Lingisa Ikholo Labo
1. Phakathi nenyanga ka-Oktoba 19 esiFundweni seBhayibheli seBandla khuyini esiyobe sithoma ukuyifunda?
1 Phakathi nenyanga ka-Oktoba 19, 2015, sizokufunda incwadi ethi, Lingisa Ikholo Labo esiFundweni seBhayibheli seBandla. Incwadi le ikhuluma ngemilando eyi-14 yamadoda nabafazi ebebanekholo. Indlela etlolwe ngayo isenza sibone abantu abathembekilekwaba ngamehlwengqondo, isisiza sikwazi nokubona ukuthi bekubabantu bamambala ebakhe baqalana neentjhijilo njengombana bebalotjha uJehova. Ibuye isifundise nangeemfundo zomlandwabo ezizosisiza nathi namhlanje.—Heb. 6:12.
2. Hlathulula okungaphakathi kwencwadi ethi, Lingisa Ikholo Labo.
2 Okungaphakathi: Incwadi le iveza isikhathi sezenzakalo nomebhe ukwenzela ukusisiza sibone ukuthi umuntu ngamunye waphila kuyiphi indawo. Ngaphezu kwalokho, isifundo ngasinye sinengcenye ethi, “Okufuze Sicabange Ngakho. . . ,” okuyinto ezosisiza sizindle ngemilando le besisebenzise lokho esikufundileko. Nemifanekiso yencwadi le inemibala ekarisako, indlela ekubekwe ngayo imininingawana, nendlela ekugwalwe ngayo iphuma phambili. Ngalokho-ke izosisiza sikwazi ukubona izinto ngamehlwengqondo.
3. Kufuze senzeni nasizokuzuza esifundweni sethu sencwadi?
3 Ungazuza Njani: Incwadi evela emKhandlwini oNqophisako isikhuthaza ngamezwi la: “Usebenzise ingqondwakho, ufake namazizwakho. Akube ngathi uyayizwa into ebeyizwa babantwaba, bewubone nezinto ebebazibona. Madanisa indlela abazizwangayo nabahlangabezana nobujamo, nendlela wena ebewungenza ngayo.” Kuliqiniso, ukusebenzisa ingqondo akutjho ukuthi kufuze siqagele, kodwana kutjho ukubona umlando ekukhulunywa ngawo ngamehlwengqondo bewuzwisise nabantu ekukhulunywa ngababo. Ukwenza njalo-ke, kutlhoga isikhathi nokuzindla. (Nerh. 8:8) Nangabe isifundo samhlokho sithoma phakathi nesihloko, oragako uzokuthoma abuyekeze ngesifundo esidlulileko imizuzu eyi-30 ukuya keyi-60. Kungabuzwa umbuzo munye nofana emibili yokuphetha nangabe ayikho ingcenye ethi “Okufuze Sicabange Ngakho . . . ”
4. Kubayini kufuze sifunde incwadi ethi, Lingisa Ikholo Labo?
4 Phela siphila ephasini eliphasi phezulu elifuna ukunyefisa ikholo lethu. Yeke incwadi le—nesiThala esimlandelande—zisisipho esivela kuJehova ukwenzela ukusisiza siqinise ikholo lethu. (Jak. 1:17) Asenzeni koke esingakwenza sibekhona esiFundweni seBhayibheli seBandla qobe besiphendule njengombana sizabe sifunda incwadi le!