Imifanekiso Efundisako

Matewu 13:34, 35

ISIRHUNYEZO: Thuthukisa indlelakho yokufundisa ngokusebenzisa imifanekiso elula ezokudosa abakulaleleko begodu ifundise namaphuzu aqakathekileko.

INDLELA ONGAKWENZA NGAYO:

• Khetha imifanekiso elula. NjengoJesu, sebenzisa izinto ezincani ukuhlathulula izinto ezikulu, nezinto ezilula ukuhlathulula izinto ezibudisi. Ungafaki imininingwana engatlhogekiko ezokwenza kube budisi ukuzwisisa umfanekiso. Qiniseka bona lokho okutjhoko emfanekiswenakho kuyangena endabeni ofuna ukuyifundisa, ukwenzela bona abakulaleleko bangathikamezwa mfanekiso ongakhambelani nendaba.

• Cabanga ngalokho okuzokuzuzisa abakulaleleko. Khetha imifanekiso ebandakanya izinto ezenziwa nezithandwa ziinlaleli zakho. Nokho, tjheja bona imifanekiswakho ingabaphathisi iinhloni namkha ibasilinge.

• Fundisa iphuzu eliyihloko. Dzimelela ekufaniseni amaphuzu ayihloko ingasi imininingwana emincani. Qiniseka bona okulaleleko uzokukhumbula akufundileko emfanekisweni kunokukhumbula umfanekiso kwaphela.