Ukufa KwakaJesu Kungasisindisa Njani?

Siyona, siyatlhaga begodu siyafa ngebanga lokuthi abantu bokuthoma u-Adamu no-Eva akhenge balalele uZimu.a Lokho akutjho ukuthi asisanathemba. NgeNdodanakhe uJesu Krestu, uJehova usenzele indlela yokusitjhaphulula esonweni nekufeni. IBhayibheli lifundisa ukuthi ngokufa kwakhe uJesu waba sihlengo. Isihlengo linani elibhadelwako bona kutjhatjhululwe umuntu. Inani elabhadelwa nguJesu bekukuphila kwakhe okunganasono. (Funda uMatewu 20:28.) Lokha uJesu nakazinikelako, wasivulela ithuba lokufumana lokho u-Adamu no-Eva abakulahlako. UJesu utjengisile ukuthi yena noJehova basithanda kangangani. Isifundwesi sizosisiza simthokoze khulu uJesu ngokusifela.

1. Ukufa kwakaJesu kusisiza ngani?

Ngebanga lokuthi sinesono, senza izinto ezinengi ezingamthabisiko uJehova. Nanyana kunjalo, nangabe sizisola kwamambala ngezono zethu besibawe uJehova ngoJesu Krestu bona asilibalele, senze koke okusemandlenethu bona singabuyeleli imitjhapho leyo, singaba bangani bakaZimu. (1 Jwanisi 2:1) IBhayibheli lithi: “UKrestu wafa kanye kwaphela afela izono, umuntu olungileko ngebanga labantu abangakalungi, ukuthi anidosele kuZimu.”—1 Pitrosi 3:18.

2. Ukufa kwakaJesu kuzosisiza ngani esikhathini esizako?

UJehova wathumela uJesu bona azokunikela ngokuphila kwakhe okunganasono ‘bonyana woke umuntu otjengisa ukukholwa [kuJesu] angabhujiswa kodwana abe nokuphila okungapheliko.’ (Jwanisi 3:16) Siyamthokoza uJesu ngalokho akwenzileko, kungasikade uJehova uzokuqeda zoke izinto ezimbi ezibangelwe kungalaleli kwaka-Adamu. Lokhu kutjho ukuthi nangabe siyakholelwa emhlatjelweni kaJesu, sizokuba nethuba lokuthabela ukuphila okungapheliko epharadesi ephasini!—Isaya 65:21-23.

FUNDA NGOKUNGENELELEKO

3. Ukufa kwakaJesu kusitjhaphulula esonweni nekufeni

IVIDIYO: Kubayini UJesu Afa?—Ingcenye 1 (2:01)

• Ngiliphi ithuba elalahlekela u-Adamu lokha nakakhetha ukungalaleli uZimu?

Funda kwebeRoma 5:12, bese nicoca ngombuzo lo:

• Kukuthinte njani ukona kwaka-Adamu?

• Funda uJwanisi 3:16, bese nicoca ngombuzo lo: Kubayini uJehova athumela iNdodanakhe ephasini?

1. U-Adamu gade anganasono kodwana ngebanga lokungalaleli uZimu wabangela ukuthi boke abantu babe nesono bebafe

2. UJesu bekamumuntu onganasono owalalela uZimu begodu ngebanga lalokho abantu bafumana ithuba lokungasabi nesono nelokuphila ngokungapheliko

4. Ukufa kwakaJesu kungazuzisa boke abantu

IVIDIYO: Kubayini UJesu Afa?—Ingcenye 2 (2:00)

• Ukufa komuntu munye kungabazuzisa njani boke abantu?

Funda yoku-1 kaThimothi 2:5, 6, bese nicoca ngombuzo lo:

• U-Adamu bekamumuntu onganasono owabangela ukuthi abantu babe nesono bebafe, noJesu bekamumuntu onganasono. Alo, uJesu waba njani “sihlengo esikhambelanako”?

5. Isihlengo sisipho uJehova akupha sona

Abangani bakaJehova baqala isihlengo njengesipho uJehova abapha sona. Ngokwesibonelo, funda kwebeGalatiya 2:20, bese nicoca ngombuzo lo:

• Umpostoli uPowula watjengisa njani ukuthi uqala isihlengo njengesipho esivela kuZimu?

U-Adamu nakonako, yena nazo zoke iinzukulwana zakhe bafumana isigwebo sokufa. UJehova wathumela indodanakhe bona ikufele, khona uzokufumana ukuphila okungapheliko.

Njengombana ufunda amavesi alandelako, akhucabange bona uJehova wazizwa njani lokha iNdodanakhe nayitlhoriswako. Funda uJwanisi 19:1-7, 16-18, bese nicoca ngombuzo olandelako:

• Uzizwa njani ngalokho uJehova noJesu abakwenzele khona?

ISIRHUNYEZO

Ngebanga lokuthi uJesu wasifela, uJehova uzozilibalela izono zethu begodu sizokuphila ngokungapheliko.

Buyekeza

• Kubayini uJesu afa?

• Ukuphila kwakaJesu okunganasono kube njani sihlengo esikhambelanako?

• Ukufa kwakaJesu kungakuzuzisa njani?

HLOLA OKUNGENZASI

Funda ukuthi khuyini ekufuze siyenze nasizakusindiswa esonweni nekufeni.

“UJesu Usisindisa Njani?” (Isihloko esiku-jw.org)

Kghani uJehova ulibalela nezono ezikulu?

“Imibuzo YeBhayibheli Iyaphendulwa” (IsiThala, Meyi 1, 2013)

Qala ukuthi enye indoda yabutjhugulula njani ubuntu bayo nayifunda ngomhlatjelo kaKrestu.

“Angisesesigqila Senturhu” (Isihloko esiku-jw.org)