Basebenzise Kuhle Abomagazini Abadala
Njengombana abomagazini abadala bangazuzisi muntu nababekiweko namkha nabalahlwako, kufuze silinge ukubakhambisa. Umagazini munye ungenza umuntu abenekareko eqinisweni begodu ngokukhamba kwesikhathi angathoma ukubiza ibizo lakaJehova. (Rom. 10:13, 14) Okulandelako ngezinye zeemphakamiso zokusebenzisa abomagazini abadala ngendlela ezuzisako.
Nasitjhumayela esimini engasetjenzwa qobe, nasifumana kunganabantu mhlamunye ungatjhiya umagazini munye lapho kusitheke khona.
Nasitjhumayela etjhatjhalazini lapho abantu balinde khona, njengeentopeni zeembhesi namkha zeentimela, buza umuntu ngamunye bona angakuthabela na okuthileko kokufunda, mtjengise abomagazini abambalwa abadala, bese umvumela akhethe.
Nawuvakatjhela amakhaya wokutlhogomela abantu abakhulileko, ematlinigi namkha iindawo ezifana nalezi ezisesimini yebandla langekhenu, tjhiya abomagazini abambalwa abadala endaweni yokulinda. Ngokuvamileko kuhle ukubawa imvumo qangi emntwini ophethe indawo nangabe ukhona. Nawufumana kunabomagazini lapho, ungatjhiyi abangeziweko.
Nawulungiselela amabuyelo, cabanga ngekareko yomuntu ngamunye ohlela ukumvakatjhela. Unawo na umndeni? Uyakuthanda ukuvakatjha? Inga-kghani uthanda itoni? Funda abomagazini abadala ubone bonyana angekhe wafumana isihloko angathabela ukusifunda, umtjengise sona nawubuyela kuye.
Nawufumana umuntu onekareko ekhaya ngemva kokwenza imizamo ebuyelelweko yokuthintana naye ungamfumani, mtjengise abanye abomagazini abadala angakababoni.