekileko:
1. Funda u-Eksodosi 2:1-10.
Ngiliphi ithuba umma kaMosisi abanalo lokubandula nokufundisa uMosisi lokha esesemncancani, begodu isibonelwesi sibarhelebha njani ababelethi namhlanjesi? (Eks. 2:9, 10; Dut. 6:6-9; Iziy. 22:6; Ef. 6:4; 2 Thim. 3:15)
Okwabangela UMosisi Abaleke
1. Wakhulela kuphi uMosisi,kodwana khuyini akwazi ngababelethi bakhe?
2. Khuyini lokho uMosisi akwenza lokha neka neemnyaka eyi-40 ubudala?
3. UMosisi wathini endodeni emIsrayeli egade ilwa, begodu indoda le yaphendula yathini?
4. Kubayini uMosisi abalekela iGibhide?
5. UMosisi wabalekela kuphi, begodu wahlangana nobani lapho?
6. Bekenzani uMosisi phakathi neemnyaka eyi-40 abalekile eGibhide?
Iimbuzo engezelelekileko:
1. Funda u-Eksodosi 2:11-25.
Namtjhana uMosisi afunda ngokuhlakanipha kwebeGibhide iimnyaka eminengi, uMosisi watjengisa njani bona uthembekile kuJehova nasebantwini bekhabo? (Eks. 2:11, 12; Heb. 11:24)
2. Funda Izenzo 7:22-29.
Ngisiphi isifundo esingasifunda kuMosisi sokulinga ukutjhaphulula ama-Israyeli ngokwakhe ebugqilini beGibhide? (IZenzo 7:23-25; 1 Pit. 5:6, 10)
Umuthi Ovuthako
1. Ibizwani intaba le esesithombeni?
2. Hlathulula into engakajayeleki eyabonwa nguMosisi lokha asentabeni nezimvu.
3. Lathini ilizwi elivela emthini ovuthako, begodu bekulilizwi lakabani?
4. UMosisi waphendula wathini lokha uZimu nekamtjela bona uzokudosa abantu bakhe phambili baphume eGibhide?
5. UZimu wathi uMosisi athini nakungenzeka abantu bambuze bona uthunywe ngubani?
6. UMosis bekazokufakazela njani bona uthumelwe nguZimu?
Iimbuzo engezelelekileko:
1. Funda u-Eksodosi 3:1-22.
Okuhlangenwe nakho kwakaMosisi kusiqinisekisa njani bona namtjhana singazizwa singafanelekeli ukwenza isabelo esisinikelwa nguZimu, uJehova uzosirhelebha? (Eks. 3:11, 13; 2 Kor. 3:5, 6)
2. Funda u-Eksodosi 4:1-20.
(a) Yatjhuguluka njani indlela kaMosisi yokucabanga phakathi neemnyaka engaba yi-40 ayihlala eMidiyani, begodu ngisiphi isifundo esingafundwa ngilabo abalinga ukufumana amalungelo ebandleni? (Eks. 2:11, 12; 4:10, 13; Mik. 6:8; 1 Thim. 3:1, 6, 10)
(b) Ngitjho namtjhana sifumana isiluleko kuJehova aberegisa ihlangano yakhe, isibonelo sakaMosisi sisinikela siphi isiqinisekiso? (Eks. 4:12-14; AmaRh. 103:14; Heb. 12:4-11)
UMosisi No-Aroni Baya KuFaro
1. Iimangaliso ezenziwa nguMosisi no-Aroni zabangela ama-Israyeli bona enzeni?
2. UMosisi no-Aroni bamtjela ini uFaro, begodu uFaro waphendula wathini?
3. Njengombana kutjengisiwe esithombeni, kwenzekani lokha u-Aroni nekaphosa phasi intongakhe?
4. UJehova wamfundisa njani uFaro isifundo, begodu uFaro waphendula wathini?
5. Kwenzekani ngemva kwesibetho setjhumi?
Iimbuzo engezelelekileko:
1. Funda u-Eksodosi 4:27-31 no-5:1-23.
Gade atjho ukuthini uFaro lokha nekathi: ‘Angimazi uJehova.’? (Eks. 5:2; 1 Sam. 2:12; Rom. 1:21)
2. Funda u-Eksodosi 6:1-13, 26-30.
(a) Kungayiphi indlela uJehova angakhenge azazise ku-Abrahama, u-Isaka, begodu noJakobho? (Eks. 3:13, 14; 6:3; Gen. 12:8)
(b) Kusenza sizizwe njani bona uJehova waberegisa uMosisi namtjhana uMosisi azizwa angasasifanelekeli isabelo sakhe asinikeliwe?
3. Funda u-Eksodosi 7:1-13.
(a) Lokha uMosisi no-Aroni nabakhuluma izahlulelo zakaJehova ngesibindi kuFaro, ngisiphi isibonelo abasibekela iinceku zakaZimu namhlanjesi? (Eks. 7:2, 3, 6; IZenzo 4:29-31)
(b) UJehova wakutjengisa njani bonyana ungophakemeko phezu kwabosingazimu beGibhide? (Eks. 7:12; 1 Imila. 29:12)
Iimbetho Eziyi-10
1. Qala iinthombe ezitjengiswe la, bese uhlathulule iimbetho eenthathu zokuthoma uJehova aziletha eGibhide.
2. Gade uyini umehluko eembhethweni eenthathu zokuthoma, nakizo zoke ezinye iimbetho ezalandelako?
3. Saba yini isibetho sesine, sesihlanu, nesesithandathu?
4. Hlathulula isibetho sekhomba, sobunane nesethoba.
5. Khuyini uJehova akutjela ama-Israyeli bona akwenze ngaphambi kokobana kufike isibetho setjhumi?
6. Gade kuyini isibetho setjhumi, begodu kwenzekani ngemva kwaso?
Iimbuzo engezelelekileko:
1. Funda u-Eksodosi 7:19–8:23.
(a) Namtjhana abapristi beGibhide abenza iimlingo nabo bakghona ukwenza iimbetho ezifana nezokuthoma eembili ezenziwa nguJehova, khuyini abakateleleka bona bayivume ngemva kweembetho eenthathu?(Eks. 8:18, 19; Mt. 12:24-28)
(b) Isibetho sesine siveza njani bona uJehova angakwazi ukuvikela abantu bakhe, begodu ukwazi lokhu kwenza abantu bakaZimu bazizwe njani njengombana bazokuqalana “neentlayiseko ezikulu”? (Eks. 8:22, 23; ISamb. 7:13, 14; 2 Imila. 16:9)
2. Funda u-Eksodosi 8:24; 9:3, 6, 10, 11, 14, 16, 23-25; no-10:13-15, 21-23.
(a) Ngiziphi iinqhema eembili ezavezwa ziiMbetho eziliTjhumi, begodu lokhu kuwuthinta njani umbono wethu ngeenqhemezo namhlanjesi? (Eks. 8:10, 18, 19; 9:14)
(b) U-Eksodosi 9:16 usirhelebha njani sizwisise bona kubayini uJehova avumela uSathana aphile bekube nje? (Rom. 9:21, 22)
3. Funda u-Eksodosi 12:21-32.
IPhasika lenza njani bona abanengi basinde, begodu khuyini ebeliyitjengisa ezokwenzeka esikhathini esizako? (Eks. 12:21-23; Jwanisi 1:29; Rom. 5:18, 19, 21; 1 Kor. 5:7)
Ukuyama Ilwandle Elibomvu
1. Mangaki amadoda, abafazi nabantwana bakwa-Israyeli, abatjhiya iGibhide begodu ngubani owakhamba nabo?
2. UFaro wazizwa njani ngemva kokuvumela ama-Israyeli bona akhambe, begodu wenzani?
3. Khuyini uJehova akwenza ukuvimbela amaGibhide ekusahleleni abantu bakhe?
4. Kwenzekani lokha uMosisi nekalula intongakhe phezu kweLwandle eliBomvu, begodu ama-Israyeli enzani?
5. Kwenzekani lokha amaGibhide nakagijimisa ama-Israyeli elwandle?
6. Ama-Israyeli atjengisa njani bona bekathabile begodu ayamthokoza uJehova ngombana uwasindisile?
Iimbuzo engezelelekileko:
1. Funda u-Eksodosi 12:33-36.
Khuyini uJehova ayenza ukuqinisekisa bona abantu bakhe bayabhadalwa ngebanga layo yoke iimnyaka basekugandelelweni eGibhide? (Eks. 15:1, 2; AmaRh. 105:2, 3; ISamb. 15:3, 4)
2. Funda u-Eksodosi 14:1-31.
Amezwi kaMosisi atlolwe ku-Eksodosi 14:13, 14 awathinta njani iinceku zakaJehova namhlanjesi njengombana ziqalene nokuza kwepi ye-Amagedoni? (2 Imila. 20:17; AmaRh. 91:8)
3. Funda u-Eksodosi 15:1-8, 20, 21.
(a) Kubayini iinkhonzi zakaJehova kufanele zimdumise ngombhino? (Eks. 15:1, 2; AmaRh. 105:2, 3; ISamb. 15:3, 4)
(b) Ngisiphi isibonelo sokudumisa uJehova uMeriyamu nabanye abafazi eLwandle eliBomvu abasibekela abafazi bamaKrestu namhlanjesi? (Eks. 15:20, 21; AmaRh. 68:11)
Umhlobo Omutjha Wokudla
1. Esithombenesi, khuyini abantu abayidobha phasi, begodu kubizwa bona yini lokhu abakudobhako?
2. Ngimuphi umlayezo uMosisi awunikela abantu malungana nokudobha imana?
3. Khuyini uJehova akutjela abantu ngelanga lesithandathu, begodu kubayini abatjela lokho?
4. Ngisiphi isimangaliso uJehova asenza ngesikhathi imana ibulungwe bekwaba lilanga lekhomba?
5. UJehova wabasororha isikhathi eside ngangani abantu ngemana?
Iimbuzo engezelelekileko:
1. Funda u-Eksodosi 16:1-36 noNumeri 11:7-9.
(a) U-Eksodosi 16:8 utjengisani malungana nokutlhogeka kwethu ukuhlonipha abantu abakhethiweko ebandleni lobuKrestu? (Heb. 13:17)
(b) Asemangweni, ama-Israyeli bekakhunjuzwa njani ilanga nelanga bona athembele kuJehova? (Eks. 16:14-16, 35; Dut. 8:2, 3)
(c) UJesu wathi imana ifanekiselani, begodu ilinguselelo “lomgadango ovela ezulwini” lo lisizuzisa njani? (Jwanisi 6:31-35, 40)
2. Funda uJoshuwa 5:10-12.
Ama-Israyeli adla imana iimnyaka emingaki, begodu lokhu kwabalinga njani, singafundani thina endabeni le? (Eks. 16:35; Num. 11:4-6; 1 Kor. 10:10, 11)
UJehova Unikela Imithetho Yakhe
1. Pheze ngemva kweenyanga eembili ama-Israyeli asukile eGibhide, ahlala kuphi isikhatjhana?
2. UJehova wathi ufuna abantu benzeni, begodu baphendula bathini?
3. Kubayini uJehova anikela uMosisi amatje amabili asipara?
4. Ngaphandle kweMilayo eliTjhumi, ngimiphi eminye imithetho uJehova ayinikela ama-Israyeli?
5. Ngimiphi imithetho uJesu Krestu athi iqakatheke khulu ukuyidlula yoke?
Iimbuzo engezelelekileko:
1. Funda u-Eksodosi 19:1-25; 20:1-21; 24:12-18; no-31:18.
Amezwi atlolwe ku-Eksodosi 19:8 asirhelebha njani bona sazi bona kutjho ukuthini ukuzinikela kobuKrestu? (Mt. 16:24; 1 Pit. 4:1-3)
2. Funda uDuteronomi 6:4-6; Lefitikosi 19:18; noMatewu 22:36-40.
AmaKrestu alitjengisa njani ithando labo ngoZimu begodu nangomakhelwani? (Markosi 6:34; IZenzo 4:20; Rom. 15:2)
Isithombe Sekonyana Elenziwe Ngerhawuda
1. Nawuqala esithembenesi, benzani abantwaba, begodu kubayini benza njalo?
2. Kubayini uJehova akwatile, begodu khuyini uMosisi akwenzako nekabona lokho okwenziwa babantwaba?
3. UMosisi watjela amanye amadoda bona enzeni?
4. Sifundani endabeni le?
Iimbuzo engezelelekileko:
1. Funda u-Eksodosi 32:1-35.
(a) Indaba le isitjengisa bona uJehova ukuqala njani ukuhlanganisa ikolo yamala nokukhulekela kweqiniso? (Eks. 32:4-6, 10; 1 Kor. 10:7, 11)
(b) Khuyini okufuneka amaKrestu ayilemuke nakakhetha zokuzithabisa, njengombhino nokudansa? (Eks. 32:18, 19; Ef. 5:15, 16; 1 Jwanisi 2:15-17)
(c) Isitjhaba samaLevi sisibeka njani isibonelo esihle sokusekela ukulunga? (Eks. 32:25-28; AmaRh. 18:25)
Itende Lokukhulekela
1. Umakhiwo osesithombenesi ubizwa bona yini, begodu uberegiselwa ini?
2. Kubayini uJehova atjela uMosisi bona enze itende elizokuba lula ukulihlukanisa?
3. Ngelani ibhoksi elincancani elingelawini elisemaswapheleni wetende, begodu linani ngaphakathi ibhokseli?
4. Ngubani uJehova amkhetha bona abempristi omkhulu, begodu umpristi omkhulu wenzani?
5. Itjho izinto eentathu ezingelawini elikhulu letende.
6. Ngiziphi ezinye zezinto ezingaphakathi kwejarada letarbernakele, begodu ziberegiselwa ini?
Iimbuzo engezelelekileko:
1. Funda u-Eksodosi 25:8-40; 26:1-37; 27:1-8; no-28:1.
Amakherubhi egade angaphakathi ‘komphongolo wesivumelwano’ gade ajamiselela ini? (Eks. 25:20, 22; Num. 7:89; 2 Amakh. 19:15)
2. Funda u-Eksodosi 30:1-10, 17-21; 34:1, 2; namaHebheru 9:1-5.
(a) Kubayini uJehova agandelela bona kuqakathekile ngabapristi abakhonza etabernakeleni bona bahlale bahlanzekile emzimbeni, begodu lokhu kusifundisani namhlanjesi? (Eks. 30:18-21; 40:30, 31; Heb. 10:22)
(b) Umpostoli uPowula wakutjengisa njani bona itabernakele nesivumelwano somthetho gade singasaberegi lokha nekatlolela amaKrestu amaHebheru? (Heb. 9:1, 9; 10:1)
Iinhloli Eziyi 12
1. Khuyini oyitjhejako ngamadiribe amakhulu la asesithombenesi, begodu avela kuphi?
2. Kubayini uMosisi athumela iinhloli eziyi-12 enarheni yeKanana?
3. Iinhloli ezilitjhumi zathini kuMosisi lokha nazibuyako?
4. Iinhloli eembili zatjengisa njani bona zithembele kuJehova, begodu bobani amabizo wazo?
5. Kubayini uJehova bekakwatile, begodu wathini kuMosisi?
Iimbuzo engezelelekileko:
1. Funda uNumeri 13:1-33.
(a) Bobani abakhethwa bona bayokuhlola inarha, begodu ngiliphi ithuba elikhulu ababanalo? (Num. 13:2, 3, 18-20)
(b) Kubayini umbono kaJoshuwa noKalebi bewuhlukile kwezinye iinhloli, begodu lokhu kusifundisani? (Num. 13:28-30; Mt. 17:20; 2 Kor. 5:7)
2. Funda uNumeri 14:1-38.
(a) Ngisiphi isiyeleliso okufuneka sisilalele malungana nokunghonghoyila ngabantu abajamiselela uJehova? (Num. 14:2, 3, 27; Mt. 25:40, 45; 1 Kor. 10:10)
(b) UNumeri 14:24 utjengisa njani bona uJehova unekareko ekulu kiloyo oyincekwakhe? (1 Amakh. 19:18; Iziy. 15:3)
Intonga ka-Aroni Imila Amabhlomu
1. Bobani abavukela igunya lakaMosisi no-Aroni, begodu bathini kuMosisi?
2. UMosisi watjela uKora nabalandeli bakhe abayi-250 bona benzeni?
3. UMosisi wathini ebantwini, begodu khuyini eyenzeka msinyana ngemva kokobana alise ukukhuluma?
4. Kwenzekani kuKora nabalandeli bakhe abayi-250?
5. Khuyini indodana ka-Aroni u-Eliyazare eyenzako ngezinto zokuphatha umlilo zamadoda afileko begodu kubayini enza lokho?
