Iinkhombiso Zencwajana Ethi, IPilo NomSebenzi WobuKrestu IHlelo LomHlangano WeBandla
SEPTEMBA 7-13, 2012
AMAGUGU ASELIZWINI LAKAZIMU | EKSODUSI 23-24
“Ungalandeli Inengi”
(Eksodusi 23:1)“Ungarhatjhi iindaba ezimamala. Ungazibandakanyi nesikhohlakali ngokuba ngufakazi wobukhohlakali.
Unabo Na Ubufakazi?
Inga-kghani umumuntu othanda ukuthumela imilayezo nama-email ebanganini bakho? Nangabe kunjalo, kungenzeka nawuthola iindaba ezitjha uzizwa njengombikindaba ofuna kube nguye orhatjha qangi indaba leyo. Nanyana kunjalo, ngaphambi kobana uthumele umlayezo nge-phone namkha i-email zibuze imibuzo nasi: ‘Ngiqiniseka kangangani bona indaba engifuna ukuyirhatjha le iliqiniso? Nginabo na ubufakazi?’ Nawunganabufakazi ngendaba oyizwileko yelela, ungagcina sele urhatjhe umbiko omamala kubafowenu nabodadwenu ungakazimiseli. Nawuzifumana usebujamweni obunjalo, usule umlayezo loyo ungawuthumeli.
Kunenye ingozi yokungaqalisisi imilayezo namkha ama-email esiwathumela abanye. Kezinye iinarha umsebenzethu ukhandelwe. Eenarhenezo abantu abasiphikisako bangarhatjha imibiko engasithusa namkha engasenza singasathembani. Akhucabange ngalokho okwenzeka eSoviet Union. Ipholisa le-KGB larhatjha iindaba ezimamala ngabantu bakaJehova, lathi abafowethu abathileko abadosa phambili badlelezele abantu bakaJehova. Abantu abanengi bawuthemba umbiko loyo, umphumela waba kukuthi bazihlukanisa nehlangano kaJehova. Kuyadanisa lokho, kodwana into ehle kukuthi abanengi babo babuyele kuZimu, nanyana abanye bakhambele futhi nje. Baphahlazekelwa mkhumbi wokukholwa kwabo. (1 Tm 1:19) Ungawubalekela njani umphumela obuhlungu kangaka? Ungathomi urhatjhe iindaba ekungasizo namkha onganabufakazi bazo. Ungathomi ukholwe nanyana yini. Qiniseka bona unobufakazi obupheleleko.
(Eksodusi 23:2) Ungalandeli inengi bona nenze ubumbi. Nawufakaza emlandwini ungahlanakeli ubulungiswa ngokulandela inengi.
it-1 11¶3
U-Aroni
Kuyakhanya ukuthi ezenzakalwenezi ezintathu, u-Aroni akusinguye oweza neqhinga lokwenza izinto ezingakalungi, kodwana kubonakala ngasuthi wavumela ubujamo bezinto bona bumgandelele nofana ukugandelelwa ngabanye bona enze izinto ezingakalungi. Khulukhulu emtjhaphweni wokuthoma awenzako, bekangasebenzisa ikambisolawulo ethi: ‘Ungalandeli inengi bona wenze ubumbi.’ (Eks 23:2) Nanyana kunjalo, ibizo lakhe lisetjenziswe kuhle emiTlolweni begodu nalokha iNdodana kaZimu nayisephasini beyiwuhlonipha umthetho wobuphristi baka-Aroni.—IR 115:10, 12; 118:3; 133:1, 2; 135:19; Mat 5:17-19; 8:4.
(Eksodusi 23:3) Ungagwebi ochakileko ngokumzamela.
it-1 343 ¶5
Ukuphophala
Ukuphulwa komthetho wobulungiswa bekufaniswa nokuphophala begodu minengi imithetho ebiyiphikisana nokufunjathiswa, ngezipho nofana ngokubandlulula ngokobutjhaba, izinto ezinjalo zingaphophaza umahluleli bona ahlulele ngokulunga nofana ngokungakhethi. “Ukufunjathiswa kuphophaza ohlolisisako.” (Eks 23:8) “Kwenze abaneqiniso babe bakhohlisi.” (Dut 16:19) Ngitjho nanyana umahluleli angalunga kangangani, kodwana nakangafunjathiswa indlela acabanga ngayo iyatjhuguluka nakahlulelako. Umthetho kaZimu awukhulumi ngokufunjathiswa ngezipho kwaphela kodwana ukhuluma nangokwahlulela umuntu ngokuya ngokuthi ngewasiphi isitjhaba nofana unemali engangani, uthi: “Ningahlanakezeli isigwebo; ungakhethi ubuso besichaka namkha nijamele onothileko.” (Lev 19:15) Yeke, bona umahluleli athandwe babantu bekufuze angabahluleli ngokuya ngokuthi banjani.—Eks 23:2, 3.
Rhubhulula Ngezinto ZakaZimu Eziligugu
(Eksodusi 23:9) “Ningagandeleli isikhonzi; niyayazi ihliziyo yesikhonzi ngombana nani gade niziinkhonzi enarheni yeGibhide.
“Ningalibali Ukwamukela Abayeni”
UJehova akhenge amane athi ama-Israyeli kufuze ahloniphe eminye imihlobo yabantu nje kwaphela, kodwana wathi azwelane nabo. (Funda u-Eksodusi 23:9.) Kazi nabo bebazi kuhle nje ukuthi kunjani ukuba ‘nehliziyo yesikhonzi.’ Ngitjho nangaphambi kokuthi amaGibhide agandelele amaHebheru, amaGibhide bekathwele iimfuba azibona kungiwo wodwa amhlobo wabantu ophuma phambili. (Gen. 43:32; 46:34; Eks. 1:11-14) Ama-Israyeli aphathwa kabuhlungu khulu enarheni ekungasi ngeyawo, kodwana nanyana kunjalo uJehova wathi wona kufuze aphathe abantu bakezinye iinarha ‘njengabantu bemakhabo.’—Lev. 19:33, 34.
