Tjhumayela ‘Kiyo Yoke Iimhlobo Yabantu’
1. Abavangeli abaphumelelako bafana njani nesisebenzi esisikghwari?
1 Isisebenzi esisikghwari sinamathulusu amanengi, siyazi nokobana ngalinye lisebenza nini begodu njani. Ngokufanako, sinamathulusu ahlukahlukeneko asisiza senze umsebenzethu njengabavangeli. Ngokwesibonelo, kugadangiswe iincwajana ezinengi ezihlukahlukeneko ukusisiza sitjhumayele ‘kiyo yoke iimhlobo yabantu.’ (1 Kor. 9:22) Isihlomelelo esise-Konzweni YoMbuso le sinerhelo lezinye zeencwajanezi, sihlathulula bona zenzelwe abobani, silinganise nokobana zingakhanjiswa njani.
2. Singazisebenzisa nini iincwajana ekonzweni?
2 Isikhathi Sokusebenzisa Iincwajana: Isikghwari sisebenzisa ithulusu nanyana kunini nekuyinzuzo. Ngokufanako, singakhambisa incwajana nanyana kunini nesicabanga bona othileko uzokuzuza, ingasikwaphela ngeenyanga ezisisipho ngazo. Ngokwesibonelo, nengabe isipho senyanga yincwadi ethi Lifundisani IBhayibhili kodwana sitjhumayela enarheni engasingeyobuKrestu lapho abantu bakhona bangakareko engako eBhayibhilini, kungaba yinzuzo ukukhambisa incwajana efanelekako bese ukhambise incwadi ethi Lifundisani IBhayibhili kwaphela ngemva kobana senze umuntu waba nekareko kiyo.
3. Kubayini kufuze sijayelane nokusebenzisa amathulusu wethu wokufakaza?
3 IiMtlolo iyababuka labo abanekghono emsebenzinabo. (Iziy. 22:29) Ngokuqinisekileko, namhlanjesi awukho umsebenzi oqakatheke ukudlula ‘umsebenzi ocwengileko weendaba ezimnandi.’ (Rom. 15:16) Bona sibe ‘ziinsebenzi ezinganamahloni ngomsebenzi wazo,’ sizokulwela ukuba namakghono wokusebenzisa amathulusu wethu.—2 Thi. 2:15.