MOYO WASU WACHIKHILISITU

Kansi nimwe okonzekela kukumana mavuto a zachuma?

Tudabwalini powona vochitika va muli ichi chalo pavuyambisha minkhalidwe yosankhazikika pa nkhani za chuma pachalo chonse. Ndaŵa yanji? Ndaŵa yakuti tili kumapeto ngako-ngako kwa masiku osilijila, ndipo Baibolo yutichenjeja kuti osati tikoika chiyembekezo chasu pa “chuma chosadalilika.” (1Ti 6:17; 2Ti 3:1) Kansi chisanzo cha mfumu Yehosafati chingatiphunzise chinji pa nkhani yokonzekela mavuto a zachuma?

Pechiyofyewa pamozi na ŵanthu a ntundu wake, Yehosafati edalila Yehova. (2Mb 20:9-12) Yove echitasoti vinthu vofunikila kuti akonzekele panthawe yamene ŵanthu a ntundu wake penze akaliyenkhala na tauni yotang’a komasoti misasa ya masodja ankhondo. (2Mb 17:1, 2, 12, 13) Molingana na Yehosafati, tingachite luweme kudalila Yehova nochitapo kanthu kuti tilimbane na mavuto.

KANSI MWAKONZEKELA MAVUTO A ZACHUMA?

Kukonzekela mwauzimu: Nkhalani okhutila na vinthu vamuli navo, ndipo tang’ishani chikhulupililo chakuti Yehova akokusamalilani nsiku na nsiku. (Mt 6:26; 1Ti 6:8) Nkhalani osimikijila kupitilija kukonkheja mfundo za m’Baibolo posakila vosoŵa vanu va pamoyo. (Aro 2:21) Ganizilani vamungachite kuti mupitilije kuŵelenga Baibolo komasoti vofalisa vasu olo panthawe yamene malaiti kapena intaneti yasokonezeka. Mukosunga vofalisa viyakine vochita dindiwa vamungasankhe, ndipo keno n’vokwanishika mungaselushe vofalisa pa vipangizo vamakono kukali nthawe.

Kukonzekela mwakuthupi: Chefyani nkhongole komasoti vinthu vosafunika ngako akaliye yamba mavuto a zachuma. (Miy 22:7) Ngati ni vokwanishika, sungani vakulya voyenela komasoti vinthu viyakine vofunika. Ayakine angaganize zokomola komasoti kusamalila dimba ya ndiyo zamatepo kuti akosunga ndalama.

LOLELANI VIDIYO YAKUTI KANSI MWEWO MWAKONZEKELA MASOKA? PAVULI PAKE KAMBILANANI MAKONSHO AŴA OKONKHAPO:

Chithunzi cha vidiyo ya kuti “Kansi mwewo mwakonzekela masoka?” Vithunzi vuwonesha Baibolo, chola cha paulwendo, foni ya m’manja, komasoti ŵanthu okata ntchito zomanga-manga.

Kansi sewo paseka tingachite tyani pokonzekela masoka?

Your answer

Kansi tingakonzekele tyani kuti tiyavyeko ayakine?

Your answer