Iinkhombiso Zencwajana Ethi IPilo NomSebenzi WobuKrestu IHlelo LomHlangano WeBandla
MATJHI 4-10, 2012
AMAGUGU ASELIZWINI LAKAZIMU | ROMA 12-14
“Kutjho Ukuthini Ukutjengisa Ithando LobuKrestu?”
(Roma 12:10) Thandanani njengamalunga womndeni. Ekuhloniphaneni, dosani phambili.
it-1 55
Ithando
Ithando (Gr., phi·la·del·phiʹa, kutjho, “ukuthanda umfowethu”) kufuze libe khona kiwo woke amalunga webandla lobuKrestu. (Rom 12:10; Heb 13:1; qala godu yoku-1Pt 3:8.) Ngalokho, ibandla kufuze libe nobuhlobo obutjhideleneko, obuqinileko njengamalunga womndeni abelethwa ndawonye. Ngitjho nanyana amalunga webandla athandana, akhuthazwa bona athandane ngesilinganiso esipheleleko.—1Te 4:9, 10.
Ibizo lesiGirigi elithi, phi·loʹstor·gos, litjho “ukuba nethando,” liqaliselwe emuntwini otjhidelene naye khulu. Omunye umsuka webizo elithi, sterʹgo, kanengi liqalisele emalungwini womndeni, athandana ngokwemvelo. Umpostoli uPowula wakhuthaza amaKrestu bona alihlawulele ithando elinjalo. (Ro 12:10) UPowula waveza ukuthi emihleni yokuphela abantu bazokubonakala ngokungabi ‘nethando lemvelo’ (Gr., aʹstor·goi) begodu abantu abanjalo bafanelwa kukufa.—2Ti 3:3; Ro 1:31, 32.
(Roma 12:17-19) Ningabuyiseli okumbi ngokumbi kunanyana ngubani. Yenzani okuhle emehlweni wabo boke abantu. 18 Nakukghonekako, ngokusemandlenenu, yibani nokuthula nabantu boke. 19 Ningazibuyiseleli, bathandekako, kodwana tjhidelani ilaka lakaZimu; ngombana kutloliwe ukuthi: “‘Ngekwami ukuphindisela; ngizokubuyisela,’ kutjho uJehova.”
w09 10/15 8 ¶3
“Ibani Nokuthula Nabantu Boke”
3 Funda kwebeRoma 12:17. UPowula wathi nasiqalene nokuphathwa kumbi, akukafuzi bona sizibuyiselele. Kuqakathekile ukulalela iseluleko sakhe khulukhulu emindenini ehlukene ngokwekolo. Umlingani omKrestu ujamelana nesilingo sokuthi angazibuyiseleli namkha akhulume amezwi ahlabako. Akunanto ehle ‘ngokubuyisela okumbi ngokumbi.’ Kunalokho, ukwenza njalo kungenza ubujamo bube bumbi khulu.
w07 7/1 24-25 ¶12-13
“Ningabuyiseli Okumbi Ngokumbi”
12 Isiyeleliso sakaPowula esilandelako sikhuluma ngendlela ekufuze sibaphathe ngayo abakholwako nabangakholwako: “Ningabuyiseli okumbi ngokumbi.” Amezwi la anengqondo avumelana nalokho okutjhiwo ngaphambilini, athi: “Hloyani okumbi.” Ngaphezu kwakho koke, umuntu angatjho njani bona ukuhloyile okumbi, nangabe uzokwenza izinto ezimbi ngokuthi azibuyiselele kwabanye? Nakenza njalo, uzabe ‘anethando lobuzenzisi.’ UPowula wathi: “Yenzani okuhle emehlweni wabo boke abantu.” (Roma 12:9, 17) Amezwi la singawasebenzisa njani?
13 Ngaphambilini, encwadinakhe yakwebeKorinte, uPowula watlola ngokutjhutjhiswa abapostoli ebeba zokuqalana nakho. Wathi: “Ngombana ephasini, eengilozini, nebantwini, sesibe mbukiso wemdlalweni watjhatjhalazi. . . . Nasithukwako, siyabusisa; nasihlunguphazwako, sikghodlhelela ngesineke.” (1 Korinte 4:9-13) Ngokufanako, namhlanjesi amaKrestu weqiniso aqalwe babantu bephaseli. Abantu abasibhodileko nababona imisebenzi emihle esiyenzako ngitjho nanyana siphathwa ngendlela enganabulungiswa, bazokutjhukumiseleka bona bawulalele umlayezwethu wobuKrestu.—1 Pitrosi 2:12.
(Roma 12:20, 21) Kodwana “nangabe inaba lakho lilambile, liphe ukudla; nangabe lomile, linikele okuselwako; ngombana ngokwenza lokhu uzokudindela amalahle avuthako ehlokwalo.” 21 Ungavumi ukuhlulwa ngokumbi, kodwana ragela phambili uhlula okumbi ngokuhle.
Nilibalelane Ngokutjhaphulukileko
13 Kungenzeka kube neenkhathi lapho uzizwa kwanga ungasiza othileko okonileko bona amukele imithethokambiso yobuKrestu. Umpostoli uPowula watlola wathi: “‘Nengabe inaba lakho lilambile, liphe ukudla; nengabe lomile, liseze; ngombana nawenza njalo uzakupakelanisa amalahle avuthako ehlokwenalo.’ Ungavumeli ubumbi bukuhlule, kunalokho yehlula ubumbi ngobuhle.” (Rom. 12:20, 21) Ngokuragela phambili utjengisa umusa newuphathwa kumbi, ungathambisa ngitjho nokucabanga okubudisi khulu begodu wenze abantu baveze ubuhle obukibo. Ngokutjengisa ukuzwisisa nomusa—emuntwini okonileko, ungakghona ukumsiza afunde amaqiniso weBhayibheli. Kungakhathaliseki bona ubujamo bunjani, ummoya ophasi unganikela abantu ngabanye ithuba lokucabangisisa ngokuziphatha kwakho okuhle.—1 Pit. 2:12; 3:16.
Rhubhulula Ngezinto ZakaZimu Eziligugu
(Roma 12:1) Ngalokho, ngiyanincenga ngesirhawu sakaZimu, bafowethu, bona ninikele imizimbenu ibe mhlatjelo ophilako, ocwengileko nowamukelekako kuZimu, umsebenzi ocwengileko ngamandlenu wokucabanga.
Singazikhetha Njani Zokuzilibazisa
5 Koke esikwenza ekuphileni kuhlangene nokulotjha kwethu uJehova. UPowula wakuhlathulula lokhu nakathi: “Ninikele imizimbenu ibe mhlatjelo ophilako, ocwengileko nowamukelekako kuZimu.” (Roma 12:1) UJesu wathi: “Kufuze uthande uJehova uZimakho ngehliziywakho yoke nangomphefumulwakho woke nangomkhumbulwakho woke nangamandlakho woke.” (Markosi 12:30) Sifuna ukunikela uJehova okuhle kodwa. Ngesikhathi sama-Israyeli, nabanikela umnikelo kuJehova bebalindeleke ukuthi banikele ngesilwana esiphilileko esinganamphambo. Nakhisibe sinomphambo uZimu bekangasamukeli. (Levitikusi 22:18-20) Ngendlela efanako, ukulotjha kwethu kungakhe kungamukeleki kuJehova. Njani?
6 UJehova usitjela ukuthi: “Kufuze nicwengeke, ngombana nami ngicwengile.” (1 Pitrosi 1:14-16; 2 Pitrosi 3:11) UJehova uzokwamukela ukumlotjha kwethu nakhisibe kuhlanzekile namkha kucwengile. (Duteronomi 15:21) Ukulotjha kwethu angeze kwaba ngokucwengileko nasenza izinto ezihloywa nguJehova, njengokuziphatha okumbi, inturhu nobudimoni. (Roma 6:12-14; 8:13) Angekhe kwamthabisa uJehova nangakhe sivumele ukuzithabisa ngezinto ezinjalo. Lokhu kungenza ukumlotjha kwethu kube ngokungakahlanzeki nokungamukelekiko begodu kungonakalisa nobuhlobo bethu naye.
(Roma 13:1) Woke umuntu akazithobe eemphathimandleni eziphakemeko, ngombana asikho isiphathimandla esikhona ngaphandle kwemvumo kaZimu; iimphathimandla ezikhona zijame eendaweni zazo ezilinganiselweko ezizabelwe nguZimu.
w08 6/15 31 ¶4
Amaphuzu Asencwadini YakwebeRoma
13:1—Kungayiphi indlela iimphathimandla eziphakemeko “zijame eendaweni zazo ezilinganiselweko ezizabelwe nguZimu”? Iimphathimandla eziphakemeko “zijame eendaweni zazo ezilinganiselweko ezizabelwe nguZimu” ngendlela leyo zibusa ngemvumo kaZimu, begodu ukubusa kwazo kwabikezelwa nguZimu. Lokhu kubonakala kilokho okwabikezelwa liBhayibheli ngababusi abanengana.
Ukufundwa KweBhayibheli
(Roma 13:1-14) Woke umuntu akazithobe eemphathimandleni eziphakemeko, ngombana asikho isiphathimandla esikhona ngaphandle kwemvumo kaZimu; iimphathimandla ezikhona zijame eendaweni zazo ezilinganiselweko ezizabelwe nguZimu. 2 Yeke, nanyana ngubani ophikisa isiphathimandla uphikisana nelungiselelo lakaZimu; labo abaphikisana naso bazozilethela isahlulelo. 3 Ngombana ababusi bayasatjwa. Abasatjwa ngilabo abenza okuhle, kodwana ngilabo abenza okumbi. Uyafuna na ukungasisabi isiphathimandla? Raga nokwenza okuhle, sizokudumisa; 4 ngombana sisisebenzi sakaZimu bona kuzuze wena. Kodwana nangabe wenza okumbi, saba, ngombana asikayiphatheli ilize isabula. Sisisebenzi sakaZimu, umbuyiseli wokuveza ilaka kiloyo ophila ngokwenza okumbi. 5 Nje-ke kunebanga elikatelelako ngani bona nizithobe, ingasi ngebanga lelakelo kwaphela kodwana nangebanga lakanembeza wenu. 6 Kungakho nibhadela nemithelo; ngombana ziziinsebenzi zomphakathi zakaZimu ezisebenzela wona umnqopho lo. 7 Nikelani boke okubafaneleko: ofuna umthelo, umthelo; ofuna imbadelo, imbadelo; ofuna ukusatjwa, ukusatjwa okunjalo; ofuna ukuhlonitjhwa, ukuhlonitjhwa okunjalo. 8 Ningakolodi muntu nanyana yini ngaphandle kokuthandana; ngombana nanyana ngubani othanda omunye umuntu uwuzalisile umthetho. 9 Ngombana umthetho uthi, “Ungafebi, ungabulali, ungebi, ungabi marhamaru,” bese kuthi nanyana ngimuphi omunye umyalo okhona, uhlanganiswe esitjhwenesi: “Kufuze uthande umakhelwanakho njengombana uzithanda wena.” 10 Ithando alikwenzi okumbi kumakhelwana womuntu; nje-ke, ithando likuzaliswa komthetho. 11 Godu yenzani lokho ngombana niyasazi isikhathesi, ukuthi sekusikhathi sokuthi nivuke ebuthongweni, ngombana nje ukusindiswa kwethu kuseduze khulu kunangesikhathi siba makholwa. 12 Ubusuku sebukhambe khulu; imini seyitjhidele. Nje-ke asihlubuleni imisebenzi yobumnyama, simbathe iinkhali zokukhanya. 13 Asikhambeni ngokuhlelekileko njengemini, ingasi ngemigidi engalawulekiko nokudakwa, ingasi ngokuhlanganyela amabhayi okusisono nokwenza amanyala ungabi neenhloni, ingasi ngombango nomona. 14 Kodwana yembathani iKosi uJesu Krestu, begodu ningahleli kusengaphambili ukwanelisa iinkanuko zenyama.