(Eksodusi 23:20, 21) “Qalani, ngithumela ingilozi phambi kwenu bona ineluse endleleni beyinise endaweni enginilungiselele yona. 21 Ziqapheleni ngombana iphakathi kwenu; nilalele ilizwi layo, ningalwi nayo. Naningayilaleliko angeze yaqolela imitjhapho yenu ngombana ngimi okhuluma kiyo.
it-2 393
UMikhayeli
Yingilozi ecwengileko ngiyo kwaphela ekukhulunywa ngayo eBhayibhelini ngaphandle kwakaGabhariyeli begodu ngiyo yodwa ebizwa ngokuthi, ‘yingilozi ekulu.’ (Juda 9) Ibizweli livela kokuthoma encwadini kaDanyela esahlukweni setjhumi, esahlukweneso uMikhayeli uhlathululwa ngokuthi ‘yingilozi ekulu’; wasiza ingilozi encani ebeyiphikiswa ‘yingilozi yombuso wePheresiya.’ UMikhayeli bekabizwa ngokuthi ‘mvikeli wabantu [bakaDanyela]’ ‘ingilozi ekulu, emvikeli wabantu [bakaDanyela].’ (Dan 10:12, 13, 20, 21; 12:1) Lokhu kuqalisele kuMikhayeli njengengilozi ebeyidosa phambili ama-Israyeli nawasemmangweni. (Eks 23:20, 21, 23; 32:34; 33:2) Singasekela isiphethwesi ngokuthi ‘uMikhayeli yingilozi ekulu eyaba nokungazwani noDeveli, baphikisana ngesidumbu sakaMosi.’—Juda 9.
Ukufundwa KweBhayibheli
(Eksodusi 23:1-19) “Ungarhatjhi iindaba ezimamala. Ungazibandakanyi nesikhohlakali ngokuba ngufakazi wobukhohlakali. 2 Ungalandeli inengi bona nenze ubumbi. Nawufakaza emlandwini ungahlanakeli ubulungiswa ngokulandela inengi. 3 Ungagwebi ochakileko ngokumzamela. 4 “Lokha nawuhlangana nekomo namkha udumbana olahlekileko wesitha sakho, mrage umbuyisele kiso. 5 Lokha nawubona udumbana waloyo okuhloyileko arabhalaliswe mthwalwakhe, ungamdluli anjalo, kodwana msize. 6 “Ungahlanakeli ubulungiswa nawugweba umlandu womuntu ochakileko. 7 “Ungayengwa bufakazi bamala nawugwebako ngombana ungahle ukhuphe isigwebo sokubulawa konganamlandu nolungileko. Angeze ngamlisa umgwebi okhohlakeleko. 8 “Ungalingi wamukele ukufunjathiswa ngombana ukufunjathiswa kuphophaza ohlolisisako, kwenze abaneqiniso babe bakhohlisi. 9 “Ningagandeleli isikhonzi; niyayazi ihliziyo yesikhonzi ngombana nani gade niziinkhonzi enarheni yeGibhide. 10 “Uzakutjala bewuvune amasimakho iminyaka esithandathu, 11 kodwana emnyakeni wekhomba uzawaphumuza, uwalise abe mraga ukuze abadududu bekhenu bakghone ukugoma amakhikhizela. Abawatjhiyileko azakudliwa ziinlwana zommango. Wenze soneso nangesidiribe sakho nesivande sakho se-oliva. 12 “Yenza umsebenzakho amalanga asithandathu. Elangeni lekhomba uphumule ukuze kuphumule nekomakho nodumbanakho bese indodana yekhobokakazi lakho nesikhonzi esikusebenzelako nabo bakhokhe ummoya. 13 “Yelelani koke engikutjho kini; ningabizi amabizo wabosingazimu; niwakhafule nemilonyenenu. 14 “Ningenzele umnyanya kathathu ngomnyaka. 15 Yenzani umnyanya wesiKwa esinganaNgumelo njengombana nginiyalile. Nizagoma isikwa esinganangumelo amalanga alikhomba ngesikhathi esibekiweko ngenyanga ka-Abibi ngombana leyo yinyanga enaphuma ngayo eGibhide. Kungabi nomuntu ozakuvela phambi kwami amkhonoze. 16 Gidingani umnyanya wesiVuno” okumnyanya womkhiqizo womsebenzenu walokho enikutjele emasimini. Nigidinge umnyanya wokuButhelela’ ekupheleni komnyaka lokha nanibuthelela iinthelo zomsebenzenu emasimini. 17 Boke abaduna benu bazakuvela phambi kwakaSomnini uSomandla kathathu ngomnyaka. 18 “Ingumelo ingeze yabandakanywa neengazi zomhlabelo. Godu ungalisi amafutha wemihlabelo yeminyanyami ahlale bekuse ungakawatjhisi. 19 “Letha njalo imikhiqizo yokuthoma yehlabathakho endaweni ecwengileko kaSomnini uZimakho. “Ungapheki imbuzana ngebisini lakanina.