6. Kubayini uJehova enza intonga ka-Aroni imile amabhlomu? (Qala isithombe.)
Iimbuzo engezelelekileko:
1. Funda uNumeri 16:1-49.
(a) Khuyini uKora nabalandeli bakhe abayenza, begodu kubayini benza isenzo sokuvukela uJehova? (Num. 16:9, 10, 18; Lef. 10:1, 2; Iziy. 11:2)
(b) Ngimuphi umbono ongakalungi uKora “neenduna zehlangano” eziyi-250 ababanawo? (Num. 16:1-3; Iziy. 15:33; Isa. 49:7)
2. Funda uNumeri 17:1-11 no-26:10.
(a) Ukumila kwentonga ka-Aroni bekutjengisani, begodu kubayini uJehova athi ayibulungwe emphongolweni? (Num. 17:5, 8, 10)
(b) Ngisiphi isifundo esingasifunda ngetshwayo egade lisentongeni ka-Aroni? (Num. 17:10; IZenzo 20:28; Fil. 2:14; Heb. 13:17)
UMosisi Ubetha Idwala
1. UJehova wawatlhogomela njani ama-Israyeli lokha nakasemangweni?
2. Anghonghoyila athini ama-Israyeli nekaseKadeshi?
3. UJehova wabanikela njani amanzi abantu bakhe neenlwana?
4. Nawuqala esithombenesi, ngubani indoda ezikhombako le, begodu kubayini yenza njalo?
5. Kubayini uJehova akwatela uMosisi no-Aroni, begodu bathola siphi isibetho?
6. Kwenzekani eNtabeni iHori, begodu ngubani owaba mpristi omkhulu wama-Israyeli?
Iimbuzo engezelelekileko:
1. Funda uNumeri 20:1-13, 22-29 noDuteronomi 29:5.
(a) Khuyini esiyifundako endleleni uJehova atlhogomela ngayo ama-Israyeli emangweni? (Dut. 29:5; Mt. 6:31; Heb. 13:5; Jos. 1:17)
(b) UJehova wakuqala njani ukubhalelwa kwakaMosisi no-Aroni nakufanele bamcwengise phambi kwama-Israyeli? (Num. 20:12; 1 Kor. 10:12; ISamb. 4:11)
(c) Khuyini esingakufunda endleleni uMosisi amukela ngayo isiyalo esivela kuJehova? (Num. 12:3; 20:12, 27, 28; Dut. 32:4; Heb. 12:7-11)
Inyoka Yekhopha
1. Nawu qala esithombenesi, khuyini okusongwe epaleni, begodu kubayini uJehova atjela uMosisi bona akubeke lapho?
2. Abantu batjengisa njani ukungamthokozi uZimu ngalokho abenzele khona?
3. Abantu babawa uMosisi bona enzeni ngemva kokobana uJehova athumele iinyoka ezinetjhefu bona aba jezise?
4. Kubayini uJehova atjela uMosisi bona enze inyoka yekhopha?
5. Ngisiphi isifundo esingasifunda endabeni le?
Iimbuzo engezelelekileko:
1. Funda uNumeri 21:4-9.
(a) Ngisiphi isiyeleliso esisifumanako ngokunghonghoyila kwama-Israyeli nakalila ngamalungiselelo avela kuJehova? (Num. 21:5, 6; Rom. 2:4)
(b) Emakhulwini weemnyaka eyalandelako, ama-Israyeli ayiberegisa njani inyoka eyikhopha, begodu iKosi u-uHezekiya yenzani? (Num. 21:9; 2 Amakh. 18:1-4)
2. Funda uJwanisi 3:14, 15.
Ukubekwa kwenyoka yekhopha epaleni gade kukufanekisela njani ukulengiswa kwakaJesu Krestu epaleni? (Gal. 3:13; 1 Pit. 2:24)
Udumbana Uyakhuluma
1. Ngubani uBhalaki, begodu kubayini athumela bona kubizwe uBhalami?
2. Kubayini udumbana kaBhalami ulelephasi endleleni?
3. UBhalami uzwa udumbana akhuluma athini?
4. Yathini ingilozi kuBhalami?
5. Kwenzekani lokha uBhalami nakalinga ukuqalekisa ama-Israyeli?
Iimbuzo engezelelekileko:
1. Funda uNumeri 21:21-35.
Kubayini ama-Israyeli ahlula uSihoni iKosi yama-Amori no-Ogi iKosi yakwaBhashani? (Num. 21:21, 23, 33, 34)
2. Funda uNumeri 22:1-40.
Bekuyini umnqopho kaBhalami ngokulinga ukuthuwelelisa ama-Israyeli, begodu ngisiphi isifundo esingasifunda endabeni le? (Num. 22:16, 17; Iziy. 6:16, 18; 2 Pit. 2:15; Juda 11)
3. Funda uNumeri 23:1-30.
Namtjhana uBhalami akhuluma ngasuthi umkhulekeli kaJehova, izenzo zakhe zatjengisa njani bona akasumkhulekeli kaJehova? (Num. 23:3, 11-14; 1 Sam. 15:22)
4. Funda uNumeri 24:1-25.
Indaba yeBhayibhili le iliqinisa njani ikholo lethu bona iimnqopho kaJehova izokuzaliseka? (Num. 24:10; Isa. 54:17)
UJoshuwa Uba Mdosi Phambili Wama-Israyeli
1. Esithombenesi, bobani amadoda ajame noMosisi la?
2. Khuyini uJehova ayitjela uJoshuwa?
3. Kubayini uMosisi akhwela isiqongolo sentaba iNebo, begodu uJehova wathini kuye?
4. Bekaneemnyaka emingaki uMosisi nekahlongakalako?
5. Kubayini abantu bebadanile, kodwana ngiliphi ibanga abanalo elenza bathabe?
Iimbuzo engezelelekileko:
1. Funda uNumeri 27:12-23.
Ngimuphi umberego obudisi uJoshuwa awufumana kuJehova, begodu uJehova ubatlhogomela njani abantu Bakhe namhlanjesi? (Num. 27:15-19; IZenzo 20:28; Heb. 13:7)
2. Funda uDuteronomi 3:23-29.
Kubayini uJehova bekangakhenge avumele u-Mosisi no-Aroni bangene enarheni yesithembiso, begodu ngisiphi isifundo esisifundako endabeni le? (Dut. 3:25-27; Num. 20:12, 13)
3. Funda uDuteronomi 31:1-8, 14-23.
Amezwi kaMosisi wokuvalelisa ama-Israyeli atjengisa njani bona wasimukela ngokuzithoba isiyalo esivela kuJehova? (Dut. 31:6-8, 23)
4. Funda uDuteronomi 32:45-52.
ILizwi lakaZimu mdele likuthinte njani ukuphila kwethu? (Dut. 32:47; Lef. 18:5; Heb. 4:12)
5. Funda uDuteronomi 34:1-12.
Namtjhana uMosisi angakhenge abone ubuso bakaJehova ngamehlo, uDuteronomi 34:10, uthini malungana nobuhlobo bakhe noJehova? (Eks. 33:11, 20; Num. 12:8)
URarhabi Ufihla Iinhloli
1. Bekahlala kuphi uRarhabi?
2. Bobani amadoda amabili la asesithombenesi, begodu kubayini aseJeriko?
3. Khuyini ikosi yeJeriko ayitjela uRarhabi bona ayenze, begodu waphendula wathini uRarhabi?
4. URarhabi wawarhelabha njani amadoda amabili la, begodu wawabawa bona amenzeleni?
5. Ngisiphi isithembiso iinhloli eembilezi ezasenza kuRarhabi?
Iimbuzo engezelelekileko:
1. Funda uJoshuwa 2:1-24.
Isithembiso esitlolwe ku-Eksodosi 23:28, sazaliseka njani lokha ama-Israyeli nakayokulwa neJerikho? (Josh. 2:9-11)
2. Funda amaHebheru 11:31.
Isibonelo sakaRarhabi sisitjengisa njani ukuqakatheka kokuba nekholo? (Rom. 1:17; Heb. 10:39; Jak. 2:25)
Bayama UMlambo IJordani
1. Ngisiphi isimangaliso uJehova asenzako bona ama-Israyeli awele uMlambo iJordani?
2. Ngisiphi isenzo esitjengisa ikholo egade kufuneka senziwe ma-Israyeli bona akwazi ukuyama uMlambo weJordani?
3. Kubayini uJehova atjela uJoshuwa bona abuthelele amatje ayi-12 emlanjeni?
4. Kwenzekani msinyana abapristi nebaphuma eJordani?
Iimbuzo engezelelekileko:
1. Funda uJoshuwa 3:1-17.
(a) Njengombana indaba le itjengisa, khuyini okufuneka siyenze bona sifumane irhelebho neembusiso zakaJehova? (Josh. 3:13, 15; Iziy. 3:5; Jak. 2:22, 26)
(b) Gade bunjani ubujamo boMlambo weJordani lokha ama-Israyeli nakayamela eNarheni yesiThembiso, begodu lokhu kwaliphakamisa njani ibizo lakaJehova? (Josh. 3:15; 4:18; AmaRh. 66:5-7)
2. Funda uJoshuwa 4:1-18.
Amatje ayi-12 athathwe eJordani kubayini abekwa eGiligali? (Josh. 4:4-7)
Amaboda WeJeriko
1. Khuyini uJehova ayitjela amadoda wepi nabapristi bona bayenze bekube malanga asithandathu?
2. Gade kufuneka bona enzeni amadoda la ngelanga lekhomba?
3. Njengombana ubona esithombenesi, kwenzekani ngamaboda weJeriko?
4. Kubayini kunentambo ebomvu elenga efesidereni?
5. Khuyini uJoshuwa ayitjela amadoda wepi bona ayenze ebantwini bomuzi, kodwana bekufanele benzeni ngesiliva, irhawuda, ikhopha nesimbi?
6. Iinhloli eembili zatjelwa bona zenzeni?
Iimbuzo engezelelekileko:
1. Funda uJoshuwa 6:1-25.
(a) Ukumatjha kwama-Israyeli abhoda umuzi weJeriko ngelanga lekhomba kufana njani nokwenziwa komsebenzi waboFakazi bakaJehova wokutjhumayela emihleni le yokuphela? (Josh. 6:15, 16; Isa. 60:22; Mt. 24:14; 1 Kor. 9:16)
(b) Isiphorofido esitlolwe kuJoshuwa 6:26 sazaliseka njani eemnyakeni engaba yi-500 eyalandelako, begodu lokhu kusifundisani ngelizwi lakaJehova? (1 Amakh. 16:34; Isa. 55:11)
Isela Kwa-Israyeli
1. Nawu qala esithombenesi, ngubani indoda eyembela uburego ebuthathe eJeriko, begodu bobani abamrhelebhako?
2. Kubayini isenzo saka-Akhani nomndenakhe besisimbi khulu?
3. Wathini uJehova lokha uJoshuwa nekabuza bona ama-Israyeli kubayini abhalelwe epini e-Ayi?
4. Ngemva kokobana u-Akhani nomndenakhe balethwa kuJoshuwa, kwenzekani kibo?
5. Isahlulelo esatholwa ngu-Akhani sisifundisani thina?
Iimbuzo engezelelekileko:
1. Funda uJoshuwa 7:1-26.
(a) Iimthandazo kaJoshuwa ivezani malungana nobuhlobo bakhe noMdali? (Josh. 7:7-9; AmaRh. 119:145; 1 Jwanisi 5:14)
(b) Isibonelo saka-Akhani sitjengisani, begodu lokhu kusiyelelisa njani thina? (Josh. 7:11, 14, 15; Iziy. 15:3; 1 Thim. 5:24; Heb. 4:13)
2. Funda uJoshuwa 8:1-29.
Ngimuphi umthwalo wefanelo omunye nomunye wethu anawo ebandleni lobuKrestu namhlanjesi? (Josh. 7:13; Lef. 5:1; Iziy. 28:13)
AmaGibhiyoni Enza Ngokuhlakanipha
1. Abantu beGibhiyoni bahluke ngani ebantwini beKanana idorobha elihlanu kwabo?
2. Njengombana kutjengisiwe esithombeni, enzani amaGibhiyoni, begodu kubayini akwenza lokho?
3. Ngisiphi isithembiso uJoshuwa nabadosi phambili bakwa-Israyeli abasenza kwebeGibhiyoni, kodwana khuyini abakufumanako ngemva kwamalanga amathathu?
4. Kwenzekani nasele amakhosi wakwamanye amadorobho ezwa bona amaGibhiyoni enze ukuthula nama-Israyeli?
Iimbuzo engezelelekileko:
1. Funda uJoshuwa 9:1-27.
(a) Njengombana uJehova gade alayele ama-Israyeli bona “atjhabalalise boke abakhe enarheni,” ukusindisa kwakhe beGibhiyoni kwabonisa ziphi iimfanelo zakhe? (Josh. 9:22, 24; Mt. 9:13; IZenzo 10:34, 35; 2 Pit. 3:9)
(b) Ngokunamathela esivumelwaneni sakhe nabakwaGibhiyoni, uJoshuwa uwabekela siphi isibonelo amaKrestu namhlanjesi? (Josh. 9:18, 19; Mt. 5:37; Efes. 4:25)
2. Funda uJoshuwa 10:1-5.
Isiqubuthu esikhulu namhlanjesi sibalingisa njani beGibhiyoni, begodu lokhu kubenza baqalane nayiphi ingozi? (Josh. 10:4; Zech. 8:23; Mt. 25:35-40; ISamb. 12:17)
Ilanga Liyajama
1. Esithombenesi, khuyini uJoshuwa akutjho, begodu kubayini akutjho lokho?
2. UJehova wamrhelebha njani uJoshuwa namadodakhe wepi?
3. Mangakhi amakhosi wamanaba uJoshuwa awahlulako, begodu lokho kwathatha isikhathi eside kangangani?
4. Kubayini uJoshuwa ahlukanisa inarha yeKanana?
5. Bekaneemnyaka emingaki uJoshuwa nakahlongakalako, begodu kwenzekani ebantwini ngemva kwalokho?
Iimbuzo engezelelekileko:
1. Funda uJoshuwa 10:6-15.
Ukwazi bona uJehova wenza ilanga nenyanga bona zijamele ama-Israyeli, kusenza sibe nasiphi isiqinisekiso namhlanjesi? (Josh. 10:8, 10, 12, 13; AmaRh. 18:3; Iziy. 18:10)
2. Funda uJoshuwa 12:7-24.
Kwamambala ngubani owabamgela ukuhlulwa kwamakhosi ayi-31 weKanana, begodu kubayini lokhu kuqakathekile kithi namhlanjesi? (Josh. 12:7; 24:11-13; Dut. 31:8; Luka 21:9, 25-28)
3. Funda uJoshuwa 14:1-5.
Inarha yahlukaniswa njani phakathi kweentjhaba zakwa-Israyeli, begodu lokhu kutjengisani malungana namafa ePharedeyisini?
4. Funda Abahluleli 2:8-13.
NjengoJoshuwa kwa-Israyeli, ngubani ojamelene neenhlubuki namhlanjesi?
Abafazi Ababili Abanesibindi
1. Bebabobani abahluleli, begodu bobani abanye amabizwabo?
2. Ngiliphi ilungelo elikhethekileko uDebhora abanalo, begodu lokho gade kuhlanganisani?
3. Lokha ama-Israyeli nakathuselwa yiKosi uJabini nenduna yebutho lakhe, uSisera, ngimuphi umlayezo ovela kuJehova uDibhora awunikela uMahluleli uBharaki, begodu wathi ngubani ozokufumana idumo ngalokho?
4. UJayeli watjengisa njani bona bekamfazi onesibindi?
5. Kwenzekani ngemva kokuhlongakala kweKosi Jabini?
Iimbuzo engezelelekileko:
1. Funda Abahluleli 2:14-22.
Ama-Israylei azilethelela njani ilaka lakaJehova, begodu sifundani kilokhu? (Abahl. 2:20; Iziy. 3:1, 2; Ez. 18:21-23)
2. Funda Abahluleli 4:1-24.
Ngiziphi iimfundo ezimalungana nekholo nesibindi abafazi abamaKrestu abangazifunda eembonelweni zakaDebhora noJoweli? (Abahl. 4:4, 8, 9, 14, 21, 22; Iziy. 31:30; 1 Kor. 16:13)
3. Funda Abahluleli 5:1-31.
Ingoma yokuthumba kaBharaki nekaDebhora singayi beregisa njani emthandazweni njengombana ipi ye-Amagedoni itjhidela? (Abahl. 5:3, 31; 1 Imila. 16:8-10; ISamb. 7:9, 10; 16:16; 19:19-21)
URude NoNawomi
1. Kwenzeka njani bona uNawomi abe senarheni yakwaMowabi?
2. Ngubani uRude no-Orpa?
3. URude no-Orpa baphendula bathini lokha uNawomi nakabatjela bona babuyele ebantwini bekhabo?
4. Ngubani uBhowazi, begodu wabarhelebha njani uRude noNawomi?
5. Ngubani ibizo lomntwana kaBowazi noRude, begodu kubayini kufuneka simkhumbule?
Iimbuzo engezelelekileko:
1. Funda uRude 1:1-17.
(a) Ngimaphi amezwi amnandi ethando lamambala uRude awatjhoko? (Rud 1:16, 17)
(b) Indlela yakaRude yokucabanga ikutjengisa njani kuhle iindlela ‘ezinye izimvu’ ezibaqala ngayo abazesiweko ephasini namhlanjesi? (Jwanisi 10:16; Zak. 8:23)
2. Funda uRude 2:1-23.
URude ubabekela siphi isibonelo abafazi abatjha namhlanjesi? (Rude 2:17, 18; Iziy. 23:22; 31:15)
3. Funda uRude 3:5-13.
(a) UBhowazi wakuqala njani ukuvuma kwakaRude ukutjhada naye kunokobana atjhade nendoda eseseyitja?
(b) Isibonelo sakaRude sisifundisani malungana nethando lamambala? (Rude 3:10; 1 Kor. 13:4, 5)
4. Funda uRude 4:7-17.
Amadoda wamaKrestu wanamhlenjesi angasilandela njani isibonelo sakaBhowazi? (Rude 4:9, 10; 1 Thim. 3:1, 12, 13; 5:8)
UGidiyoni Namadoda Ayi-300
1. Kwenzeke bunjani begodu kubayini ama-Israyeli asemrarweni omkhulu?
2. Kubayini uJehova atjela uGidiyoni bona unamadoda amanengi khulu ebuthweni lakhe?
3. Mangaki amadoda asala ngemva kokobana uGidiyoni atjele amadoda asabako bona abuyele ekhaya?
4. Nawuqala esithombeni, hlathulula indlela uJehova alehlisa ngayo inani lebutho lakaGidiyoni, laba nabantu abayi-300.
5. UGidiyoni wawahlela njani amadoda ayi-300, begodu u-Israyeli uyithumba njani ipi?
Iimbuzo engezelelekileko:
1. Funda Abahluleli 6:36-40.
(a) UGidiyoni waqiniseka njani bona iyini intando kaJehova?