MATJHI 11-17, 2012
AMAGUGU ASELIZWINI LAKAZIMU | ROMA 15-16
“Bawa UJehova Akuphe Induduzo Nokukghodlhelela”
(Roma 15:4) Ngombana zoke izinto ezatlolwa ngaphambilini zatlolelwa bona zisifundise, ukuze ngokukghodlhelela kwethu nangenduduzo evela emiTlolweni sibe nethemba.
‘Lilani Kanye Nalabo Abalilako’
11 Indaba yokuhlongakala kwakaLazaru nobuhlungu uJesu abuzwako, ingenye yeendaba eziduduzako ekukhulunywa ngazo eliZwini lakaZimu. Ngebanga lalokho, imitlolo ithi: “Koke okwatlolwa ngaphambilini kwatlolelwa ukusifundisa ukuze kuthi ngokunyamezela nangokukhuthazeka kwemitlolo, sibe nethemba.” (Rom. 15:4) Nakhibe uqalene nesizi, imitlolo nasi ingakukhuthaza beyikududuze:
▪ “[“UJehova, NW”] useduze nabanehliziyo ephukileko, usindisa abanommoya odanileko.”—Rhu. 34:19, 20 [34:18, 19, NW].
▪ “Lokha imikhumbulwami nayihlubayezeka khulu, induduzwakho [Jehova] ivuselela umphefumulwami.”—Rhu. 94:19.
▪ “Sengathi iKosethu uJesu Krestu ngokwayo noZimu uBaba wethu owasithandako bewathi ngesisa sakhe wasipha ukududuzeka okungapheliko kanye nethemba elihle, ingaduduza iinhliziyo zenu beyiziqinise.”—2 Thes. 2:16, 17.
(Rom 15:5) Nje-ke kwangathi uZimu onikela ukukghodlhelela nenduduzo anganipha noke ukucabanga okufana nalokhu uKrestu Jesu ebekanakho,
“Ukunyamezela Kwenu Akuveze Imisebenzi”
5 Bawa uJehova akuphe amandla. UJehova ‘unguZimu wokubekezela newokukhuthazeka.’ (Roma 15:5) Nguye yedwa ozwisisa ubujamo bethu, amazizwethu, nendlela esikhuliswe ngayo. Yeke wazi kuhle ukuthi sitlhogani nasizakukghodlhelela. IBhayibheli lithi: “Uzalisa iimfiso zabo boke abamesabako, alalele isililo sabo abasindise.” (IRhubo 145:19) Alo uZimu angayiphendula njani imithandazwethu bona sikwazi ukufumana amandla wokukghodlhelela?
(Roma 15:13) Kwanga uZimu onikela ithemba anganizalisa ngalo loke ithabo nokuthula ngokuthembela kuye, bona niphuphume ethembeni ngamandla wommoya ocwengileko.
“Thanda UJehova UZimakho”
11 UJehova ‘usizalisa ngethabo kanye nokuthula.’ (Rom. 15:13) Lokho uZimu asithembise khona kusenza sikghodlhelelele iinlingo. Abakhethelwe ukubusa ezulwini batjelwe bona kufuze ‘bathembeke bekube sekufeni, bazakuphiwa isihlohlo sokuphila.’ (IsAm. 2:10) Boke abathembekileko abalindele ukuphila isiphelani ephasini bazokuthaba khulu nebafumana iimbusiso ePharadesi lephasi loke. (Luk. 23:43) Sizizwa njani-ke ngeenthembiswezi? Asithabi na begodu sifumane ukuthula ngebanga lokumthanda ngehliziyo yoke uMuphi ‘weemphiwo ezipheleleko ezivela phezulu?’—Jak. 1:17.
Rhubhulula Ngezinto ZakaZimu Eziligugu
(Roma 15:27) Kwamambala, bakuthabele ukwenza njalo, begodu bebabakoloda; ngombana nangabe iintjhaba zahlanganyela ezintweni zabo ezivela kuZimu, nazo zibakoloda ukubasiza ngezinto eziphathekako.
w89 12/1 24 ¶3
“Ukulingwa Kwethando Lamambala”
Kwamambala, abafowabo abangasimaJuda bekufuze babasize emrarwenabo. Ngaphezu kwakho koke, ‘bebawakoloda’ ngokukhethekileko amaKrestu weJerusalema. Kghani abangasimaJuda akhenge bezwe iindaba ezimnandi eJerusalema? UPowula wathi: “Nangabe iintjhaba zahlanganyela ezintweni zabo ezivela kuZimu, nazo zibakoloda ukubasiza ngezinto eziphathekako.”—Roma 15:27.
(Roma 16:25) Nje-ke kuZimu onganenza niqine ngokuvumelana neendaba ezimnandi engizimemezelako nokutjhumayela ngoJesu Krestu, ngokuvumelana nokwambulwa kwefihlo ecwengileko ebeyifihlwe isikhathi eside khulu
it-1 858 ¶5
Isiphorofido Esabikezelwako
UMesiya nofana uKrestu, bekazokuba siZukulwana esathenjiswako ebekuzokuvela kiso boke abantu nemindeni elungileko ephasini begodu beyizokubusiswa ngebanga lakhe. (Gal 3:8, 14) Ukuthonywa kokuvezwa ‘kwesizukulwanesi’ kwenzeka ngemva kokuhlubuka e-Edeni kodwana ngaphambi kobana kubelethwe u-Abela. (Gen 3:15) Lokhu kwenzeka eminyakeni ezii-4 000 eyadlulako ngaphambi kobana kwambulwe ‘ifihlo ecwengileko’ eyavezwa ngokukhanyako ‘sizukulwana’ sakaMesiya. Kungebangelo, ‘yafihlwa isikhathi eside khulu.’—Rom 16:25-27; Efe 1:8-10; 3:4-11.
Ukufundwa KweBhayibheli
(Roma 15:1-16) Thina esiqinileko kufuze sithwale ubuthakathaka balabo abangakaqini, singazithabisi thina. 2 Ngamunye wethu akenze okuhle kumakhelwanakhe, bona amakhe. 3 Ngombana ngitjho noKrestu akhenge azithabise yena, kodwana njengombana kutloliwe: “Ukuhlambalaza kwalabo abakuhlambalazako kwehlele phezu kwami.” 4 Ngombana zoke izinto ezatlolwa ngaphambilini zatlolelwa bona zisifundise, ukuze ngokukghodlhelela kwethu nangenduduzo evela emiTlolweni sibe nethemba. 5 Nje-ke kwangathi uZimu onikela ukukghodlhelela nenduduzo anganipha noke ukucabanga okufana nalokhu uKrestu Jesu ebekanakho, 6 bona ngobunye, ngelizwi linye niphazimulise uZimu noYise weKosethu uJesu Krestu. 7 Yeke yamukelanani, njengombana noKrestu anamukela, ngomnqopho wokuphazimulisa uZimu. 8 Ngombana ngiyanitjela ukuthi uKrestu waba yinceku yalabo abasokileko ngebanga lokuba neqiniso kwakaZimu, bona aqinisekise iinthembiso azenze kibokhokho babo, 9 nokuthi iintjhaba ziphazimulise uZimu ngomusakhe. Njengombana kutloliwe kwathiwa: “Kungakho ngizokudumisa tjhatjhalazi hlangana neentjhaba, nebizweni lakho ngizokubhina iindumiso.” 10 Godu kwathiwa: “Thabani nabantu bakhe, nina ntjhaba.” 11 Godu: “Dumisani uJehova, noke nina ntjhaba begodu abantu boke abamdumise.” 12 Godu u-Isaya uthi: “Kuzokuba khona umrabhu kaJese, okungiloyo ozokuvela bona abuse iintjhaba; iintjhaba zizokubeka ithemba lazo kuye.” 13 Kwanga uZimu onikela ithemba anganizalisa ngalo loke ithabo nokuthula ngokuthembela kuye, bona niphuphume ethembeni ngamandla wommoya ocwengileko. 14 Nje-ke mina ngokwami ngiyaqiniseka ngani, bafowethu, ukuthi nizele ubuhle, nizaliswe ngalo loke ilwazi, nokuthi nikghona ukukhalimana. 15 Nginitlolele kanengi ngokunqophileko ngamaphuzu athileko, bona ngininikele esinye isikhumbuzo, ngebanga lomusa omkhulu engiwunikelwe nguZimu 16 bona ngibe sisebenzi satjhatjhalazi sakaKrestu Jesu eentjhabeni. Ngihlanganyela emsebenzini ocwengileko weendaba ezimnandi zakaZimu, ukwenzela bona iintjhabezi zibe mnikelo owamukelekako, ocwengiswe ngommoya ocwengileko.
MATJHI 18-24, 2012
AMAGUGU ASELIZWINI LAKAZIMU | 1 KORINTE 1-3
“Unqotjhiswa Yinyama Namkha Zizinto Zommoya KaZimu?”
(1 Korinte 2:14) Kodwana umuntu onqotjhiswa yinyama akazamukeli izinto zommoya kaZimu, ngombana zibudlhadlha kuye; akakghoni ukuzazi, ngombana umuntu kufuze abe nommoya kaZimu bona azihlole.
Mumuntu Onjani Othanda UJehova?
