Ingcenye 11
AmaRhalani Aduduzako Nafundisako Aphefumulelweko
UDavidi nabanye batlola amarhalani bonyana aberegiswe ekukhulekeleni. Incwadi yamaRhalani ineenkondlo eziyi-150
INCWADI ekulu eBhayibhelini ilibuthelelo lamarhalani acwengekileko. Incwadi le, yatlolwa eminyakeni engaba yi-1 000. Incwadi yamaRhalani imumethe nezinye izitjho ezingeneleleko nezitjhukumisa ikholo ezakhe zatlolwa. Iveza amazizo wabantu ahlukahlukeneko, ithabo, ukudumisa, nokuthokoza uZimu, amatlhuwo, ukulila nokuphenduka. Kuyakhanya bona abatloli bamarhalani gade banobuhlobo obukhulu nobuthembekileko noZimu. Cabanga ngezinye iinhloko zeenkondlwezi.
UJehova Mbusi olungileko, ofanelwe kukhulekelwa nokudunyiswa. Incwadi yamaRhalani 83:18 ithi: “Wena ibizo lakho linguJehova, wena wedwa ungoPhakemeko ephasini loke.” Amarhalani amanengi adumisa uJehova ngemisebenzi yakhe yendalo, njengeenkwekwezi zamazulu, nokukarisa kwendalo ephasini nangendlela erarako umuntu enziwe ngayo. (AmaRhalani 8, 19, 139, 148) Amanye amarhalani adumisa uJehova njengoZimu owenza izenzo zokusindisa nokuvikela labo abathembekileko kuye. (AmaRhalani 18, 97, 138) Namtjhana kunjalo, amanye amarhalani adumisa uJehova njengoZimu wokulunga, otjhaphulula abantu ekugandelelekeni begodu nobetha abantu abangakalungi.—AmaRhalani 11, 68, 146.
UJehova uyabarhelebha begodu abaduduze labo abamthandako. Kungenzeka bonyana elinye lamarhalani adumileko ngelesi 23, lapho uDavidi ahlathulula uJehova njengomalusi onethando, onikela isiluleko, ovikelako notlhogomela izimvu zakhe. AmaRhalani 65:2 akhumbuza abakhulekeli bakaZimu bonyana uJehova “Ngumuzwi womthandazo.” Abantu abanengi abenze isono esikhulu bafumane induduzo ekulu encwadini yamaRhalani 39 no 51, lapho uDavidi atjengisa khona ngamezwi asuka ehliziyweni ukuphenduka kwakhe ezonweni ezikulu, begodu abonakalisa ikholo lakhe ekuthethelelweni nguJehova. AmaRhalani 55:22 anesikhuthazo sokobanyana sithembele kuJehova, begodu siphose yoke imithwalo yethu Kuye.
UJehova uzokutjhugulula iphasi ngoMbuso kaMesiya. Iingcenye ezinengi encwadini yamaRhalani kuhle kuhle zikhuluma ngoMesiya, iKosi eyathenjiswako. AmaRhalani 2 aphorofida bonyana uMbuso lo uzokutjhabalalisa iintjhaba ezingakalungi eziphikisana naye. AmaRhalani 72 aveza bonyana iKosi le izokuphelisa indlala, ukungalungi nokugandeleleka. NgokwamaRhalani 46:9 ngoMbuso kaMesiya, uZimu uzokuphelisa izipi nazo zoke iinkhali. KumaRhalani 37, sifunda bonyana abantu abangakalungi bazokutjhatjalaliswa, kukulapho abalungileko bazokuhlala ephasini ngokungapheliko, bathabele ukuba nokuthula okukhulu begodu nokuzwana.
—Isekelwe encwadini yamaRhalani.
◼ AmaRhalani alisekela bunjani ilungelo lakaJehova lokubusa?
◼ Ngiliphi elinye lamaRhalani elitjengisa indlela uZimu arhelebha begodu aduduze ngayo labo abamthandako?
◼ Ngokuvumelana nencwadi yamaRhalani, uJehova uzolitjhugulula njani iphasi?
[Ibhoksi elisekhasini 14]
IRHUBO LAMARHUBO
ERhubeni lakaSolomoni, ikosi iveza bonyana namtjhana ingarega kangangani, lokho akusiso isiqinisekiso sokobana izokuthandwa nanyana ngiyiphi intombi. Ilandisa indlela eyalinga ngayo ukuthumba ihliziyo yomntazana omuhle olitlawana, ogade asele athandana nesokana elilusako. Irhubo eliphefumelelwekweli libonisa bona abantu ababili abathandanako, kufuneka baziphathe ngendlela enehlonipho. Iinthandani ezisesezitja zitjengisa ukuzibamba, ukuhlanzeka, begodu nokuthembeka.
[Itjhadi ekhasini 14]
Genesisi
Eksodosi
Lefitikosi
Numeri
Duteronomi
Joshuwa
Abahluleli
Rude
1 Samuweli
2 Samuweli
1 Amakhosi
2 Amakhosi
1 Imilando
2 Imilando
Ezra
Nehemiya
Esta
Jobhi
● AmaRhalani
Iziyema
Umtjhumayeli
● Irhubo lamarhubo
Isaya
Jeremiya
Isililo
Ezekiyeli
Danyela
Hosiya
Juweli
Amosi
Obadiya
Jona
Mika
Nahumi
Habakuki
Zefaniya
Hagayi
Zakariya
Malaki
Matewu
Markosi
Luka
Jwanisi
IZenzo
KwebeRoma
1 KwebeKorinte
2 KwebeKorinte
KwebeGalatiya
Kwebe-Efesu
KwebeFilipi
KwebeKholose
1 KwebeTesalonika
2 KwebeTesalonika
1 kuThimothi
2 kuThimothi
KuTitosi
KuFilimoni
KumaHebheru
KaJakobosi
1 KaPitrosi
2 KaPitrosi
1 KaJwanisi
2 KaJwanisi
3 KaJwanisi
KaJuda
ISambulo