Isifundo 17

Newuzakuhlala Unomngani, Nawe Kufuneka Ube Nobungani

Ubungani busekelwe ethandweni. Njengombana ulokhu ufunda ngoJehova, ithando lakho ngaye lizokukhula. Njengombana ithando lakho ngoZimu likhula, netjisakalelo yakho yokumkhulekela izokukhula. Lokhu kuzokusikinya bona ube mfundi kaJesu Krestu. (Matewu 28:19) Ngokuzibandakanya nomndeni othabileko waboFakazi bakaJehova, ungathabela ubungani obungapheliko noZimu. Yini okufuneka uyenze?

Kufuneka utjengise ithando lakho ngoZimu ngokulalela imilayo yakhe. “Ngombana ukumthanda uZimu kuthobela imilayo yakhe; imilayo yakhe ayisibudisi kithi.”—1 KaJwanisi 5:3.

Beregisa lokho okufundako. UJesu walandisa indaba etjengisa lokhu. Umuntu ohlakaniphileko wakha indlu yakhe phezu kwedwala. Umuntu osidlhayela wakha indlu yakhe phezu kwetjhwabatjhwaba. Nekufika amawuruwuru, indlu eyakhiwe edwaleni akhenge ibhuruke, kodwana indlu eyakhiwe etjhwabatjhwabeni yabhuruka kabuhlungu. UJesu wathi labo abezwa iimfundiso zakhe bazenze bafana nomuntu ohlakaniphileko owakha indlu yakhe phezu kwedwala. Kodwana labo abalalela iimfundiso zakhe bangazenzi, banjengomuntu owakha indlu yakhe phezu kwetjhwabatjhwaba. Wena ufuna ukufana namuphi umuntu ebantwini ababilaba?—Matewu 7:24-27.

Ukuzinikela. Lokhu kutjho ukuthandaza kuJehova umtjele bonyana ufuna ukwenza intando yakhe ngokungapheliko. Ukwenza intando kaZimu kutjengisa bonyana ungumfundi kaJesu Krestu.—Matewu 11:29.

Ukubhabhadiswa. “Sikima ubhabhadiswe, kuhlanjwe izono zakho ngokubiza ibizo lakhe.”—Izenzo 22:16.

Zibandakanye ngokuzeleko ekukhonzeni uZimu. Koke enikwenzako kwenzeni ngehliziyo ehle, ingathi nenzela iKosi ingasi umuntu.”—KwebeKholose 3:23.