4 Tjheja indlela umuntu onqotjhiswa yinyama enza ngayo izinto. Umuntu onqotjhiswa yinyama ulawulwa mmoya omumbi wephaseli, wenza izinto ezifuna yihliziywakhe kwaphela. UPowula nakawuhlathululako uthi: “Mmoya . . . osebenza kwabangalaleliko.” (Efe. 2:2) Ummoya onjalo wenza abantu balingise inengi, kungakhathaliseki ukuthi lenza okulungileko na. Abanendaba nakho ngokufunwa yinyama kwaphela. Ngikho inengi labo lenza izinto ezithandwa ngibo kwaphela, likhohlwe mthetho kaZimu. Umuntu ophila ngokwenyama, into anendaba nayo khulu sithunzi sakhe, kukuba nezinto zakanokutjho nokuthi alwele amalungelwakhe.
5 Umuntu onqotjhiswa yinyama wenza izinto iBhayibheli ezibiza ngokuthi “misebenzi yenyama.” (Gal. 5:19-21) Incwadi uPowula ayitlolela ibandla leKorinte iveza indlela abantu benyama abacabanga ngayo. Izintwezo zihlanganisa: ukulwa, ukujama nomuntu nanyana ungazi bona wenze kuhle namkha wenze kumbi, kubanga imiguruguru, kusana emakhotho, kungahloniphi ubuhloko, kukudla khulu namkha ukusela khulu. Nakwenzeka kube nesilingo phambi kwakhe uvele angene ngehloko kiso. (IzA. 7:21, 22) UJuda wakhuluma ngabantu abazokubogaboga ethandweni labo ngoZimu bagcine sele ‘banganawo ummoya kaZimu.’—Jud. 18, 19.
(1 Korinte 2:15, 16) Umuntu onqotjhiswa mmoya kaZimu uhlola zoke izinto, kodwana yena ngokwakhe akahlolwa nginanyana ngimuphi umuntu. 16 Ngombana “ngubani owazi umkhumbulo kaJehova, bona amfundise?” Kodwana sinawo umkhumbulo kaKrestu.
Mumuntu Onjani Othanda UJehova?
6 Alo umuntu “onqotjhiswa mmoya” yena sizombona ngani? Into anendaba nayo ukudlula koke buhlobo bakhe noZimu, ngikho avuma ukunqotjhiswa mmoyakhe begodu ulinga ngakho koke ‘ukulingisa uJehova.’ (Efe. 5:1) Lokho kutjho ukuthi usebenza ngamandla bona acabange njengoJehova. UZimu unjengomuntu wamambala kuye. Uhlukile-ke emuntwini ophila ngenyama ngombana umuntu onqotjhiswa mmoya ulinga ukuthi koke akwenzako kuvumelane nemithetho kaJehova. (Rhu. 119:33; 143:10) Kunokuthi adzimelele khulu emisebenzini yenyama, umuntu onqotjhiswa mmoya uba ‘neenthelo zommoya’ kaZimu. (Gal. 5:22, 23) Umuntu othanda ukuthengisa ngehliziywakhe yoke kanengi uthola kungiyo yodwa into acabanga ngayo leyo. Kuyafana-ke nangomuntu othanda uZimu ngehliziywakhe yoke, uhlala acabanga ngaye.
Mumuntu Onjani Othanda UJehova?
15 Singamlingisa njani uKrestu? Incwadi yoku-1 kwebeKorinte 2:16 ikhuluma ngokuba ‘nomkhumbulo kaKrestu.’ Incwadi yakwebeRoma 15:5 ikhuluma ngokuthi kufuze sibe ‘nokucabanga okufana nalokhu uKrestu Jesu ebekanakho.’ Yeke nasifuna ukufana noKrestu kufuze sazi indlelakhe yokucabanga begodu sibazi kuhle nobuntu bakhe. Sizokukghona ukulandela emanyathelwenakhe. Umkhumbulo kaJesu udzimelele khulu ebuhlotjeni bakhe noZimu. Yeke ukuba nomkhumbulo kaJesu kuzosenza simlingise ngcono uJehova. Lokhu kusenza sibone ukuthi kuqakatheke kangangani bona sifunde ukucabanga njengoJesu.
Rhubhulula Ngezinto ZakaZimu Eziligugu
(1 Korinte 1:20) Uphi umuntu ohlakaniphileko? Uphi umtloli? Uphi umphikisi wephaseli? UZimu akhenge enze ukuhlakanipha kwephasi kube budlhadlha na?
it-2 1193 ¶1
Ukuhlakanipha
Ngokuhlakanipha kwalo, iphasi lala ilungiselelo lakaZimu ngoKrestu lakubona kubudlhadlha; nanyana ababusi balo bakghona ukwahlulela nokuhlela, kodwana “bayibulala iKosi ephazimulako.” (1Ko 1:18; 2:7, 8) Nje-ke uZimu, watjengisa ukuhlakanipha kwephaseli bona kubudlhadlha, wahlazisa amadoda ahlakaniphileko ngokusebenzisa lokho ebebazitjela ukuthi ‘zizinto ezivela kuZimu ezibudlhadlha,’ nabantu ebebabonakala baziindlhadlha, ababogabogako, abaqalelwa phasi bona bazalise ihloswakhe engabonakaliko. (1Ko 1:19-28) UPowula wakhumbuza amaKrestu weKorinte bona “ukuhlakanipha kwephaseli namkha kwababusi bephaseli,” kuzokuba lilize; kungebangelo abapostoli bangakhenge bakusebenzise ukuhlakaniphokho emlayezweni kaZimu. (1Ko 2:6, 13) Wayelelisa amaKrestu weKolose bona angabanjwa ‘yifundiso yamala [phi·lo·so·phiʹas, okutjho ithando lehlakanipho] nekohliso elilize ngokwesiko labantu.’—Kol 2:8; madanisa namavesi 20-23.
(1 Korinte 2:3-5) Ngeza kini ngokubogaboga, ngokusaba nangokuhlengezela okukhulu; 4 begodu ikulumwami nalokho engakutjhumayelako bekungasi mamezwi wokuhlakanipha akholisako, kodwana bekungewokutjengisa ummoya namandla, 5 bona ukukholwa kwenu kungabi sekuhlakanipheni kwabantu kodwana kube semandleni kaZimu.
w08 7/15 27 ¶6
Amaphuzu Asencwadini YakwebeKorinte
2:3-5. Ngesikhathi atjhumayela eKorinte, bekuzele ifundiso yamala yesiGirigi, mhlamunye uPowula bekatshwenyeke ngokuthi uzokukghona na ukwenza abantu bamlalele. Nanyana kunjalo, akhenge avumele ukubogaboga nofana ukusaba okungenzeka bekanakho bona kumvimbele ekwenzeni umsebenzi awunikelwe nguZimu. Ngendlela efanako, nathi akukafuzi sivumele ubujamo obungakajayeleki busivimbele bona sitjhumayele iindaba ezimnandi zomBuso kaZimu. Singathembela esizweni lakaJehova njengoPowula.
Ukufundwa KweBhayibheli
(1 Korinte 1:1-17) UPowula, owabizelwa bona abe mpostoli kaJesu Krestu ngentando kaZimu, noSosithenesi umfowethu, 2 ebandleni lakaZimu eliseKorinte, kini enicwengiswe ebunyeni noKrestu Jesu, nabizelwa bona nibe ngabacwengileko, kunye nabo boke abakizo zoke iindawo ababiza ibizo leKosethu uJesu Krestu, iKosabo neyethu: 3 Kwanga ningaba nomusa omkhulu nokuthula okuvela kuZimu uBabethu neKosini uJesu Krestu. 4 Ngihlala ngithokoza uZimami ngani ngebanga lomusa omkhulu kaZimu aninikele wona kuKrestu Jesu; 5 ngombana kikho koke eninakho ninjingile kuye, ngobukghoni obukhulu bokukhuluma nangelwazi elizeleko, 6 njengombana ubufakazi ngoKrestu benziwe baqina hlangana nani, 7 ukwenzela bona ningatlhayeli kinanyana ngisiphi isipho nakanye, njengombana nilindele ngetjiseko ukwambulwa kweKosethu uJesu Krestu. 8 Godu uzonenza niqine bekube semaswapheleni ukwenzela bona ngelanga leKosethu uJesu Krestu kungabi nomuntu onithwesa umlandu. 9 UZimu uthembekile, ngaye nabizelwa etjhebiswaneni neNdodanakhe, uJesu Krestu iKosethu. 10 Nje-ke ngiyanikhuthaza, bafowethu, ngebizo leKosethu uJesu Krestu, bona noke kufuze nikhulume ngokuvumelana, kungabi nokuhlukana phakathi kwenu, kodwana ngokupheleleko nibe nobunye emkhumbulweni nendleleni efanako yokucabanga. 11 Ngombana abanye bendlu kaKlowe bangitjele ngani, bafowethu, ukuthi kunokuphikisana phakathi kwenu. 12 Engikutjhoko ngilokhu, ukuthi ngamunye wenu uthi: “Mina ngingewakaPowula,” abanye bathi: “Mina ngingewaka-Apholo,” abanye bathi: “Mina ngingewakaKhefasi,” abanye bathi: “Mina ngingewakaKrestu.” 13 Kghani uKrestu uhlukene phakathi? UPowula akhenge abulawelwe esigodweni ngebanga lenu, akusinjalo? Nabhajadiselwa ebizweni lakaPowula na? 14 Ngithokoza uZimu ngokuthi akhenge ngibhabhadise namunye wenu ngaphandle kwakaKrisposi noGayusi, 15 bona kungabi nothi nabhajadiselwa ebizweni lami. 16 Iye, godu ngabhabhadisa bomndeni kaStefana. Malungana nabo boke abanye, angikhumbuli ngibabhabhadisa. 17 Ngombana uKrestu akhenge angithumele ukuthi ngibhabhadise, kodwana wangithuma bona ngifakazele iindaba ezimnandi; ingasi ngamezwi wokuhlakanipha, ukwenzela bona isigodo sokuhlunguphazwa sakaKrestu singabi lilize.
MATJHI 25-31, 2012
AMAGUGU ASELIZWINI LAKAZIMU | 1 KORINTE 4-6
“Isibiliso Esincani Sibilisa Ihlama Yoke”
(1 Korinte 5:1, 2) Kubikwe bona kwenziwa izenzo zomseme ezisisono phakathi kwenu, izenzo ezisisono ezinjalo ngekhe wazifumana ngitjho nahlangana nabantu beentjhaba—ukuthi umuntu uya emabhayini nomkayise. 2 Kghani niyazikhakhazisa ngalokho? Akukafuzi na nibe lisizi, ukuze umuntu owenze isenzwesi asuswe phakathi kwenu?
