MOYO WASU WA CHIKHILISITU
Kuyangijila Luso Yasu Mu Utumiki—Kulalikila kupitila pafoni
CHIFUKWA CHAKE N’KOFUNIKA: Kulalikila kupitila pafoni ni njila yofunika ngako “yochitila umboni mokwanila za uthenga uweme.” (Mac 20:24)a Njila yamene iyi yutiyavya kuti tikolalikila ŵanthu ayakine olo kuti mavuto ayakine pamoyo wasu angatilolelini kuti tiŵalalikile menso na menso.
MWAMUNGACHITILE VAMENE IVI:
Konzekelani luweme. Sankhani nkhani iweme. Pavuli pake konzekelani nkhani yati mulaŵile. Mungakonzekelesoti mesegi ifupi yofotokoza cholinga chamwatumila foni keno munecho ali na foni. Vunkhala voyavya ngako kuchitila ntchito yamene iyi pa thebulu, noikapo vinthu vamwakonzekela na vinthu viyakine vofunika, mwachisanzo monga foni olo thabuleti ili na JW Library® olo jw.org® yosegula.
Nkhalani odekha. Laŵilani mwachibadwa. Chitani magesicha komasoti mukomwetulila ndipo mukochita monga mumuwona munthu wamulaŵila naye. Mukolaŵila osalekeja-lekeja paliye cholinga. Kukata ntchito pamo na ŵanthu ayakine kukuyavyenisoti kuti mukochita vinthu modekha. Keno munecho wa ng’anda wakonsha konsho, welejelani konsho yamene iyo mokweja mawu, tetyo muyanu wamukata naye ntchito angakuyavyeni kufwana yankho.
Musiileni nkhani kuti muzakambilane pa ulwendo woweleja. Keno munthu waonesha chidwi, mungamusiile konsho kuti muzayankhe mukezemutumilasoti foni. Payakine mungamuuje kuti atole yeka chofalisa olo kumutumijila pa imelo. Payakine mungamukonshe keno angavomele kuti mumutumijile ziyakine mwa nkhani zasu olo mavidiyo kupitila pa mesegi olo pa imelo. Molingana na macheza ŵanu, mungamuujesoti kuti angasenge kosi ya Phunzilo ya Baibolo ya pa Intaneti olo mbali iyakine yapa webusaiti yasu.
a Keno ulaliki wapafoni niwololewa mudela yanu, mwewo mufunika kukonkheja malamulo oyenelela okhuza katumidwe ka foni.