SEPTEMBA 14-20, 2012
AMAGUGU ASELIZWINI LAKAZIMU | EKSODUSI 25-26
“Into Eqakatheke Khulu Ethaberinakeli”
(Eksodusi 25:9) Nenze ithaberinakeli nakho koke okukilo ngendlela yomfanekiso engizakukhombisa wona.
it-1 165
UMfaji WesiVumelwano
Umtlamo Nokwakheka. Into yokuthoma uJehova ayilayela uMosi nakakha ithaberinakeli, bekumtlamo nokwakheka koMfaji ngombana bewuyinto eqakatheke khulu ethaberinakeli lekampeni yakwa-Israyeli. UMfaji bekufuze ube limitha nesiqunjwana ubude, ube siquntu nesiqunjwana semitha ububanzi nokuphakama. (c. 111 × 67 × 67 cm; 44 × 26 × 26 in.). Bewenziwe ngeengodo zomtholo, unamekwe ngegolidembala ngaphakathi nangaphandle bese ‘uphethwe ngegolide. Uwenzele ‘umphetho wegolide.’ Magega nawo ukwenzela bona ubemhlobiso wawo. Ingcenye yesibili yoMfaji, isivalo sawo besenziwe ngegolide eliqinileko ingasi iingodo ezinamekwe ngegolide begodu ubude nokutjhinga kwawo bekulingana. Wenze amakerubhi amabili wegolide ngokuwakhanda ekugcineni kwemiphetho emibili yesisibekelo somfaji, ukhande ikerubhi linye ngehlangothini elinye nekerubhi elinye ngakelinye ihlangothi, amakerubhi akathabululele amaphikwawo ngaphezulu engamele isisibekelo somfaji aqalane ngobuso. (Eks 25:10, 11, 17-22; 37:6-9) Isigubuzeswesi besazizwa ngokuthi, ‘sihlalo somusa.’—Eks 25:17; Heb 9:5.
(Eksodusi 25:21) Ufake ubufakazi besivumelwano engizakunikela bona ngaphakathi komfaji bese uvala umfaji ngesisibekelo.
it-1 166 ¶2
UMfaji WesiVumelwano
UMfaji bewuyindawo ecwengileko ebekubekwa kiyo iinkhumbuzo ezicwengileko namkha ubufakazi, izinto eziqakatheke khulu bekumiqebethu emibili yobufakazi namkha imiThetho Elitjhumi. (Eks 25:16) ‘Umjeka ophethe imana nentonga ka-Aroni eyakhe yahluma amakari’ bezifakwe ngaphakathi koMfaji, kodwana ngokukhamba kwesikhathi zakhutjhwa ngaphambi kokwakhiwa kwethempeli lakaSolomoni. (Heb 9:4; Eks 16:32-34; Num 17:10; 1Kh 8:9; 2Kr 5:10) Ngaphambi kokuthi uMosi ahlongakale, wanikela abaphristi bamaLevi ikhophi ‘yencwadi yomthetho’ neenqophiso ekufuze bazibeke wathi, “niyibeke ngeqadi komfaji wesivumelwano sakaSomnini uZimenu ukuze ibe bufakazi ngokujamelana nani.”—Dut 31:24-26.
(Eksodusi 25:22) Ngizakuhlangana nawe lapho, ngikhulume nawe ngingehla kwesisibekelo hlangana namakerubhi amabili aphezu komfaji wobufakazi. Ngizakuyala ngalokho okumalungana nama-Israyeli.
it-1 166 ¶3
UMfaji WesiVumelwano
Bewuhlotjaniswa nokuba khona kwakaZimu. Emlandweni woke umFaji bewuhlotjaniswa nokuba khona kwakaZimu. UJehova wathembisa wathi: “Ngizakuhlangana nawe lapho, ngikhulume nawe ngingehla kwesisibekelo hlangana namakerubhi amabili aphezu komfaji wobufakazi.” “Mina ngizokubonakala ngelifu phezu kwesisibekelweso.” (Eks 25:22; Lev 16:2) USamyela watlola ukuthi, uJehova ‘uhlala phezu kwamakerubhi’ (1Sa 4:4); amakherubhi bewajamiselele ‘ikarana’ kaJehova. (1Kr 28:18) Ngokujayelekileko, “lokha uMosi nakangena ngetendeni lokuhlanganela bona ayokukhuluma noSomnini, wezwa ilizwi likhuluma naye livela esisibekelweni somfaji wobufakazi hlangana namakerubhi amabili. Ngendlela leyo uSomnini bekakhuluma naye.” (Num 7:89) Kamuva, uJotjhuwa nomphristi omkhulu uFiniyasi nabo babuza kuJehova phambi koMfaji. (Jtj 7:6-10; Khk 20:27, 28) Nanyana kunjalo, mphristi omkhulu kwaphela obekangena endaweni eCwengeke Khulu abone uMfaji, bekangena kanye ngomnyaka benganganeleli ukuyokukhuluma noJehova kunalokho bekayokwenza umnikelo ngelanga lokuHlawulelwa kwezono.—Lev 16:2, 3, 13, 15, 17; Heb 9:7.
Rhubhulula Ngezinto ZakaZimu Eziligugu
(Eksodusi 25:20) Amakerubhi akathabululele amaphikwawo ngaphezulu engamele isisibekelo somfaji aqalane ngobuso, womabili aqale isisibekelo.
it-1 432 ¶1
Ikherubhi
Imifanekiso ejamele amakherubhi beyikhona ezintweni zethaberinakeli elakhiwa emmangweni. Ngaphezu kwesisibekelo soMfaji bekunamakherubhi amabili akhandwe ngegolide. Amakherubhi bekathabululele amaphikwawo ngaphezulu engamele isisibekelo somfaji aqalene ngobuso; womabili aqala isisibekelweso. (Eks 25:10-21; 37:7-9) Ngaphakathi kwamatjhila wethabarinakeli bekunerharideni ebelihlukanisa indawo eCwengileko nendawo eCwengeke khulu belithungelelwe ngemifanekiso yamakherubhi.—Eks 26:1, 31; 36:8, 35.