(1 Korinte 5:5-8) umuntu onjalo kufuze nimnikele kuSathana bona kutjhatjalaliswe inyama, ukuze ummoya usindiswe ngelanga leKosi. 6 Ukuzikhakhazisa kwenu akusikuhle. Anazi na bona isibiliso esincani sibilisa ihlama yoke? 7 Susani isibiliso esidala ukuze nibe yihlama etja, njengombana ninganaso isibiliso. Ngombana kwamambala, uKrestu imvana yePhasika lethu wenziwe umhlatjelo. 8 Yeke asiwugidingeni umnyanya lo, ingasi ngesibiliso esidala, namkha ngesibiliso sobumbi nokukhohlakala, kodwana ngesikwa esinganasibiliso sokuthembeka neqiniso.
(1 Korinte 5:13) kukulapho uZimu ahlulela abangaphandle? “Susani umuntu omumbi phakathi kwenu.”
it-2 230
Isibiliso
Umpostoli uPowula wasebenzisa umfanekiso ofanako nakalaya ibandla lobuKrestu leKorinte bona liqotjhe umuntu owenza izenzo zomseme ezisono ebandleni, wathi: “Anazi na bona isibiliso esincani sibilisa ihlama yoke? Susani isibiliso esidala ukuze nibe yihlama etja, njengombana ninganaso isibiliso. Ngombana kwamambala, uKrestu imvana yePhasika lethu wenziwe umhlatjelo.” Waveza ngokukhanyako bona sitjho ukuthini “isibiliso”: “Asiwugidingeni umnyanya lo, ingasi ngesibiliso esidala, namkha ngesibiliso sobumbi nokukhohlakala, kodwana ngesikwa esinganasibiliso sokuthembeka neqiniso.” (1Ko 5:6-8) La uPowula bekaveza ihlathululo yomNyanya wamaJuda weSikwa esinganaSibiliso, olandelwa msinyana mgidi wePhasika. Ngokufanako, nesibiliso sehlama encani sibilisa ihlama yoke, nebandla njengombana limzimba lizokuba ngelingakahlwengeki emehlweni kaJehova nangabe alisusi umuntu obangele umonakalo wokuziphatha kumbi. Kufuze likhuphe “isibiliso” hlangana nalo, njengombana ama-Israyeli bengekhe abe nesibiliso ngeendlini zawo ngesikhathi somnyanya.
it-2 869-870
USathana
Kutjho ukuthini ‘ukunikela umuntu kuSathana bona kutjhatjalaliswe inyama’?
Ngokuyelelisa ibandla leKorinte malungana nelunga lalo elenze ubumbi ngokuya emabhayini nomkayise, umpostoli uPowula walitlolela wathi: “Umuntu onjalo kufuze nimnikele kuSathana bona kutjhatjalaliswe inyama.” (1Ko 5:5) Lokhu bekumyalo wokuthi umuntu onjalo kufuze aqotjhwe ebandleni, singasaba nobudlelwana nomuntu loyo ngokupheleleko. (1Ko 5:13) Ukumnikela kuSathana bekuzomenza aphume ngokupheleleko ebandleni, abuyele ephasini elibuswa nelinqotjhiswa nguSathana. Ngokufana ‘nesibiliso esincani esibilisa ihlama yoke,’ umuntu loyo bekanqotjhiswa yinyama ngaphakathi ebandleni; yeke, ngokususa umuntu omumbi lo, ibandla elilalela iinqophiso zakaZimu lizokususa umuntu olawulwa ‘yinyama’ hlangana nalo. (1Ko 56, 7) Ngokufanako, uPowula wanikela uHimenewu no-Alekzandra kuSathana, ngombana balahla ukukholwa kwabo nesazelo sabo esihle begodu baphukelwa mkhumbi wokukholwa kwabo.—1Tm 1:20.
(1 Korinte 5:9-11) Encwadinami nganitlolela bona nilise ukuzihlanganisa nabantu abenza izenzo zomseme ezisisono, 10 ngingatjho bona nilise ukuzihlanganisa ngokupheleleko nabantu bephaseli abenza izenzo somseme ezisisono namkha abantu abamarhamaru namkha abadlelezeli namkha abalotjha iinthombe. Ngombana nakunjalo, bekuzokufuze niphume ephasini. 11 Kodwana nje nginitlolela bona nilise ukuzihlanganisa nomuntu obizwa ngokuthi mfowethu kodwana owenza izenzo zomseme ezisisono namkha omarhamaru namkha olotjha iinthombe namkha othukanako namkha osidakwa namkha omdlelezeli, ningadli ngitjho nokudla nomuntu onjalo.
lvs 241, isiphetho
Ukususwa Komuntu
Nakunomuntu owenze isono esikhulu begodu angatjhuguluki abe abhale nokulandela iinkambiso zakaJehova, kufanele angasabi lilunga lebandla. Kufuze asuswe. Angeze sisazibandakanya naye begodu asisamkhulumisi. (1 Korinte 5:11; 2 Jwanisi 9-11) Ilungiselelo lokususwa komuntu livikela ibizo lakaJehova kunye nebandla. (1 Korinte 5:6) Akupheleli lapho, ukususwa kutjho ukukhalimela isoni, sizokwazi ukuphenduka besibuyele kuJehova.—Lukasi 15:17.
Isahluko 3, isigaba 19
Rhubhulula Ngezinto ZakaZimu Eziligugu
(1 Korinte 4:9) Ngombana kimi kubonakala ngasuthi uZimu ubeke thina bapostoli emaswapheleni wombukiso njengabantu abagwetjelwe ukufa, ngombana ephasini, eengilozini, nebantwini, sesibe mbukiso wemdlalweni watjhatjhalazi.
w09 5/15 24 ¶16
Iingilozi—“Zenza Umsebenzi Ocwengileko”
16 AmaKrestu aqalene neentjhijilo ‘ambukiso eengilozini.’ (1 Kor. 4:9) Iingilozi naziqala izenzo zethu zokuthembeka begodu zibona isoni siphenduka, ziyathaba. (Luk. 15:10) Ukuziphatha okuhle kwabafazi abamaKrestu kubonwa ziingilozi. IBhayibheli liveza ukuthi “umfazi kufuze abe netshwayo lokuzithoba endodenakhe, ngebanga leengilozi.” (1 Kor. 11:3, 10) Iye, ziyathaba nazibona abafazi abamaKrestu nazo zoke iinceku zakaZimu zephasini zilalela ifundiso kaZimu nelungiselelo lobuhloko. Ukulalela okunjalo kusikhumbuzo esihle emadodaneni kaZimu wezulwini.
(1 Korinte 6:3) Anazi na ukuthi sizokwahlulela iingilozi? Kangangani-ke ngokwahlulela iindaba zokuphilokhu?
it-2 211
UmThetho
UmThetho Engilozini. Iingilozi, ziphakeme khulu ukudlula abantu, zizithoba emthethweni begodu zilalela imiyalo kaZimu. (Heb 1:7, 14; IR 104:4) UJehova wayala uSathana inaba lakhe begodu wambekela nomkhawulo. (Job 1:12; 2:6) UMikhayeli ingilozi ekulu wahlonipha isikhundla sakaJehova njengombana angumaHluleli omKhulu, nakaphikisana noDeveli wathi: “Kwangathi uJehova angakukhalima.” (Jud 9; madanisa noZak 3:2.) UJehova uZimu ubeke iingilozi ngaphasi kwelawulo lakaJesu Krestu ophazinyulisiweko. (Heb 1:6; 1Pt 3:22; Mat 13:41; 25:31; Flp 2:9-11) Ngomyalo kaJesu, ingilozi yathunyelwa kuJwanisi. (sAm 1:1) Kweyoku-1 kwebeKorinte 6:3 umpostoli uPowula ukhuluma ngabafowabo bakaKrestu abakhethelwe bona bahlulele iingilozi, kuyakhanya bona bazokuba nengcenye ekukhipheni isahlulelo emimoyeni emimbi.
Ukufundwa KweBhayibheli
(1 Korinte 6:1-14) Ukhona na phakathi kwenu othi nakabe nombango nomunye abe nesibindi sokuya ekhotho phambi kwabantu abangakalungi, angayi phambi kwabacwengileko? 2 Namkha anazi na ukuthi abacwengileko bazokwahlulela iphasi? Yeke nangabe iphasi lizokwahlulelwa ngini, angekhe nakghona na ukwahlulela iindaba ezingatjho litho? 3 Anazi na ukuthi sizokwahlulela iingilozi? Kangangani-ke ngokwahlulela iindaba zokuphilokhu? 4 Nje-ke, nangabe nizokwahlulela iindaba zokuphilokhu, kghani nikhetha abantu ibandla elibaqalela phasi bona babe bahluleli? 5 Ngitjho lokhu bona nginiphathise iinhloni. Kghani akakho nomuntu munye ohlakaniphileko phakathi kwenu ongakghona ukwahlulela hlangana kwabafowabo? 6 Kunalokho, umuntu umangalela umfowabo ekhotho, phambi kwabantu abangakholwako! 7 Kuhlekuhle, senihluliwe nanimangalelana emakhotho. Kunalokho, kubayini ningazivumeli bona noniwe? Kubayini ningazivumeli bona nidlelezelwe? 8 Esikhundleni salokho, niyona, niyadlelezela, begodu nikwenza kubafowenu! 9 Namkha anazi na ukuthi abantu abangakalungi angekhe balizuze ilifa lomBuso kaZimu? Ningakhohliswa. Labo abenza izenzo zomseme ezisisono, abalotjha iinthombe, iimfebe, iintjhatjha zamadoda, amadoda aya emabhayini namadoda, 10 amasela, abamarhamaru, iindakwa, abathukanako, nabadlelezeli, angekhe balizuze ilifa lomBuso kaZimu. 11 Lokhu ngilokho abanye benu ebeningikho. Kodwana nihlanziwe nahlwengeka; nicwengisiwe; kuthiwe nilungile ebizweni leKosi uJesu Krestu nangommoya kaZimethu. 12 Zoke izinto zivumelekile kimi, kodwana akusizo zoke izinto ezizuzisako. Zoke izinto zivumelekile kimi, kodwana angekhe ngivume bona ngilawulwe nginanyana yini. 13 Ukudla ngekwamathumbu namathumbu ngewokudla, kodwana uZimu uzokwenza kokubili bona kube lilize. Umzimba awusingowezenzo zomseme ezisisono kodwana ngeweKosi, neKosi ngeyomzimba. 14 UZimu uvuse iKosi begodu nathi uzosivusa ekufeni ngamandlakhe.
