Isifundo 16

Tjengisa Ithando Lakho NgoZimu

Newuzakuhlala unomngani, kufuneka ukhulume naye. Uyamlalela, naye uyakulalela. Utjho nezinto ezihle ngomnganakho kwabanye. Yinto efanako nangokuba mngani kaZimu. Tjheja okutjhiwo yiBhayibhili ngalokhu:

Qobe khuluma noJehova ngomthandazo. “Nithandaze ngeenkhathi zoke.”—KwebeRoma 12:12.

Funda iLizwi lakaZimu, iBhayibhili. “Koke okusemtlolweni ocwengileko kwaba khona ngokufunzelelwa nguMoya kaZimu, yeke kulungele ukufundisa nokukhalima nokunqophisa.”—2 kuThimothi 3:16.

Fundisa abanye ngoZimu. “Khambani-ke, niye ebantwini boke nanyana kukuphi nibenze abafundi, . . . nibafundise ukwenza koke, enginilaye ngakho.”—Matewu 28:19, 20.

Tjhidela ebanganini bakaZimu. “Okhamba nabantu abahlakaniphileko uzakuhlakanipha.”—Iziyema 13:20.

Yiba khona emihlanganweni eWolweni loMbuso. Asitjhejaneni sikhuthazane bona sibe nethando, senze imisebenzi emihle . . . asikhuthazane.”—KumaHebheru 10:24, 25.

Rhelebha ekusekeleni umberego woMbuso. “Ngiloyo naloyo akazibekele yena ehliziyweni yakhe bona uzanikela kangangani, ingasi ngokubilayela nangokugandelelwa. UZimu uthanda umuntu onikela ngehliziyi emhlophe twa.”—2 kwebeKorinte 9:7.