Ingcenye 8

Abantwana Bakwa-Israyeli Bangena EKanana

U-Israyeli uthumba iKanana adoswa phambili nguJoshuwa. UJehova urhelebha abahluleli bonyana batjhaphulule abantu bakhe ekugandelelweni eGibhide

EMINYAKENI eminengi eyadlulako ngaphambi kobanyana uIsrayeli angene eKanana, uJehova bekathembise bonyana uzokunikela inzalo ka-Abrahama inarha leyo. Kodwana nje, ngaphasi kokubusa kwakaJoshuwa, amaIsrayeli gade sele akulungele ukungena eNarheni yeSithembiso.

UZimu besele agwebe amaKanana njengafanele ukutjhatjalaliswa. AmaKanana gade sele asinye inarha ngemikghwa yokuziphatha kumbi ngokomseme, nangokubulala. Ngalokho-ke woke amadorobha wamaKanana athunjwe maIsrayeli, besele azokutjhalaliswa ngokupheleleko.

Kodwana ngaphambi kokobana bangene enarheni leyo, uJoshuwa wathumela iinhloli eembili, ezafika zahlala edorobheni leJerikho nomfazi obizwa bonyana nguRahabi. URahabi wazamukela iinhlolezi endlinakhe begodu wazivikela, namtjhana kunjalo, bekazi bonyana amadoda la ama-Israyeli. URahabi waba nekholo kuZimu wama-Israyeli, ngombana besele azwile ngendlela uJehova asindise ngayo abantu bakhe. Watjela iinhloli bona zimthembise bonyana yena nomndenakhe ngekhe bababulale.

Ngokukhamba kwesikhathi, lokha ama-Israyeli angena eKanana begodu aqalana neJerikho, ngokukarisako, uJehova wenza bona amaboda weJerikho agirike. Amabutho kaJoshuwa angena msinyana ngaphakathi atjhabalalisa boke abantu bedorobhenelo, kodwana khenge ambulale uRahabi nomndenakhe. Ngejima lepi elirhabako elathatha iminyaka esithandathu, uJoshuwa wathumba iingcenye ezikulu zeNarha yeSithembiso. Ngemva kwalokho, inarha yabelwa iintjhaba zama-Israyeli.

Ngemva kokobanyana uJoshuwa sele akhonze uJehova iminyaka eminengi asele azokufa, wabiza boke abantu. Wabakhumbuza indlela uJehova egade aberegelana ngayo nabobamkhulu babo, begodu wabakhuthaza bona bakhonze uJehova. Ngemva kokufa kwakaJoshuwa namadoda amadala gade aberegelana nawo, ama-Israyeli amtjhiya uJehova akhonza abosingazimu. Eminyakeni eyi-300, khenge bayilalele yoke imithetho kaJehova. Phakathi nesikhatheso, uJehova wavumela amanaba wama-Israyeli njengamaFilisti bonyana agandelele ama-Israyeli. Kodwana lokha ama-Israyeli afuna bona uJehova awarhelebhe, wakhetha abahluleli abayi-12 sebaboke–bona babasindise.

Ngesikhathi isitjhaba singaphasi kwaBahluleli, okukhulunywa ngabo encwadini ethi Abahluleli, bathoma ngo-Othoniyeli begodu bagcina ngoSamsoni, indoda enamandla eyakhe yaphila. Iqiniso elisisekelo elatjengisa kanengi ngendlela ekarisako emininingwaneni etlolwe encwadini ethi Abahluleli, ngileli: Ukulalela uJehova kuletha itjhudu, kodwana ukungalaleli kuletha amatlhuwo.

—Isikelwe kuJoshuwa; Abahluleli; Lefitikosi 18:24, 25.

◼ Kubayini uJehova asindisa uRahabi nomndenakhe?

◼ Ngemva kokufa kwakaJoshuwa, yini eyenziwa ma-Israyeli?

◼ Ngiliphi iqiniso elisisekelo elitlolwe encwadini ethi Abahluleli?

[Itjhadi ekhasini 11]

Genesisi

Eksodosi

Lefitikosi

Numeri

Duteronomi

Joshuwa ●

Abahluleli ●

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

[UMebhe ekhasini 11]

(Emagameni ahlelwe ngokuzeleko, qala incwadi)

← Indlela abangena ngayo eKanana

− − Ibanga leendawo ezathunjwa ma-Israyeli ekuthomeni

FUNITJHIYA

FILISTIYA

IKANANA

IJerikho

IJerusalema