Iinkhombiso Zencwajana Ethi IPilo NomSebenzi WobuKrestu IHlelo LomHlangano WeBandla
MATJHI 4-10
AMAGUGU ASELIZWINI LAKAZIMU | ROMA 12-14
“Kutjho Ukuthini Ukutjengisa Ithando LobuKrestu?”
(Roma 12:10) Thandanani njengamalunga womndeni. Ekuhloniphaneni, dosani phambili.
it-1 55
Ithando
Ithando (Gr., phi·la·del·phiʹa, kutjho, “ukuthanda umfowethu”) kufuze libe khona kiwo woke amalunga webandla lobuKrestu. (Rom 12:10; Heb 13:1; qala godu yoku-1Pt 3:8.) Ngalokho, ibandla kufuze libe nobuhlobo obutjhideleneko, obuqinileko njengamalunga womndeni abelethwa ndawonye. Ngitjho nanyana amalunga webandla athandana, akhuthazwa bona athandane ngesilinganiso esipheleleko.—1Te 4:9, 10.
Ibizo lesiGirigi elithi, phi·loʹstor·gos, litjho “ukuba nethando,” liqaliselwe emuntwini otjhidelene naye khulu. Omunye umsuka webizo elithi, sterʹgo, kanengi liqalisele emalungwini womndeni, athandana ngokwemvelo. Umpostoli uPowula wakhuthaza amaKrestu bona alihlawulele ithando elinjalo. (Ro 12:10) UPowula waveza ukuthi emihleni yokuphela abantu bazokubonakala ngokungabi ‘nethando lemvelo’ (Gr., aʹstor·goi) begodu abantu abanjalo bafanelwa kukufa.—2Ti 3:3; Ro 1:31, 32.
(Roma 12:17-19) Ningabuyiseli okumbi ngokumbi kunanyana ngubani. Yenzani okuhle emehlweni wabo boke abantu. 18 Nakukghonekako, ngokusemandlenenu, yibani nokuthula nabantu boke. 19 Ningazibuyiseleli, bathandekako, kodwana tjhidelani ilaka lakaZimu; ngombana kutloliwe ukuthi: “‘Ngekwami ukuphindisela; ngizokubuyisela,’ kutjho uJehova.”
w09 10/15 8 ¶3
“Ibani Nokuthula Nabantu Boke”
3 Funda kwebeRoma 12:17. UPowula wathi nasiqalene nokuphathwa kumbi, akukafuzi bona sizibuyiselele. Kuqakathekile ukulalela iseluleko sakhe khulukhulu emindenini ehlukene ngokwekolo. Umlingani omKrestu ujamelana nesilingo sokuthi angazibuyiseleli namkha akhulume amezwi ahlabako. Akunanto ehle ‘ngokubuyisela okumbi ngokumbi.’ Kunalokho, ukwenza njalo kungenza ubujamo bube bumbi khulu.
w07 7/1 24-25 ¶12-13
“Ningabuyiseli Okumbi Ngokumbi”
12 Isiyeleliso sakaPowula esilandelako sikhuluma ngendlela ekufuze sibaphathe ngayo abakholwako nabangakholwako: “Ningabuyiseli okumbi ngokumbi.” Amezwi la anengqondo avumelana nalokho okutjhiwo ngaphambilini, athi: “Hloyani okumbi.” Ngaphezu kwakho koke, umuntu angatjho njani bona ukuhloyile okumbi, nangabe uzokwenza izinto ezimbi ngokuthi azibuyiselele kwabanye? Nakenza njalo, uzabe ‘anethando lobuzenzisi.’ UPowula wathi: “Yenzani okuhle emehlweni wabo boke abantu.” (Roma 12:9, 17) Amezwi la singawasebenzisa njani?
13 Ngaphambilini, encwadinakhe yakwebeKorinte, uPowula watlola ngokutjhutjhiswa abapostoli ebeba zokuqalana nakho. Wathi: “Ngombana ephasini, eengilozini, nebantwini, sesibe mbukiso wemdlalweni watjhatjhalazi. . . . Nasithukwako, siyabusisa; nasihlunguphazwako, sikghodlhelela ngesineke.” (1 Korinte 4:9-13) Ngokufanako, namhlanjesi amaKrestu weqiniso aqalwe babantu bephaseli. Abantu abasibhodileko nababona imisebenzi emihle esiyenzako ngitjho nanyana siphathwa ngendlela enganabulungiswa, bazokutjhukumiseleka bona bawulalele umlayezwethu wobuKrestu.—1 Pitrosi 2:12.
(Roma 12:20, 21) Kodwana “nangabe inaba lakho lilambile, liphe ukudla; nangabe lomile, linikele okuselwako; ngombana ngokwenza lokhu uzokudindela amalahle avuthako ehlokwalo.” 21 Ungavumi ukuhlulwa ngokumbi, kodwana ragela phambili uhlula okumbi ngokuhle.
Nilibalelane Ngokutjhaphulukileko
13 Kungenzeka kube neenkhathi lapho uzizwa kwanga ungasiza othileko okonileko bona amukele imithethokambiso yobuKrestu. Umpostoli uPowula watlola wathi: “‘Nengabe inaba lakho lilambile, liphe ukudla; nengabe lomile, liseze; ngombana nawenza njalo uzakupakelanisa amalahle avuthako ehlokwenalo.’ Ungavumeli ubumbi bukuhlule, kunalokho yehlula ubumbi ngobuhle.” (Rom. 12:20, 21) Ngokuragela phambili utjengisa umusa newuphathwa kumbi, ungathambisa ngitjho nokucabanga okubudisi khulu begodu wenze abantu baveze ubuhle obukibo. Ngokutjengisa ukuzwisisa nomusa—emuntwini okonileko, ungakghona ukumsiza afunde amaqiniso weBhayibheli. Kungakhathaliseki bona ubujamo bunjani, ummoya ophasi unganikela abantu ngabanye ithuba lokucabangisisa ngokuziphatha kwakho okuhle.—1 Pit. 2:12; 3:16.
Rhubhulula Ngezinto ZakaZimu Eziligugu
(Roma 12:1) Ngalokho, ngiyanincenga ngesirhawu sakaZimu, bafowethu, bona ninikele imizimbenu ibe mhlatjelo ophilako, ocwengileko nowamukelekako kuZimu, umsebenzi ocwengileko ngamandlenu wokucabanga.
Singazikhetha Njani Zokuzilibazisa
5 Koke esikwenza ekuphileni kuhlangene nokulotjha kwethu uJehova. UPowula wakuhlathulula lokhu nakathi: “Ninikele imizimbenu ibe mhlatjelo ophilako, ocwengileko nowamukelekako kuZimu.” (Roma 12:1) UJesu wathi: “Kufuze uthande uJehova uZimakho ngehliziywakho yoke nangomphefumulwakho woke nangomkhumbulwakho woke nangamandlakho woke.” (Markosi 12:30) Sifuna ukunikela uJehova okuhle kodwa. Ngesikhathi sama-Israyeli, nabanikela umnikelo kuJehova bebalindeleke ukuthi banikele ngesilwana esiphilileko esinganamphambo. Nakhisibe sinomphambo uZimu bekangasamukeli. (Levitikusi 22:18-20) Ngendlela efanako, ukulotjha kwethu kungakhe kungamukeleki kuJehova. Njani?
6 UJehova usitjela ukuthi: “Kufuze nicwengeke, ngombana nami ngicwengile.” (1 Pitrosi 1:14-16; 2 Pitrosi 3:11) UJehova uzokwamukela ukumlotjha kwethu nakhisibe kuhlanzekile namkha kucwengile. (Duteronomi 15:21) Ukulotjha kwethu angeze kwaba ngokucwengileko nasenza izinto ezihloywa nguJehova, njengokuziphatha okumbi, inturhu nobudimoni. (Roma 6:12-14; 8:13) Angekhe kwamthabisa uJehova nangakhe sivumele ukuzithabisa ngezinto ezinjalo. Lokhu kungenza ukumlotjha kwethu kube ngokungakahlanzeki nokungamukelekiko begodu kungonakalisa nobuhlobo bethu naye.
(Roma 13:1) Woke umuntu akazithobe eemphathimandleni eziphakemeko, ngombana asikho isiphathimandla esikhona ngaphandle kwemvumo kaZimu; iimphathimandla ezikhona zijame eendaweni zazo ezilinganiselweko ezizabelwe nguZimu.
w08 6/15 31 ¶4
Amaphuzu Asencwadini YakwebeRoma
13:1—Kungayiphi indlela iimphathimandla eziphakemeko “zijame eendaweni zazo ezilinganiselweko ezizabelwe nguZimu”? Iimphathimandla eziphakemeko “zijame eendaweni zazo ezilinganiselweko ezizabelwe nguZimu” ngendlela leyo zibusa ngemvumo kaZimu, begodu ukubusa kwazo kwabikezelwa nguZimu. Lokhu kubonakala kilokho okwabikezelwa liBhayibheli ngababusi abanengana.
Ukufundwa KweBhayibheli
(Roma 13:1-14) Woke umuntu akazithobe eemphathimandleni eziphakemeko, ngombana asikho isiphathimandla esikhona ngaphandle kwemvumo kaZimu; iimphathimandla ezikhona zijame eendaweni zazo ezilinganiselweko ezizabelwe nguZimu. 2 Yeke, nanyana ngubani ophikisa isiphathimandla uphikisana nelungiselelo lakaZimu; labo abaphikisana naso bazozilethela isahlulelo. 3 Ngombana ababusi bayasatjwa. Abasatjwa ngilabo abenza okuhle, kodwana ngilabo abenza okumbi. Uyafuna na ukungasisabi isiphathimandla? Raga nokwenza okuhle, sizokudumisa; 4 ngombana sisisebenzi sakaZimu bona kuzuze wena. Kodwana nangabe wenza okumbi, saba, ngombana asikayiphatheli ilize isabula. Sisisebenzi sakaZimu, umbuyiseli wokuveza ilaka kiloyo ophila ngokwenza okumbi. 5 Nje-ke kunebanga elikatelelako ngani bona nizithobe, ingasi ngebanga lelakelo kwaphela kodwana nangebanga lakanembeza wenu. 6 Kungakho nibhadela nemithelo; ngombana ziziinsebenzi zomphakathi zakaZimu ezisebenzela wona umnqopho lo. 7 Nikelani boke okubafaneleko: ofuna umthelo, umthelo; ofuna imbadelo, imbadelo; ofuna ukusatjwa, ukusatjwa okunjalo; ofuna ukuhlonitjhwa, ukuhlonitjhwa okunjalo. 8 Ningakolodi muntu nanyana yini ngaphandle kokuthandana; ngombana nanyana ngubani othanda omunye umuntu uwuzalisile umthetho. 9 Ngombana umthetho uthi, “Ungafebi, ungabulali, ungebi, ungabi marhamaru,” bese kuthi nanyana ngimuphi omunye umyalo okhona, uhlanganiswe esitjhwenesi: “Kufuze uthande umakhelwanakho njengombana uzithanda wena.” 10 Ithando alikwenzi okumbi kumakhelwana womuntu; nje-ke, ithando likuzaliswa komthetho. 11 Godu yenzani lokho ngombana niyasazi isikhathesi, ukuthi sekusikhathi sokuthi nivuke ebuthongweni, ngombana nje ukusindiswa kwethu kuseduze khulu kunangesikhathi siba makholwa. 12 Ubusuku sebukhambe khulu; imini seyitjhidele. Nje-ke asihlubuleni imisebenzi yobumnyama, simbathe iinkhali zokukhanya. 13 Asikhambeni ngokuhlelekileko njengemini, ingasi ngemigidi engalawulekiko nokudakwa, ingasi ngokuhlanganyela amabhayi okusisono nokwenza amanyala ungabi neenhloni, ingasi ngombango nomona. 14 Kodwana yembathani iKosi uJesu Krestu, begodu ningahleli kusengaphambili ukwanelisa iinkanuko zenyama.