(b) Thina namhlanjesi sifumana njani bona iyini intando kaJehova? (Iziy. 2:3-6; Mt. 7:7-11; 2 Thim. 3:16, 17)
2. Funda Abahluleli 7:1-25.
(a) Khuyini esingakufunda emadodeni ayi-300 ahlala aphaphamile, kunamadoda atjengisa ukunganaki? (Abahl. 7:3, 6; Rom. 13:11, 12; Ef. 5:15-17)
(b) Njengombana amadoda ayi-300 afunda ngokuqala uGidiyoni, thina singafunda njani ngokuqala uGidiyoni oMkhulu, uJesu Krestu? (Abahl. 7:17; Mt. 11:29, 30; 28:19, 20; 1 Pit. 2:21)
(c) Abahluleli 7:21 basirhelebha njani bona saneliswe kukhonza namtjhana kukuphi lapho ihlangano kaJehova isabela khona? (1 Kor. 4:2; 12:14-18; Jak. 4:10)
3. Funda Abahluleli 8:1-3.
Lokha nekufanele silungise ukungazwani hlangana nomzwalane namtjhana udade, singafundani endleleni uGidiyoni ararulula ngayo ukungazwani kuhle nabakwa-Efrayimu? (Iziy. 15:1; Mt. 5:23, 24; Luka 9:48)
Isithembiso Esenziwa NguJafta
1. Ngubani uJafta, begodu waphila ngasiphi isikhathi?
2. Ngisiphi isithembiso uJafta asenza kuJehova?
3. Kubayini uJafta bekadanile lokha nakafika ekhaya avela ekuhluleni ama-Amoni epini?
4. Indodakazi kaJafta yathini lokha neyizwa ngesithembiso sakayise?
5. Kubayini abantu bebathanda indodakazi kaJafta?
Iimbuzo engezelelekileko:
1. Funda Abahluleli 10:6-18.
Khuyini okufanele sikufunde emlandwini ka-Israyeli wokungathembeki kuJehova? (Abahl. 10:6, 15, 16; Rom. 15:4; ISamb. 2:10)
2. Funda Abahluleli 11:1-11, 29-40.
(a) Sazi njani bona ukunikela kwakaJafta ngendodakazakhe “njengesihlabelo sokutjhiswa” bekungatjho bona unikela ngaye bona atjhiswe njengesihlabelo somuntu? (Abahl. 11:31; Lef. 16:24; Dut. 18:10, 12)
(b) Kungayiphi indlela uJafta afuna ukunikela ngendodakazakhe njengesihlabelo?
(c) Sifundani esibonelweni sakaJafta ngendlela azalisa ngayo isithembiso asenza kuJehova? (Abahl. 11:35, 39; Umtjh. 5:4, 5; Mt. 16:24)
(d) Indodakazi kaJafta iwabekela njani amaKrestu amatjha isibonelo ekungeneleni ikonzo yesikhathi esizeleko? (Abahl. 11:36; Mt. 6:33; Fil. 3:8)
Indoda Enamandla Amakhulu
1. Ngubani ibizo lendoda egade inamandla amakhulu ekhe yaphila, begodu ngubani owamnikela amandla lawo?
2. Kwesinye isehlakalo, khuyini uSamsoni ayenza ebhubezini elikhulu, njengombana ubona esithombenesi?
3. Ngiyiphi ifihlo uSamsoni ayitjela uDelile la esithombeni, begodu lokhu kwadosela njani bona abanjwe maFilisti?
4. USamsoni wawabulala njani amanaba amaFilisti ayi-3 000 ngelanga afa ngalo?
Iimbuzo engezelelekileko:
1. Funda Abahluleli 13:1-14.
UManowa nomkakhe bababekela njani isibonelo esihle ababelethi ekukhuliseni abantwana babo? (Abahl. 13:8; AmaRh. 127:3; Ef. 6:4)
2. Funda Abahluleli 14:5-9 no-15:9-16.
(a) Indaba kaSamsoni yokubulala ibhubezi, ukudabula iintambo ezitja beka botjhwe ngazo, begodu nokuberegisa umhlathi wedonki eduna ukubulala amadoda ayi-1 000 kutjengisani ngokuberega komoya kaJehova ocwengekileko?
(b) Umoya ocwengekileko usirhelebha njani namhlanjesi? (Abahl. 14:6; 15:14; Zak. 4:6; IZenzo 4:31)
3. Funda Abahluleli 16:18-31.
Ukuzihlanganisa nabantu abangakalungi kwamthinta njani uSamsoni, begodu sifundani kilokhu? (Abahl. 16:18, 19; 1 Kor. 15:33)
Umsana Omncani Ukhulekela UZimu
1. Ngubani ibizo lomsanyana lo osesithombeni, begodu bobani abanaye?
2. UHana wathandaza wathini ngelinye ilanga lokha nekavakatjhele itabernakela lakaJehova, begodu uJehova wamphendula njani?
3. USamuweli gade aneemnyaka emingaki lokha nakayiswa bona ayokukhonza etendeni lakaJehova, begodu khuyini unina bekamenzela yona qobe mnyaka?
4. Bekabobani amabizo wamadodana ka-Eli, begodu bebamadoda anjani?
5. UJehova wambiza njani uSamuweli, begodu ngimuphi umlayezo Amnikela wona?
6. Waba yini uSamuweli lokha nakakhulako, begodu kwenzekani lokha nakaluphalako?
Iimbuzo engezelelekileko:
1. Funda u-1 Samuweli 1:1-28.
(a) Ngisiphi isibonelo esihle u-Elkana asibekela iinhloko zeemndeni ekudoseni phambili ekukhulekeleni kwamambala? (1 Sam. 1:3, 21; Mt. 6:33; Fil. 1:10)
(b) Ngisiphi isifundo esingasifunda ku-Hana sokuqalana nemiraro ebudisi? (1 Sam. 1:10, 11; AmaRh. 55:22; Rom. 12:12)
2. Funda u-1 Samuweli 2:11-36.
U-Eli bekawahlonipha njani amadodanakhe ukudlula uJehova, begodu lokhu kungaba siyeleliso njani kithi? (1 Sam. 2:22-24, 27, 29; Dut. 21:18-21; Mt. 10:36, 37)
3. Funda u-1 Samuweli 4:16-18.
Ngimuphi umlayezo wesililo okane owabikezelwako egade uzokuvela epini, begodu wamthinta njani u-Eli?
4. Funda u-1 Samuweli 8:4-9.
Amsilinga njani ama-Israyeli uJehova, begodu uMbuswakhe singawusekela njani namhlanjesi ngokuthembeka? (1 Sam. 8:5, 7; Jwanisi 17:16; Jak. 4:4)
USawula Uba YiKosi Yokuthoma Kwa-Israyeli
1. Khuyini eyenziwa nguSamuweli esithombenesi, kubayini enza lokho?
2. Kubayini uJehova athanda uSawula begodu, uSawula gade ayindoda enjani?
3. Ngubani ibizo lendodana kaSawula, begodu khuyini eyenziwa yindodana leyo?
4. Kubayini uSawula enza isihlabelo kunokobanya alindele uSamuweli bona kube nguye osenzako?
5. Ngiziphi iimfundo esingazifunda emlandweni kaSawula?
Iimbuzo engezelelekileko:
1. Funda u-1 Samuweli 9:15-21 no-10:17-27.
Ukuzithoba kwakaSawula kwamrhelebha bunjani bona angarhabi ukwenza iinqunto lokha amanye amadoda nakhuluma kumbi ngaye? (1 Sam. 9:21; 10:21, 22, 27; Izey. 17:27)
2. Funda u-1 Samuweli 13:5-14.
Ngisiphi isono esenziwa nguSawula eGiligali? (1 Sam. 10:8; 13:8, 9, 13)
3. Funda u-1 Samuweli 15:1-35.
(a) Ngisiphi isono esikhulu uSawula asenzako malungana no-Agagi ikosi yama-Amaleki? (1 Sam. 15:2, 3, 8, 9, 22)
(b) USawula walinga bunjani ukuvala imikghwakhe emimbi bona akwazi ukuvala isono sakhe? (1 Sam. 15:24)
(c) Yini thina okufanele siyiyelele namhlanjesi nesinikelwa isilayo? (1 Sam. 15:19-21; AmaRha. 141:5;Iziy. 9:8, 9; 11:2)
UZimu Ukhetha UDavidi Bona Abe YiKosi
1. Ngubani ibizo lomsana lo osesithombenesi, begodu sazi njani bona gade anesibindi?
2. UDavidi gade ahlala kuphi, begodu ngubani ibizo lakayise nelakayisemkhulu?
3. Kubayini uJehova atjela uSamuweli bona aye emzini kaJese eBetlehema?
4. Kwenzekani lokha uJese nekaletha amadodanakhe alikhomba kuSamuweli?
5. Lokha nekulethwa uDavidi, uJehova wathini kuSamuweli?
Iimbuzo engezelelekileko:
1. Funda u-1 Samuweli 17:34, 35.
Izehlakalwezi zasitjengisa njani isibindi sakaDavidi nokuthembeka kuJehova? (1 Sam. 17:37)
2. Funda u-1 Samuweli 16:1-14.
(a) Amezwi kaJehova akweyoku-1 Samuweli 16:7 asirhelebha njani bona singakhethi nokobana sibalekele ukubandlululwa ngokuqaleka kwethu kwangaphandle? (IZenzo 10:34, 35; 1 Thim. 2:4)
(b) Isibonelo sakaSawula sitjengisa bunjani bona lokha uJehova nekasusa umoyakhe ongcwengileko, isikhala sawo singazaliswa mumoya omumbi, namtjhana okuthileko okungaphakathi kwakho bona wenze okungakalungi? (1 Sam. 16:14; Mt. 12:43-45; Gal. 5:16)
UDavidi Ulwa NoGoliyadi
1. Ngiyiphi iselele uGoliyadi ayibekela ibutho lama-Israyeli?
2. Bekamkhulu kangangani uGoliyadi, begodu khuyini iKosi uSawula eyayithembisa indoda ebeyizokubulala uGoliyadi?
3. UDavidi wathini lokha uSawula nakamtjela bona ngeze alwa noGoliyadi ngombana uDavidi usesemsanyana?
4. Ukuphendula uGoliyadi, uDavidi wakutjengisa bunjani ukuthembela kwakhe kuJehova?
5. Njengombana ubona esithombeni, yini uDavidi ayiberegisako ukubulala uGoliyadi, begodu kwenzekani kumaFilisti ngemva kwalokho?
Iimbuzo engezelelekileko:
1. Funda u-1 Samuweli 17:1-54.
(a) Ngiyiphi into ebeyenza uDavidi bona angasabi, begodu singasilingisa bunjani isibindi sakhe? (1 Sam. 17:37, 45; Ef. 6:10, 11)
(b) Kubayini kufuneka bonyana amaKrestu angabi nomoya wokuphalisana njengoGoliyadi lokha nabenza imidlalo? (1 Sam. 17:8; Gal. 5:26; 1 Thim. 4:8)
(c) Amezwi kaDavidi atjengisa njani bona gade anekholo lokobana uZimu uzomsekela? (1 Sam. 17:45-47; 2 Imila. 20:15)
(d) Ngaphandle kokuhlathulula iphaliswano hlangana namabutho amabili kwaphela, isehlakalwesi sitjengisa bunjani bona ipi gade iphakathi kwabozimu bamala noZimu wamambala uJehova? (1 Sam. 17:43, 46, 47)
(e) Isali ezesiweko isilingisa bunjani isibonelo sakaDavidi sokuthembela kuJehova? (1 Sam. 17:37; Jer. 1:17-19; ISamb. 12:17)
Okwenza UDavidi Abaleke
1. Kubayini uSawula gade amonakela uDavidi, kodwana indodana kaSawula uJonathani beyihluke njani kuyise?
2. Kwenzekani langelinye lokha uDavidi nekadlalela uSawula isidonodono?
3. USawula wathi khuyini uDavidi ekufuneka ayenze nekazakuthatha uMikhali indodakazi kaSawula bona ibe mkakhe, begodu kubayini uSawula atjho lokhu?
4. Lokha uDavidi nekadlalela uSawula isidonodono, khuyini eyenzeka kwesithathu njengombana isithombesi sitjengisa?
5. UMikhali warhelebha bunjani ekusindiseni ukuphila kwakaDavidi begodu yini okwafuneka bona uDavidi ayenze iimnyaka elikhomba?
Iimbuzo engezelelekileko:
1. Funda u-1 Samuweli 18:1-30.
(a) Ithando eliqinileko lakaJonathani noDavidi lalifanekisela bunjani ithando egade lizokuba hlangana “nezinye izimvu” “nomhlanjana omncani”? 1 Sam. 18:1; Jwan 10:16; Luka 12:32; Zak. 8:23)
(b) Ngebanga lokubana uJonathani bekufanele abe yindlalifa kaSawula, u-1 Samuweli 18:4 utjengisa bunjani ukuzithoba kwakaJonathani okusibonelo kiloyo egade sele akhethiwe bona abe yikosi?
(c) Isibonelo sakaSawula sitjengisa bunjani bona umona ungadosela esonweni esimbi, begodu ngisiphi isiyeleliso esisifumana kilokhu? (1 Sam. 18:7-9, 25; Jak. 3:14-16)
2. Funda u-1 Samuweli 19:1-17.
UJonathani wakubeka njani ukuphila kwakhe engozini lokha nekakhuluma amezwi atlolwe ku-1 Samuweli 19:4, 5? (1 Sam. 19:1, 6)
U-Abhigayili NoDavidi
1. Ngubani ibizo lomfazi ozokuhlangabeza uDavidi esithombenesi, begodu umumuntu onjani?
2. Ngubani uNabali?
3. Kubayini uDavidi athumela amanye wamadodakhe bona ayokubawa irhelebho kuNabali?
4. UNabali wathini emadodeni kaDavidi, begodu uDavidi wenzani?
5. U-Abhigayili watjengisa njani bona umfazi ohlakaniphileko?
Iimbuzo engezelelekileko:
1. Funda u-1 Samuweli 22:1-4.
Umndeni kaDavidi usitjengisa njani isibonelo esihle sokusekelana njengamaKrestu? (Iziy. 17:17; 1 Tes. 5:14)
2. Funda u-1 Samuweli 25:1-43.
(a) Kubayini uNabali ahlathululwa njengomuntu odelelako? (1 Sam. 25:2-5, 10, 14, 21, 25)
(b) Yini abafazi abamaKrestu namhlanjesi abangayifunda esibonelweni saka-Abhigayili? (1 Sam. 25:32, 33; Iziy. 31:26; Ef. 5:24)
(c) Ngiziphi izinto ezimbi eembili u-Abhigayili avimbela uDavidi ukuzenza? 1 Sam. 25:31, 33; Rom. 12:19; Ef. 4:26)
(d) Indlela uDavidi enza ngayo ku-Abhigayili iwarhelebha bunjani amadoda namhlanjesi bona abe nombono kaJehova ngabafazi? (IZenzo 21:8, 9; Rom. 2:11; 1 Pit. 3:7)
UDavidi Uba YiKosi
1. Yini eyenziwa nguDavidi no-Abhishayi lokha uSawula asalele ekampenakhe?
2. Ngimiphi iimbuzo uDavidi ayibuza uSawula?
3. Ngemva kokuhlukana noSawula uDavidi waya kuphi?
4. Khuyini eyadanisa uDavidi, eyabangela bona abhale ingoma ehle?
5. Bekaneemnyaka emingaki uDavidi lokha nekaba yikosi eHibroni, bobani amabizo wamanye wamadodanakhe?
6. UDavidi wabusa kuphi ngokukhamba kwesikhathi njengekosi?
Iimbuzo engezelelekileko:
1. Funda u-1 Samuweli 26:1-25.
(a) Amezwi kaDavidi atlolwe ku-1 Samuweli 26:11 aveza muphi umbono malungana nendlela uZimu ahlophisa ngayo izinto? (AmaRh. 37:7; Rom. 13:2)
(b) Lokha nesenza umzamo wokutjengisa umusa kodwana abantu bangatjengisi ukuthokoza, amezwi kaDavidi aku-1 Samuweli 26:23 angasirhelebha bunjani bona sihlale senza okuhle? (1 Amakh. 8:32; AmaRh. 18:20)
2. Funda u-2 Samuweli 1:26.
AmaKrestu namhlanjesi angalakha bunjani ‘ithando elikhulu ngomunye nomunye’ njengoDavidi noJonathani? (1 Pit. 4:8; Khol. 3:14; 1 Jwan 4:12)
3. Funda u-2 Samuweli 5:1-10.
(a) Mingaki iimnyaka uDavidi ayibusa njengekosi, begodu isikhathesi sahlukaniswa bunjani? (2 Sam. 5:4, 5)
(b) Khuyini eyabangela uDavidi bona aphumelele, begodu ngisiphi isifundo esisifumako namhlanjesi? (2 Sam. 5:10; 1 Sam. 16:13; 1 Kor. 1:31; Fil. 4:13)
Iimraro Emzini KaDavidi
1. Ngerhelebho lakaJehova khuyini eyenzeka enarheni yeKanana emaswapheleni?
2. Khuyini eyenzeka ngobunye ubusuku lokha uDavidi nekajame phezu kwendlwakhe?
3. Kubayini uJehova amkwatela khulu uDavidi?
4. Esithombenesi, ngubani uJehova amthuma bona ayokutjela uDavidi ngezono zakhe, begodu indoda leyo yathi kuzokwenzekani kuDavidi?