(Eksodusi 25:30) Beka izikwa ezibekwa phambi kwakaZimu etafulenapho zibe phambi kwami ngeenkhathi zoke.
it-2 936
Izikwa ezibekwa phambi kwakaZimu
Amakhekhe aliTjhumi nambili wesikwa ebewabekwe phezu kwetafula endaweni eCwengileko yethaberinakeli namkha yethempeli bewajanyiselelwa ngamakhekhe amatjha qobe ngeSabatha. (Eks 35:13; 39:36; 1Kh 7:48; 2Kr 13:11; Ner 10:32, 33) Ibizo lesiHebheru eliqalisele ezikweni ezibekwa phambi kwakaZimu lithi “isikwa sobuso.” Ibizo elithi “ubuso” kwesinye isikhathi belijanyiselelwa ngokuthi “phambi” (2Kh 13:23), yeke izikwa ezibekwa phambi kwakaZimu beziphambi kobuso bakaJehova njengomnikelo ngeenkhathi zoke. (Eks 25:30) Izikwa ezibekwa phambi kwakaZimu bezibizwa nangokuthi ‘izikwa ezibekwa etafuleni’ (2Kr 2:4), “izikwa zomnikelo” (Mar 2:26), namkha “izikwa” (Heb 9:2).
Ukufundwa KweBhayibheli
(Eksodusi 25:23-40) “USomnini wabuya wathi: “Yenza itafula ngomuthi womtholo libe ngaphasana kwemitha ubude, ngaphasana kwesiquntu semitha ububanzi, libe siquntu nesiqunjwana semitha ukuphakama. 24 Linameke ngegolidembala bese uliphetha ngesakhelelo segolide magegana nalo. 25 Ukusuka emphethweni ukuya ngaphakathi kube bubanzi besandla bese wakha umqoqo wesakhelelo segolide. 26 Lenzele amasongo amane wegolide, uwabophelele emajikenalo amane emilenzeni. 27 Amasongo wokufaka iingodo zokuthwala itafula akabe ngaphasana kwesakhelelo. 28 Lungisa iingodo zomuthi womtholo, uzinameke ngegolide, uthwale ngazo itafula. 29 “Lenzele izitja ezahlukahlukeneko, iinkapho nemijeka yokuvubela umnikelo wewayini. Koke lokhu kwenze ngegolidembala. 30 Beka izikwa ezibekwa phambi kwakaZimu etafulenapho zibe phambi kwami ngeenkhathi zoke.” 31 Godu uSomnini wathi: “Yenza ilithi leembani ngegolidembala. Isikhondo, isiqu, iimpundu okutjho amaqumbe namathuthumbo walo kube msebenzi okhandwe wahlanganiswa nalo. 32 Akube namagatja asithandathu aphuma ngemaqadi wesiqu selithi leembani, kube magatja amathathu ngehlangothini linye lesiqu bese amagatja amathathu abe ngehlangothini elinye. 33 Emagatjeni akube neempundu ezinjengama-alimondi okutjho amaqumbe namathuthumbo. Egatjeni ngalinye kilawo asithandathu kube neempundu ezintathu. 34 Kuthi esiqwini selithi leembani kube neempundu ezine ezinjengama-alimondi, zibe namaqumbe namathuthumbo. 35 Akube nequmbe linye esiqwini ngaphasi komsuka wamagatja akhamba ngamabili. Kube njalo kiwo woke amagatja asithandathu asuka esiqwini. 36 Amaqumbe namagatja wakhona akhandwe ndawonye nesiqu ngegolidembala. 37 “Lenzele iimbani ezilikhomba. Ubeke isibani phezu kwesiqu nangaphezu kwegatja negatja ukuze zikhanyise esibangeni esingaphambi kwelithi leembani. 38 Iincimasibani nezitjana zalo zibe ngezegolidembala. 39 “Ilithi leembani sele lihlangene nezitja zalo zoke libe makhilogremu amatjhumi amathathu nane wegolidembala. 40 “Qinisekisa bonyana wenza koke lokhu ngomfanekiso owakhonjiswa wona entabeni.”
SEPTEMBA 21-27, 2012
AMAGUGU ASELIZWINI LAKAZIMU | EKSODUSI 27-28
“Khuyini Esingayifunda Ezambathweni Zabaphristi?”
(Eksodusi 28:30) Ngembadeni yeporiyana ubeke amatje wefumbe okuyi-urimi nethumimi, abe sehliziyweni ka-Aroni lokha nayokuvela phambi kwakaSomnini. Ngaleyondlela u-Aroni uzakuhlala athwele amatje wefumbe yokuhlahla ama-Israyeli ehliziywenakhe njalo.
it-2 1143
I-Urimi NeThumimi
Izazi zeBhayibheli zikholelwa ukuthi i-urimi neThumimi bekumamatje wefumbe. Etjhugululweni kaJames Moffatt ku-Eksodusi 28:30 abizwa ngokuthi “mamatje wefumbe acwengileko”. Abanye bebacabanga ukuthi bekumamatje amathathu, elinye litlolwe ukuthi “iye” elinye “awa” begodu elinye belingakatlolwa litho. Bekuthi lokha abantu nababuza imibuzo, bese kukhutjhwa amatje la bona bafumane ipendulo nangabe kuphume ilitje elingakatlolwa litho kutjho ukuthi ipendulo ayikho. Abanye bebacabanga ukuthi bekumamatje amabili aparaleleko, elinye limhlophe ngakelinye ihlangothi linzima. Nakaphoselwa phasi, nangabe kuvela amahlangothi amabili amhlophe kutjho ukuthi “iye,” nangabe kuvela anzima kutjho ukuthi “awa” begodu nakuvela elimhlophe nelinzima kutjho ukuthi akunapendulo. Kesinye isenzakalo, lokha uSawula abuza abaphristi bona aragele phambili nokuhlasela amafilisti, akhenge afumane ipendulo. Acabanga bona hlangana namadoda akunye nawo kukhona otjhaphileko, wabawa: “Zimu yewungiphe ipendulo enqophileko!” USawula noJonathani bathathwa kilabo ebabakhona, ngemva kwalokho kwaphoswa amatje wefumbe bona kukhethwe hlangana kwabo bobabili. Endabeni le isibawo esithi, “yewungiphe ipendulo enqophileko,” sibonakala sihlukile ekuphosweni kwamatje wefumbe, nanyana bekubonakala ngathi bekunokufana okukhona phakathi kwezinto ezimbilezi.—1Sa 14:36-42.