MATJHI 11-17
AMAGUGU ASELIZWINI LAKAZIMU | ROMA 15-16
“Bawa UJehova Akuphe Induduzo Nokukghodlhelela”
(Roma 15:4) Ngombana zoke izinto ezatlolwa ngaphambilini zatlolelwa bona zisifundise, ukuze ngokukghodlhelela kwethu nangenduduzo evela emiTlolweni sibe nethemba.
‘Lilani Kanye Nalabo Abalilako’
11 Indaba yokuhlongakala kwakaLazaru nobuhlungu uJesu abuzwako, ingenye yeendaba eziduduzako ekukhulunywa ngazo eliZwini lakaZimu. Ngebanga lalokho, imitlolo ithi: “Koke okwatlolwa ngaphambilini kwatlolelwa ukusifundisa ukuze kuthi ngokunyamezela nangokukhuthazeka kwemitlolo, sibe nethemba.” (Rom. 15:4) Nakhibe uqalene nesizi, imitlolo nasi ingakukhuthaza beyikududuze:
▪ “[“UJehova, NW”] useduze nabanehliziyo ephukileko, usindisa abanommoya odanileko.”—Rhu. 34:19, 20 [34:18, 19, NW].
▪ “Lokha imikhumbulwami nayihlubayezeka khulu, induduzwakho [Jehova] ivuselela umphefumulwami.”—Rhu. 94:19.
▪ “Sengathi iKosethu uJesu Krestu ngokwayo noZimu uBaba wethu owasithandako bewathi ngesisa sakhe wasipha ukududuzeka okungapheliko kanye nethemba elihle, ingaduduza iinhliziyo zenu beyiziqinise.”—2 Thes. 2:16, 17.
(Rom 15:5) Nje-ke kwangathi uZimu onikela ukukghodlhelela nenduduzo anganipha noke ukucabanga okufana nalokhu uKrestu Jesu ebekanakho,
“Ukunyamezela Kwenu Akuveze Imisebenzi”
5 Bawa uJehova akuphe amandla. UJehova ‘unguZimu wokubekezela newokukhuthazeka.’ (Roma 15:5) Nguye yedwa ozwisisa ubujamo bethu, amazizwethu, nendlela esikhuliswe ngayo. Yeke wazi kuhle ukuthi sitlhogani nasizakukghodlhelela. IBhayibheli lithi: “Uzalisa iimfiso zabo boke abamesabako, alalele isililo sabo abasindise.” (IRhubo 145:19) Alo uZimu angayiphendula njani imithandazwethu bona sikwazi ukufumana amandla wokukghodlhelela?
(Roma 15:13) Kwanga uZimu onikela ithemba anganizalisa ngalo loke ithabo nokuthula ngokuthembela kuye, bona niphuphume ethembeni ngamandla wommoya ocwengileko.
“Thanda UJehova UZimakho”
11 UJehova ‘usizalisa ngethabo kanye nokuthula.’ (Rom. 15:13) Lokho uZimu asithembise khona kusenza sikghodlhelelele iinlingo. Abakhethelwe ukubusa ezulwini batjelwe bona kufuze ‘bathembeke bekube sekufeni, bazakuphiwa isihlohlo sokuphila.’ (IsAm. 2:10) Boke abathembekileko abalindele ukuphila isiphelani ephasini bazokuthaba khulu nebafumana iimbusiso ePharadesi lephasi loke. (Luk. 23:43) Sizizwa njani-ke ngeenthembiswezi? Asithabi na begodu sifumane ukuthula ngebanga lokumthanda ngehliziyo yoke uMuphi ‘weemphiwo ezipheleleko ezivela phezulu?’—Jak. 1:17.
Rhubhulula Ngezinto ZakaZimu Eziligugu
(Roma 15:27) Kwamambala, bakuthabele ukwenza njalo, begodu bebabakoloda; ngombana nangabe iintjhaba zahlanganyela ezintweni zabo ezivela kuZimu, nazo zibakoloda ukubasiza ngezinto eziphathekako.
w89 12/1 24 ¶3
“Ukulingwa Kwethando Lamambala”
Kwamambala, abafowabo abangasimaJuda bekufuze babasize emrarwenabo. Ngaphezu kwakho koke, ‘bebawakoloda’ ngokukhethekileko amaKrestu weJerusalema. Kghani abangasimaJuda akhenge bezwe iindaba ezimnandi eJerusalema? UPowula wathi: “Nangabe iintjhaba zahlanganyela ezintweni zabo ezivela kuZimu, nazo zibakoloda ukubasiza ngezinto eziphathekako.”—Roma 15:27.
(Roma 16:25) Nje-ke kuZimu onganenza niqine ngokuvumelana neendaba ezimnandi engizimemezelako nokutjhumayela ngoJesu Krestu, ngokuvumelana nokwambulwa kwefihlo ecwengileko ebeyifihlwe isikhathi eside khulu
it-1 858 ¶5
Isiphorofido Esabikezelwako
UMesiya nofana uKrestu, bekazokuba siZukulwana esathenjiswako ebekuzokuvela kiso boke abantu nemindeni elungileko ephasini begodu beyizokubusiswa ngebanga lakhe. (Ga 3:8, 14) Ukuthonywa kokuvezwa ‘kwesizukulwanesi’ kwenzeka ngemva kokuhlubuka e-Edeni kodwana ngaphambi kobana kubelethwe u-Abela. (Gen 3:15) Lokhu kwenzeka eminyakeni ezii-4 000 eyadlulako ngaphambi kobana kwambulwe ‘ifihlo ecwengileko’ eyavezwa ngokukhanyako ‘sizukulwana’ sakaMesiya. Kungebangelo, ‘yafihlwa isikhathi eside khulu.’—Rom 16:25-27; Efe 1:8-10; 3:4-11.
Ukufundwa KweBhayibheli
(Roma 15:1-16) Thina esiqinileko kufuze sithwale ubuthakathaka balabo abangakaqini, singazithabisi thina. 2 Ngamunye wethu akenze okuhle kumakhelwanakhe, bona amakhe. 3 Ngombana ngitjho noKrestu akhenge azithabise yena, kodwana njengombana kutloliwe: “Ukuhlambalaza kwalabo abakuhlambalazako kwehlele phezu kwami.” 4 Ngombana zoke izinto ezatlolwa ngaphambilini zatlolelwa bona zisifundise, ukuze ngokukghodlhelela kwethu nangenduduzo evela emiTlolweni sibe nethemba. 5 Nje-ke kwangathi uZimu onikela ukukghodlhelela nenduduzo anganipha noke ukucabanga okufana nalokhu uKrestu Jesu ebekanakho, 6 bona ngobunye, ngelizwi linye niphazimulise uZimu noYise weKosethu uJesu Krestu. 7 Yeke yamukelanani, njengombana noKrestu anamukela, ngomnqopho wokuphazimulisa uZimu. 8 Ngombana ngiyanitjela ukuthi uKrestu waba yinceku yalabo abasokileko ngebanga lokuba neqiniso kwakaZimu, bona aqinisekise iinthembiso azenze kibokhokho babo, 9 nokuthi iintjhaba ziphazimulise uZimu ngomusakhe. Njengombana kutloliwe kwathiwa: “Kungakho ngizokudumisa tjhatjhalazi hlangana neentjhaba, nebizweni lakho ngizokubhina iindumiso.” 10 Godu kwathiwa: “Thabani nabantu bakhe, nina ntjhaba.” 11 Godu: “Dumisani uJehova, noke nina ntjhaba begodu abantu boke abamdumise.” 12 Godu u-Isaya uthi: “Kuzokuba khona umrabhu kaJese, okungiloyo ozokuvela bona abuse iintjhaba; iintjhaba zizokubeka ithemba lazo kuye.” 13 Kwanga uZimu onikela ithemba anganizalisa ngalo loke ithabo nokuthula ngokuthembela kuye, bona niphuphume ethembeni ngamandla wommoya ocwengileko. 14 Nje-ke mina ngokwami ngiyaqiniseka ngani, bafowethu, ukuthi nizele ubuhle, nizaliswe ngalo loke ilwazi, nokuthi nikghona ukukhalimana. 15 Nginitlolele kanengi ngokunqophileko ngamaphuzu athileko, bona ngininikele esinye isikhumbuzo, ngebanga lomusa omkhulu engiwunikelwe nguZimu 16 bona ngibe sisebenzi satjhatjhalazi sakaKrestu Jesu eentjhabeni. Ngihlanganyela emsebenzini ocwengileko weendaba ezimnandi zakaZimu, ukwenzela bona iintjhabezi zibe mnikelo owamukelekako, ocwengiswe ngommoya ocwengileko.
MATJHI 18-24
AMAGUGU ASELIZWINI LAKAZIMU | 1 KORINTE 1-3
“Unqotjhiswa Yinyama Namkha Zizinto Zommoya KaZimu?”
(1 Korinte 2:14) Kodwana umuntu onqotjhiswa yinyama akazamukeli izinto zommoya kaZimu, ngombana zibudlhadlha kuye; akakghoni ukuzazi, ngombana umuntu kufuze abe nommoya kaZimu bona azihlole.
Mumuntu Onjani Othanda UJehova?
