“Khambisa Nanyana Ngimuphi UMagazini Omdala Namtjhana Enye Nenye Incwajana Edosa Ikareko Yomuntu”
Phakathi neenyanga esivame ukukhambisa ngazo incwadi ethi, Okufundiswa YiBhayibhili, nokuthoma isifundo ekukhambeleni kokuthoma, sikhuthazwa bona ‘sikhambise umagazini omdala namtjhana enye nenye incwajana edosa ikareko yomuntu,’ ngitjho nanyana umninimuzi sele anayo incwadi begodu angasamukeli isifundo. Kubayini kufuze simkhambisele yona?
Iincwajana nabomagazini abadlulelwe sikhathi bakhuluma ngeenhloko ezihlukahlukeneko ezifaneleko. Okhunye okukubomagazinaba kungayithinta ihliziyo yomninimuzi. Ngalokho-ke, newupaka isikhwama sakho, faka iincwajana ezinengana ezihlukahlukeneko nabomagazini esele badlulelwe sikhathi. Nengabe awunabo abomagazini abadala, mhlamunye ungazifumanela bona etafuleni labomagazini. Nengabe umninimuzi sekanayo incwadi ethi, Okufundiswa YiBhayibhili begodu akasamukeli isifundo seBhayibhili, ungamtjengisa abanye abomagazini nofana iincwajana onazo bese umbawe atjho okumkarako kizo. Ngemva kwalokho, yenza amalungiselelo wokubuyela kuye bona ulandelele ikareko. Mhlamunye ngokukhamba kwesikhathi isifundo seBhayibhili singathoma.