(Eksodusi 28:36) “Godu wenze ithuthumbo legolidembala, uligwale ngokuligobhodlha amagama athi, ‘Ohlukaniselwe uSomnini’ njengomgobhodlho wesigibo.
it-1 849 ¶3
Ipandla
UmPhristi Omkhulu Wakwa-Israyeli. Kwa-Israyeli umphristi omkhulu bekatantela itjhila ehloko elinethuthumbo legolidembala epandla “isihlohlo esahlukaniselweko,” ‘beligwale ngokugobhodlha amagama athi, ‘Ohlukaniselwe uSomnini.’ (Eks 28:36-38; 39:30) Ikosi yakwa-Israyeli beyijamela ukulotjha uJehova, yeke bekufuze indawo umphristi asebenzela kiyo ihlale icwengile begodu namagama ebewagwalwe ngokugobhodlha bewasikhumbuzo kiwo woke ama-Israyeli bona kufuze ahlale acwengekile nawalotjha uJehova. Beyifanekisela kuhle umPhristi oPhakeme khulu uJesu Krestu begodu umphristi esimnikelwe nguJehova bona aphakamise ukucwengeka kwakaZimu.—Heb 7:26.
(Eksodusi 28:42, 43) Ubenzele iindzeredzere ngelineni kobana bafihle ububhunubhunu babo ukusuka edinini ukufika emadolweni. 43 U-Aroni namadodanakhe bayembathe lokha nabangena ngetendeni lokuhlanganela ngitjho nalokha nabatjhidela e-aldarini kobana balotjhe endaweni ecwengileko. Nakungasinjalo bazazithwesa umlandu bese bayafa. Lokhu kuzakuba simiso sanini nanini ku-Aroni neenzukulwaneni zakhe ngemva kwakhe.
w08-ZU 8/15 15 ¶17
Dumisa UJehova Ngokuziphatha Ngendlela Enesithunzi
Kufanele siqikelele ngokukhethekile ukuthi siziphatha ngendlela enesithunzi lapho sikhulekela uJehova. UMtjhumayeli 5:1 uthi, “Qapha izinyawo zakho noma nini lapho uya endlini kaNkulunkulu weqiniso.” UMose noJoshuwa bayalwa ukuba bakhumule izimbadada zabo lapho besendaweni engcwele. (Eks 3:5; Jtj 5:15) Lokhu kwakumelwe bakwenze njengophawu lwenhlonipho ejulile. Abapristi abangama-Israyeli babebophekile ukuba bagqoke izikhindi zangaphansi zelineni “ukuze bamboze ubunqunu babo.” (Eks 28:42, 43) Lokhu kwakuvimbela ukuba kungenzeki kwembuleke ubunqunu babo lapho bekhonza e-altare. Wonke amalungu omkhaya wompristi kwakufanele anamathele endinganisweni kaNkulunkulu yokuhlonipheka.
Rhubhulula Ngezinto ZakaZimu Eziligugu
(Eksodusi 28:15-21) “Wenze ngobukghoni imbada yeporiyana yomphristi lapha kufakwa khona amatje wefumbe. Uyenze ifane nangendlela ekwenziwe ngayo i-efodi: ngelineni emhlophe, ethungwe ngemicwana yegolide nangewulu ehlaza komkayi, ebubende netlerebede. 16 Ayilingane mahlangothi woke nayibhinciweko, ibe masentimitha amatjhumi amabili nambili ubude nobubanzi. 17 Uyifake amarhemo amane wamatje aligugu: “Irhemo lokuthoma libe nerubi, ithophazi ne-emeraldi; 18 irhemo lesibili libe nesimaragidu, isafaya nedayimani; 19 irhemo lesithathu libe nehiyasinthi, i-agatha ne-ametisthi; 20 irhemo lesine libe nebherili, i-oniksi nejasipere. Woke amatje lawo uwarubele ngemicwana yegolide. 21 Akube mamatje alitjhumi nambili, anamabizo ukuya ngamadodana ka-Israyeli. Azakuba njengamatje wokugiba, enye nenye ikoro kezilitjhumi nambili itlolwe ngokugobhodlhwa elitjeni layo.
Kghani Bewazi?
Bewabuyaphi amatje aligugu ebewaseporiyaneni yomphristi omkhulu wakwa-Israyeli?
Ngemva kokobana ama-Israyeli aphume eGibhide angene emmangweni, uZimu wawanikela iinqophiso zokwenza iporiyana. (Eksodusi 28:15-21) Iporiyana beyinamatje werubi, wethophazi we-emeraldi, wesimaragidu, wesafaya wedayimani, wehiyasinthi, we-agatha we-ametisthi, webherili, we-oniksi newejasipere. Kghani ama-Israyeli bewanendlela yokufumana amatje lawo?
Ekadeni, abantu bebadurisa amatje aligugu barhwebelane ngawo. Ngokwesibonelo, amaGibhide wekadeni bewafumana amatje aligugu eenarheni ezikude namhlanjesi ezibizwa ngokuthi yi-Iran, Afghanistan kungenzeka ne-India. Amamayini weGibhide bewakhiqiza amatje aligugu ahlukahlukeneko ambalwa. Ababusi beGibhide bewalawula izenjiwa ebezifumaneka eendaweni ebebazilawula. UJobho wahlathulula indlela abantu ebekaphila nabo ebebasebenzisa ngayo izinto zokwemba nabafuna amagugu. Amanye amagugu ebebawemba ngaphasi kwehlabathi uJobho akhuluma ngawo mamatje wesafaya nethophazi.—Job 28:1-11, 19.