5. Ngimuphi umraro uDavidi aqalana nawo?
6. Ngemva kwakaDavidi ngubani owaba yikosi kwa-Israyeli?
Iimbuzo engezelelekileko:
1. Funda u-2 Samuweli 11:1-27.
(a) Ukuba matasatasa ekonzweni kaJehova kungasivikela bunjani?
(b) Yini eyabangela uDavidi bona enze isono, begodu ngisiphi isiyeleliso esifumanwa ziinceku zakaJehova namhlanjesi? (2 Sam. 11:2; Mt. 5:27-29; 1 Kor. 10:12; Jak. 1:14, 15)
2. Funda u-2 Samuweli 12:1-18.
(a) Ngisiphi isifundo abadala nababelethi abangasifunda endleleni uNathani anikela ngayo uDavidi isiyeleliso? (2 Sam. 12:1-4; Iziy. 12:18; Mt. 13:34)
(b) Kubayini uJehova aba nomusa kuDavidi? (2 Sam. 12:13; AmaRh. 32:5; 2 Kor. 7:9, 10)
IKosi Ehlakaniphileko USolomoni
1. Khuyini uJehova ayibuza uSolomoni, begodu uSolomoni waphendula bunjani?
2. Njengombana isibawo sakaSolomoni samthabisa uJehova, yini athembisa ukumnikela yona?
3. Ngimuphi umraro obudisi abafazi ababili abawuletha kuSolomoni?
4. Njengombana ubona esithombeni, uSolomoni wawurarulula njani umraro lo?
5. Kwaba njani ukubusa kwakaSolomoni begodu kubayini?
Iimbuzo engezelelekileko:
1. Funda u-1 Amakhosi 3:3-28.
(a) Yini amadoda aphathiswe iimberego ehlanganweni kaZimu namhlanjesi angayifunda emezwini kaSolomoni asuka ehliziyweni aku-1 Amakhosi 3:7? (AmaRh. 119:105; Iziy. 3:5, 6)
(b) Kubayini isibawo sakaSolomoni sisibonelo esihle sezinto okufuneka sizithandazele? (1 Amakh. 3:9, 11; Iziy. 30:8, 9; 1 Jwan 5:14)
(c) Ngikuphi ukuqiniseka indlela uSolomoni ararulula ngayo umraro wabafazi ababili okusinekela khona malungana nokubusa kwakaSolomoni Omkhulu uJesu Krestu esikhathini esizako? (1 Amakh. 3:28; Isa. 9:6, 7; 11:2-4)
2. Funda u-1 Amakhosi 4:29-34.
(a) UJehova wasiphendula njani isibawo sakaSolomoni sokufuna ukuba nehliziyo ethembekileko? (1 Amakh. 4:29)
(b) Ukuqala iimzamo eyenziwa babantu ukuyokuzwa ukuhlakanipha kwakaSolomoni, kufuneka kesenze bona sibe namuphi umbono ekufundeni iLizwi lakaZimu? (1 Amakh. 4:29, 34; Jwan 17:3; 2 Thim. 3:16)
USolomoni Wakha Itempeli
1. Kwamthatha isikhathi esingangani uSolomoni ukwakha itempeli lakaJehova, begodu kubayini labiza imali enengi kangaka?
2. Bekamangaki amakamero aqakathekileko etempeleni, begodu bekunani ngaphakathi kwawo?
3. USolomoni wathini nekathandazako lokha ukwakhiwa kwetempeli sele kuphelile?
4. UJehova watjengisa bunjani bona umthandazo kaSolomoni uyamthabisa?
5. Khuyini abafazi bakaSolomoni abamenzisa yona, begodu kwenzekani kuSolomoni?
6. Kubayini uJehova amkwatela uSolomoni, begodu uJehova wathini kuye?
Iimbuzo engezelelekileko:
1. Funda u-1 Imilando 28:9, 10.
Nesiqala amezwi kaDavidi atlolwe ku-1 Imilando 28:9, 10, yini okumelwe silwele ukuyenza ekuphileni kwethu kwelanga nelanga? (Amakh. 19:14; Fil. 4:8, 9)
2. Funda u-2 Imilando 6:12-21, 32-42.
(a) USolomoni watjengisa njani bona akunamakhiwo owenziwe mumuntu ongakwazi ukuhlalisa uZimu Ophakeme kunabo boke? (2 Imila. 6:18; IZenzo 17:24, 25)
(b) Amezwi kaSolomoni aku-2 Imilando 6:32, 33, atjengisani ngoJehova? (IZenzo 10:34, 35; Gal. 2:6)
3. Funda u-2 Imilando 7:1-5.
Njengalokha abantwana bakwa-Israyeli badumisa uJehova ngokubona iphazimulo yakhe, lokho kufuneka kusithinte bunjani namhlanjesi nesicabanga ngeembusiso zakaJehova ebantwini bakhe? (2 Imil. 7:3; AmaRh. 22:22; 34:1; 96:2)
4. Funda u-1 Amakhosi 11:9-13.
Ukuphila kwakaSolomoni kwatjengisa bunjani ukuqakatheka kokuhlala uthembekile bekube sekupheleni? (1 Amakh. 11:4, 9; Mt. 10:22; ISamb. 2:10)
Umbuso Wakwa-Israyeli Uhlukana Phakathi
1. Bobani amabizo wamadoda amabili asesithombenesi?
2. U-Ahija wenzani ngengubo egade ayembethe, begodu isenzweso besitjho ukuthini?
3. Khuyini uSolomoni alinga ukuyenza kuJerobhowami?
4. Kubayini abantu benza uJerobhowami ikosi yeentjhaba ezilitjhumi?
5. Kubayini uJerobhowami enza amathole amabili werhawuda, kodwana kwenzekani enarheni ngemva kwalokho?
6. Kwenzekani ngeentjhaba eembili netempeli lakaJehova eJerusalema?
Iimbuzo engezelelekileko:
1. Funda u-1 Amakhosi 11:26-43.
UJerobhowami gade amumuntu onjani, begodu yini uJehova amthembisa yona nekabulunga iimthetho yakhe? (1 Amakh. 11:28, 38)
2. Funda u-1 Amakh 12:1-33.
(a) Esibonelweni sakaRehobhowami esimbi, khuyini ababelethi nabadala abangayifunda malungana nokuberegisa kumbi igunya? (1 Amakh. 12:13; Umtjh. 7:7; 1 Pit. 5:2, 3)
(b) Lokha nelenza iinqunto eziqakathekileko ekuphileni, bobani ulutjha elingaya kibo ukufumana isiyeleliso elingasithemba namhlanjesi? (1 Amakh. 12:6, 7; Iziy. 1:8, 9; 2 Thim. 3:16, 17; Heb. 13:7)
(c) Yini eyabangela uJerobhowami bona enze iindawo eembili zokukhulekela ikonyana, begodu lokhu kwakutjengisa njani ukutlhoga ikholo kuJehova? (1 Amakh. 11:37; 12:26-28)
(d) Ngubani owabangela abantu bombuso weentjhaba ezilitjhumi bona bahlubuke ekukhulekeleni kweqiniso? (1 Amakh. 12:32, 33)
UJezebheli—Indlovukazi Engakalungi
1. Ngubani uJezebheli?
2. Yini eyabangela iKosi u-Ahabi yatlhuwa langelinye?
3. UJezebheli wenzani ukufumanela u-Ahabi indodakhe isimu yamadiribe kaNabhothi?
4. UJehova wathumela bani ukuyojezisa uJezebheli?
5. Njengombana ubona esithombeni kwenzekani lokha uJehu nekafika emzini kaJezebheli?
Iimbuzo engezelelekileko:
1. Funda u-1 Amakh 16:29-33 no-18:3, 4.
Gade bunjani ubujamo bama-Israyeli hlangana nesikhathi seKosi u-Ahabi? (1 Amakh. 14:9)
2. Funda u-1 Amakhosi 21:1-16.
(a) UNabhothi wasibonisa njani isibindi nokuthembeka kuJehova? (1 Amakh. 21:1-3; Lef. 25:23-28)
(b) Yini esingayifunda esibonelweni saka-Ahabi, malungana nokuqalana nokudana? (1 Amakh. 21:4; Rom. 5:3-5)
3. Funda u-2 Amakhosi 9:30-37.
Yini esingayifunda etjisekweni kaJehu yokwenza intando kaJehova? (2 Amakh. 9:4-10; 2 Kor. 9:1, 2; 2 Thim. 4:2)
UJehoshafati Uthembela KuJehova
1. Ngubani uJehoshafati begodu waphila ngasiphi isikhathi?
2. Khuyini eyabangela ama-Israyeli bonyana asabe, begodu amanengi wawo enzani?
3. UJehova wawuphendula njani umthandazo kaJehoshafati?
4. Khuyini uJehova ayibangela bona yenzeke ngaphambi kokuthoma kwepi?
5. Ngisiphi isifundo esingasifunda kuJehoshafati?
Iimbuzo engezelelekileko:
1. Funda u-2 Imilando 20:1-30.
(a) UJehoshafati watjengisa njani bonyana yini okufuneka yenziwe ziinceku zakaZimu lokha neziqalene nobujamo obuyingozi? (2 Imila. 20:12; Amakh. 25:15; 62:1)
(b) Njengombana uJehova bekalokhu aberegisa indlela ethileko yokukhulumisana nabantu bakhe, ngiyiphi indlela ayiberegisako namhlanjesi? (2 Imila. 20:14, 15; Mt. 24:45-47; Jwan 15:15)
(c) Lokha uZimu nekathomisa “ipi eyodwa mhlana wesuku elikhulu lakaZimu uMninimandla woke,” ubujamo bethu buzokufana njani nalobo besikhathi sakaJehoshafati? (2 Imila. 20:15, 17; 32:8; ISamb. 16:14, 16)
(d) Alingisa amaLefi, amaphayona neenthunywa zevangeli enza muphi umnikelo emsebenzini wokutjhumayela wephasi loke namhlanjesi? (2 Imila. 20:19; Rom. 10:13-15; 2 Thim. 4:2)
Abasana Ababili Abavuswako
1. Bobani abantu abathathwaba abasesithombenesi, begodu kwenzekeni emsanyaneni lo?
2. Khuyini u-Elija ayithandazelako malungana nomsanyana lo, bese kwenzekani ngokulandelako?
3. Ngubani ibizo lomrhelebhi ka-Elija?
4. Kubayini u-Elitjha abizelwa emzini womfazi weShunemi?
5. Wenzani u-Elitjha, begodu khuyini eyenzeka emntwaneni ohlongakeleko?
6. Ngimaphi amandla uJehova anawo atjengiswa ngo-Elija no-Elitjha?
Iimbuzo engezelelekileko:
1. Funda u-1 Amakhosi 17:8-24.
(a) Ikholo nokuthembeka kwaka-Elija kwavivinywa bunjani? (1 Amakh. 17:9; 19:1-4, 10)
(b) Kubayini ikholo lomhlolokazi weZerefati livelele? (1 Amakh. 17:12-16; Luka 4:25, 26)
(c) Lokho okwenzeka kumhlolokazi weZerefati kutjengisa njani ukuba liqiniso kwamezwi kaJesu atlolwe kuMatewu 10:41, 42? (1 Amakh. 17:10-12, 17, 23, 24)
2. Funda u-2 Amakhosi 4:8-37.
(a) Umfazi weShunemi usifundisani ngokumukela imvakatjhi? (2 Amakh. 4:8; Luka 6:38; Rom. 12:13; 1 Jwan 3:17)
(b) Singaba njani nomusa eencekwini zakaZimu namhlanjesi? (IZenzo 20:35; 28:1, 2; Gal. 6:9, 10; Heb. 6:10)
Umntazanyana Urhelebha Induna
1. Esithombenesi, khuyini umntazanyana lo ayitjela umfazi lo?
2. Ngubani umfazi osesithombenesi, begodu umntazanyana lo wenzani emzini womfazi lo?
3. U-Elitjha walayela incekwakhe bona imtjeleni uNahamani, begodu uNahamani wasilingwa yini?
4. Kwenzekani lokha uNahamani nekalalela incwekwakhe?
5. Kubayini u-Elitjha abhala ukuthatha isipho sakaNahamani, kodwana uGehazi wenzani?
6. Kwenzekani kuGehazi, begodu khuyini esingayifunda kilokhu?
Iimbuzo engezelelekileko:
1. Funda u-2 Amakhosi 5:1-27.
(a) Isibonelo esabekwa mntazanyana wakwa-Israyeli silikhuthaza bunjani ulutjha namhlanjesi? (2 Amakh. 5:3; AmaRh. 8:2; 148:12, 13)
(b) Kubayini kukuhle ukukhumbula isibonelo sakaNahamani nesifumana isiyeleliso seeMtlolo? (2 Amakh. 5:15; Heb. 12:5, 6; Jak. 4:6)
(c) Ngisiphi isifundo esingasifunda ngokumadanisa isibonelo saka-Elitjha nesakaGehazi? (2 Amakh. 5:9, 10, 14-16, 20; Mt. 10:8; IZenzo 5:1-5; 2 Kor. 2:17)
UJona Nefesi Ekulu
1. Gade angubani uJona, begodu uJehova wamtjela bonyana enzeni?
2. Njengombana gade angafuni ukuya lapho uJehova athe aye khona, yini eyenziwa nguJona?
3. Ukuphelisa isiwuruwuru, uJona wathi abathayi ngesikepe benzeni?
4. Njengombana ubona esithombenesi, kwenzekani kuJona lokha nekaqwila ngemanzini?
5. UJona wahlala isikhathi eside kangangani ngemathunjeni wefesi, begodu gade enzani lapho?
6. UJona wayaphi nekaphuma ngefesini ekulu, begodu lokhu kusifundisani?
Iimbuzo engezelelekileko:
1. Funda u-Jona 1:1-17.
Ngokusepepeneneni, uJona wazizwa njani ngesabelo sakhe sokutjhumayeza abantu beNiniva? (Jona 1:2, 3; Iziy. 3:7; Umtjh. 8:12)
2. Funda uJona 2:1, 2, 10.
Okwenzeka kuJona kusinikela njani isibindi sokobana uJehova uzoyiphendula imithandazo yethu? (AmaRh. 22:24; 34:6; 1 Jwan 5:14)
3. Funda uJona 3:1-10.
(a) Ngisiphi isikhuthazo esisifumana ngokwazi bona namtjhana uJona wathoma wabhalelwa ukuya esabelweni sakhe, uJehova waragela phambili amberegisa? (AmaRh. 103:14; 1 Pit. 5:10)
(b) Okwenzeka kuJona ngabantu beNiniva kusifundisani ngokuhlulela abantu esitjhumayela kibo? (Jona 3:6-9; Umtjh. 11:6; IZenzo 13:48)
UZimu Uthembisa Ipharadeyisi
1. Gade angubani u-Isaya, waphila ngasiphi isikhathi, begodu uJehova wamtjengisani?
2. Litjho ukuthini ibizo elithi “ipharadeyisi,” begodu likukhumbuzani?
3. Khuyini uJehova athi u-Isaya ayitlole ngePharadeyisi elitjha?
4. Kubayini u-Adamu no-Efa balahlekelwa likhaya labo elihle?
5. UJehova ubathembisani labo abamthandako?
Iimbuzo engezelelekileko:
1. Funda u-Isaya 11:6-9.
(a) ILizwi lakaZimu litjengisa njani ukuthula okuzokuba khona hlangana nabantu neembandana ephasini elitjha? (AmaRh. 148:10, 13; Isa. 65:25; Ez. 34:25)
(b) Ngikuphi ukuzaliseka okungokomoya kwamezwi ka-Isaya okwenzeka hlangana nabantu bakaJehova namhlanjesi? (Rom. 12:2; Ef. 4:23, 24)
(c) Ngubani okufanelwe adunyiswe ngetjhuguluko labantu kokubili namhlanjesi nephasini elitjha? (Isa. 48:17, 18; Gal. 5:22, 23; Fil. 4:7)
2. Funda ISambulo 21:3, 4.
(a) IiMtlolo itjengisa bunjani bona ukuhlala kwakaZimu nesintu kutjho bonyana ukhona ngokomfanekiso, ingasi ngenyama ephasini? (Lef. 26:11, 12; 2 Imila. 6:18; Isa. 66:1; ISamb. 21:2, 3, 22-24)
(b) Ngiziphi iinyembezi nobuhlungu okuzokuqedwa? (Luka 8:49-52; Rom. 8:21, 22; ISamb. 21:4)