4 Tjheja indlela umuntu onqotjhiswa yinyama enza ngayo izinto. Umuntu onqotjhiswa yinyama ulawulwa mmoya omumbi wephaseli, wenza izinto ezifuna yihliziywakhe kwaphela. UPowula nakawuhlathululako uthi: “Mmoya . . . osebenza kwabangalaleliko.” (Efe. 2:2) Ummoya onjalo wenza abantu balingise inengi, kungakhathaliseki ukuthi lenza okulungileko na. Abanendaba nakho ngokufunwa yinyama kwaphela. Ngikho inengi labo lenza izinto ezithandwa ngibo kwaphela, likhohlwe mthetho kaZimu. Umuntu ophila ngokwenyama, into anendaba nayo khulu sithunzi sakhe, kukuba nezinto zakanokutjho nokuthi alwele amalungelwakhe.
5 Umuntu onqotjhiswa yinyama wenza izinto iBhayibheli ezibiza ngokuthi “misebenzi yenyama.” (Gal. 5:19-21) Incwadi uPowula ayitlolela ibandla leKorinte iveza indlela abantu benyama abacabanga ngayo. Izintwezo zihlanganisa: ukulwa, ukujama nomuntu nanyana ungazi bona wenze kuhle namkha wenze kumbi, kubanga imiguruguru, kusana emakhotho, kungahloniphi ubuhloko, kukudla khulu namkha ukusela khulu. Nakwenzeka kube nesilingo phambi kwakhe uvele angene ngehloko kiso. (IzA. 7:21, 22) UJuda wakhuluma ngabantu abazokubogaboga ethandweni labo ngoZimu bagcine sele ‘banganawo ummoya kaZimu.’—Jud. 18, 19.
(1 Korinte 2:15, 16) Umuntu onqotjhiswa mmoya kaZimu uhlola zoke izinto, kodwana yena ngokwakhe akahlolwa nginanyana ngimuphi umuntu. 16 Ngombana “ngubani owazi umkhumbulo kaJehova, bona amfundise?” Kodwana sinawo umkhumbulo kaKrestu.
Mumuntu Onjani Othanda UJehova?
6 Alo umuntu “onqotjhiswa mmoya” yena sizombona ngani? Into anendaba nayo ukudlula koke buhlobo bakhe noZimu, ngikho avuma ukunqotjhiswa mmoyakhe begodu ulinga ngakho koke ‘ukulingisa uJehova.’ (Efe. 5:1) Lokho kutjho ukuthi usebenza ngamandla bona acabange njengoJehova. UZimu unjengomuntu wamambala kuye. Uhlukile-ke emuntwini ophila ngenyama ngombana umuntu onqotjhiswa mmoya ulinga ukuthi koke akwenzako kuvumelane nemithetho kaJehova. (Rhu. 119:33; 143:10) Kunokuthi adzimelele khulu emisebenzini yenyama, umuntu onqotjhiswa mmoya uba ‘neenthelo zommoya’ kaZimu. (Gal. 5:22, 23) Umuntu othanda ukuthengisa ngehliziywakhe yoke kanengi uthola kungiyo yodwa into acabanga ngayo leyo. Kuyafana-ke nangomuntu othanda uZimu ngehliziywakhe yoke, uhlala acabanga ngaye.
Mumuntu Onjani Othanda UJehova?
15 Singamlingisa njani uKrestu? Incwadi yoku-1 kwebeKorinte 2:16 ikhuluma ngokuba ‘nomkhumbulo kaKrestu.’ Incwadi yakwebeRoma 15:5 ikhuluma ngokuthi kufuze sibe ‘nokucabanga okufana nalokhu uKrestu Jesu ebekanakho.’ Yeke nasifuna ukufana noKrestu kufuze sazi indlelakhe yokucabanga begodu sibazi kuhle nobuntu bakhe. Sizokukghona ukulandela emanyathelwenakhe. Umkhumbulo kaJesu udzimelele khulu ebuhlotjeni bakhe noZimu. Yeke ukuba nomkhumbulo kaJesu kuzosenza simlingise ngcono uJehova. Lokhu kusenza sibone ukuthi kuqakatheke kangangani bona sifunde ukucabanga njengoJesu.
Rhubhulula Ngezinto ZakaZimu Eziligugu
(1 Korinte 1:20) Uphi umuntu ohlakaniphileko? Uphi umtloli? Uphi umphikisi wephaseli? UZimu akhenge enze ukuhlakanipha kwephasi kube budlhadlha na?
it-2 1193 ¶1
Ukuhlakanipha
Ngokuhlakanipha kwalo, iphasi lala ilungiselelo lakaZimu ngoKrestu lakubona kubudlhadlha; nanyana ababusi balo bakghona ukwahlulela nokuhlela, kodwana “bayibulala iKosi ephazimulako.” (1Ko 1:18; 2:7, 8) Nje-ke uZimu, watjengisa ukuhlakanipha kwephaseli bona kubudlhadlha, wahlazisa amadoda ahlakaniphileko ngokusebenzisa lokho ebebazitjela ukuthi ‘zizinto ezivela kuZimu ezibudlhadlha,’ nabantu ebebabonakala baziindlhadlha, ababogabogako, abaqalelwa phasi bona bazalise ihloswakhe engabonakaliko. (1Ko 1:19-28) UPowula wakhumbuza amaKrestu weKorinte bona “ukuhlakanipha kwephaseli namkha kwababusi bephaseli,” kuzokuba lilize; kungebangelo abapostoli bangakhenge bakusebenzise ukuhlakaniphokho emlayezweni kaZimu. (1Ko 2:6, 13) Wayelelisa amaKrestu weKolose bona angabanjwa ‘yifundiso yamala [phi·lo·so·phiʹas, okutjho ithando lehlakanipho] nekohliso elilize ngokwesiko labantu.’—Kol 2:8; madanisa namavesi 20-23.
(1 Korinte 2:3-5) Ngeza kini ngokubogaboga, ngokusaba nangokuhlengezela okukhulu; 4 begodu ikulumwami nalokho engakutjhumayelako bekungasi mamezwi wokuhlakanipha akholisako, kodwana bekungewokutjengisa ummoya namandla, 5 bona ukukholwa kwenu kungabi sekuhlakanipheni kwabantu kodwana kube semandleni kaZimu.
w08 7/15 27 ¶6
Amaphuzu Asencwadini YakwebeKorinte
2:3-5. Ngesikhathi atjhumayela eKorinte, bekuzele ifundiso yamala yesiGirigi, mhlamunye uPowula bekatshwenyeke ngokuthi uzokukghona na ukwenza abantu bamlalele. Nanyana kunjalo, akhenge avumele ukubogaboga nofana ukusaba okungenzeka bekanakho bona kumvimbele ekwenzeni umsebenzi awunikelwe nguZimu. Ngendlela efanako, nathi akukafuzi sivumele ubujamo obungakajayeleki busivimbele bona sitjhumayele iindaba ezimnandi zomBuso kaZimu. Singathembela esizweni lakaJehova njengoPowula.
Ukufundwa KweBhayibheli
(1 Korinte 1:1-17) UPowula, owabizelwa bona abe mpostoli kaJesu Krestu ngentando kaZimu, noSosithenesi umfowethu, 2 ebandleni lakaZimu eliseKorinte, kini enicwengiswe ebunyeni noKrestu Jesu, nabizelwa bona nibe ngabacwengileko, kunye nabo boke abakizo zoke iindawo ababiza ibizo leKosethu uJesu Krestu, iKosabo neyethu: 3 Kwanga ningaba nomusa omkhulu nokuthula okuvela kuZimu uBabethu neKosini uJesu Krestu. 4 Ngihlala ngithokoza uZimami ngani ngebanga lomusa omkhulu kaZimu aninikele wona kuKrestu Jesu; 5 ngombana kikho koke eninakho ninjingile kuye, ngobukghoni obukhulu bokukhuluma nangelwazi elizeleko, 6 njengombana ubufakazi ngoKrestu benziwe baqina hlangana nani, 7 ukwenzela bona ningatlhayeli kinanyana ngisiphi isipho nakanye, njengombana nilindele ngetjiseko ukwambulwa kweKosethu uJesu Krestu. 8 Godu uzonenza niqine bekube semaswapheleni ukwenzela bona ngelanga leKosethu uJesu Krestu kungabi nomuntu onithwesa umlandu. 9 UZimu uthembekile, ngaye nabizelwa etjhebiswaneni neNdodanakhe, uJesu Krestu iKosethu. 10 Nje-ke ngiyanikhuthaza, bafowethu, ngebizo leKosethu uJesu Krestu, bona noke kufuze nikhulume ngokuvumelana, kungabi nokuhlukana phakathi kwenu, kodwana ngokupheleleko nibe nobunye emkhumbulweni nendleleni efanako yokucabanga. 11 Ngombana abanye bendlu kaKlowe bangitjele ngani, bafowethu, ukuthi kunokuphikisana phakathi kwenu. 12 Engikutjhoko ngilokhu, ukuthi ngamunye wenu uthi: “Mina ngingewakaPowula,” abanye bathi: “Mina ngingewaka-Apholo,” abanye bathi: “Mina ngingewakaKhefasi,” abanye bathi: “Mina ngingewakaKrestu.” 13 Kghani uKrestu uhlukene phakathi? UPowula akhenge abulawelwe esigodweni ngebanga lenu, akusinjalo? Nabhajadiselwa ebizweni lakaPowula na? 14 Ngithokoza uZimu ngokuthi akhenge ngibhabhadise namunye wenu ngaphandle kwakaKrisposi noGayusi, 15 bona kungabi nothi nabhajadiselwa ebizweni lami. 16 Iye, godu ngabhabhadisa bomndeni kaStefana. Malungana nabo boke abanye, angikhumbuli ngibabhabhadisa. 17 Ngombana uKrestu akhenge angithumele ukuthi ngibhabhadise, kodwana wangithuma bona ngifakazele iindaba ezimnandi; ingasi ngamezwi wokuhlakanipha, ukwenzela bona isigodo sokuhlunguphazwa sakaKrestu singabi lilize.
MATJHI 25-31
AMAGUGU ASELIZWINI LAKAZIMU | 1 KORINTE 4-6
“Isibiliso Esincani Sibilisa Ihlama Yoke”
(1 Korinte 5:1, 2) Kubikwe bona kwenziwa izenzo zomseme ezisisono phakathi kwenu, izenzo ezisisono ezinjalo ngekhe wazifumana ngitjho nahlangana nabantu beentjhaba—ukuthi umuntu uya emabhayini nomkayise. 2 Kghani niyazikhakhazisa ngalokho? Akukafuzi na nibe lisizi, ukuze umuntu owenze isenzwesi asuswe phakathi kwenu?