Incwadi ka-Eksodusi ithi ama-Israyeli “aphanga amaGibhide” izinto zawo eziligugu lokha nakaphuma eGibhide. (Eksodusi 12:35, 36) Nje-ke, kungenzeka ama-Israyeli afumana amatje ebewaseporiyaneni yomphristi omkhulu eGibhide.
(Eksodusi 28:38) Ithuthumbelo lizakuhlala lisepandla ka-Aroni njalo ukuze ama-Israyeli amukeleke phambi kwakaSomnini lokha naletha izipho ezikhethileko. Ngaleyondlela u-Aroni uzakwenza bonyana izono zama-Israyeli zithethelelwe lokha naphambukako ekunikeleni nanyana ngiziphi izipho.
it-1 1130 ¶2
Ukucwengeka
Iinlwana Neentjalo. Amazibulo weenkomo, izimvu neembuzi kufuze angahlengwa ngombana acwengile kuJehova. Bekufuze kwenziwe ngawo umnikelo begodu ingcenye yawo bekufuze iye kubaphristi abahlwengileko. (Num 18:17-19) Isivuno sokuthoma nokwetjhumi bekucwengekile, njengayo yoke imihlatjelo nezipho ebezenzelwa ukulotjha uJehova endaweni ecwengileko. (Eks 28:38) Zoke izinto ezicwengileko kuJehova bekufuze zingathathelwa phasi, zisetjenziswe ngendlela ejayelekileko nofana zisetjenziswe ngendlela esilapheleko. Isibonelo salokho, mthetho omalungana nokwetjhumi. Nangabe umuntu ubekele eqadi ingcenye yomnikelo wetjhumi, mhlamunye ikoroyi bese kuthi omunye womndenakhe ayithathe angakahlosi bona ayoyipheka nofana ayisebenzisele okhunye, umuntu loyo bekazokuba nomlandu wokuphula umthetho kaZimu wezinto ezicwengileko. UmThetho bewuthi kufuze ahlawule endaweni ecwengileko okulingana nesilinganiso sekoroyi esetjenzisiweko bese ayingezelele ngamaphesenthi ama-20, ngaphezu kwalokho uzokunikela ngeqama eliphilileko libemhlatjelo. Lokhu bekwenza bona bazihloniphe izinto ezicwengileko zakaJehova.—Lev 5:14-16.
Ukufundwa KweBhayibheli
(Eksodusi 27:1-21) “USomnini wathi kuMosi: “Wenze i-aldari ngeengodo zomtholo libe sikwere ngaphezulu. Ubude nobubanzi libe mamitha amabili nesiqunjwana. Libe limitha nesiqunjwana ukuphakama. 2 Ulenzele iimpundu emajikenalo amane; zinamathele kilo bese ulinameka ngekoporo. 3 “Ulenzele izitja zokufaka umlotha, iintjhefula, izitja zokunyenyeza, iimforogo nezitja zokutjhisela itjhwalo. Zoke izitja zalo uzenze ngekoporo. 4 “Godu ulenzele umsefo wekoporo njengenede ngemaqadi walo. Wenze amasongo amane wekoporo emajikenalo amane. 5 Ubeke umsefo ngaphasi komqoqo we-aldari ukuze ulembelele uphelele phakathi e-aldarini. 6 Wenzele i-aldari iingodo, kube ziingodo zomtholo bese uzinameka ngekoporo. 7 Iingodwezo zifakwe emasongweni ukuze zibe ngemaqadi we-aldari lokha naligugwako. 8 Ulenze ngamaplanka libe nomkghotho ngaphakathi njengombana wakhonjiswa lona entabeni.” 9 Godu uSomnini wathi kuMosi: “Wenze isirhodlo sethaberinakeli ngalendlela: Ngeswazini langesewula lethaberinakeli ulembelelise umlembelembe wamatjhila welineni emhlophe anomthungo abe mamitha amatjhumi amane nahlanu. 10 Ihlangothi lesirhodlwelo alibe neensika ezimatjhumi amabili namanzinziso wakhona amatjhumi amabili kwenziwe ngekoporo, kodwana iinkhonkhwani zeensika kanye nemipherho yakhona kwenziwe ngesiliva. 11 “Ngokunjalo ngeswazini langetlhagwini lethaberinakeli kube nomlembelembe wamatjhila omamitha amatjhumi amane nahlanu ubude. Akube neensika ezimatjhumi amabili namanzinziso wakhona amatjhumi amabili kwenziwe ngekoporo, kodwana iinkhonkhwani zeensika kanye nemipherho yakhona kwenziwe ngesiliva. 12 “Ububanzi besirhodlo, ngeswazini langetjingalanga lethaberinakeli, bube nomlembelembe wamatjhila omamitha amatjhumi amabili nambili nesiquntu. Godu bube neensika ezilitjhumi kanye namanzinziso wakhona alitjhumi. 13 “Ububanzi besirhodlo ngeswazini langaphambili lethaberinakeli ngepumalanga bube mamitha amatjhumi amabili nambili nesiquntu. 14 Ihlangothi lesirhodlo langaphambili libe nemilembelembe emibili yamatjhila ephahle isango. 15 Ubude bomlembelembe ngamunye bube mamitha asithandathu nesiquntu nesiqunjwana. Yomibili imilembelembe leyo ibe neensika ezintathu namanzinziso amathathu. 16 Esangweni lesirhodlo akube nesivalo esimamitha alithoba ububanzi, senziwe ngelineni emhlophe ethungwe ngewulu ehlaza komkayi, ebubende netlerebede. Asibe neensika ezine ezinamanzinziso amane. 17 “Zoke iinsika magegana nesirhodlo zibe nemipherho yesiliva, iinkhonkhwani zesiliva namanzinziso wekoporo. 18 Ubude besirhodlo bube mamitha amatjhumi amane nahlanu, ububanzi bube mamitha amatjhumi amabili nambili nesiquntu. Ukuphakama komlembelembe kube mamitha amabili nesiqunjwana. Umlembelembe lowo ube ngewelineni emhlophe enomthungo; amanzinziso wakhona enziwe ngekoporo. 19 Zoke izitja zethaberinakeli zananyana ngimuphi umsebenzi, nazo zoke iinkhonkhwani ezibamba itende nesirhodlo zizakuba ngezekoporo.” 20 USomnini wathi: “Wena-ke Mosi utjele ama-Israyeli bonyana alethe kuwe amafutha we-oliva atsengileko nacwebileko wokukhanyisa ilithi leembani. Iimbani azihlale zivutha 21 ngetendeni lokuhlanganela ngaphandle kwesiyaya esingaphambi kobufakazi. U-Aroni namadodanakhe kumele bahlale babona bonyana iimbani ziyakhanya phambi kwakaSomnini ukusukela ntambama bekuse. Lokhu kuzakuba simiso esijame nini nanini sama-Israyeli iinzukulwana ngeenzukulwana.