UZimu Urhelebha IKosi UHezekiya
1. Ngubani indoda esesithombeni le, begodu kubayini isemrarweni omkhulu?
2. Ziincwadi zani uHezekiya azibeka phambi kwakaZimu, begodu yini ayithandazelako?
3. UHezekiya gade ayikosi enjani, begodu yini uJehova ayithumela kuye ngomphorofidi u-Isaya?
4. Khuyini ingilozi kaJehova eyakwenza kuma-Asiriya njengombana kutjengiswe esithombenesi?
5. Namtjhana iintjhaba eembili zombuso zaba nokuthula okwesikhatjhana, kwenzekani ngemva kokuhlongakala kwakaHezekiya?
Iimbuzo engezelelekileko:
1. Funda u-2 Amakh 18:1-36.
(a) Umkhulumeli wama-Asiriya uRabishake wafuna njani ukubogabogisa ikholo lama-Israyeli? (2 Amakh. 18:19, 21; Eks. 5:2; AmaRh. 64:3)
(b) Lokha nebaberegisana nabaphikisi babo, aboFakazi bakaJehova bangasilandela njani isibonelo sakaHezekeli? (2 Amakh. 18:36; AmaRh. 39:1; Iziy. 26:4; 2 Thim. 2:24)
2. Funda u-2 Amakhosi 19:1-37.
(a) Iinceku zakaJehova namhlanjesi zingamlingisa njani uHezekeli ngeenkhathi zokugandeleleka? (2 Amakh. 19:1, 2; Iziy. 3:5, 6; Heb. 10:24, 25; Jak. 5:14, 15)
(b) Ngikuphi ukuthumba okukathathu okwenziwa yiKosi uSenakheribhi, begodu gade ajamele bani ngokwesiphorofido? (2 Amakh. 19:32, 35, 37; ISamb. 20:2, 3)
3. Funda u-2 Amakh 21:1-6, 16.
Kubayini kungathiwa uManase waba ngenye yamakhosi amambi kunawo woke akhe abusa eJerusalema? (2 Imila. 33:4-6, 9)
IKosi Yamaswaphela Yakwa-Israyeli Elungileko
1. Gade amdala kangangani uJosaya nekaba yikosi, begodu yini athoma ukuyenza nekayikosi iimnyaka elikhomba?
2. Wenzani uJosaya esithombeni sokuthoma?
3. Umpristi omkhulu wafumanani lokha amadoda nekalungisa itempeli?
4. Kubayini uJosaya arathula iimpahla zakhe?
5. Ngimuphi umlayezo kaJehova umphorofidi uHulida awunikela uJosaya?
Iimbuzo engezelelekileko:
1. Funda u-2 Imilando 34:1-28.
(a) Ngisiphi isibonelo uJosaya asibekela labo abakhula budisi? (2 Imila. 33:21-25; 34:1, 2; AmaRh. 27:10)
(b) Ngiwaphi amagadango aqakathekileko uJosaya awathathako bona aragekisele phambili ukukhulekela kweqiniso ngomnyaka wesi-8, ngomnyaka wesi-12 nangomnyaka wesi-18 wokubusa kwakhe? (2 Imila. 34:3, 8)
(c) Esibonelweni esabekwa yiKosi uJosaya noMpristi oMkhulu uHilikiya, singafundani malungana nokubulunga indawo yethu yokukhulekela ihlwengekile? (2 Imila. 34:9-13; Iziy. 11:14; 1 Kor. 10:31)
Indoda Enesibindi
1. Ngubani indoda etja le, esesithombenesi?
2. UJeremiya wacabangani ngokuba mphorofidi, kodwana uJehova wamtjelani?
3. Ngimuphi umlayezo uJeremiya aragela phambili awutjela abantu?
4. Abapristi balinga bunjani ukujamisa uJeremiya ekutjhumayeleni, kodwana yena watjengisa bunjani bona akasabi?
5. Kwenzekani lokha ama-Israyeli nekangatjhintjhiko eendleleni zawo ezimbi?
Iimbuzo engezelelekileko:
1. Funda uJeremiya 1:1-8.
(a) Njengombana isibonelo sakaJeremiya sitjengisa, khuyini eyenza umuntu afanelekele ikonzo kaJehova? (2 Kor. 3:5, 6)
(b) Ngisiphi isikhuthazo isibonelo sakaJeremiya esisibekela ulutjha lamaKrestu namhlanjesi? (Umtjh. 12:1; 1 Thim. 4:12)
2. Funda uJeremiya 10:1-5.
Ngimuphi umfanekiso onamandla owaberegiswa nguJeremiya ukutjengisa ubudlhayela bokuthembela eenthombeni? (Jer. 10:5; Isa. 46:7; Hab. 2:19)
3. Funda uJeremiya 26:1-16.
(a) Ukuzwakalisa umlayezo wesiyeleliso namhlanjesi, isali ezesiweko itjengisa njani ukulalela amezwi kaJehova kuJeremiya athi, ‘ungasusi nelilodwa ilizwi’? (Jer. 26:2; Dut. 4:2; IZenzo 20:27)
(b) Ngisiphi isibonelo esihle uJeremiya asibekela aboFakazi bakaJehova namhlanjesi sokutjhumayela ngesiyeleliso sakaJehova eentjhabeni? (Jer. 26:8, 12, 14, 15; 2 Thim. 4:1-5)
4. Funda u-2 Amakhosi 24:1-17.
Ukungathembeki kwamaJuda kuJehova kwaba namiphi imiphumela ebuhlungu? (2 Amakh. 24:2-4, 14)
Abasana Abane EBhabhiloni
1. Bobani abasana abanaba abasesithombeni, begodu kubayini baseBhabhiloni?
2. UNebukadinezari gade azokwenzani ngabasana abanaba, begodu walayela iinceku zakhe bona zenzeni?
3. Khuyini uDanyela azibawela yona nabangani bakhe abathathu malungana nokudla neenselo?
4. Ngemva kokudla iimrorho amalanga ayi-10, uDanyela nabangani bakhe abathathu bebabonakala banjani nebamadaniswa namanye amasokana?
5. UDanyela nabangani bakhe abathathu baba yini esigodlweni sekosi, begodu ngiyiphi indlela egade babhedere ngayo kubapristi namadoda ahlakaniphileko?
Iimbuzo engezelelekileko:
1. Funda uDanyela 1:1-21.
(a) Ngimuphi umzamo otlhogekako nesifuna ukubalekela iinlingo nobuthakathaka? (Dan. 1:8; Gen. 39:7, 10; Gal. 6:9)
(b) Ngiziphi iindlela ulutjha namhlanjesi elingalingeka ngazo bona liwele kilokho abanye abakubiza bona, “zimmenyemenye” (Dan. 1:8; Iziy. 20:1; 2 Kor. 6:17–7:1)
(c) Umlando weBhayibhili wamasokana wamaHebheru amane usirhelebha njani bona sibone ukuqakatheka kwefundo elingeneko? (Dan. 1:20; Isa. 54:13; 1 Kor. 3:18-20)
IJerusalema Liyatjhatjalaliswa
1. Kwenzekani ngeJerusalema nangama-Israyeli esithombenesi?
2. Ngubani uHezekiya, begodu ngiziphi izinto ezithusako uJehova amtjengisa zona?
3. Njengombana ama-Israyeli gade angamhloniphi uJehova, khuyini ayithembisako?
4. Yenzani iKosi uNebukadinezari ngemva kokobana ama-Israyeli ahlubuke?
5. Kubayini uJehova avumela into ebuhlungu le bona yenzeke kuma-Israyeli?
6. Inarha yakwa-Israyeli yatjhiywa njani inganabantu, begodu isikhathi esingangani?
Iimbuzo engezelelekileko:
1. Funda u-2 Amakhosi 25:1-26.
(a) Bekangubani uZedekiya, kwenzekani kuye, begodu lokhu kwasizalisa njani isiphorofido seBhayibhili? (2 Amakh. 25:5-7; Ezek. 12:13-15)
(b) Ngubani uJehova ambeka icala ngebanga lokungathembeki kwama-Israyeli? (2 Amakh. 25:9, 11, 12, 18, 19; 2 Imila. 36:14, 17)
2. Funda u-Ezekeli 8:1-18.
IKolo izilingise njani iinhlubuki zama-Israyeli ebezikhulekela ilanga? (Ezek. 8:16; Isa. 5:20, 21; Jwanisi 3:19-21; 2 Thim. 4:3)
Bebangekhe Bakhuleke Esithombeni
1. Ngiwuphi umthetho uNebukadinezari ikosi yeBhabhiloni awunikela abantu?
2. Kubayini abangani bakaDanyela abathathu bangasikhothameli isithombe serhawuda?
3. Lokha uNebukadinezari nekanikela amaHebheru amathathu la ithuba lokukhothama godu, atjengisa njani ukuthembela kuJehova?
4. UNebukadinezari walayela amadodakhe bona enzeni ngoShedireki, uMishaka, no-Abedniko?
5. Yini uNebukadinezari ayibonako nekaqala elangabini lomlilo?
6. Kubayini ikosi yadumisa uZimu kaShedireki, uMishaka, no-Abedniko, begodu ngisiphi isibonelo ebasitjengisa sona?
Iimbuzo engezelelekileko:
1. Funda uDanyela 3:1-30.
(a) Iinceku zakaZimu neziqalene neenlingo, ngisiphi isimo esatjengiswa masokana wamaHebheru amathathu okufanele zisilingise? (Dan. 3:17, 18; Mt. 10:28; Rom. 14:7, 8)
(b) Ngisiphi isifundo esiqakathekileko uJehova uZimu asitjengisa uNebukadinezari? (Dan. 3:28, 29; 4:34, 35)
Umtlolo Wesandla Ebodeni
1. Kwenzekani lokha ikosi yeBhabhiloni inomnyanya omkhulu, begodu iberegisa iinkomitji nezitja ezithethe etempeleni lakaJehova eJerusalema?
2. UBhelishasari wathini emadodenakhe ahlakaniphileko, kodwana khuyini abhalelwa kuyenza?
3. Unina lekosi wayitjela bonyana yenzeni?
4. Ngokwalokho uDanyela akutjela ikosi, kubayini uZimu athumela isandla bona sibhale ebodeni?
5. UDanyela wawahlathulula njani amezwi asebodeni?
6. Kwenzekani lokha uDanyela nasakhulumako?
Iimbuzo engezelelekileko:
1. Funda uDanyela 5:1-31.
(a) Ngimuphi umahluko okhona ekusabeni uZimu nokusaba uBhelishasari aba nakho lokha nekabona umtlolo wesandla ebodeni? (Dan. 5:6, 7; AmaRh. 19:9; Rom. 8:35-39)
(b) UDanyela wasitjengisa njani isibindi nekakhuluma noBhelishasari neenduna zakhe? (Dan. 5:17, 18, 22, 26-28; IZenzo 4:29)
(c) Isahluko-5 sakaDanyela sitjengisa njani ukuqakatheka kokubusa kwakaJehova kwendawo yoke? (Dan. 4:17, 25; 5:21)
UDanyela Ngemgodini Wamabhubezi
1. Ngubani uDariyasi, begodu gade amqala njani uDanyela?
2. Khuyini amanye amadoda anomona abangela uDariyasi bonyana ayenze?
3. Wenzani uDanyela nekezwa ngomthetho omutjha?
4. Kubayini uDariyasi gade adane kangaka abhalelwa nakulala, begodu wenzani ekuseni ngelanga elilandelako?
5. UDanyela wamphendula njani uDariyasi?
6. Kwenzekani emadodeni amambi egade alinga ukubulala uDanyela, begodu khuyini uDariyasi ayitlolela boke abantu embuswenakhe?
Iimbuzo engezelelekileko:
1. Funda uDanyela 6:1-28.
(a) Amano wokuketula uDanyela atjengisa bunjani lokho okwenziwa baphikisi ukulinga ukuvimbela umsebenzi owenziwa boFakazi bakaJehova namhlanjesi? (Dan. 6:7; Amakh. 94:20; Isa. 10:1; Rom. 8:31)
(b) Iinceku zakaZimu namhlanjesi zingamlingisa bunjani uDanyela ekuthobeleni “umbuso”? (Dan. 6:5, 10; Rom. 13:1; IZenzo 5:29)
(c) Singasilingisa bunjani isibonelo sakaDanyela ekukhonzeni uJehova “ngokungatjhuguluki”? (Dan. 6:16, 20; Fil. 3:16; ISamb. 7:15)
Abantu BakaZimu Bayaphuma EBhabhiloni
1. Njengombana kutjengiswe esithombeni, enzani ama-Israyeli?
2. UKoresi wasizalisa njani isiphorofido sakaJehova ngo-Isaya?
3. UKoresi wawatjelani ama-Israyeli egade angekhe akwazi ukubuyela eJerusalema?
4. Yini uKoresi ayinikela abantu bonyana babuyele nayo emva eJerusalema?
5. Kwawathatha isikhathi eside kangangani ama-Israyeli ukubuyela eJerusalema?
6. Kwadlula iimnyaka emingaki solokhu inarha itjhiywe inganabantu?
Iimbuzo engezelelekileko:
1. Funda u-Isaya 44:28 no-45:1-4.
(a) UJehova wakugandelela njani ukuqiniseka kokuzaliseka kwesiphorofido malungana noKoresi? (Isa. 55:10, 11; Rom. 4:17)
(b) Isiphorofido saka-Isaya malungana noKoresi siwatjengisa njani amandla kaJehova wokubikezela ngengomuso? (Isa. 42:9; 45:21; 46:10, 11; 2 Pit. 1:20)
2. Funda u-Ezra 1:1-11.
Ukulandela isibonelo salabo abangazange bakwazi ukubuyela eJerusalema, ‘singabaqinisa’ njani labo abakwaziko ukuba sekonzweni yesikhathi esizeleko namhlanjesi? (Ezra 1:4, 6; Rom. 12:13; Khol. 4:12)
Ukuthembela Erhelebhweni LakaZimu
1. Gade babangaki abantu abathatha ikhambo elide ukusuka eBhabhiloni ukuya eJerusalema, kodwana khuyini abayifumanako nebafikako?
2. Khuyini ama-Israyeli athoma ukuyakha nekafikako, kodwana amanababo enzani?
3. Ngubani uHagayi noZakariya, begodu babatjelani abantu?
4. Kubayini uThathenayi athumela incwadi eBhabhiloni, begodu ngiyiphi ipendulo ayifumanako?
5. Wenzani u-Ezra lokha nekafumana bona kutlhogeka bonyana kuyokulungiswa itempeli lakaZimu?
6. Khuyini u-Ezra ayithandazelako esithombenesi, waphendulwa bunjani umthandazwakhe, begodu lokhu kusifundisani?
Iimbuzo engezelelekileko:
1. Funda u-Ezra 3:1-13.
Nesizifumana endaweni lapho lingekho ibandla labantu bakaZimu, khuyini okufanele siyenze? (Ezra 3:3, 6; IZenzo 17:16, 17; Heb. 13:15)
2. Funda u-Ezra 4:1-7.
Ngisiphi isibonelo uZerubhabhele asibekela abantu bakaJehova malungana nokuvanga iinkolo? (Eks. 34:12; 1 Kor. 15:33; 2 Kor. 6:14-17)
3. Funda u-Ezra 5:1-5, 17 no-6:1-22.
(a) Kubayini abaphikisi bangakhenge bakwazi ukuvimbela umsebenzi wetempeli? (Ezra 5:5; Isa. 54:17)
(b) Isenzo samadoda amadala wamaJuda sibakhuthaza bunjani abadala bamaKrestu bona bafune isinqophiso sakaJehova lokha nebaqalene nabaphikisi? (Ezra 6:14; AmaRh. 32:8; Rom. 8:31; Jak. 1:5)
4. Funda u-Ezra 8:21-23, 28-36.
Ngaphambi kokuthatha nanyana ngiliphi igadango, ngisiphi isibonelo saka-Ezra okungaba kuhle bona sisilingise? (Ezra 8:23; AmaRh. 127:1; Iziy. 10:22; Jak. 4:13-15)
UMoridekayi No-Esta
1. Ngubani uMoridekayi no-Esta?
2. Kubayini iKosi u-Ahashiveroshi afuna umfazi omutjha, begodu wakhetha bani?
3. Ngubani uHamani, begodu khuyini eyamenza wakwata khulu?
4. Ngimuphi umthetho owenziwako, begodu yini u-Esta ayenzako ngemva kokufumana umlayezo ovela kuMoridekayi?
5. Kwenzekani ngoHamani nangoMoridekayi?
6. Ama-Israyeli asindiswa bunjani emanabenawo?
Iimbuzo engezelelekileko:
1. Funda u-Esta 2:12-18.
U-Esta wakutjengisa njani ukuqakatheka kokuhlakulela ‘umoya omuhle nonokuthula’? (Esta 2:15; 1 Pit. 3:1-5)
2. Funda u-Esta 4:1-17.
Njengombana u-Esta anikelwa ithuba lokobana ajamele ukukhulekela kweqiniso, ngiliphi ithuba esinikelwe lona namhlanjesi lokutjengisa ukuzinikela kwethu nokuthembeka kuJehova? (Esta 4:13, 14; Mt. 5:14-16; 24:14)
3. Funda u-Esta 7:1-6.
Abantu abanengi bakaZimu namhlanjesi bazifake njani engozini njengombana kwenza u-Esta? (Esta 7:4; Mt. 10:16-22; 1 Pit. 2:12)
Amaboda WeJerusalema
1. Ama-Israyeli azizwa njani ngokungabi namaboda abhode umuzi weJerusalema?
2. Ngubani uNehemiya?
3. Bewuyini umberego kaNehemiya, begodu kubayini bewuqakathekile?
4. Ngiziphi iindaba ezadanisa uNehemiya, begodu yini ayenzako?
5. IKosi u-Aritahishashita wamtjengisa njani umusa uNehemiya?
6. UNehemiya wawuhlela njani umberego wokwakha, ukwenzela bona amanaba wama-Israyeli angakwazi ukuwujamisa?
Iimbuzo engezelelekileko:
1. Funda uNehemiya 1:4-6 no-2:1-20.
UNehemiya wasifuna njani isinqophiso sakaJehova? (Neh. 2:4, 5; Rom. 12:12; 1 Pit. 4:7)
2. Funda uNehemiya 3:3-5.
Khuyini abadala neenceku ezikhonzako abangayifunda emahlukweni okhona phakathi kwamaThekhowa “nabakhulu kibo”? (Neh. 3:5, 27; 2 Tes. 3:7-10; 1 Pit. 5:5)
3. Funda uNehemiya 4:1-23.
(a) Khuyini eyarhelebha ama-Israyeli ukukhuthazela bakha naphezu kokuphikiswa kabuhlungu? (Neh. 4:6, 8, 9; AmaRh. 50:15; Isa. 65:13, 14)
(b) Isibonelo sama-Israyeli sisikhuthaza bunjani namhlanjesi?
