Ingcenye 5

UZimu Utjhudubaza U-Abrahama Nomndenakhe

Inzalo ka-Abrahama iyanda. UZimu uvikela uJosefa eGibhide

UJEHOVA bekazi bonyana Okuwukuphela kweNdodana yakhe ayithandako beyizokutshwenyeka ife langelinye. Isiphorofido esatlolwe kuGenesisi 3:15, sakhuluma ngeqiniswelo ngokufihlekileko. Ikhona na indlela uZimu ebekangatjengisa ngayo bona ukufa kwendodana yakhe bekuzokutjho ukulahlekelwa okungangani kuye? IBhayibhili isinikela isitjengiso ngalokho okwenzeka kubaba nendodanakhe. UZimu wabawa u-Abrahama bona enze isihlabelo ngendodanakhe ayithandako, u-Isaka.

U-Abrahama bekanekholo elikhulu kuZimu. Khumbula, uZimu bekathembisile bona uMtjhaphululi namtjhana iNzalo okukhulunywe ngayo beyizokuvela enzalweni ka-Isaka. U-Abrahama wamlalela uZimu, bekakulungele ukwenza isihlabelo ngendodanakhe azi bona uZimu uzoyivusa nekutlhogekako. Kodwana ngaphambi kobanyana u-Abrahama enze njalo, ingilozi kaZimu yamjamisa. UZimu wababaza u-Abrahama othembekileko ngesifiso sakhe sokunikela ngendodanakhe eligugu, begodu wabuyelela isithembiso Sakhe kuye.

Ngokukhamba kwesikhathi, u-Isaka waba namadodana amabili, u-Esewu noJakobho. Ngokungafani no-Esewu, uJakobho gade abuthathela phezulu ubuhlobo bakhe noZimu begodu wavuzwa. UZimu watjhugulula ibizo lakaJakobho laba ngu-Israyeli, begodu amadodana ayi-12 ka-Israyeli aba ziinhloko zeentjhaba zaka-Israyeli. Kodwana kwenzeka bunjani bonyana umndeni lo, ube sisizwe esikhulu?

Indaba yathoma lokha amanye amadodana kaJakobho aba nomona ngomnakwabo omncancani uJosefa. Bamthengisa waba sigqila begodu wayiswa eGibhide. Kodwana uZimu wayitjhudubaza indoda ethembekileko neseseyitja leyo. Namtjhana aqalana nobudisi obukhulu, ngokukhamba kwesikhathi uJosefa wakhethwa nguFaro, umbusi weGibhide, begodu wanikelwa igunya elikhulu. Lokho kwenzeka ngesikhathi, ngombana indlala yagandelela uJakobho bona athumele amadodanakhe eGibhide bona ayokuthenga ukudla—begodi qala, uJosefa, bekunguye olawula koke ukudla! UJosefa wahlangana nabanakwabo kwaba mnandi, wabalibalela, begodu walungiselela bona woke umndeni ufudukele eGibhide. Banikelwa indawo ehle kwamambala lapho bebazokuragela phambili banda begodu baphumelela. UJosefa wabona bona nguZimu owabangela bona izinto zenzeke ngendlela leyo khona kuzakuzaliseka iinthembiso Zakhe.

UJakobho osele aluphele waphila iminyaka yakhe yoke eGibhide, abhodwe mndenakhe okhulako. Ngaphambi kokuhlongakala kwakhe, wabikezela bona iNzalo ethenjisiweko namtjhana uMtjhaphululi, bekazokuba Mbusi onamandla ozokubelethelwa emndenini wendodanakhe uJuda. Ngaphambi kokufa kwakhe, uJosefa waphorofida bonyana langelinye, uZimu uzowukhipha umndeni kaJakobho eGibhide.

—Isekelwe kuGenesisi izahluko 20 ukuya ku-50; KumaHebheru 11:17-22.

◼ UZimu watjela u-Abrahama bona enzeni, begodu ngalokho khuyini ayidlulisela ebantwini?

◼ UJosefa wafika bunjani eGibhide, begodu yaba yini imiphumela?

◼ Ngaphambi kokubanyana uJakobho afe, waphorofida ngani?

[Itjhadi ekhasini 8]

● Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Juweli

Amosi

Obadiya

Jona

Mika

Nahumi

Habakuki

Zefaniya

Hagayi

Zakariya

Malaki

Matewu

Markosi

Luka

Jwanisi

IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi

2 kuThimothi

KuTitosi

KuFilimoni

KumaHebheru

KaJakobosi

1 KaPitrosi

2 KaPitrosi

1 KaJwanisi

2 KaJwanisi

3 KaJwanisi

KaJuda

ISambulo