SEPTEMBA 28–OKTOBA 4
AMAGUGU ASELIZWINI LAKAZIMU | EKSODUSI 29-30
“Umnikelo Oya KuJehova”
(Eksodusi 30:11, 12) USomnini wathi kuMosi: 12 “Lokha nawubala ama-Israyeli bona utlolise amadoda wepi, omunye nomunye wawo uzakuhlawulela ipilwakhe kuSomnini. Enze njalo ukuze kungabi namatshwenyeko phakathi kwawo lokha natloliswako.
it-2 764-765
Ukutloliswa
ESinayi. UJehova walayela kokuthoma bona kubalwe abantu nabahlala ekampeni yeSinayi enyangeni yesibili emnyakeni wesibili ngemva kokuphuma eGibhide. Bona kusizwe uMosi, kwakhethwa amakhosana bona ajamele isitjhaba ngasinye nakubalwa abantu. UmThetho bewungagcini ngokuthi kutloliswe amadoda aneminyaka ema-20 angakghona ukuyokulwa epini, kodwana umThetho bewuthi labo abatlolisiweko kufuze babhadele umthelo wemisebenzi yethaberinakeli. (Eks 30:11-16; Num 1:1-16, 18, 19) Isibalo safika ku-603 550, ngaphandle kwamaLevi ebewangekhe afumane ilifa enarheni. Bewangabhadeli umthelo begodu bekungatlhogeki bona aye epini.—Num 1:44-47; 2:32, 33; 18:20, 24.
(Eksodusi 30:13-15) Omunye nomunye otlolisweko uzakunikela ngalokhu: amagremu asithandathu wesiliva ukuya ngokwesilinganiso sendawo ecwengileko kube mnikelo kaSomnini. 14 Woke umuntu otlolisweko, ukusuka koneminyaka ematjhumi amabili ukuya phezulu uzakunikela umnikelo kaSomnini. 15 Lokha naninikela umnikelo kaSomnini ukuze nizenzele itethelelo, abanesabo banganikeli ngaphezu kwamagremu asithandathu nabadududu banganikeli ngaphasi kwamagremu asithandathu.
it-1 502
Umnikelo
Umthetho bewuthi abantu kufuze banikele. Lokha uMosi nakabala ama-Israyeli, indoda eneminyaka ema-20 ukuya phezulu bekufuze ihlawulele ipilwayo ngomnikelo, ‘wamagremu asithandathu wesiliva ukuya ngokwesilinganiso sendawo ecwengileko.’ ‘Bekumnikelo kaSomnini’ ukuze nizenzele itethelelo yamaphilwenu begodu ‘ibe ngeyomsebenzi wetende lokuhlanganela.’ (Eks 30:11-16) Ngokwesazi esimJuda uJosephus (The Jewish War, VII, 218 [vi, 6]), “umthelo ocwengileko” besele ubhadelwa kanye ngomnyaka.—2Kr 24:6-10; Mat 17:24.
(Eksodusi 30:16) Uthathe isiliva yomnikelo wetethelelo kuma-Israyeli ibe ngeyomsebenzi wetende lokuhlanganela. Isiliva leyo izakuba sikhumbuzo sama-Israyeli phambi kwakaSomnini kobana nizenzele itethelelo.”
w11-ZU 11/1 12 ¶1-2
Ingabe Bewazi?
Izinkonzo zasethempelini likaJehova eJerusalema zazixhaswa kanjani ngokwezimali?
Izinkonzo ezihlukahlukene zasethempelini zazixhaswa ngentela, ngokuyinhloko ngomnikelo wokweshumi. Nokho, zazikhona nezinye izinhlobo zezintela. Ngokwesibonelo, ngesikhathi kwakhiwa itabernakele, uJehova wayala uMose ukuba aqoqe ingxenye yeshekeli eliyisiliva kuwo wonke ama-Israyeli abhalisiwe ibe ‘umnikelo kuJehova.’—Eksodusi 30:12-16.
Kubonakala sengathi kwaba umkhuba ukuba umJuda ngamunye anikele inani elingaguquguquki njengentela yethempeli yaminyaka yonke. UJesu wayekhipha yona le ntela ngesikhathi eyala uPetru ukuba akhokhe ngohlamvu lwemali ayeluthathe emlonyeni wenhlanzi.—Mathewu 17:24-27.
