Pitilijani kunkhala okonzeka ŵano masiku ‘a masiku osilijila’

Keno tupilila ŵano masiku “a masiku osilijila,” tuyembekezelasoti kuti mavuto akoyangijilika. (2Ti 3:1; mawu am’nyansi m’Baibolo yophunzilila pa Mt 24:8, nwtsty) Akokumana na masoka achilengedwe, ŵanthu a Yehova nthawe zinyinji olondela malangizo apanthawe yake komasoti opulumusa moyo. Kupulumuka pa nthawe yamene iyo kudalila kukonzekela na kumvwila kwasu lomba teti, mwauzimu komasoti mwakuthupi.​—Lu 16:10.

• Konzekelani mwauzimu: Nkhalani na chiyoŵezi chiweme. Phunzilani njila zosiyana-siyana zochitila utumiki. Osankhala opanikijika keno mwapatukana kwanthawe itontho na ŵanthu ayakine a mumpingo mwanu. (Yes 30:15) Mwewo muzankhalelini kutali na Yehova komasoti na Yesu.​—od-CN pedji 176 ndim. 15-17

• Kenzekelani mwakuthupi: Kuyangijila pa chola chokonzekela ngozi zamwazizizi, banja iliyonse yufunika kukonzekela chakulya, manzi, mankhwala komasoti vinthu viyakine keno vingafunikile, vamene vingasungike kwa nthawe itali.​—Miy 22:3; g17.5-CN pedji 4, 6

LOLELANI VIDIYO YAKUTI ZIMENE TINGACHITE POKONZEKERA MASOKA ACHILENGEDWE, NDIPO PAVULI PAKE YANKHANI MAKONSHO AŴA:

• 

  Kansi tingakonzekele tyani mwauzimu masoka a chilengedwe?

• 

  Ndaŵa yanji tufunika . . . 

  • kunkhala na njila ziweme zolaŵijilana na akulu?

  • kukonzekela chola cha vinthu vingachitike mwazizizi?

  • kufufuza masoka achilengedwe amene angachitike komasoti vofunika kuchita pasoka iliyonse?

• 

  Kansi ni njila zitatu zotyani zatingayavyile ŵanthu ayakine pakachitika masoka a chilengedwe?

LIKONSHENI KUTI, ‘Kansi ningaphunzile chinji vokhuza kukonzekela pa mulili wa COVID-19?’