4. Funda uNehemiya 6:15.
Iqiniso lokobana amaboda weJerusalema akhiwe aphela ngeenyanga eembili litjengisani ngamandla wekholo? (AmaRh. 56:3, 4; Mt. 17:20; 19:26)
Ingilozi Ivakatjhela UMariya
1. Ngubani umfazi osesithombeni lo?
2. Khuyini uGabriyeli ayitjela uMariya?
3. UGabriyeli wamtjela njani uMariya bona uzokuba nomntwana namtjhana angazange ahlangane nendoda?
4. Kwenzekani lokha uMariya nekavakatjhela isihlobo sakhe u-Elizabethi?
5. Yini uJosefa ayicabangako nekafumana bona uMariya uzokuba nomntwana, kodwana kubayini atjhintjha umcabangwakhe?
Iimbuzo engezelelekileko:
1. Funda uLuka 1:26-56.
(a) Incwadi kaLuka 1:35 itjengisani malungana nesono esibuya ku-Adamu egade sisesibelethweni sakaMariya, lokha ukuphila kweNdodana kaZimu kususwa ekubeni mumuntu womoya ezulwini kudluliselwa esibelethweni sakaMariya njengomuntu? (Hag. 2:11-13; Jwanisi 6:69; Heb. 7:26; 10:5)
(b) UJesu wadunyiswa bunjani ngitjho nangaphambi kobana abelethwe? (Luka 1:41-43)
(c) Ngisiphi isibonelo esihle uMariya asibekela amaKrestu afumana amalungelo wekonzo akhethekileko namhlanjesi? (Luka 1:38, 46-49; 17:10; Iziy. 11:2)
2. Funda uMatewu 1:18-25.
Namtjhana uJesu angakhenge aphiwe ibizo elithi Emanuweli, indima yakhe njengomuntu yakuzalisa bunjani okutjhiwo ibizwelo? (Mt. 1:22, 23; Jwanisi 14:8-10; Heb. 1:1-3)
UJesu Ubelethelwa Esitalini
1. Ngubani umntwana omncani lo esithombenesi, begodu uMariya umlalise kuphi?
2. Kubayini uJesu abelethelwa esitalini seenlwana?
3. Bobani amadoda angena esitalini esithombenesi, begodu ingilozi yathini kibo?
4. Kubayini uJesu akhethekile?
5. Kubayini uJesu abizwa bonyana yiNdodana kaZimu?
Iimbuzo engezelelekileko:
1. Funda uLuka 2:1-20.
(a) UKhesari Agustusi waba nayiphi ingcenye ekuzalisekeni kwesiphorofido esimalungana nokubelethwa kwakaJesu? (Luka 2:1-4; Mik. 5:2)
(b) Umuntu angabalwa njani hlangana nalabo uZimu ‘anelisekako’ ngabo? (Luka 2:14; Mt. 16:24; Jwanisi 17:3; IZenzo 3:19; Heb. 11:6)
(c) Nengabe abelusi bamaJuda abathobekileko baba nebanga lokuthaba ngokubelethwa koMsindisi, ngiliphi ibanga lokuthaba iinceku zakaZimu ezinalo namhlanjesi? (Luka 2:10, 11; Ef. 3:8, 9; ISamb. 11:15; 14:6)
Amadoda Anqophiswa Yikwekwezi
1. Bobani amadoda asesithombenesi, begodu kubayini omunye akhomba ikwekwezi le?
2. Kubayini iKosi uHerodi yasilingeka, begodu khuyini eyakwenzako?
3. Ikwekwezi le yawadosela kuphi amadoda la, kodwana kubayini abuyela enarheni yekhabo ngenye indlela?
4. Ngimuphi umlayo owakhutjhwa nguHerodi, begodu kubayini?
5. UJehova watjela uJosefa bona enzeni?
6. Ngubani owabangela ikwekwezi etja bona ikhanye, begodu kubayini?
Iimbuzo engezelelekileko:
1. Funda uMatewu 2:1-23.
Bekaneemnyaka emingaki uJesu begodu bekahlala kuphi lokha nekavakatjhelwa iinhlakani zeenkwekwezi? (Mt. 2:1, 11, 16)
UJesu Omncani Etempelini
1. Uneemnyaka emingaki uJesu esithombenesi, begodu ukuphi?
2. Yini egade yenziwa nguJosefa ngomndenakhe qobe mnyaka?
3. Ngemva kwelanga basekhambweni elibuyela ekhaya, kubayini uMariya noJosefa babuyela eJerusalema?
4. UJosefa noMariya bamfumana kuphi uJesu, begodu yini egade irare abantu lapho?
5. UJesu wathini kunina uMariya?
6. Singamlingisa njani uJesu ekufundeni ngoZimu?
Iimbuzo engezelelekileko:
1. Funda uLuka 2:41-52.
(a) Namtjhana uMthetho gade ufuna bona kube madoda kwaphela aya emnyanyeni waqobe mnyaka, ngisiphi isibonelo esihle uJosefa noMariya abasibekela ababelethi namhlanjesi? (Luka 2:41; Dut. 16:16; 31:12; Iziy. 22:6)
(b) UJesu walibekela njani ulutjha isibonelo esihle sokuzithoba kubabelethi babo namhlanjesi? (Luka 2:51; Dut. 5:16; Iziy. 23:22; Khol. 3:20)
2. Funda uMatewu 13:53-56.
Bobani amabizo wabanakwabo lakaJesu benyama ekukhulunywa ngabo eBhayibhilini, begodu ababili babo baberegiswa njani ebandleni lobuKrestu ngokukhamba kwesikhathi? (Mt. 13:55; IZenzo 12:17; 15:6, 13; 21:18; Gal. 1:19; Jak. 1:1; Juda 1)
UJwanisi Ubhabhadisa UJesu
1. Bobani amadoda amabili la esithombenesi?
2. Ubhabhadiswa njani umuntu?
3. Ngokuvamileko, bobani uJwanisi ababhabhadisako?
4. Ngiliphi ibanga elikhethekileko elenza uJesu bona abawe uJwanisi bona ambhabhadise?
5. UZimu watjengisa njani bonyana wakuthabela ukubhabhadiswa kwakaJesu?
6. Kwenzekani kuJesu lokha nekaya endaweni enganamuntu amalanga ayi-40?
7. Bobani abanye babalandeli bakaJesu bokuthoma namtjhana abafundi, begodu siyini isimangaliso sakhe sokuthoma?
Iimbuzo engezelelekileko:
1. Funda uMatewu 3:13-17.
UJesu wasibeka njani isibonelo sendlela abafundi bakhe okufuneka babhabhadiswe ngayo? (AmaRh. 40:7, 8; Mt. 28:19, 20; Luka 3:21, 22)
2. Funda uMatewu 4:1-11.
Ukusebenzisa kwakaJesu iiMtlolo ngokuhlakanipha kusikhuthaza bunjani bona sifunde iBhayibhili qobe? (Mt. 4:5-7; 2 Pit. 3:17, 18; 1 Jwanisi 4:1)
3. Funda uJwanisi 1:29-51.
UJwanisi umBhabhadisi wabaqophisa kuphi abafundi bakhe, begodu singasilingisa njani isibonelo sakhe namhlanjesi? (Jwanisi 1:29, 35, 36; 3:30; Mt. 23:10)
4. Funda uJwanisi 2:1-12.
Isimangaliso sakaJesu sokuthoma sitjengisa bunjani bona uJehova akazidimi izinto ezihle iinceku Zakhe? (Jwanisi 2:9, 10; AmaRh. 84:11; Jak. 1:17)
UJesu Uhlwengisa Itempeli
1. Kubayini gade kuthengiswa iinlwana etempelini?
2. UJesu wasilingwa yini?
3. Njengombana ubona esithombenesi khuyini uJesu ayenzako, begodu ngimuphi umlayo awunikela amadoda athengisa amazuba?
4. Lokha abafundi bakaJesu nebabona akwenzako, khuyini abayikhumbulako?
5. Ngisiphi isifunda uJesu adabula kiso nekabuyela emva eGalile?
Iimbuzo engezelelekileko:
1. Funda uJwanisi 2:13-25.
Ukucabangela ukusilingeka kwakaJesu ngalabo egade batjhintjha iimali etempelini, ngimuphi umbono olungileko ngokwenza irhwebo eWolweni loMbuso? (Jwanisi 2:15, 16; 1 Kor. 10:24, 31-33)
UJesu Uhlangana Nomfazi WomSamariya Emthonjeni
1. Kubayini uJesu ajama emthonjeni weSamariya, begodu khuyini ayitjho emfazini loyo lapho?
2. Gade ararwe yini umfazi lo, uJesu wathini kuye, begodu kubayini?
3. Ngiliphi ihlobo lamanzi umfazi lo agade acabanga bona uJesu ukhuluma ngalo, kodwana eqinisweni uJesu gade atjho maphi amanzi?
4. Kubayini umfazi lo ararwa ngilokho uJesu akwaziko ngaye, begodu nokobanyana wayifumanaphi iimniningwana le?
5. Ngisiphi isifundo esingasifunda endabeni yomfazi ogade asemthonjeni?
Iimbuzo engezelelekileko:
1. Funda uJwanisi 4:5-43.
(a) Silandela isibonelo sakaJesu, kufanele sibaphathe njani abantu beenhlanga ezihlukahlukeneko? (Jwanisi 4:9; 1 Kor. 9:22; 1 Thim. 2:3, 4; Titosi 2:11)
(b) Ngiziphi iinzuzo ezingokomoya ezifunyanwa mumuntu oba mfundi kaJesu? (Jwanisi 4:14; Isa. 58:11; 2 Kor. 4:16)
(c) Singakubonisa njani ukuthokoza okunjengokomfazi womSamariya, loyo ogade atjhisekela ukuhlanganyela nabanye lokho akufundileko? (Jwanisi 4:7, 28; Mt. 6:33; Luka 10:40-42)
UJesu Ufundisa Entabeni
1. Esithombenesi, kukuphi lapho uJesu afundisa khona, begodu bobani abahlezi hlanu kwakhe?
2. Bobani amabizo wabapostoli abayi-12?
3. Ngimuphi uMbuso uJesu atjhumayela ngawo?
4. Khuyini uJesu ayifundisa abantu bonyana bayithandazele?
5. UJesu wathi abantu kufuneka baphathane njani?
Iimbuzo engezelelekileko:
1. Funda uMatewu 5:1-12.
Ngiziphi iindlela esingatjengisa ngazo bona siyazitlhogomela iintlhogo zethu zomoya? (Mt. 5:3; Rom. 10:13-15; 1 Thim. 4:13, 15, 16)
2. Funda uMatewu 5:21-26.
UMatewu 5:23, 24 ugandelela bunjani bonyana ubuhlobo bethu nabanakwethu buthinta ubuhlobo bethu noJehova? (Mt. 6:14, 15; AmaRh. 133:1; Khol. 3:13; 1 Jwanisi 4:20)
3. Funda uMatewu 6:1-8.
Ngiziphi ezinye iindlela zokuzibona singabalungileko amaKrestu okufuneka azibalekele? (Luka 18:11, 12; 1 Kor. 4:6, 7; 2 Kor. 9:7)
4. Funda uMatewu 6:25-34.
Khuyini uJesu ayifundisako malungana nokuthembela kuJehova ngeentlhogo zethu ezingokwenyama? (Eks. 16:4; AmaRh. 37:25; Fil. 4:6)
5. Funda uMatewu 7:1-11.
Umfanekiso okhanyako okuMatewu 7:5 usifundisani? (Iziy. 26:12; Rom. 2:1; 14:10; Jak. 4:11, 12)
UJesu Uvusa Abahlongakeleko
1. Ngubani uyise lomntazana osesithombenesi, begodu kubayini yena nomkakhe batshwenyekile?
2. Wenzani uJariyasi nekafumana uJesu?
3. Khuyini eyenzekako lokha uJesu nekaya emzini kaJariyasi, begodu ngimuphi umlayezo uJariyasi awutholako endleleni?
4. Gade bamhlekani uJesu abantu abasemzini kaJariyasi?
5. Ngemva kokuthatha abapostoli bakhe abathathu, uyise nonina lomntazana, wabayisa ngekamarweni lomntazana, yini uJesu ayenzako?
6. Ngubani omunye uJesu amvusa kwabafileko, begodu lokhu kutjengisani?
Iimbuzo engezelelekileko:
1. Funda uLuka 8:40-56.
UJesu waba njani nomusa nokucabangela emfazini ogade aphopha iingazi, begodu abadala abamaKrestu bangafundani kilokhu? (Luka 8:43, 44, 47, 48; Lef. 15:25-27; Mt. 9:12, 13; Khol. 3:12-14)
2. Funda uLuka 7:11-17.
Kubayini labo abafelwe ngabathandekako babo bangafumana induduzo endleleni uJesu enza ngayo kumhlolokazi weNayini? (Luka 7:13; 2 Kor. 1:3, 4; Heb. 4:15)
3. Funda uJwanisi 11:17-44.
UJesu watjengisa bunjani bona kuyinto ejayelekileko ukulila nesifelwe ngesibathandako? (Jwanisi 11:33-36, 38; 2 Sam. 18:33; 19:1-4)
UJesu Usuthisa Isiqubuthu
1. Ngiyiphi into ebuhlungu eyehlela uJwanisi umBhabhadisi, begodu uJesu wazizwa njani ngayo?
2. UJesu wasisuthisa njani isiqubuthu egade simlandela, begodu kungangani ukudla okwasalako?
3. Kubayini abafundi bebasaba phakathi kobusuku, kwenzekani kuPitrosi?
4. UJesu wasisuthisa njani isiqubuthu kwesibili?
5. Kubayini kuzokuba kuhle lokha uJesu nekabusa ephasini njengeKosi kaZimu?
Iimbuzo engezelelekileko:
1. Funda uMatewu 14:1-32.
(a) Umlando okuMatewu 14:23-32 utjengisani ngobuntu bakaPitrosi?
(b) Ukulandisa okuseMtlolweni kutjengisa njani bona uPitrosi watjhuguluka endleleni yakhe yokwenza izinto ngokurhabazela? (Mt. 14:27-30; Jwanisi 18:10; 21:7; IZenzo 2:14, 37-40; 1 Pit. 5:6, 10)
2. Funda uMatewu 15:29-38.
UJesu watjengisa njani ihlonipho ngeentlhogo zenyama ezivela kuYise? (Mt. 15:37; Jwanisi 6:12; Khol. 3:15)
3. Funda uJwanisi 6:1-21.
AmaKristu namhlanjesi angasilandela njani isibonelo sakaJesu sokuhlonipha ababusi? (Jwanisi 6:15; Mt. 22:21; Rom. 12:2; 13:1-4)
UJesu Uyabathanda Abantwana Abancani
1. Abapostoli bebaphikisana ngani endleleni yabo yekhambo elide?
2. Kubayini uJesu abiza umntwana omncani wamjamisa hlangana nabapostoli?
3. Abapostoli bangaba njani njengabantwana?
4. Ngemva kweenyanga ezimbalwa, uJesu watjengisa njani bonyana uyabathanda abantwana?
Iimbuzo engezelelekileko:
1. Funda uMatewu 18:1-4.
Kubayini uJesu gade afundisa ngemifanekiso? (Mt. 13:34, 36; Markosi 4:33, 34)
2. Funda uMatewu 19:13-15.
Nesizakufumana iimbusiso zoMbuso, ngiziphi iimfanelo zabantwana abancani okufuneka sizilingise? (AmaRh. 25:9; 138:6; 1 Kor. 14:20)
3. Funda uMarkosi 9:33-37.
Khuyini uJesu ayifundisa abafundi bakhe malungana nokufuna ukuba ngomkhulu kunabanye? (Markosi 9:35; Mt. 20:25, 26; Gal. 6:3; Fil. 2:5-8)
4. Funda uMarkosi 10:13-16.
UJesu gade angeneka kangangani, begodu yini abadala abamaKrestu abangayifunda esibonelweni sakhe? (Markosi. 6:30-34; Fil. 2:1-4; 1 Thim. 4:12)
Indlela UJesu Afundisa Ngayo
1. Ngimuphi umbuzo indoda eyawubuza uJesu, begodu kubayini?
2. Yini ngezinye iinkhathi uJesu egade ayiberegisa nekafundisako, begodu yini esele siyifundile malungana namaJuda namaSamariya?