Rhubhulula Ngezinto ZakaZimu Eziligugu
(Eksodusi 29:10) Letha ikunzana ngaphambi kwetende lokuhlanganela. U-Aroni namadodanakhe bazakubeka izandla zabo phezu kwehloko yekunzana.
it-1 1029 ¶4
Isandla
Ukubekwa izandla. Ngaphandle kokubamba, izandla bezibekwa phezu komuntu nofana phezu kwento ngamabanga ahlukahlukeneko. Ihlathululo ejayelekileko yesenzwesi, bekukulokha nakukhethwa umuntu nofana nakubekwa into bona idlale indima ethileko. Ngesikhathi somnyanya wokukhethwa komphristi, u-Aroni namadodanakhe bebabeka izandla zabo phezu kwehloko nekunzana naphezu kwamaqama amabili, lokho bekutjengisa ukuthi bayavuma ukuthi iinlwanezi kunikelwe ngazo bona zibemhlatjelwabo wokuba baphristi bakaJehova uZimu. (Eks 29:10, 15, 19; Lev 8:14, 18, 22) Lokha nakakhetha uJotjhuwa bona athathe isikhundla sakhe, uMosi wenza njengombana alayelwe nguJehova wabeka izandla zakhe phezu kwakaJotjhuwa, “obekazele ngommoya wokuhlakanipha” ngebangelo wakghona ukurhola ama-Israyeli. (Dut 34:9) Izandla bezibekwa phezu kwehloko yomuntu lokha nakazokufumana isibusiso. (Gen 48:14; Mar 10:16) UJesu Krestu wathinta nofana wabeka izandla phezu kwabanye abantu abalaphako. (Mat 8:3; Mar 6:5; Luk 13:13) Ngezinye iinkhathi, isipho sommoya ocwengileko besinikelwa abapostoli ngokubekwa izandla.—IzE 8:14-20; 19:6.
(Eksodusi 30:31-33) “Bese uthi kuma-Israyeli, ‘Lokhu kuzakuba mafutha akhethekileko wokuzesa kibo boke abaphristi bangomuso. 32 Ningazesi nanyana ngubani, godu ningenzi amanye afana nawo ngeenthako. Amafutha la akhethekile, nakini akabe ngakhethekileko. 33 Nanyana ngubani ozenzela wakhe afana nawo namkha azese ngawo nanyana ngubani ongakahlukaniselwa, uzakujutjwa ebantwini bekhabo.’”
it-1 114 ¶1
Ukuzesa, Nokuzeswa
Emthethweni uJehova awunikela uMosi, wamtjela ngendlela ekufuze awenze ngayo amafutha wokuzesa. Bekuhlanganiswa iinthako eziphuma phambili—imire, isinamoni enuka kamnandi, umgaba onuka kamnandi, ikhasiya, namafutha we-oliva. (Eks 30:22-25) Nanyana ngubani ozenzela wakhe afana nawo namkha azese ngawo nanyana ngubani ongakahlukaniselwa, uzakujutjwa ebantwini bekhabo. (Eks 30:31-33) Lokhu bekutjengisa ukuqakatheka nokucwengeka kokubekwa komphristi obekuqinisekiswa ngokuzeswa ngamafutha acwengileko.
Ukufundwa KweBhayibheli
(Eksodusi 29:31-46) “Uthathe inyama yeqama okujanyiswe ngalo abaphristi uyiphekele endaweni ecwengileko. 32 U-Aroni namadodanakhe bazagoma inyama yeqama leyo nesikwa esingesiqwebini emnyango wetende lokuhlanganela. 33 Abazagoma ukudlokho ngilabo kwaphela abazibandakanye ekambisweni yetethelelo ukuze bajanyiswe ngokuhlukaniselwa uSomnini. Ongaphandle akukameli agome ngombana kukhethekile. 34 Nakube kunamasalela wenyama yokujanyiswa namkha wesikwa asele bekwaba sekuseni, uwatjhise. Angeze agonywa ngombana akhethekile. 35 “Koke engikuyale ngakho ngo-Aroni namadodanakhe kumele kubuyelelwe amalanga abe likhomba: Bajamise 36 bewulungise ngamalanga ikunzana yomhlabelo wehlambululo kube yitethelelwabo. Lokha nawenzela i-aldari ihlambululo, lihlambulule begodu ulizese ukuze lihlukaniselwe uSomnini. 37 Buyelela ikambiso yehlambululo ye-aldari amalanga alikhomba bese uyalihlukanisela. I-aldari lizakuba ngelicwenge khulu; nanyana yini ethinta i-aldarelo izakucwenga.” 38 USomnini wathi kuMosi: “Nakhu okuzakwenziwa phezu kwe-aldari: Kuzakuhlatjwa iimvana ezimbili ezinomnyaka munye, imihla yoke ngokungapheliko. 39 Imvana eyodwa unikele ngayo ekuseni bese kuthi enye unikele ngayo ngamarhwaqela. 40 Imvana yokuthoma ayikhambisane nethungana leflowuru esefiweko edutjwe ngelitha nesiquntu samafutha we-oliva, nelitha nesiquntu sewayini yomnikelo wokuselwako. 41 Enye imvana unikele ngayo ngamarhwaqela ikhambisane nomnikelo weenthoro newokuselwako njengombana wenza ekuseni ukuze kube mnikelo okhethekileko owamukelekako kuSomnini. 42 Kuzakuba mhlabelo wokutjhiswa owenziwa njalo eenzukulwaneni zenu emnyango wetende lokuhlanganela phambi kwakaSomnini. “Ngizakuhlangana nabaphristi lapho bengikhulume nawe. 43 Godu ngizakuhlangana nama-Israyeli lapho. Indawo leyo izakucwengiswa yiphazimulwami. 44 Ngizakwahlukanisela itende lokuhlanganela kanye ne-aldari; u-Aroni namadodanakhe nabo ngizabahlukanisela kobana babe baphristi bami. 45 Ngizakuhlala hlangana nama-Israyeli, ngibe nguZimawo. 46 Azakwazi bonyana nginguSomnini uZimawo. Ngawakhupha enarheni yeGibhide kobana ngihlale phakathi kwawo. Iye, nginguSomnini uZimawo.”