(1 Korinte 5:5-8) umuntu onjalo kufuze nimnikele kuSathana bona kutjhatjalaliswe inyama, ukuze ummoya usindiswe ngelanga leKosi. 6 Ukuzikhakhazisa kwenu akusikuhle. Anazi na bona isibiliso esincani sibilisa ihlama yoke? 7 Susani isibiliso esidala ukuze nibe yihlama etja, njengombana ninganaso isibiliso. Ngombana kwamambala, uKrestu imvana yePhasika lethu wenziwe umhlatjelo. 8 Yeke asiwugidingeni umnyanya lo, ingasi ngesibiliso esidala, namkha ngesibiliso sobumbi nokukhohlakala, kodwana ngesikwa esinganasibiliso sokuthembeka neqiniso.
(1 Korinte 5:13) kukulapho uZimu ahlulela abangaphandle? “Susani umuntu omumbi phakathi kwenu.”
it-2 230
Isibiliso
Umpostoli uPowula wasebenzisa umfanekiso ofanako nakalaya ibandla lobuKrestu leKorinte bona liqotjhe umuntu owenza izenzo zomseme ezisono ebandleni, wathi: “Anazi na bona isibiliso esincani sibilisa ihlama yoke? Susani isibiliso esidala ukuze nibe yihlama etja, njengombana ninganaso isibiliso. Ngombana kwamambala, uKrestu imvana yePhasika lethu wenziwe umhlatjelo.” Waveza ngokukhanyako bona sitjho ukuthini “isibiliso”: “Asiwugidingeni umnyanya lo, ingasi ngesibiliso esidala, namkha ngesibiliso sobumbi nokukhohlakala, kodwana ngesikwa esinganasibiliso sokuthembeka neqiniso.” (1Ko 5:6-8) La uPowula bekaveza ihlathululo yomNyanya wamaJuda weSikwa esinganaSibiliso, olandelwa msinyana mgidi wePhasika. Ngokufanako, nesibiliso sehlama encani sibilisa ihlama yoke, nebandla njengombana limzimba lizokuba ngelingakahlwengeki emehlweni kaJehova nangabe alisusi umuntu obangele umonakalo wokuziphatha kumbi. Kufuze likhuphe “isibiliso” hlangana nalo, njengombana ama-Israyeli bengekhe abe nesibiliso ngeendlini zawo ngesikhathi somnyanya.
it-2 869-870
USathana
Kutjho ukuthini ‘ukunikela umuntu kuSathana bona kutjhatjalaliswe inyama’?
Ngokuyelelisa ibandla leKorinte malungana nelunga lalo elenze ubumbi ngokuya emabhayini nomkayise, umpostoli uPowula walitlolela wathi: “Umuntu onjalo kufuze nimnikele kuSathana bona kutjhatjalaliswe inyama.” (1Ko 5:5) Lokhu bekumyalo wokuthi umuntu onjalo kufuze aqotjhwe ebandleni, singasaba nobudlelwana nomuntu loyo ngokupheleleko. (1Ko 5:13) Ukumnikela kuSathana bekuzomenza aphume ngokupheleleko ebandleni, abuyele ephasini elibuswa nelinqotjhiswa nguSathana. Ngokufana ‘nesibiliso esincani esibilisa ihlama yoke,’ umuntu loyo bekanqotjhiswa yinyama ngaphakathi ebandleni; yeke, ngokususa umuntu omumbi lo, ibandla elilalela iinqophiso zakaZimu lizokususa umuntu olawulwa ‘yinyama’ hlangana nalo. (1Ko 5, 6, 7) Ngokufanako, uPowula wanikela uHimenewu no-Alekzandra kuSathana, ngombana balahla ukukholwa kwabo nesazelo sabo esihle begodu baphukelwa mkhumbi wokukholwa kwabo.—1Tm 1:20.
(1 Korinte 5:9-11) Encwadinami nganitlolela bona nilise ukuzihlanganisa nabantu abenza izenzo zomseme ezisisono, 10 ngingatjho bona nilise ukuzihlanganisa ngokupheleleko nabantu bephaseli abenza izenzo somseme ezisisono namkha abantu abamarhamaru namkha abadlelezeli namkha abalotjha iinthombe. Ngombana nakunjalo, bekuzokufuze niphume ephasini. 11 Kodwana nje nginitlolela bona nilise ukuzihlanganisa nomuntu obizwa ngokuthi mfowethu kodwana owenza izenzo zomseme ezisisono namkha omarhamaru namkha olotjha iinthombe namkha othukanako namkha osidakwa namkha omdlelezeli, ningadli ngitjho nokudla nomuntu onjalo.
lvs 241, isiphetho
Ukususwa Komuntu
Nakunomuntu owenze isono esikhulu begodu angatjhuguluki abe abhale nokulandela iinkambiso zakaJehova, kufanele angasabi lilunga lebandla. Kufuze asuswe. Angeze sisazibandakanya naye begodu asisamkhulumisi. (1 Korinte 5:11; 2 Jwanisi 9-11) Ilungiselelo lokususwa komuntu livikela ibizo lakaJehova kunye nebandla. (1 Korinte 5:6) Akupheleli lapho, ukususwa kutjho ukukhalimela isoni, sizokwazi ukuphenduka besibuyele kuJehova.—Lukasi 15:17.
Isahluko 3, isigaba 19
Rhubhulula Ngezinto ZakaZimu Eziligugu
(1 Korinte 4:9) Ngombana kimi kubonakala ngasuthi uZimu ubeke thina bapostoli emaswapheleni wombukiso njengabantu abagwetjelwe ukufa, ngombana ephasini, eengilozini, nebantwini, sesibe mbukiso wemdlalweni watjhatjhalazi.
w09 5/15 24 ¶16
Iingilozi—“Zenza Umsebenzi Ocwengileko”
16 AmaKrestu aqalene neentjhijilo ‘ambukiso eengilozini.’ (1 Kor. 4:9) Iingilozi naziqala izenzo zethu zokuthembeka begodu zibona isoni siphenduka, ziyathaba. (Luk. 15:10) Ukuziphatha okuhle kwabafazi abamaKrestu kubonwa ziingilozi. IBhayibheli liveza ukuthi “umfazi kufuze abe netshwayo lokuzithoba endodenakhe, ngebanga leengilozi.” (1 Kor. 11:3, 10) Iye, ziyathaba nazibona abafazi abamaKrestu nazo zoke iinceku zakaZimu zephasini zilalela ifundiso kaZimu nelungiselelo lobuhloko. Ukulalela okunjalo kusikhumbuzo esihle emadodaneni kaZimu wezulwini.
(1 Korinte 6:3) Anazi na ukuthi sizokwahlulela iingilozi? Kangangani-ke ngokwahlulela iindaba zokuphilokhu?
it-2 211
UmThetho
UmThetho Engilozini. Iingilozi, ziphakeme khulu ukudlula abantu, zizithoba emthethweni begodu zilalela imiyalo kaZimu. (Heb 1:7, 14; IR 104:4) UJehova wayala uSathana inaba lakhe begodu wambekela nomkhawulo. (Job 1:12; 2:6) UMikhayeli ingilozi ekulu wahlonipha isikhundla sakaJehova njengombana angumaHluleli omKhulu, nakaphikisana noDeveli wathi: “Kwangathi uJehova angakukhalima.” (Jud 9; madanisa noZak 3:2.) UJehova uZimu ubeke iingilozi ngaphasi kwelawulo lakaJesu Krestu ophazinyulisiweko. (Heb 1:6; 1Pt 3:22; Mat 13:41; 25:31; Flp 2:9-11) Ngomyalo kaJesu, ingilozi yathunyelwa kuJwanisi. (sAm 1:1) Kweyoku-1 kwebeKorinte 6:3 umpostoli uPowula ukhuluma ngabafowabo bakaKrestu abakhethelwe bona bahlulele iingilozi, kuyakhanya bona bazokuba nengcenye ekukhipheni isahlulelo emimoyeni emimbi.
Ukufundwa KweBhayibheli
(1 Korinte 6:1-14) Ukhona na phakathi kwenu othi nakabe nombango nomunye abe nesibindi sokuya ekhotho phambi kwabantu abangakalungi, angayi phambi kwabacwengileko? 2 Namkha anazi na ukuthi abacwengileko bazokwahlulela iphasi? Yeke nangabe iphasi lizokwahlulelwa ngini, angekhe nakghona na ukwahlulela iindaba ezingatjho litho? 3 Anazi na ukuthi sizokwahlulela iingilozi? Kangangani-ke ngokwahlulela iindaba zokuphilokhu? 4 Nje-ke, nangabe nizokwahlulela iindaba zokuphilokhu, kghani nikhetha abantu ibandla elibaqalela phasi bona babe bahluleli? 5 Ngitjho lokhu bona nginiphathise iinhloni. Kghani akakho nomuntu munye ohlakaniphileko phakathi kwenu ongakghona ukwahlulela hlangana kwabafowabo? 6 Kunalokho, umuntu umangalela umfowabo ekhotho, phambi kwabantu abangakholwako! 7 Kuhlekuhle, senihluliwe nanimangalelana emakhotho. Kunalokho, kubayini ningazivumeli bona noniwe? Kubayini ningazivumeli bona nidlelezelwe? 8 Esikhundleni salokho, niyona, niyadlelezela, begodu nikwenza kubafowenu! 9 Namkha anazi na ukuthi abantu abangakalungi angekhe balizuze ilifa lomBuso kaZimu? Ningakhohliswa. Labo abenza izenzo zomseme ezisisono, abalotjha iinthombe, iimfebe, iintjhatjha zamadoda, amadoda aya emabhayini namadoda, 10 amasela, abamarhamaru, iindakwa, abathukanako, nabadlelezeli, angekhe balizuze ilifa lomBuso kaZimu. 11 Lokhu ngilokho abanye benu ebeningikho. Kodwana nihlanziwe nahlwengeka; nicwengisiwe; kuthiwe nilungile ebizweni leKosi uJesu Krestu nangommoya kaZimethu. 12 Zoke izinto zivumelekile kimi, kodwana akusizo zoke izinto ezizuzisako. Zoke izinto zivumelekile kimi, kodwana angekhe ngivume bona ngilawulwe nginanyana yini. 13 Ukudla ngekwamathumbu namathumbu ngewokudla, kodwana uZimu uzokwenza kokubili bona kube lilize. Umzimba awusingowezenzo zomseme ezisisono kodwana ngeweKosi, neKosi ngeyomzimba. 14 UZimu uvuse iKosi begodu nathi uzosivusa ekufeni ngamandlakhe.