3. Endabeni eyalandiswa nguJesu, kwenzekani kumJuda ogade akhamba endleleni eya eJerikho?
4. Kwenzekani lokha umpristi omJuda nomLefi badlula ngendlela leyo?
5. Esithombenesi, ngubani orhelebha umJuda olimeleko?
6. Ngemva kokobana uJesu aqede indabakhe, ngimuphi umbuzo awubuzako, begodu indoda le yaphendula njani?
Iimbuzo engezelelekileko:
1. Funda uLuka 10:25-37.
(a) Kunokobanyana aphendule umbuzwakhe ngokunqophileko, uJesu wayirhelebha njani indoda eyazi uMthetho bonyana icabange ngendaba le? (Luka 10:26; Mt. 16:13-16)
(b) UJesu wawuberegisa njani umfanekiso ukuqeda ibandlululo eenlalelini zakhe? (Luka 10:36, 37; 18:9-14; Titosi 1:9)
UJesu Ulapha Abagulako
1. Wenzani uJesu njengombana akhamba enarheni?
2. Eemnyakeni eemthathu ngemva kobana uJesu abhabhadisiwe, khuyini ayitjela abapostoli bakhe?
3. Bobani abantu abasesithombenesi, begodu khuyini uJesu ayenzela umfazi lo?
4. Kubayini indlela uJesu aphendula ngayo ukuphikisa kwabadosiphambili bekolo kwabenza baba namahloni?
5. Lokha uJesu nabafundi bakhe bahlanu kweJerikho, uJesu wazenzelani iimphofu eembili?
6. Kubayini uJesu enza immangaliso?
Iimbuzo engezelelekileko:
1. Funda uMatewu 15:30, 31.
Amandla kaJehova amakhulu atjengiswa bunjani ngoJesu, begodu kufanele asenze sizizwe njani ngalokho uJehova akuthembisako ngephasi elitjha? (AmaRh. 37:29; Isa. 33:24)
2. Funda uLuka 13:10-17.
Ukwenza kwakaJesu ezinye immangaliso eziveleleko ngeSabatha kuyitjengisa njani ikululeko azoyiletha esintwini hlangana nokuBusa kwakhe Kweemnyaka Eyikungwana? (Luka 13:10-13; AmaRh. 46:9; Mt. 12:8; Khol. 2:16, 17; ISamb. 21:1-4)
3. Funda uMatewu 20:29-34.
Isehlakalwesi sitjengisa njani bona uJesu akhenge abe matasa khulu bona angarhelebha abantu, begodu singafundani kilokhu? (Dut. 15:7; Jak. 2:15, 16; 1 Jwanisi 3:17)
UJesu Uza NjengeKosi
1. Lokha uJesu nakeza emzaneni ohlanu kweJerusalema, wabatjela bonyana benzeni abafundi bakhe?
2. Esithombenesi, kwenzekani lokha uJesu nasele azokufika eJerusalema?
3. Abantwana abancani benzani lokha nebabona uJesu alapha iimphofu nabarholopheleko?
4. Wathini uJesu kubapristi abakwatileko?
5. Singabalingisa njani abantwana abadumisa uJesu?
6. Khuyini abafundi egade bafuna ukuyazi?
Iimbuzo engezelelekileko:
1. Funda uMatewu 21:1-17.
(a) Indlela uJesu angena ngayo eJerusalema njengeKosi ihluke njani endleleni yabojenerali bangeenkhathi zamaRoma abathumbileko? (Mt. 21:4, 5; Zak. 9:9; Fil. 2:5-8; Khol. 2:15)
(b) Ngisiphi isifundo abantwana abangasifunda ebasaneni abama-Israyeli abadzubhula amaRhalani 118 lokha uJesu nekangena etempeleni? (Mt. 21:9, 15; AmaRh. 118:25, 26; 2 Thim. 3:15; 2 Pit. 3:18)
2. Funda uJwanisi 12:12-16.
Gade kufanekiselani ukuberegisa kwabantu abebadumisa uJesu amagaja womuthi wepato? (Jwanisi 12:13; Fil. 2:10; ISamb. 7:9, 10)
Entabeni Ye-Oliva
1. Esithombenesi, ngimuphi uJesu, begodu bobani laba anabo?
2. Khuyini abapristi abalinga ukuyenza kuJesu etempelini, begodu wathini kibo?
3. Yini abapostoli abayibuza uJesu?
4. Kubayini uJesu atjela abafundi bakhe ngezinto ezizokwenzeka ephasini lokha nekabusa njengeKosi ezulwini?
5. Khuyini uJesu athi izokwenzeka ngaphambi kokobana aphelise boke ubumbi ephasini?
Iimbuzo engezelelekileko:
1. Funda uMatewu 23:1-39.
(a) Namtjhana iiMtlolo itjengisa bona ukuberegiswa kweziqu ezijayelekileko kungafaneleka, yini amezwi kaJesu akuMatewu 23:8-11 ayitjengisako malungana nokuberegisa iziqu zokurhwala ebandleni lobuKrestu? (IZenzo 26:25; Rom. 13:7; 1 Pit. 2:13, 14)
(b) Khuyini abaFarisi abayiberegisako ukulinga ukuvimbela abantu bona bangabi maKrestu, begodu abadosiphambili bekolo baziberegise bunjani iindlela ezifanako namhlanjesi? (Mt. 23:13; Luka 11:52; Jwanisi 9:22; 12:42; 1 Tes. 2:16)
2. Funda uMatewu 24:1-14.
(a) Ukuqakatheka kokukhuthazela kugandelelwe njani kuMatewu 24:13?
(b) Ikulumo ethi “emaphelelweni” ekuMatewu 24:13 itjho ukuthini? (Mt. 16:27; Rom. 14:10-12; 2 Kor. 5:10)
3. Funda uMarkosi 13:3-10.
Ngimaphi amezwi akuMarkosi 13:10 atjengisa ukurhaba kokutjhumayela iindaba ezilungileko, begodu amezwi kaJesu kufuneka asithinte njani? (Rom. 13:11, 12; 1 Kor. 7:29-31; 2 Thim. 4:2)
Ngekamarweni Eliphezulu
1. Njengombana kutjengisiwe esithombenesi, kubayini uJesu nabapostoli bakhe abayi-12 bangekamerweni eliphezulu elikhulu?
2. Ngubani indoda ekhambako le, begodu yini eyoyenza?
3. Ngisiphi isidlo esikhethekileko uJesu asithomisako ngemva kobana isidlo sePhasika sesiphelile?
4. IPhasika beliwakhumbuza siphi isehlakalo ama-Israyeli, begodu isidlo esikhethekilekwesi sibakhumbuza ini abalandeli bakaJesu?
5. Ngemva kweSidlo seKosi saNtambama, khuyini uJesu ayitjela abalandeli bakhe, begodu benzani?
Iimbuzo engezelelekileko:
1. Funda uMatewu 26:14-30.
(a) UMatewu 26:15 utjengisa bunjani bona ukukghaphela kwakaJudasi uJesu gade kusisenzo sangamabomu?
(b) Iingazi zakaJesu eziphalakileko zizalisa miphi iminqopho eembili? (Mt. 26:27, 28; Jer. 31:31-33; Ef. 1:7; Heb. 9:19, 20)
2. Funda uLuka 22:1-39.
Kungamuphi umqondo uSathana angena kuJudasi? (Luka 22:3; Jwanisi 13:2; IZenzo 1:24, 25)
3. Funda uJwanisi 13:1-20.
(a) NgokwakaJwanisi 13:2, uJudasi kufuneka asolwe ngalokho akwenzako na, begodu ngisiphi isifundo iinceku zakaZimu ezingasifunda kilokhu namhlanjesi? (Gen. 4:7; 2 Kor. 2:11; Gal. 6:1; Jak. 1:13, 14)
(b) Ngisiphi isifundo esinamandla esisibonelo uJesu asinikelako? (Jwanisi 13:15; Mt. 23:11; 1 Pit. 2:21)
4. Funda uJwanisi 17:1-26.
Kungamuphi umqondo uJesu athandazela abafundi bakhe “khona bazaba munye”? (Jwanisi 17:11, 21-23; Rom. 13:8; 14:19; Khol. 3:14)
UJesu Usesimini YeGetsemani
1. Ngemva kokukhamba ekamerweni eliphezulu uJesu nabafundi bakhe baya kuphi, begodu wabatjela bona benzeni?
2. Khuyini uJesu ayifumanako nekabuyela lapho abapostoli egade bakhona, begodu lokhu kwenzeka kangaki?
3. Bobani abangena engadini, begodu khuyini uJudasi Isikariyodi akwenzako njengombana kutjengiswe esithombenesi?
4. Kubayini uJudasi amanga uJesu, begodu yini uPitrosi ayenzako?
5. UJesu wathini kuPitrosi, begodu kubayini uJesu angakhenge abawe uZimu bona amthumelele iingilozi?
Iimbuzo engezelelekileko:
1. Funda uMatewu 26:36-56.
(a) Indlela uJesu ayelelisa ngayo abalandeli bakhe ibabekela siphi isibonelo abadala abamaKrestu namhlanjesi? (Mt. 20:25-28; 26:40, 41; Gal. 5:17; Ef. 4:29, 31, 32)
(b) UJesu wakuqala njani ukuberegisa iinkhali zenyama ngokujamelene nabanye abantu? (Mt. 26:52; Luka 6:27, 28; Jwanisi 18:36)
2. Funda uLuka 22:39-53.
Lokha ingilozi ibonakala kuJesu entabeni yeGetsemani ukuzomqinisa, lokhu bekutjengisa bona uJesu unekholo elibogabogako na? Hlathulula. (Luka 22:41-43; Isa. 49:8; Mt. 4:10, 11; Heb. 5:7)
3. Funda uJwanisi 18:1-12.
UJesu wabavikela njani abafundi bakhe kubaphikisi, begodu singafundani esibonelwenesi? (Jwanisi 10:11, 12; 18:1, 6-9; Heb. 13:6; Jak. 2:25)
UJesu Uyabulawa
1. Ngubani ngokuyihloko egade athinteka ekubulaweni kwakaJesu?
2. Benzani abapostoli lokha uJesu nekathathwa badosiphambili bekolo?
3. Kwenzekani emzini kaKhayifasi umpristi ophakamileko?
4. Kubayini uPitrosi akhamba wayokulila?
5. Ngemva kobana uJesu abuyiselwe kuPilato, abapristi abakhulu barhuwelela bathini?
6. Kwenzekani kuJesu ngeLesihlanu ngemva kwamadina, begodu ngisiphi isithembiso asenzako endodeni engakalungi egade ibetjhelwe hlanu kwakhe?
7. Lizokuba kuphi iPharadeyisi uJesu akhuluma ngalo?
Iimbuzo engezelelekileko:
1. Funda uMatewu 26:57-75.
Ngiyiphi indlela amalungu wekhotho ephakamileko yamaJuda atjengisa ngayo bona aneenhliziyo ezimbi? (Mt. 26:59, 67, 68)
2. Funda uMatewu 27:1-50.
Kubayini singatjho bona ukuzisola kwakaJudasi gade kungokokuzenzisa? (Mt. 27:3, 4; Markosi 3:29; 14:21; 2 Kor. 7:10, 11)
3. Funda uLuka 22:54-71.
Ngisiphi isifundo esingakufunda ekuphikeni kwakaPitrosi uJesu ngobusuku bokukghatjhelwa nokubotjhwa kwakhe? (Luka 22:60-62; Mt. 26:31-35; 1 Kor. 10:12)
4. Funda uLuka 23:1-49.
Wenzani uJesu ngokungalungi okwenziwa kuye, begodu ngisiphi isifundo esingasifunda kilokhu? (Luka 23:33, 34; Rom. 12:17-19; 1 Pit. 2:23)
5. Funda uJwanisi 18:12-40.
Yini etjengiswa liqiniso lokobana namtjhana uPitrosi ahlulwa kukwesaba abantu isikhatjhana, waphinda waba mpostoli oveleleko godu? (Jwanisi 18:25-27; 1 Kor. 4:2; 1 Pit. 3:14, 15; 5:8, 9)
6. Funda uJwanisi 19:1-30.
(a) UJesu bekanamuphi umbono olinganiselweko malungana nezinto eziphathekako? (Jwanisi 2:1, 2, 9, 10; 19:23, 24; Mt. 6:31, 32; 8:20)
(b) Amezwi wokuthumba atjhiwo nguJesu nekafako atjengisa bunjani bona ubuphakamisile ubukhosi bakaJehova? (Jwanisi 16:33; 19:30; 2 Pit. 3:14; 1 Jwanisi 5:4)
UJesu Uvukile Kwabafileko
1. Ngubani umfazi osesithombenesi, bobani amadoda amabili la, begodu bakuphi?
2. Kubayini uPilato atjela abapristi bona bathumele amasotja ayokugada ithuna lakaJesu?
3. Khuyini eyenziwa yingilozi ekuseni ngelanga lesithathu ngemva kokufa kwakaJesu, kodwana khuyini eyenziwa bapristi?
4. Kubayini abanye abafazi abavakatjhela ithuna lakaJesu gade bararekile?
5. Kubayini uPitrosi noJwanisi bagijimela ethuneni lakaJesu, begodu yini abayifumanako?
6. Kwenzekani ngomzimba kaJesu, kodwana wenzani ukutjengisa abafundi bona gade sele aphila?
Iimbuzo engezelelekileko:
1. Funda uMatewu 27:62-66 no-28:1-15.
Ngesikhathi sokuvuswa kwakaJesu, abapristi abakhulu, abaFarisi namadoda amadala bawona njani umoya ocwengekileko? (Mt. 12:24, 31, 32; 28:11-15)
2. Funda uLuka 24:1-12.
Isehlakalo sokuvuswa kwakaJesu satjengisa njani bonyana uJehova uqala abafazi njengabofakazi abangathenjwa? (Luka 24:4, 9, 10; Mt. 28:1-7)
3. Funda uJwanisi 20:1-12.
UJwanisi 20:8, 9 usirhelebha njani ukubona itlhogeko yokukghodlhelela nangabe asikuzwisisi ngokuzeleko ukuzaliseka kwesiphorofido seBhayibhili? (Iziy. 4:18; Mt. 17:22, 23; Luka 24:5-8; Jwanisi 16:12)
Bangekamerweni Elilodlhelweko
1. UMariya wathini endodeni egade acabanga bona mlimi, kodwana yini eyamenza watjheja bona bekunguJesu?
2. Kwenzekani ebafundini ababili egade baya emzini we-Emawuse?
3. Ngiyiphi into ekarisako eyenzekako lokha abafundi ababili nebatjela abapostoli bona babone uJesu?
4. UJesu wavela iinkhathi ezingaki kubafundi bakhe?
5. Wathini uTomasi lokha nekezwa bona abafundi babone iKosi, kodwana kwenzekani emalangeni abunane ngemva kwalokho?
Iimbuzo engezelelekileko:
1. Funda uJwanisi 20:11-29.
KuJwanisi 20:23 uJesu bekathi abantu banegunya lokulibalela izono na? Hlathulula. (AmaRh. 49:2, 7; Isa. 55:7; 1 Thim. 2:5, 6; 1 Jwanisi 2:1, 2)
2. Funda uLuka 24:13-43.
Singayilungisa bunjani ihliziyo yethu kwenzele bona yemukele amaqiniso weBhayibhili? (Luka 24:32, 33; Ezra 7:10; Mt. 5:3; IZenzo 16:14; Heb. 5:11-14)
UJesu Ubuyela Ezulwini
1. Bangaki abafundi ababona uJesu esehlakalweni esisodwa, begodu yini akhuluma nabo ngayo?
2. Uyini uMbuso kaZimu, begodu ipilo izokuba njani ephasini lokha uJesu abusa njengeKosi iimnyaka eyikulungwana?
3. UJesu wazibonakalisa amalanga amangaki kubafundi bakhe, kodwana nje sikhathi sokobana enzeni?
4. Ngaphambi kokutjhiya abafundi bakhe, uJesu wabatjela bona benzeni?
5. Kwenzekani esithombenesi, begodu uJesu wanyamalala njani emehlwenabo?
Iimbuzo engezelelekileko:
1. Funda u-1 KwebeKorinte 15:3-8.
Kubayini umpostoli uPowula abengakhuluma ngesibindi kangaka malungana nokuvuswa kwakaJesu, begodu ngiziphi izinto amaKrestu namhlanjesi angakhuluma ngazo ngesibindi? (1 Kor. 15:4, 7, 8; Isa. 2:2, 3; Mt. 24:14; 2 Thim. 3:1-5)
2. Funda IZenzo 1:1-11.
Umsebenzi wokutjhumayela warhatjheka kangangani, njengombana kwabikezelwa encwadini yeZenzo 1:8? (IZenzo 6:7; 9:31; 11:19-21; Khol. 1:23)
Abafundi Balinde EJerusalema
1. Njengombana kutjengiswe esithombeni, kwenzekani ebafundini bakaJesu egade balinde eJerusalema?
2. Ngiyiphi into erarako iimvakatjhi ezaya eJerusalema ezayifumanako?
3. Khuyini uPitrosi ayihlathulula ebantwini?
4. Abantu bazizwa bunjani ngemva kokulalela uPitrosi, begodu yini abatjela bona bayenze?
5. Bangaki abantu ababhabhadiswako ngelanga lePentakosi, lomnyaka ka-33?
Iimbuzo Engezelelekileko:
1. Funda IZenzo 2:1-47.
(a) Amezwi kaPitrosi akuZenzo 2:23, 36 atjengisa bunjani bona soke isitjhaba samaJuda sinomlandu ngokubulawa kwakaJesu? (1 Tes. 2:14, 15)
(b) UPitrosi wawubeka njani umtlhala omuhle ekuberegiseni iiMtlolo? (IZenzo 2:16, 17, 29, 31, 36, 39; Khol. 4:6)
(c) UPitrosi waziberegisa bunjani kokuthoma “iinhluthulelo zombuso wezulu,” lezo uJesu athembisa ukumnikela zona? (IZenzo 2:14, 22-24, 37, 38; Mt. 16:19)
