KUPHUNZISA NA LUSO MU UTUMIKI | YANGIJILANI CHISANGALALO CHANU MU UTUMIKI
Mukoyavya ophunzila Baibolo ŵanu kuti akofwika pamisonkhano
Misonkhano ya mpingo ni yofunika ngako pa mbali ya kulambila kutuŵa. (Sl 22:22) Ŵanthu onse ŵala osonkhana pamozi kuti alambile Yehova ofwana chisangalalo komasoti madaliso. (Sl 65:4) Ophunzila Baibolo opita pasogolo mokulumija ngako keno opezeka pamisonkhano nthawe zonse.
Kansi mungaŵayavye tyani ophunzila Baibolo ŵanu kuti akopezeka pamisonkhano? Pitilijani kuŵaita kuti akopezekapo. Awonesheni vidiyo yakuti N’chinji chuchitika ku Ng’anda ya Ufumu? Afotokozeleni mapindu onkhalapo keno tupezeka pamisonkhano. (lff-CN mutu 10) Mwewo mungaŵafotokozele mfundo yofunika ngako yamwaphunzila pamisonkhano olo mfundo yamukuti muzaphunzile pamisonkhano ikuza. Apaseni vofalisa ophunzila ŵanu vamukuti muzakatishile ntchito pamisonkhano ikuza. Kuyangijila pamene apa, apaseni thandizo yoyenelela. Ndipo nthawe ziyakine mungafunikile kuŵayavya kuti afwike pamisonkhano. Kuyeja-yeja kulikonse kwamungachite kungankhale kwatanthauzo keno wophunzila wanu wakwanisha kufwika pamisonkhano pa ulwendo woyamba.—1Ak 14:24, 25.
LOLELANI VIDIYO YAKUTI MUZITHANDIZA AMENE MUKUPHUNZIRA NAWO BAIBULO KUTI AZIPEZEKA PAMISONKHANO, NDIPO PAVULI PAKE YANKHANI MAKONSHO AŴA:
Kansi Neeta wakatishila ntchito njila yotyani kuti aitile Jade kuti apezeke pamisonkhano ya mpingo?
Ndaŵa yanji tusangalala keno ophunzila Baibolo ŵasu afwika pamisonkhano?
“Mulungu alichendi pakati panu”
Kansi n’chinji chimuchitikila Jade pechifwika koyamba pamisonkhano?