Abapostoli Batjhaphululwa Ejele
1. Kwenzekani kuPitrosi noJwanisi langelinye ngemva kwamadina njengombana baya etempelini?
2. UPitrosi wathini endodeni erholopheleko, begodu khuyini uPitrosi ayipha yona eqakatheke ngaphezu kwemali?
3. Gade basilingwe yini abadosiphambili bekolo, begodu khuyini abayenza kuPitrosi noJwanisi?
4. Wathini uPitrosi kubadosiphambili bekolo, begodu ngisiphi isiyeleliso abapostoli abasifumanako?
5. Kubayini abadosiphambili bekolo baba nomona, kodwana kwenzekani lokha abapostoli bafakwa ejele kwesibili?
6. Baphendula njani abapostoli lokha nebalethwa ewolweni leSanhedrini?
Iimbuzo engezelelekileko:
1. Funda IZenzo 3:1-10.
Namtjhana singakaphiwa amandla wokwenza immangaliso namhlanjesi, amezwi kaPitrosi atlolwe encwadini yeZenzo 3:6 asirhelebha bunjani bona sithokozele ukuqakatheka komlayezo woMbuso? (Jwanisi 17:3; 2 Kor. 5:18-20; Fil. 3:8)
2. Funda IZenzo 4:1-31.
Nesiqalene nokuphikiswa ekonzweni, singabalingisa ngaziphi iindlela abanakwethu bamaKrestu bekhulu lokuthoma? (IZenzo 4:29, 31; Ef. 6:18-20; 1 Tes. 2:2)
3. Funda IZenzo 5:17-42.
Abanye abangasibo aboFakazi, ngesikhathi esidlulileko nanje, batjengisa njani ukucabangela malungana nomsebenzi wokutjhumayela? (IZenzo 5:34-39)
USidefani Ukhandwa Ngamatje
1. Ngubani uSidefani, begodu uZimu wamrhelebha bonyana enzeni?
2. Khuyini eyatjhiwo nguSidefani eyasilinga abadosiphambili bekolo khulu?
3. Lokha amadoda nekarhorhela uSidefani ngaphandle komuzi, amenzani?
4. Esithombenesi, ngubani indoda etja le ejame hlanu kweembaji?
5. Ngaphambi kokobana afe, khuyini uSidefani ayithandazela kuJehova?
6. Silingisa uSidefani, khuyini esingayenza omunye umuntu nekasenza intwembi?
Iimbuzo engezelelekileko:
1. Funda IZenzo 6:8-15.
Ngimaphi amano abadosiphambili bekolo abawenzako ukulinga ukuvimbela umberego waboFakazi BakaJehova? (IZenzo 6:9, 11, 13)
2. Funda IZenzo 7:1-60.
(a) Khuyini eyarhelebha uSidefani ukuvikela iindaba ezihle ngokuphumelelako phambi kweSanhedrini, begodu khuyini esingayifunda esibonelweni sakhe? (IZenzo 7:51-53; Rom. 15:4; 2 Thim. 3:14-17; 1 Pit. 3:15)
(b) Kufuneka sibaqale njani labo abaphikisa umsebenzi wethu? (IZenzo 7:58-60; Mt. 5:44; Luka 23:33, 34)
Usendleni Eya EDamaseku
1. Wenzani uSawula ngemva kokubulawa kwakaSidefani?
2. Lokha uSawula nakasendleleni eya eDamaseku, ngiyiphi into erarako eyenzekako?
3. UJesu watjela uSawula bonyana enzeni?
4. Ngimiphi imilayo uJesu ayinikela u-Ananiyasi, kwenzeka njani bona uSawula abone godu?
5. Ngiliphi ibizo uSawula aziwa ngalo, begodu waberegiswa njani?
Iimbuzo engezelelekileko:
1. Funda IZenzo 8:1-4.
Itjhutjhiso elibudisi elafikela ibandla elitjha elisandukwakhiwa lobuKrestu larhelelebha njani ekurhatjheni ikholo lobuKrestu, begodu ngiyiphi into efanako eyenzekako eenkhathini zamamhlanjesi? (IZenzo 8:4; Isa. 54:17)
2. Funda IZenzo 9:1-20.
Ngikuphi ukuthunywa okukathathu uJesu egade anakho ngoSawula? (IZenzo 9:15; 13:5; 26:1; 27:24; Rom. 11:13)
3. Funda IZenzo 22:6-16.
Singamlingisa njani u-Ananiyasi, begodu kubayini lokhu kuqakathekile? (IZenzo 22:12; 1 Thim. 3:7; 1 Pit. 1:14-16; 2:12)
4. Funda IZenzo 26:8-20.
Ukutjhugulukela kwakaSawula ebuKrestwini kungabakhuthaza bunjani labo abanabalingani abangakholwako namhlanjesi? (IZenzo 26:11; 1 Thim. 1:14-16; 2 Thim. 4:2; 1 Pit. 3:1-3)
UPitrosi Uvakatjhela UKorneliyasi
1. Ngubani indoda ekhothamileko esithombenesi?
2. Ingilozi yathini kuKorneliyasi?
3. Khuyini uZimu abangela bona uPitrosi ayibone lokha nekaphezu kwendlu emzini kaSimoni eJopha?
4. Kubayini uPitrosi atjela uKorneliyasi bona akufuneki aguqe amkhulekele?
5. Kubayini abafundi abamaJuda ebebanoPitrosi gade bararekile?
6. Ngisiphi isifundo esiqakathekileko esisifundako ngokuvakatjhela kwakaPitrosi uKorneliyasi?
Iimbuzo engezelelekileko:
1. Funda IZenzo 10:1-48.
Amezwi kaPitrosi afumaneka encwadini yeZenzo 10:42 atjengisani malungana nokutjhunyayelwa kweendaba ezimnandi zoMbuso? (Mt. 28:19; Markosi 13:10; IZenzo 1:8)
2. Funda IZenzo 11:1-18.
Wenzani uPitrosi lokha iinlayezo ezivela kuJehova ezimalungana nalabo abangasiwo amaJuda zikhanyiswa, begodu singasilingisa bunjani isibonelo sakhe? (IZenzo 11:17, 18; 2 Kor. 10:5; Ef. 5:17)
UThimothi—Umsizi KaPowula Omutjha
1. Ngubani indoda eseseyitja le esithombenesi, beyihlala kuphi, begodu ngubani ibizo likanina nelikagogwayo?
2. Waphendula wathini uThimothi lokha uPowula nekambuza bona uyafuna ukukhamba noSilasi noPowula na ukuyokutjhumayela ebantwini abakude?
3. Gade kukuphi lapho abafundi bakaJesu babizwa khona kokuthoma bona maKrestu?
4. Ngemva kobana uPowula noBhanabhasi bakhambile e-Anthiyoka, ngimaphi amanye wamadorobho abawavakatjhelako?
5. UThimothi wamrhelebha bunjani uPowula, begodu ngimuphi umbuzo okufuneka abasesebatjha bazibuze wona namhlanjesi?
Iimbuzo engezelelekileko:
1. Funda IZenzo 9:19-30.
Umpostoli uPowula walitjengisa njani ilemuko lokha nekaqalene nokuphikiswa malungana neendaba ezimnandi? (IZenzo 9:22-25, 29, 30; Mt. 10:16)
2. Funda IZenzo 11:19-26.
Isehlakalo esitlolwe kuZenzo 11:19-21, 26 sitjengisa njani bona mumoya kaJehova olawula begodu unqophise umberego wokutjhumayela?
3. Funda IZenzo 13:13-16, 42-52.
IZenzo 13:51, 52 zitjengisa bunjani bona abafundi khenge bavumele ukutjhutjhiswa bona kubaqede amandla? (Mt. 10:14; IZenzo 18:6; 1 Pit. 4:14)
4. Funda IZenzo 14:1-6, 19-28.
Ikulumo ethi “nginibeka ngaphasi kwetjhejo leKosi” isirhelebha bunjani bona singatshwenyeki ngokungatlhogekiko njengombana sirhelebha abasanda ukuba makholwa? (IZenzo 14:21-23; 20:32; Jwanisi 6:44)
5. Funda IZenzo 16:1-5.
Ukuzimisela kwakaThimothi ukuthobela umthetho wokusoka kwakugandelela njani ukuqakatheka ‘kokwenza koke ngebanga levangeli’? (IZenzo 16:3; 1 Kor. 9:23; 1 Tes. 2:8)
6. Funda IZenzo 18:1-11, 18-22.
IZenzo 18:9, 10 zitjengisani malungana nokunqophisa kwakaJesu umsebenzi wokutjhumayela, begodu lokhu kusinikela liphi ithemba namhlanjesi? (Mt. 28:20)
Umsana Owabanjwa Buthongo
1. Esithombenesi ngubani umsana olele phasi lo, begodu kwenzekeni kuye?
2. Khuyini uPowula akwenzako nekabona bona umsana lo ufile?
3. UPowula noThimothi nalabo egade bakhamba nabo baya kuphi, begodu kwenzekani nebajama eMiletu?
4. Ngisiphi isiyeleliso umphorofidi u-Agabusi asinikela uPowula, begodu senzeka njani njengombana umphorofidi akhulumile?
Iimbuzo engezelelekileko:
1. Funda IZenzo 20:7-38.
(a) Ngokwamezwi kaPowula atlolwe kuZenzo 20:26, 27 singahlala njani “singanamlandu eengazini zabo boke abantu”? (Ez. 33:8; IZenzo 18:6, 7)
(b) Kubayini abadala kufanele ‘bakakarele baqinise ezwini elithembekako’ lokha nebafundisako? (IZenzo 20:17, 29, 30; Titosi 1:7-9; 2 Thim. 1:13)
2. Funda IZenzo 26:24-32.
UPowula waliberegisa bunjani ilungelo lakhe njengesakhamuzi seRoma ekuzaliseni ukuthunywa kwakhe kokutjhumayela akufumana kuJesu? (IZenzo 9:15; 16:37, 38; 25:11, 12; 26:32; Luka 21:12, 13)
Baphukelwa Mkhumbi Esihlengeleni
1. Kwenzekani esikepeni uPowula egade akhamba ngaso nesidlula hlanu kwesihlengeleni seKerite?
2. Wathini uPowula kulabo abasesikepeni?
3. Isikepe saphuka njani saba ziinquntwana?
4. Ngiziphi iinyeleliso induna yepi ephetheko eyazinikelako, begodu bangaki abantu abaphumela ngaphandle kwelwandle baphephile?
5. Sibizwa bona yini isihlengele abajama kiso, begodu kwenzekani kuPowula lokha ubujamo bezulu nebuba bhedere?
Iimbuzo engezelelekileko:
1. Funda IZenzo 27:1-44.
Ukuthemba kwethu ukunqopha komlando weBhayibhili kuqiniswa njani nesifunda ngekhambo lakaPowula lokuya eRoma? (IZenzo 27:16-19, 27-32; Luka 1:3; 2 Thim. 3:16, 17)
2. Funda IZenzo 28:1-14.
Nengabe abantu beMalta batjhukumiseleka bona baphathe umpostoli uPowula nalabo aphukelwa sikepe nabo ‘ngokulunga,’ khuyini amaKrestu okufanele abe nayo begodu ngayiphi indlela ekhethekileko? (IZenzo 28:1, 2; Heb. 13:1, 2; 1 Pit. 4:9)
UPowula UseRoma
1. UPowula watjhumayeza bani lokha asibotjhwa eRoma?
2. Esithombenesi, ngubani isivakatjhi esisetafulenesi, begodu yini ayenzela uPowula?
3. Ngubani u-Ephafrodithu, begodu yini ayithathako nekabuyela eFilipi?
4. Kubayini uPowula atlolela umnganakhe uFilimoni incwadi?
5. Khuyini uPowula akwenzako lokha nekatjhaphululwako, begodu kwenzekani kuye ngokukhamba kwesikhathi?
6. Ngubani uJehova amberegisa bona atlole iincwadi zamaswaphela zeBhayibhili, begodu incwadi yeSambulo ikhuluma ngani?
Iimbuzo engezelelekileko:
1. Funda IZenzo 28:16-31 nabeFilipi 1:13.
UPowula wasiberegisa njani isikhathi sakhe lokha nekasibotjhwa eRoma, begodu ikholo lakhe elidzimeleleko linamuphi umthelela ebandleni lobuKrestu? (IZenzo 28:23, 30; Fil. 1:14)
2. Funda uFilipi 2:19-30.
Ngimaphi amezwi wokuthokoza uPowula awakhulumako malungana noThimothi no-Ephafrodithu, begodu singasilingisa njani isibonelo sakaPowula? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Funda uFilimoni 1-25.
(a) Isikhuthazo sakaPowula kuFilimoni sokobana enze okulungileko besisuselwa kuphi, begodu lokhu kungabarhelebha njani abadala namhlanjesi? (Flm. 9; 2 Kor. 8:8; Gal. 5:13)
(b) Amezwi kaPowula afumaneka kuFilimoni 13, 14 atjengisa njani bona gade awuhlonipha unembeza wabanye ebandleni? (1 Kor. 8:7, 13; 10:31-33)
4. Funda u-2 Thimothi 4:7-9.
Njengompostoli uPowula, singaba njani nethemba kuJehova bonyana uzosivuza nengabe sihlala sithembekile bekube sekupheleni? (Mt. 24:13; Heb. 6:10)
Ukuphela Kwabo Boke Ubumbi
1. Kubayini iBhayibhili likhuluma ngeempera ezulwini?
2. Ibizwa bonyana yini ipi kaZimu yokulwa nabantu abangakalungi ephasini, begodu uyini umnqopho wepi le?
3. Newuqala esithombenesi, Ngubani ozokudosa phambili epini leyo, kubayini athwele ingwani yobukhosi, begodu itjho ukuthini isabulakhe?
4. Nesiqala emva eNdabeni 10 no-15, kubayini kufanele kungasirari bona uZimu uzokutjhabalalisa abantu abangakalungi?
5. Indaba 33, 36 no 76 zitjengisa bunjani bona uZimu uzokutjhabalalisa abantu abangakalungi namtjhana bathi bayamkhulekela?
Iimbuzo engezelelekileko:
1. Funda ISambulo 19:11-16.
(a) IiMtlolo itjengisa bunjani ngokucacileko bona loyo okhwele ipera emhlophe nguJesu Krestu? (ISamb. 1:5; 3:14; 19:11; Isa. 11:4)
(b) Iingazi ezinyenyezwe eembathweni zakaJesu zangaphandle ziqinisekisa njani bonyana uyokuthumba ngokupheleleko? (ISamb. 14:18-20; 19:13; Isa. 63:1-6)
(c) Bobani ababandakanyiweko ebuthweni elilandela uJesu eperenakhe emhlophe? (ISamb. 12:7; 19:14; Mt. 25:31, 32)
IPharadeyisi Elitjha Ephasini
1. Ngiziphi izinto iBhayibhili elisitjela bona sizozithabela ePharadeyisini ephasini?
2. IBhayibhili ithembisani kulabo abazokuphila ePharadeyisini?
3. Kunini lapho uJesu azokwenza khona amatjhuguluko amahle la?
4. Lokha uJesu asephasini, wenzani etjengisa bona khuyini azoyenza njengeKosi yoMbuso kaZimu?
5. Khuyini uJesu nalabo azokubusa nabo ezulwini abazoyenza lokha nebabusa iphasi basezulwini?
Iimbuzo engezelelekileko:
1. Funda ISambulo 5:9, 10.
Kubayini singaqiniseka bona labo abazokuBusa iphasi hlangana neeMnyaka eyiKulungwana bazokuba makhosi nabapristi abanesirhawu nomusa? (Ef. 4:20-24; 1 Pit. 1:7; 3:8; 5:6-10)
2. Funda ISambulo 14:1-3.
Kutjho ukuthini ukutlolwa kwebizo likaYise neleMvana eempandleni zabayi-144,000? (1 Kor. 3:23; 2 Thim. 2:19; ISamb. 3:12)
Indlela Esingafumana Ngayo Ukuphila Okungapheliko
1. Nesizakufumana ukuphila okungapheliko khuyini okufuneka siyazi?
2. Ngiyiphi indlela esingafunda ngayo ngoJehova uZimu noJesu njengombana kutjengiswa mntazanyana nabangani bakhe esithombenesi?
3. Ngiyiphi enye incwadi oyibona esithombenesi, begodu kubayini kufuneka siyifunde qobe?
4. Ngaphandle kokufunda ngoJehova noJesu, khuyini enye efunekako bona sifumane ukuphila okungapheliko?
5. Ngisiphi isifundo esisifunda eNdabeni-69?
6. Isibonelo sakaSamuweli osesemncani eNdabeni 55 sisitjengisani?
7. Singasilingisa njani isibonelo sakaJesu Krestu, begodu nesisilingisako, khuyini esizokwazi ukuyenza esikhathini esizako?
Iimbuzo engezelelekileko:
1. Funda uJwanisi 17:3.
IiMtlolo itjengisa njani bona ukufunda ngoJehova uZimu noJesu Krestu kutjho okungaphezu kokwazi amaqiniso athileko ngehloko? (Mt. 7:21; Jak. 2:18-20; 1 Jwanisi 2:17)
2. Funda AmaRhalani 145:1-21.
(a) Ngimaphi amanye amabanga esinawo wokudumisa uJehova? (AmaRha. 145:8-11; ISamb. 4:11)
(b) UJehova “muhle njani kibo boke,” begodu lokhu kungasirhelebha njani bona sitjhidele hlanu kwakhe? (AmaRh. 145:9; Mt. 5:43-45)
(c) Nengabe sithanda uJehova ngeenhliziyo zethu, sizokutjhukumiseleka bona senzeni? (AmaRh. 119:171, 172, 175; 145:11, 12, 21)